Published:Updated:

நல்ல கம்பெனி Vs நல்ல முதலீடு...முதலீட்டாளர் எதிர்நோக்கும் சவால்!

இனி எல்லாம் லாபமே!- 21

நல்ல கம்பெனி Vs நல்ல முதலீடு...முதலீட்டாளர் எதிர்நோக்கும் சவால்!

இனி எல்லாம் லாபமே!- 21

Published:Updated:

ங்குச் சந்தை முதலீட்டில் புதிதாக உள்ளே வரும் முதலீட்டாளர்களுக்குப் புரியாத ஒரு விஷயம், நல்ல கம்பெனி எது, நல்ல முதலீடு எது என்பதைக் கண்டறிவதுதான்.

நல்ல முதலீட்டை நல்ல கம்பெனி என்று குழப்பிக் கொள்வதுதான் இவர்களில் பெரும்பாலானோர் செய்யும் முதல் தவறாகும். நல்ல விற்பனை, விற்பனை வளர்ச்சி, லாப வளர்ச்சி எனப் பல்வேறு ஃபண்டமென்டல் அளவீடுகளிலும் சிறந்த கம்பெனிகள் ஸ்டெடியாக இருக்கும். ஆனால், இந்த அளவீடுகள் எதிலும் பெரிய அளவில் இருக்காத கம்பெனிகள் விலை ஏற்றத்தில் தாறுமாறாக இருக்கும்.

நல்ல கம்பெனி Vs நல்ல முதலீடு...முதலீட்டாளர் எதிர்நோக்கும் சவால்!

ஒட்டுமொத்த விகடனுக்கும் ஒரே ஷார்ட்கட்!

புதிதாக வருகிற முதலீட்டாளர் களுக்கு இது பெரிய சவாலாக இருக்கும். எல்லாம் நன்றாக இருக்கும் கம்பெனியின் விலையேற்றம் என்பது கணிச மாக இருக்காது. அதே துறையில் சொல்லிக் கொள்ளும் அளவுக்கு இல்லாத ஒரு நிறுவனத்தின் விலை மேலேமேலே போய்க் கொண்டேயிருக்கும்.

நல்லதைத் தேர்ந்தெடுத்து முதலீடு செய்துவிட்டு, பெரிய லாபம் இல்லாமல் இருப்பார்கள். சுமாரான நிறுவனத்தில் முதலீடு செய்து அதிக லாபம் பெற்றவர் களை இவர்கள் விநோதமாகப் பார்ப்பார்கள். எதற்கும் ஒரு அதிர்ஷ்டம் வேண்டுமல்லவா என்று நினைப்பார்கள்.

அப்படியானால், நல்ல நிறுவனத்தின் பங்குகள் நல்ல முதலீடுகள் இல்லையா என்ற கேள்வியைக் கேட்டால், அதற்குண்டான பதில் எல்லாச் சமயத்திலும் நல்ல நிறுவனத்தின் பங்குகள் நல்ல முதலீடாக இருக்க முடியாது என்பதுதான். ஏற்கெனவே தொடர்ந்து சிறப்பான பெர்ஃபார்மென்ஸை காட்டிய ஸ்டாக்குகள் எல்லோருடைய கண்ணிலும் பட்டு அதற்குண்டான பிரீமியம் விலையை எட்டியிருக்கும்.

நல்ல கம்பெனி Vs நல்ல முதலீடு...முதலீட்டாளர் எதிர்நோக்கும் சவால்!

சந்தை என்பது மேலும் கீழும் போகும் குணம் கொண்ட ஒன்று. ஆக, குறைந்த விலையில் வாங்கியவர் விலை ஏறும்போது லாபம் போதும் என்று நினைத்து விற்க வருவார். அப்படி விற்க வரும்போது என்னவாகும்?

பல ஆண்டுகளாக நல்ல நிலையில் இருக்கும் பங்குகள் என்பதால் அதனை வாங்குவதற்கு நிறைய ஆட்கள் இருப்பதால் விலை இறங்காமலேயே பங்குகள் கைமாறும். இதனாலேயே அந்தப் பங்கின் விலை பெரிய அளவில் கீழே போகாமல் இருக்க வாய்ப்பு உள்ளது. நல்ல கம்பெனியாயிற்றே, விலை கீழே போகாமல் இருக்கத்தானே செய்யும் என்று அனைவரும் நினைத்து செயல்பட வாய்ப்பிருப்பதால் இது நிகழ்கிறது.

சந்தையைப் பொறுத்த வரை நல்லது, கெட்டது என்பது எதிர்காலத்தைப் பொறுத்தது; கடந்த காலத்தை வைத்து இல்லை என்பதை இதுபோன்ற சூழ்நிலைகளில் மனம் மறந்து போய்விடும்.

மூளையை உபயோகித்துச் சில கேள்விகளுக்கு நாம் பதில் சொல்ல முயலும்போதே இந்தக் குழப்பநிலை என்பது தெளிவாய் நமக்கு விளங்கும். நேற்றுவரை நல்ல கம்பெனியாக இருந்த ஒரு நிறுவனம் நாளைக்கு மோசமான நிலைமைக்குப் போக வாய்ப்பு உள்ளதா, இல்லையா என்று கேட்டால், என்ன சொல்வீர்கள்? இந்த இன்டர்நெட் யுகத்தில் திடீரெனப் பல பிசினஸ் மாடல்கள் அழிந்துபோவதற்கு வாய்ப்பு அதிகம் என்பதை ஒப்புக்கொள்வீர்கள்தானே!

இதேபோல, நேற்றுவரை சுமாராக இருந்த கம்பெனி எதிர்காலத்தில் நல்ல நிலைக்கு வரவாய்ப்பிருக்கிறதல்லவா? இந்த கேள்விக்கான பதில் நிச்சயமாக என்பதுதானே! சில கம்பெனிகள் திடீரென வியா பாரம் சூடு பிடித்து, அடுத்த சில ஆண்டுகளில் கொள்ளை லாபம் தந்திருக்கிறதே என்பீர்கள்.

இந்த பதில்களில் இருந்து தெரிவது என்ன? இன்றுவரை சூப்பராக இருக்கும் கம்பெனி நாளை சுமாராகப் போகவும், இன்றுவரை சுமாராக இருக்கும் கம்பெனி நாளை சூப்பராகப் போகவும் வாய்ப்புள்ளது என்பதுதான். பலரும் விலை நிர்ணயம் செய்து வியாபாரம் செய்யும் சந்தையில் இன்றைய சூப்பர் கம்பெனிகள் கண்டறியப்பட்டு அவற்றின் சம்பாத்தியத்துக்கு ஏற்ற முழுவிலையும் கொடுக்கப்படுகிற மாதிரி செயல்படும் என்பதில் சந்தேகம் ஏதுமில்லை. ஆனால், அதே சமயம் சுமார் ரக கம்பெனிகள் கண்டுகொள்ளப்படாமல் இருக்கும் என்பதிலும் சந்தேகம் ஏதுமில்லை இல்லையா?

பொதுவாக, முதலீட்டாளர் களின் மனது என்ன சொல்லும் என்றால், பழைய செயல்பாடு களைக் கணக்கில் எடுத்துப் பார்த்து இன்றுவரை/ இன்றைய நல்லதே என்றைக்கும் நல்லது என்பதைத்தான். இந்த வகை அணுகுமுறையில் ஓரளவுக்குக் குறைபாடும் இருக்கிறது என்பதை மனம் உணராதுபோகவும் அதிக வாய்ப்புள்ளது. இதை உணர்ந்து கொண்டு செயல்பட்டால் முதலீட்டில் லாபம் பார்க்க முடியும் என்று ஒப்புக் கொள்வீர்கள்தானே!

அடுத்தப்படியாக, முதலீட்டில் முக்கியத்துவம் பெறுவது பரிச்சயம். பரிச்சயமான விஷயங்களுக்கும், பரிட்சயம் இல்லாத விஷயங்களுக்கும் நடுவே நம்மைத் தேர்ந்தெடுக்கச் சொன்னால், நாம் பரிட்சயமான விஷயத்தையே தேர்ந்தெடுப்போம் என்பது உளவியல்ரீதியான ஆய்வுகள் உறுதிப்படுத்தும் ஒரு விஷயம். பங்குச் சந்தையில் முதலீடே செய்யாதவர்கூட ‘எம்ப்ளாயி ஸ்டாக் ஆப்ஷன்’ என்று வேலை பார்க்கும் நிறுவனம் பங்குகள் தந்தால், உடனடியாக வாங்க முற்படுவார். ஏனென்றால், நான் வேலை பார்க்கும் நிறுவனமாயிற்றே! எனக்கு நிலைமை முழுவதும் தெரியுமே என்ற எண்ணத்தில் தான்.

நல்ல கம்பெனி Vs நல்ல முதலீடு...முதலீட்டாளர் எதிர்நோக்கும் சவால்!

தெரிந்ததுக்கும் தெரியாத      துக்கும் நடுவே செலக்‌ஷன் எனும்போது தெரிந்ததே பெரும்பாலும் முன்னிலை வகிக்கிறது. இதில் ஒரு முக்கிய விஷயம் என்னவென்றால், சில சமயம் தெரியாதது சிறந்ததாக இருக்க வாய்ப்பு இருக்கும் போதும்கூட எதற்கு ரிஸ்க் என்று மனம் சொல்லி, கொஞ்சம் சிறப்புக் குறைவான தெரிந்ததையே நாம் தேர்வு செய்ய முயல்வோம். தெரிந்ததில் முதலீடு செய்வது என்று மட்டுமில்லை, அதிகபட்ச முதலீடுகள் அதில் செய்யப்படு கிறது என்பதுதான் முதலீட்டில் வெற்றிக்குத் தடை போடும் விஷயமாக இருக்கிறது.

உள்ளூரில் தொழில் தொடங்க வாய்ப்பும், வெளியூரில் தொழில் தொடங்க வாய்ப்பும் இருக்கிறது என்றால் எதில் முதலீடு செய்வீர்கள் என உங்களைச் சுற்றியிருப்பவர்களைக் கேட்டுப் பாருங்கள். பெரும்பாலானோர் கள், உள்ளூரில் என்றே பதில் சொல்லக் கேட்பீர்கள்.

உள்ளூரில் இருப்பதால், இதில் அடுத்தக் கேள்வி ஒன்றும் இருக்கிறது. நம்நாட்டுச் சந்தையில் உள்ள பங்குகளில் முதலீடு அல்லது வெளிநாட்டுச் சந்தையில் உள்ள பங்குகளில் முதலீடு என்ற கேள்வியைக் கேட்டால், அமெரிக்கா போன்ற வளர்ந்த நாடுகளில்கூட உள்நாட்டு முதலீடு என்றே தனிநபர் முதலீட்டாளர்கள் பெரும்பாலும் பதிலளிப்பதாக ஆய்வுகள் சொல்கிறது.

போர்ட்ஃபோலியோவை டைவர்சிஃபைடாக வைக்க வேண்டும் என்றால் பல்வேறு நாடுகளில் உள்ள பங்குகளில் முதலீடு செய்வது நல்லது என்ற சித்தாந்தம் தெரிந்தபின்னரும் கூடப் பலரும் அதையே சொல்கின்றனர். அதனாலேயே சாமானியர்கள் வெளிநாட்டுப் பங்குகளில் முதலீடு செய்யத் தயங்கியும், முதலீட்டு அட்வைஸ் மற்றும் மேலாண்மையைத் தொழிலாகச் செய்யும் நிறுவனங்கள் வெளிநாடுகளில் உள்ள சந்தையில் உள்ள பங்குகள் பலவற்றிலும் முதலீடுகளைச் செய்தும்வருகின்றன.

அட, இதெல்லாம் உண்மை இல்லை. எனக்குத் தெரிந்து அயல்நாடுகளில் முதலீடு செய்தவர்கள் இருக்கிறார்கள் என்று சிலர் சொல்லலாம். அப்படி முதலீடு செய்தவர்களின் முதலீட்டையும் ஆராய்ந்து பார்த்தால், அவர்களுடைய முதலீட்டில் சிறிய பகுதியே அந்த நாட்டில் இருக்கும். அதேசமயம் அந்த நாட்டிலிருக்கும் உலக அளவில் பரிச்சயமான பெரிய நிறுவனங்களிலேயே முதலீடு செய்துள்ளனர் என்கின்றனர் ஆய்வாளர்கள்.

தகவல்களை மூளை பிராசஸ் செய்யும்போது, நன்கு பரிட்சய மான இடத்தில் இருந்து வரும் தகவல்களையே முழுமையாக நம்பும் வண்ணம் மனதினால் பழக்கப்படுத்தப் பட்டுள்ளது. வந்த செய்தி சரியா, தவறா என்பதை ஊர்ஜிதம் செய்ய, செய்தி சொன்னவரின் நம்பகத்தன்மையை நாம் மனதில் கொண்டு செயல்படுவதைப் போன்ற நிலை இது. நன்கு பழக்கமானவர் நம்மை ஏமாற்ற மாட்டார். சரியாகச் சொல்வார் என்பதைப் போன்ற நிலைமையே தான் முதலீட்டிலும்.

என்னதான் டைவர்சிஃபைடு போர்ட்ஃபோலியோ வேண்டும் என்ற விஞ்ஞான ரீதியான உண்மைகள் மூளைக்கு அழுத்தம் தந்தாலும், பெரும் பணத்தைப் பரிட்சயமான உள்நாட்டு கம்பெனிகளிலும், ஒரு குறைந்த முதலீட்டை பரிட்சயமில்லாத வெளிநாட்டு கம்பெனிகளிலும் முதலீடு செய்கின்றனர் தனிமனித முதலீட்டாளர்கள்.

(லாபம் தொடரும்)

டாக்டர் எஸ்.கார்த்திகேயன்