Published:Updated:

இனி எல்லாம் லாபமே - 22

இனி எல்லாம் லாபமே - 22

இனி எல்லாம் லாபமே - 22

இனி எல்லாம் லாபமே - 22

Published:Updated:

பூவா தலையா?

முதலீட்டில் வெற்றி குறித்தும், அதில் மனித மனதின் பங்கு குறித்தும் விரிவாகப் பார்த்துவருகிறோம். தொழில் முதலீடோ பங்கு முதலீடோ ஆசையும் பயமும் அதன் வெற்றியை நிர்ணயம் செய்வதில் பெரும்பங்கு வகிக்கிறது என்பதை நீங்கள் உணர்ந்திருப்பீர்கள். விற்பனை, லாபத்துக்கான வாய்ப்பு, நஷ்டத்துக்கான வாய்ப்பு போன்ற கணக்குகளை எல்லாம் தாண்டியதாக மனதின் பங்கு இருக்கிறது என்பதையும் புரிந்துகொண்டிருப்பீர்கள்.

தகவல் தொழில்நுட்பம் அதிவேக வளர்ச்சி கண்டுள்ள இந்த காலகட்டத்தில் முதலீட்டில் வெற்றி என்பது மிக சுலபமாக அடையக்கூடிய ஒன்று என்பதைப் போன்ற தோற்றத்தை தரும் வகையில் பல தகவல்கள் நம் கண்ணில் படுகிறது. உண்மையில் இது சரியா என்ற கேள்வியை கேட்டுப் பாருங்கள்.

ஒட்டுமொத்த விகடனுக்கும் ஒரே ஷார்ட்கட்!

இனி எல்லாம் லாபமே - 22

முதலீட்டில் வெற்றி என்பது நீங்கள் நினைக்கும் அளவுக்கு சுலபமில்லை. அப்படியென்றால் முதலீட்டில் வெற்றி பெறுவது என்பது மிகக் கடினமான விஷயமா என்று உடனடியாகக் கேட்பீர்கள். சொல்லப்போனால், அது நீங்கள் நினைக்கும் அளவுக்கு கடினமும் இல்லை.
என்ன இது குழப்பமான பதிலாக இருக்கிறதே என்பீர்கள். முதலீட்டில் வெற்றி என்பது அதற்குத் தேவையான முயற்சிகளை எடுக்கும்போது மட்டுமே கிடைக்கிறது. அதேபோல் எல்லா முதலீடுகளும் எல்லா காலகட்டத்திலும் ஒரே மாதிரியான லாபத்தைத் தருவதாகவும் இருக்காது. இதனாலேயே டைவர்சிஃபைடு போர்ட்ஃபோலியோக்கள் முதலீட்டாளர்களுக்கு அவசியமா கிறது என்பதை நாம் உணர்ந்துகொண்டு செயல்பட வேண்டும்.

முதலீடு பற்றிய புரிதல்களை நாம் செய்ய முயலும்போது சிலசமயம் நமக்கு தகவல்கள் கிடைக்காமல் போகலாம். உதாரணத்துக்கு, ஒரு நிறுவனத்தின் எதிர்கால வருமானம் குறித்து அனுமானங்கள் செய்ய வேண்டியிருக்கும்போது முதலீட்டாளர்களுக்கும் நிறையவே தகவல் பற்றாக்குறை யும் இருக்கும். தகவல்களைக் கொண்டு கணக்கீடு செய்யும் முறைகள் (ரெவின்யூ மாடல்கள்) போன்றவற்றைப் புரிந்து கொள்வது கடினமாக இருக்கும். அதற்கு உண்டான வசதிகள் இருக்காது. இந்தச் சூழலில் முதலீட்டாளர்கள் சாதாரணமாக செய்யும் ஒரு விஷயம், மற்ற முதலீட்டாளர்கள் என்ன நினைக்கிறார்கள் என்பதை தெரிந்துகொள்ள முற்படுவதேயாகும்.

இனி எல்லாம் லாபமே - 22

இப்படி தெரிந்துகொள்ள முற்படுவதுதான் சந்தையில் மந்தை குணம் ஆரம்பிக்கும் இடமாகும். ஒருவர் மற்றொரு வரிடம் விசாரிக்க ஆரம்பித்து, அந்த விசாரணை நெட்வொர்க் விரிவடைந்து பெரியதாகி, பலரும் ஒரு நிறுவனம் அல்லது சந்தையின் போக்கு குறித்து தங்களுடைய கருத்துகளை பகிர ஆரம்பித்து பல நெட்வொர்க்குகளிலும் இதுபோன்ற கருத்துக்கள் பகிரப்பட்டு உருவாவதுதான் சந்தையில் மந்தை குணம்.

இதுபோன்ற கருத்துப் பரிமாற்றங்கள் நடைபெற்று சந்தை மேலே போகும் என்ற கருத்து ஒரு மனதாக இருக்கும் போது, அந்த கருத்துதனைக் கொண்ட பலரும் சந்தையில் முதலீடு செய்ய ஆரம்பிக்கின்றனர். அதனாலேயே சந்தையில் ஏற்றம் வர ஆரம்பிக்கிறது. இதுபோன்ற கருத்துப் பரிமாற்றங்கள் வேகமெடுக்கும்போது மந்தை குணம் சுலபத்தில் உருவாகி விடுவதற்கு வாய்ப்பு இருக்கிறது.

உதாரணமாக, சந்தை மேலே போகும் என்ற எண்ணம் பரவலாக அனைவரிடமும் இருக்கிறது என்று வைத்துக் கொள்வோம். இந்த எண்ணம் நிறைய முதலீட்டாளர்கள் மத்தியில் உருவாகிவரும் வேளையில் பலரும் முதலீட்டில் தாங்கள் பின்தங்கிவிடக்கூடாது என்ற எண்ணதில் முதலீட்டை செய்ய ஆரம்பித்திருப்பார்கள். அதனால் சந்தையும் தன்னுடைய மேல்நோக்கிய பயணத்தை ஆரம்பித்திருக்கும். இந்த மேல்நோக்கிய பயணம் ஆரம்பித்ததினால், முதலீட்டா ளர்கள் மத்தியில் நம்பிக்கை அதிகம் பிறக்கும்.

இதேபோன்ற நிலைமைதான் சந்தை இறங்கும் என்ற எண்ணம் பரவலாக இருக்கும்போது, இறங்கும் என்ற எண்ணம் தோன்றி பரவ ஆரம்பித்தவுடன் முதலீட்டாளர்கள் சிலர் லாபத்தை புக் செய்து வெளிவர நினைத்து விற்க ஆரம்பிப்பார்கள். அந்த விற்பனையினால் வரும் இறக்கமே இன்னமும் சந்தை இறங்கும் என்ற எண்ணத்தை அதிகரிக்கச் செய்து, மேலும் இறக்கத்தை கொண்டுவருவதாய் அமையும்.

எந்த இடத்தில் நாம் இந்த விஷயத்தை ஆரம்பித்தோம் என்று பாருங்கள். முதலீடு குறித்து அறிவுசார் விஷயங்களை செய்ய ஆரம்பிக்கும்போது தெளிவில்லாத சில விஷயங்களை எதிர்கொண்டோம். அந்தக் கணக்கு ரீதியாக தெளிவில்லாத சூழ்நிலையில் நாம் அடுத்தவர்கள் என்ன நினைக்கிறார்கள் என்பதைத் தெரிந்துகொள்ள முற்படுகிறோம். அப்படி தெரிந்துகொள்ள முற்படும்போது அடுத்தவர்களுடைய கருத்து என்பது நம்முடைய மனதுக்கு சரியாகப்பட ஆரம்பிக்கும்போது நாம் ஏற்கெனவே போட்டுவைத்த கணக்குகள் கொஞ்சம் கொஞ்ச மாக நமக்கு மறக்க ஆரம்பிக்கிறது. நம்மைச் சுற்றியிருப்பவர்கள் எத்தனைபேர் ஒரு கருத்தை நம்புகிறார்கள் என்பதைப் பொறுத்து நம்முடைய கணக்குகள் எவ்வளவு வேகத்தில் மறக்கப்படுகிறது என்பது இருக்கும்.

கணக்குகள் மறைந்து கருத்துக்கள் மட்டுமே மறக்க ஆரம்பிப்போம். மூளையின் கேள்விகள் மறக்கப்படும்போது, மந்தையுடன் போவதைத் தவிர வேறு வழியில்லாததைப் போன்ற தோற்றம் நமக்குத் தெரியும். ஏனென்றால், நம்மைச் சுற்றி இருப்பவர்கள் ஏற்கெனவே முதலீடு செய்ய ஆரம்பித்திருப் பார்கள். விலை ஏற்றம் நடந்து லாபமும் பார்க்க ஆரம்பித்திருப்பார்கள்.

இந்தச் சூழலில்தான் கணக்குகள் முழுவதுமாக மறைந்து எமோஷன்களின் கையில் நம்முடைய முதலீட்டு முடிவுகள் சென்று சேர்ந்துவிடு கிறது. அடுத்தவரின் லாபங்கள் அதிகமாகும்போது நம்முடைய கணக்கு ரீதியான முடிவெடுக்கும் குணம் தடம் புரண்டுவிடுகிறது.
இதன் அடுத்த கட்டமாகத்தான் நீண்டதொரு புல் மார்க்கெட்டில் முதலீட்டாளர்களில் சிலர் டிரேடர்களாக மாறிவிடும் விந்தையும் நடக்கிறது. வேகம் லாபம் தரும் என்ற நம்பிக்கையை நீண்ட நாள் நடக்கும் புல் மார்க்கெட் இவர்களுக்கு தந்து விடுவதனால் உருவாகும் நிலைதான் முதலீட்டாளர்கள் டிரேடராகும் நிலை.

இனி எல்லாம் லாபமே - 22

இந்த நிலையின் உச்சம்தான் சந்தை நீர்க்குமிழி (Bubble) நிலையை அடையவும் காரணமாக இருக்கிறது எனலாம். ஆண்டுகள் பல கடந்தாலுமே ஒவ்வொரு காலகட்டத்திலும் இதுபோன்ற நீர்க்குமிழி நிலை வந்துபோவது என்பது கணக்குகள் போடும் நிலை தடுமாறி எமோஷனல் நிலையை முதலீட்டாளர்கள் ஒவ்வொரு காலகட்டத்திலும் எட்டுவதையே காட்டுகிறது. 

எமோஷனல் நிலைமைக்கு முதலீட்டாளர்கள் செல்லும் போது அதீத நம்பிக்கை  அதிகமாகிறது. ஏற்கெனவே சொன்னதைப்போல் முதலீடு செய்வது என்பது சற்று கடினமான காரியம்தான். ஏனென்றால், தகவல்களை திரட்டி, அதனை ஆராய்ந்து, அனுமானங்களைச் செய்தே முடிவெடுக்க வேண்டியுள்ளது.

அதீத நம்பிக்கை எங்கே இடைஞ்சலைத் தருகிறது என்றால் நம்முடைய ஆராயும் மற்றும் அனுமானம் செய்யும் திறனை மிகைப்படுத்தி காண்பிப்பதில்தான். இந்த இரண்டு திறனையும் மிகைப்படுத்திக் காண்பிப்பதன் மூலம் நமக்கு நம்முடைய கணிப்புத்திறன் குறித்த எண்ணம் அதிகமாகிவிடுகிறது. அதனை முழுமையாக நம்பி அதிவேக முதலீட்டுத் திட்டங்களைத் தீட்ட ஆரம்பிக்கிறோம். எதிர்காலத்தில் நிகழ்பவற்றை நம்மால் கன்ட்ரோல் செய்ய முடியும் என்ற எண்ணமும் இதில் சேர்ந்துகொண்டு செயல்படுகிறது.

இந்த எண்ணம் பரவலாக மனிதர்களிடத்தில் இருப்பதை ஆராய்ச்சிகள் நிரூபித்துள்ளன. காசைச் சுண்டி பூவா, தலையா போடுகிறேன். என்ன விழும் என்று சொல்லுங்கள் என்று பந்தயம் கட்டச் சொன்னால் பலரும் தயாராக இருப்பார்கள். அதேசமயம், ஏற்கெனவே பூவா, தலையா போட்டு அதன் முடிவை ஒரு கவரில் எழுதி சீலிட்டு வைத்திருக்கிறேன். எது விழுந்துள்ளது என்று பந்தயம் கட்டுங்கள் என்றால் பலரும் கட்டமாட்டார்கள் என்கின்றன ஆய்வுகள். அப்படியே கட்டினா லும் அது முந்தைய உதாரணத்தில் கட்டிய தொகையைவிட குறை வாகவே இருக்கும் என்று கண்டறிந்துள்ளனர். ஏனெனில்,  மனிதர்களுக்கு எதிர்காலத்தில் நிகழப்போவதை ஒருவகை ஈடுபாட்டுடன் கணிக்கும் திறன் இருக்கிறது என்ற எண்ணம் மனதில் குடிகொண்டுள்ளது.

அதேசமயம், நடந்து முடிந்த விஷயத்தைப் பற்றி நமது கணிப்பு என்பது சரியாய் இருக்காது (ஏனென்றால் அது நடக்கும்போது நமக்கு அதில் ஈடுபாடு இல்லையே!) என்ற எண்ணம் மனிதரிடத்தில் இருக்கிறது. இதனாலேயே, எதிர்கால செயல்பாடுகள் குறித்த சரியான தகவல்கள் ஏதும் இல்லாமலேயே ஒரு நிறுவனத்தின் செயல்பாடு நன்றாக இருக்கும் என்று ஆழமாக நம்பிவிடுகிறார்கள் முதலீட்டாளர்கள்.

என்னவொரு விந்தையான சூழல் பார்த்தீர்களா?

(லாபம் தொடரும்)

அபாய அளவில் வாராக் கடன்!

கடந்த மார்ச் மாதம் முடிவின்படி வங்கிகளுக்கான வாராக் கடன் 10.9 சதவிகிதத்தை எட்டியிருக்கிறது. இது கடந்த ஆண்டு மார்ச் மாதத்தில் இது 10 சதவிகிதமாக இருந்தது. அதாவது, கடந்த ஆண்டு மார்ச் மாத முடிவில் வாராக் கடன் என்பது 5.91 லட்சம் கோடி ரூபாயாக இருந்தது. அதுவே தற்போது 7.05 லட்சம் கோடி ரூபாயாக உயர்ந்துள்ளது. இன்னும் சில ஆண்டுகளில் வாராக் கடன் 10 லட்சம் கோடி ரூபாயைத் தாண்டிவிடுமோ!

டாக்டர் எஸ்.கார்த்திகேயன்