Published:Updated:

ஃபண்ட் பரிந்துரை: ஹெச்டிஎஃப்சி ஈக்விட்டி ஃபண்ட்: ஏற்கெனவே உள்ள முதலீட்டைத் தொடரலாம்!

சொக்கலிங்கம் பழனியப்பன், டைரக்டர், ப்ரகலா வெல்த் மேனேஜ்மென்ட் பி.லிட்

பிரீமியம் ஸ்டோரி

ந்தியாவிலேயே மிக அதிகமான தொகையை ஒரு ஃபண்ட் நிர்வாகம் செய்கிறது என்றால், அது ஹெச்டிஎஃப்சி ஈக்விட்டி ஃபண்ட்தான். இந்தத் திட்டம் ரூ.18,000 கோடிக்கும் மேலான சொத்துக்களை நிர்வகித்து வருகிறது.

ஃபண்ட் பரிந்துரை: ஹெச்டிஎஃப்சி ஈக்விட்டி ஃபண்ட்: ஏற்கெனவே உள்ள முதலீட்டைத் தொடரலாம்!

 இதன் ஃபண்ட் மேனேஜர், இந்திய மியூச்சுவல் ஃபண்ட் உலகில் மிகவும் பரிச்சயமான பிரஷாந்த் ஜெயின். இவர், இந்த ஃபண்ட் தவிர, ஹெச்டிஎஃப்சி டாப் 200, ஹெச்டிஎஃப்சி புரூடென்ஸ், ஹெச்டிஎஃப்சி இன்ஃப்ரா மற்றும் ஹெச்டிஎஃப்சி எம்ஐபி போன்ற ஃபண்டுகளையும் நிர்வகித்து வருகிறார். இந்த 5 ஃபண்டுகளையும் சேர்த்தால், இவர் நிர்வகிக்கும் தொகை ரூ.45,000 கோடிக்கும் மேல்.

இந்த ஃபண்ட் ஆரம்பித்த போது (ஜனவரி 01, 1995) ஒருவர் செய்த முதலீடான ரூ.1 லட்சம், தற்போது (ஜூலை 20, 2015) ரூ.48,12,620-ஆக உள்ளது. இது கூட்டுவட்டி அடிப்படையில் 20.73% ஆண்டு வருமானமாகும்.

ஃபண்ட் பரிந்துரை: ஹெச்டிஎஃப்சி ஈக்விட்டி ஃபண்ட்: ஏற்கெனவே உள்ள முதலீட்டைத் தொடரலாம்!

இந்த ஃபண்ட் ஒரு லார்ஜ் + மிட் கேப் திட்டமாகும். 77 சதவிகிதத்தை லார்ஜ் கேப் பங்கு களிலும், எஞ்சியதை மிட் அண்ட் ஸ்மால் கேப் பங்குகளிலும் முதலீடு செய்துள்ளது. இதன் டாப் ஹோல்டிங்ஸாக எஸ்பிஐ, ஐசிஐசிஐ பேங்க், எல் அண்ட் டி, இன்போஃசிஸ் மற்றும் மாருதி சுஸூகி உள்ளன.

கடந்த சில ஆண்டுகளில் இந்த ஃபண்டின் சற்று தளர்ச்சியான செயல்பாட்டுக்குக் காரணம், எஸ்பிஐ பங்குகளில் உள்ள இதன் முதலீடாகும். ஃபண்ட் மேனேஜர் இந்தப் பங்கின் மேல் வைத்துள்ள நம்பிக்கையின் காரணமாக, இன்றளவிலும் இந்தப் பங்கு டாப் ஹோல்டிங்ஸாக உள்ளது.

ஃபைனான்ஸ் இதன் டாப் துறை சார்ந்த முதலீடாக உள்ளது. இந்த ஃபண்ட் ஆட்டோ மொபைல் மற்றும் இன்ஜினீயரிங் துறை களில் ஓவர்வெயிட்டாகவும், எனர்ஜி மற்றும் டெக்னாலஜி துறைகளில் அண்டர் வெயிட் டாகவும் உள்ளது.

இந்த ஃபண்டின் பீட்டா 1.23 என்ற அளவில் உள்ளது. இது, சந்தை உயரும்போது அதிகமாக உயருவதையும், சந்தை குறையும் போது அதிகமாகக் குறைவதையும் காண்பிக்கிறது. ஆகவேதான், இந்த ஃபண்ட் கரடிச் சந்தையை விட காளைச் சந்தையில் நன்றாகச் செயல்படுகிறது.

இதன் ஆல்ஃபா 2.84 என்ற அளவில் உள்ளது. இதைப் போன்ற பிற ஃபண்டுகளுடன் ஒப்பிடும்போது, இது சற்றுக் குறைவுதான்.

ஃபண்ட் பரிந்துரை: ஹெச்டிஎஃப்சி ஈக்விட்டி ஃபண்ட்: ஏற்கெனவே உள்ள முதலீட்டைத் தொடரலாம்!

இந்த ஃபண்ட் கடந்த ஓராண்டு காலத்தில் 13.70 சதவிகிதமும், 3 ஆண்டு காலத்தில் 23.07 சதவிகிதமும், 5 ஆண்டு காலத்தில் 13.17 சதவிகிதமும் 10 ஆண்டு காலத்தில் 19.96 சதவிகித மும் ஆண்டுக் கூட்டு வட்டி வருமானம் தந்துள்ளது.

கடந்த 1, 3, 5 மற்றும் 10 வருடங்களில் நிஃப்டி 50-யைவிட 1.44% முதல் 5.57% வரை அதிக வருமானத்தைக் கொடுத்துள்ளது. அதேசமயத்தில், இதனுடைய கேட்டகிரி ஆவரேஜுடன் ஒப்பிடுகையில், கடந்த ஓராண்டில் (-9.39) மற்றும் மூன்று (-0.45) வருடங்களில் குறைந்த வருவாய் தந்துள்ளது.

 ஐந்து வருட காலகட்டத்தில் கேட்டகிரி ஆவரேஜை ஒட்டியே வருமானத்தைக் கொடுத்துள்ளது. இதுவே, நமது ‘ஹோல்டு’ பரிந்துரைக்கு முக்கியக் காரணம். நமது எதிர்பார்ப்பு, கேட்டகிரி ஆவரேஜைவிட அதிக வருமானத்தைத் தரவேண்டும் என்பதே.

ஃபண்ட் பரிந்துரை: ஹெச்டிஎஃப்சி ஈக்விட்டி ஃபண்ட்: ஏற்கெனவே உள்ள முதலீட்டைத் தொடரலாம்!

இந்த ஃபண்ட் பல ஏற்ற இறக்கங்களைக் கண்டுள்ளது. மேலும், 20 வருடத்துக்கும் மேலான பாரம்பர்யத்தைக் கொண்டுள்ளது. ஃபண்ட் மேனேஜர் தனது பலத்தைத் தொடர்ச்சியாக கடந்த 20 வருடங்களில் நிரூபித்துள்ளார். ஆகவே, இந்த ஃபண்டின் செயல்பாடு திரும்ப எழுந்துவரும் என்பதில் எந்தவித சந்தேகமுமில்லை.

ஏற்கெனவே இந்த ஃபண்டில் முதலீடு செய்துள்ள கன்ஸர் வேட்டிவ் மற்றும் மாடரேட் முதலீட்டாளர்கள், இந்த ஃபண்டில் தங்களுக்கு உள்ள முதலீட்டை தக்கவைத்துக் கொள்ளலாம். அக்ரெஸிவ் முதலீட்டாளர்கள் மற்றும் குறுகிய காலச் செயல்பாட்டை எதிர்பார்ப்பவர்கள் இந்த ஃபண்டிலிருந்து வேறு திட்டங்களுக்கு மாறிக் கொள்ளலாம்.

ஃபண்ட் பரிந்துரை: ஹெச்டிஎஃப்சி ஈக்விட்டி ஃபண்ட்: ஏற்கெனவே உள்ள முதலீட்டைத் தொடரலாம்!

யாருக்கு உகந்தது?

ஏற்கெனவே மியூச்சுவல் ஃபண்டுகளில் முதலீடு செய்துள்ளவர்கள், அனைத்து வயதினர், பணம் அதிகம் உள்ளவர்கள், செல்வத்தைப் பெருக்க நினைப்பவர்கள், ரிஸ்க் எடுக்கக் கூடியவர்கள், பணம் உடனடித் தேவை இல்லாதவர்கள்.

யார் முதலீடு செய்யக்கூடாது?

குறுகிய காலத்தில் பணம் தேவைப்படுபவர்கள், உறுதி யான/ நிலையான வருமானத்தை விரும்புபவர்கள், அதிக ரிஸ்க் எடுக்கத் தயங்குபவர்கள்.

படம்:   இரா.யோகேஷ்வரன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு