Published:Updated:

ஏற்றம் தரும் ஏற்றுமதி தொழில்கள்!

லெதர் பொருட்கள் மற்றும் பாகங்கள்!செ.கார்த்திகேயன் படங்கள்: இரா.யோகேஷ்வரன், கு.பாலசந்தர்.

ஏற்றம் தரும் ஏற்றுமதி தொழில்கள்!

லெதர் பொருட்கள் மற்றும் பாகங்கள்!செ.கார்த்திகேயன் படங்கள்: இரா.யோகேஷ்வரன், கு.பாலசந்தர்.

Published:Updated:

தோல் பொருட்களுக்கு உலக அளவில் இருக்கும் வரவேற்பு அபாரமானது. லெதர் பொருட்கள் உற்பத்தி குறித்தும், ஏற்றுமதிக்கான வாய்ப்புகள் எப்படி இருக்கிறது என்பது பற்றியும் தெரிந்துகொள்ள சென்னையிலுள்ள லெதர் ஏற்றுமதி கவுன்சில் வட்டாரத்தில் பேசினோம். “இந்தியாவின் ஏற்றுமதியில் லெதர் காலணி களுக்கு அடுத்து அதிகமாக ஏற்றுமதி செய்யப் படுவது லெதர் பொருட்கள்தான். கடந்த 2012-13ம் ஆண்டு இந்தியாவிலிருந்து 1,180.83 மில்லியன் டாலர் மதிப்பிலும், 2013-14-ம் ஆண்டில் 1,351.50 மில்லியன் டாலர் அளவிலும் லெதர் பொருட்கள் ஏற்றுமதி செய்யப்பட்டன.

பொருட்கள் பலவிதம்!

இந்தியாவைப் பொறுத்தவரை, லெதர் சூட்கேஸ், எக்ஸிக்யூட்டிவ் கேஸ், பிரீஃப்கேஸ், டிராவல் பேக், ஹேண்ட்பேக், ஷாப்பிங் பேக், வாலட், பர்ஸ்கள், ஸ்மார்ட் போன் மற்றும் டேப்லெட் கவர்கள், பாஸ்போர்ட் ஹோல்டர், கிரெடிட் கார்டு ஹோல்டர், டைரி கவர்கள், லெதர் பெல்ட்டுகள், லெதர் தொப்பி மற்றும் லெதர் சோஃபா ஸீட் கவர், கார் ஸீட் கவர் போன்ற பல பொருட்கள் தோலினால் தயாரிக்கப்பட்டு, ஏற்றுமதி செய்யப்படு கின்றன.

இந்தியாவில், கொல்கத்தா, சென்னை, மும்பை, கான்பூர், பெங்களூரு மற்றும் புதுச்சேரி ஆகிய இடங்களில் அதிகமாக லெதர் பொருட்கள் மற்றும் பாகங்கள் தயாரிக்கும் தொழிற்சாலைகள் அமைந்துள்ளன. உலகத்திலேயே இந்தியா லெதர் பொருட்கள் மற்றும் பாகங்கள் ஏற்றுமதி செய்வதில் ஐந்தாவது இடத்தைப் பெற்றிருக்கிறது.

ஏற்றம் தரும் ஏற்றுமதி தொழில்கள்!

அதிகரிக்கும் இறக்குமதி!

கடந்த 2012-13-ம் ஆண்டில் இந்தியாவின் மத்திய மாநிலங்களிலிருந்து 19,090,312 லெதர் பொருட்களும், கிழக்கு மாநிலங்களிலிருந்து 62,903,605 லெதர் பொருட்களும், மேற்கு மாநிலங்களிலிருந்து 3,255,763 லெதர் பொருட்களும், வட மாநிலங்களி லிருந்து 31,890,547 லெதர் பொருட்களும், தென் மாநிலங்களிலிருந்து 25,419,740 லெதர் பொருட்களும் ஏற்றுமதி செய்யப்பட்டிருக்கின்றன.

லெதர் பொருட்கள் மற்றும் பாகங்களின் உலக நாடுகள் இறக்குமதியானது நாளுக்குநாள் அதிகரித்து வருகிறது. கடந்த 2012-13-ம் ஆண்டில் உலக நாடுகளின் லெதர் பொருட்கள் மற்றும் பாகங்களின் இறக்குமதி 24,266.41 மில்லியன் டாலராக இருந்தபோது, இந்தியாவின் லெதர் பொருட்கள் மற்றும் பாகங்களின் ஏற்றுமதி மதிப்பு 1,180.82 மில்லியன் டாலராக அதிகரித்துக் காணப்பட்டது. இது, இதற்கு முந்தைய ஆண்டில் 1,089.71 மில்லியன் டாலராக இருந்தது. இனிவரும் காலத்திலும் உலக நாடுகளிடமிருந்து கிடைக்கும் லெதர் பொருட்களின் ஏற்றுமதி ஆர்டர்கள் அதிகரிக்கும்” என்றார்கள்.

ஏற்றம் தரும் ஏற்றுமதி தொழில்கள்!

சூட்சுமங்களைத் தெரிந்துகொள்ளுங்கள்!

லெதர் பொருட்களைத் தயாரித்து ஏற்றுமதி செய்யும், ஐயப்பா என்டர்பிரைசஸ் நிறுவனத்தின் உரிமையாளர் விமலனிடம் பேசினோம். “லெதர் பொருட்களுக்கு வெளிநாடுகளில் அதிகமான தேவை காணப்படுகிறது. நாங்கள் 1983-ல் ஆரம்பிக்கும்போது, லெதர்களை வாங்கி அதை சீர்செய்து லெதர் பொருட்களுக்கான பாகங்களை மட்டுமே செய்துதந்தோம். அப்படி எங்களால் தயாரித்துத் தரப்படும் பாகங்கள் லெதர் பைகளாகவோ, லெதர் பர்ஸ்களாகவோ வேறொரு நிறுவனத்தாரால் முழுமை அடைந்து வெளிநாடுகளுக்கு ஏற்றுமதி செய்யப்படும். இப்படியே ஐந்து ஆண்டுகள் கடந்தபிறகு, தொழிலில் கிடைத்த அனுபவத்தினால் ஏற்றுமதி வாய்ப்புகளைப் பெற்று நாங்களாகவே ஏற்றுமதியை மேற்கொண்டோம்.

புதிதாக லெதர் பொருட்களைத் தயாரித்து, ஏற்றுமதி செய்ய நினைப்பவர்களுக்கு, நான் சொல்ல விரும்புவதெல்லாம், ஆரம்ப கட்டத்தில் ஏராளமான சறுக்கல்கள், சவால்கள், சிக்கல்கள் போன்றவற்றைச் சந்திக்கலாம். அதனால் முதலில் இந்தத் தொழிலில் இருக்கும் சூட்சுமங்களைத் தெரிந்துகொள்ளுங்கள். அதற்காக சில ஆண்டுகளைச் செலவிட்டால், தவறே கிடையாது.

ஏற்றம் தரும் ஏற்றுமதி தொழில்கள்!

லெதர் பொருட்களை உற்பத்தி செய்வதில் உள்ள நுணுக்கங்கள் என்னென்ன, எந்தெந்த நாடுகளுக்கு எந்தமாதிரியான லெதர் பொருட்கள் தேவைப்படுகின்றன, லெதரால் உற்பத்தியாகும் பொருட்களை எந்த நாட்டு மக்கள் அதிகம் விரும்புகிறார்கள் என்பது போன்ற பல விஷயங்களை இந்தத் தொழிலில் தெரிந்துகொள்ள வேண்டியிருக்கிறது. அதனால் இந்த விஷயங் களைக் கற்றுக்கொண்டபிறகு முழுமையாக களமிறங்குங்கள். இதைவிடுத்து, ஆர்வத்தைக் கொண்டு மட்டுமே தொழிலை ஆரம்பித்தால் ஜாண் ஏறினால் முழம் சறுக்கும் கதையாகிவிடும்” என்றவர், அவர் ஏற்றுமதி செய்யும் லெதர் பொருட்களைப் பற்றியும், ஏற்றுமதி நாடுகள் குறித்தும் விளக்கினார்.

ஏற்றம் தரும் ஏற்றுமதி தொழில்கள்!

‘‘பொதுவாக, அனைத்து லெதர் பொருட்களும் ஏற்றுமதியில் சிறந்து விளங்குகின்றன என்றாலும், மிக முக்கியமாக லெதர் பைகளுக்கு மவுசு அதிகமாக இருந்து வருகிறது. அதனால் லெதர் கீ-செயின்கள், பர்ஸ்கள், ஸ்மார்ட் போன், டேப்லெட் உறைகள் ஆகியவற்றைத் தயாரித் தாலும், நாங்கள் லெதர் பைகளுக்கு அதிக முக்கியத்துவம் தந்து ஏற்றுமதியை மேற்கொண்டு வருகிறோம். லெதர் ஹேண்ட்பேக்குகள், டிராவல் பேக்குகள், ஷாப்பிங் பேக்குகள் என பல வகை களில் லெதர் பைகள் தயாரிக்கப்படுகின்றன.

ஏற்றம் தரும் ஏற்றுமதி தொழில்கள்!

எங்கள் தனித்துவம்!

நாங்கள் உற்பத்தி செய்யும் பொருட்கள் மக்கள் மத்தியில் பிரபலமாவதற்குக் காரணம், நாங்கள் தயாரிக்கும் அனைத்து லெதர் பொருட்களும் கையால் பின்னப்பட்டு, அதன்பிறகு இறுதி வடிவம் பெறுகிறது. பின்னல் கொண்ட லெதர் பைகள், பின்னல் கொண்ட பர்ஸ்கள் மற்ற நிறுவனத்தாரால் தயாரிக்கப்படும் லெதர் பொருட்களைக் காட்டிலும் தனித்துக் காணப்படுவதாலும், தரமானதாக இருப்பதாலும் பெரும்பாலானவர்கள் இதையே விரும்புகிறார்கள். இதனால் ஆர்டர்களும் அதிகம் கிடைக்கிறது. எல்லோரும் தருகிற மாதிரி இல்லாமல் எங்கள்  தயாரிப்பில் வித்தியாசத்தைப் புகுத்தியதால்தான் இந்த வளர்ச்சியை என்னால் எட்ட முடிந்தது. இன்றைய நிலையில் எங்களது நிறுவனத்தில் இருந்து உற்பத்தியாகும் 100% லெதர் பொருட்களில் 70% ஏற்றுமதிக்கும், மீதி 30% உள்நாட்டு விற்பனைக்கும் பயன்படுத்தப் படுகிறது.

தரம்தான் நமது அடையாளம்!

லெதர் பைகளுக்கு ஸ்பெயின், பிரான்ஸ், இத்தாலி, ஜப்பான், ஆஸ்திரேலியா மற்றும் ஜெர்மனி நாடுகளில் ஏற்றுமதி வாய்ப்புகள் இருக்கின்றன. பின்னல் வகை லெதர் பைகளை ஜெர்மனி மக்கள் அதிகம் விரும்புகிறார்கள். இருப்பினும், தாய்லாந்து, கம்போடியா, வியட்நாம், பர்மா மற்றும் இலங்கை ஆகிய நாடுகளில் தயாரிக்கப்படும் லெதர் பைகளின் விலை மலிவாகக் கிடைப்பதால், அந்த நாடு களுக்கு ஏற்றுமதி வாய்ப்புகள் அதிகம் கிடைத்து வருகின்றன.

ஏற்றம் தரும் ஏற்றுமதி தொழில்கள்!

 தவிர, இங்கிருந்து அமெரிக்கா, ஐரோப்பா மற்றும் ஜப்பானுக்கு லெதர் பைகள் ஏற்றுமதியானால் வரி கிடையாது என்பதாலும் அங்கு ஏற்றுமதி வாய்ப்பு அதிகரித்து வருகிறது. ஆனாலும், தரத்தைப் பார்த்து வாங்குபவர்கள் இந்தியாவில்  உற்பத்தியாகும் லெதர் பைகளையே விரும்புகிறார்கள். நம் இந்திய அரசு லெதர் பொருட்களின் ஏற்றுமதிக்கு அதிகச் சலுகைகளை வழங்கினால், நம் நாட்டின் ஏற்றுமதி அதிகரிக்கும்” என்றார்.

ஏற்றுமதி ஆவணங்கள் ஐந்திலிருந்து மூன்றாகக் குறைப்பு!

ஏற்றுமதி வர்த்தகத்தை எளிதாக்குவதற்காக இந்திய வருவாய்த் துறை ஏற்றுமதி ஆவணங் களை ஐந்திலிருந்து மூன்றாகக் குறைக்க ஒப்புதல் தெரிவித்திருக்கிறது. இந்த நடைமுறை யானது வருகிற மார்ச் 31-ம் தேதிக்குள் அமலுக்கு வரும் என்று எதிர்பார்க்கப்படுகிறது. அமெரிக்கா, கனடா, ஜப்பான், சிங்கப்பூர் மற்றும் ஐரோப்பா ஆகிய நாடுகளுக்கு ஏற்றுமதி செய்யும்போது மூன்று ஆவணங்கள் மட்டும் போதுமானதாக இருக்கும்.

இந்த நடைமுறை தொடர்பாக ஏற்றுமதி சார்ந்த அனைத்து துறைக்கும், “உலக வங்கியின் வர்த்தகப் பட்டியலில் 142-வது இடத்தில் இருக்கும் இந்தியாவின் ரேங்க் உயர்வு மற்றும் ஏற்றுமதி வர்த்தகத்தை எளிமையாக்குதல் பொருட்டு நம் நாட்டில் இருந்து மற்றொரு நாட்டுக்குப் பொருட்களை ஏற்றுமதி செய்யும் போது அதற்கான ஆவணங்களின் எண்ணிக்கையைக் குறையுங்கள்” என இந்திய வருவாய்த் துறையால் அறிக்கை அனுப்பப் பட்டுள்ளது.

(ஏற்றம் பெறுவோம்)