Published:Updated:

பங்கு முதலீடு: ஃபண்டமென்டல் அனாலிசிஸ்!

முதலீட்டின் மூன்று முக்கிய மந்திரங்கள்!பிரவீன் ரெட்டி,முதன்மை ஆலோசகர், induswealth

பிரீமியம் ஸ்டோரி

ங்குச் சந்தையில் முதலீடு செய்வதன் மூலம் நீண்டகால நோக்கில் பணவீக்கத்தைத் தாண்டிய வருமானத்தைப் பெற முடியும் என்பதை அனைவரும் அறிந்திருப்பீர்கள். ஆனால், எந்த நிறுவனத்தின் பங்குகளை வாங்குவது என்பதே பலருக்கும் இருக்கும் கேள்வியாகும். ஒரு நிறுவனம் சிறப்பாக செயல்படு கிறதா, எதிர்காலத்திலும் சிறப்பாகச் செயல்பட்டு நல்ல வருமானத்தை அளிக்குமா என்பதைத் தெரிந்துகொண்டு பங்கு முதலீட்டில் இறங்கும்போது நம் முடிவுகள் தவறாக செல்ல வாய்ப்பில்லை. இதை எவ்வாறு செய்வது என்பதை எல்லோரும் அறியச் செய்வதே இந்தத் தொடரின் நோக்கம்.

பங்கு முதலீட்டில் லாபம் பார்க்க நாம் கவனிக்க வேண்டிய முக்கிய விஷயமாக அடிப்படை பகுப்பாய்வு (Fundamental Analysis) அல்லது மதிப்பு அடிப்படையிலான முதலீடு (Value investing) இருக்கிறது. இதன் அடிப்படையில் பங்கு மதிப்பீட்டை மேற்கொள்வ தற்குமுன்,  முதலீட்டின் முக்கிய மூன்று மந்திரங்கள் குறித்து நாம் பார்க்கலாம்.

பங்கு முதலீடு: ஃபண்டமென்டல் அனாலிசிஸ்!

இந்த மூன்று மந்திரங்களாக Philosophy (தத்துவம்), Process (செயல்முறை), People (முதலீட்டாளர்) ஆகிய 3P-கள் இருக்கின்றன.

தத்துவம் (Philosophy)!

முதலீட்டுத் தத்துவம் என்பது ஒருவரின் முதலீட்டு அணுகுமுறையை முடுக்கிவிடும் நம்பிக்கைகளை பொறுத்து இருக்கும். உதாரணத்துக்கு, மதிப்பு அடிப்படையில் முதலீட்டினை அமைத்துக் கொள்ளும் முதலீட்டாளர்கள் (Value Investors), பங்கு மீதான மதிப்பீடுகள் நியாயமானதாக இருந்தால்தான் முதலீடு செய்வார்கள்.

அதேநேரத்தில், எதிர்மறை முதலீட்டாளர்கள் (Contrarian Investors), பெருவாரியான முதலீட்டாளர்கள் மேற்கொள் ளும் முதலீட்டுக்கு எதிர்மறையான முதலீட்டை மேற்கொள்வார்கள்.

தொழில்நுட்ப முதலீட்டாளர் கள் (Technical Investors), சார்ட்டுகளின் அடிப்படையில் முதலீடு செய்வார்கள்.

பிளாக் ஸ்வான் முதலீட்டாளர் கள் (Black Swan Investors), அரிய நிகழ்வுகளின் அடிப்படையில் முதலீட்டை மேற்கொண்டுவிட்டு, அது நடக்கும்போது அதிகப் பலன் கிடைக்க வேண்டும் என்று எதிர்பார்ப்பார்கள்.

இந்த அனைத்து முதலீட்டுத் தத்துவங்களிலும் கண்ணுக்குத் தெரியாத குழிகள் உண்டு. முதலீட்டில் வெற்றி பெறுவதற்கு இவற்றைப் பற்றி முழுமையாகப் புரிந்துகொள்வது அவசியம்.

 முதலிட்டுத் தத்துவத்தில் உள்ள முக்கிய நம்பிக்கைகளையும், சவாலாக இருக்கும் புதைகுழி களையும் எதிர்பக்கத்தில் உள்ள அட்டவணை மூலம் நன்கு புரிந்துகொள்ளலாம்.

பங்கு முதலீடு: ஃபண்டமென்டல் அனாலிசிஸ்!

செயல்முறை (Process):

முதலீட்டுத் தத்துவத்தை நடைமுறைப்படுத்துவதற்கான கட்டமைப்பை உருவாக்குவது செயல்முறை. இந்தச் செயல்முறை என்பது வாய்ப்புகளை அடையாளம் காண்பதற்கான முறைகள், நடப்பு முதலீடுகளைப் பரிசீலனை செய்ய மற்றும் மறுபரிசீலனை செய்வதற்கான கருவிகளை உள்ளடக்கியதாக இருக்கிறது. இது வெற்றிகரமான முதலீட்டுக்கான முக்கிய அம்சமாக இருக்கிறது.

செயல்முறை நன்றாக இருந்தால்தான் அனைத்து முதலீட்டுத் தத்துவங்களும் சிறப்பாகச் செயல்படும்.

செயல்முறை சரியில்லை என்றால் சிறந்த முதலீட்டு தத்துவங்கள்   கூடத் தோல்வியைத் தழுவும். செயல்முறைகள், உயிரோட்டமுள்ளவையாக இருப்பது அவசியம்.

மேலும், அனைத்து முதலீட்டுத் தத்துவங்களும் ஒருபோதும் முழுமை பெற்றதாக இருப்ப தில்லை. எனவே, இந்தச் செயல் முறையானது அவற்றின் குறைகளைக் கண்டறிந்து நீக்க வேண்டும். இந்தச் செயல்முறை கள், அவற்றின் கருத்தின் அடிப்படையில் தொடர்ந்து மறுமதிப்பீடு செய்யப்பட வேண்டும்.

பங்கு முதலீடு: ஃபண்டமென்டல் அனாலிசிஸ்!

முதலீட்டாளர் (People)

வாழ்க்கையின் இதர விஷயங்களைப்போல், முதலீடும் வெற்றி பெற சரியானவர்கள்  தேவை. முதலீட்டுத் தத்துவத்தைப் புரிந்துகொள்ள, செயல் முறையைத் தொடர்ந்து பின்பற்ற, அவ்வப்போது செயல்முறை களை மேம்படுத்திக்கொள்வது முதலீட்டாளர்களின் பொறுப்பாக இருக்கிறது.

முதலீட்டாளர்கள் பற்றிப் பேசும்போது, அறிவாற்றாலை விடத் தனிநபர்களின் ஒழுங்கு முறைக்கே அதிக முக்கியத்துவம் தரப்படுகிறது. மிகச் சில அறிவாளிகளே மிகச் சிறந்த முதலீட்டாளர்களாக இருக்கிறார் கள். அதேநேரத்தில், முதலீட்டை ஓர் ஒழுங்குமுறையுடன் அணுகுபவர் சிறந்த முதலீட்டாளராக இருக்கிறார்.

பங்கு முதலீடு: ஃபண்டமென்டல் அனாலிசிஸ்!

சுருக்கமாகச் சொன்னால், முதலீட்டுத் தத்துவம், முதலீட்டு உத்தியைச் செயல்படுத்துவதாக இருக்கிறது. செயல்முறை, முதலீட்டு உத்தியைச் செயல்படுத் தும் கட்டமைப்பை அளிப்பதாக இருக்கிறது. முதலீட்டாளர்கள், முதலீட்டு உத்தியை புரிந்து கொள்பவர்களாக, அதனை ஓர் ஒழுங்குமுறையில் நடைமுறைப்படுத்துபவர்களாக இருக்க வேண்டி உள்ளது. இந்த 3 P-க்களும் முதலீட்டு வெற்றிக்கு அடிப்படையாக அமைகிறது.

(அலசுவோம்)

தொகுப்பு: சி.சரவணன்,

படம்: ப.சரவணகுமார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு