Published:Updated:

பங்கு முதலீடு: ஃபண்டமென்டல் அனாலிசிஸ் - 6

பிரவீன் ரெட்டி, முதன்மை ஆலோசகர், induswealth

நிறுவனத்தை மதிப்பீடு செய்யும் ஸ்வாட் அனாலிசிஸ்!

பங்கு முதலீடு: ஃபண்டமென்டல் அனாலிசிஸ் - 6

ரு நிறுவனம் லாபம் ஈட்டும் தகுதியுடன் இருந்தால்தான் அது மதிப்புமிக்கது. மேலும், எதிர்காலத்தைப் பற்றிய கணிப்பு என்பது நிலையற்றதாக இருக்கிறபோதிலும், ஒரு நிறுவனத்தின் மதிப்பீடு எதிர்கால வளர்ச்சி மற்றும் வாய்ப்புகளைச் சார்ந்தே அமைகிறது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

கடந்த இதழில், ஒரு நிறுவனத்தின் எதிர்கால வளர்ச்சி மற்றும் ஒரு நிறுவனத்தின் அடிப்படையை ஆய்வு செய்ய உதவும் கட்டமைப்புகள் (frameworks) பற்றி ஆராய்ந்தோம்.

குறிப்பாக, இஐசி கட்டமைப்பு (பொருளாதாரம், துறை, நிறுவனம் ஆகியவற்றை அடிப்படையாகக் கொண்டு ஆராய்வது), மைக்கேல் இ போர்டரின் கட்டமைப்பு பற்றியும் பார்த்தோம். இந்த இதழில் ஸ்வாட் அனாலிசிஸ் பற்றி விரிவாகப் பார்ப்போம்.

நிறுவனங்களை மிகவும் ஆழமாக ஆராய்வது ஸ்வாட் அனாலிசிஸ். Strengths,Weaknesses, Opportunities, Threats என்பதன் சுருக்கம்தான் SWOT. அதாவது, ஒரு நிறுவனத்தின் பலம், பலவீனம், வாய்ப்புகள், அச்சுறுத்துதல்களை விரிவாக ஆராய்வதுதான் ஸ்வாட் அனாலிசிஸ்.

ஒரு நிறுவனத்தின் பலம் என்பது அந்த நிறுவனத்துக்கு அணுகுகூலத்தைக் கொடுக்கிறது. உதாரணத்துக்கு, சிறந்த தொழில் நுட்பம், வணிகத்தின் அளவு உயர்வது போன்றவை.

பலவீனமான குணாதிச யங்கள் என்பது ஒரு நிறுவனத் துக்கு அனுகூலமற்ற தன்மையைக் கொடுக்கிறது. உதாரணத்துக்கு, திறமையான பணியாளர்கள் பற்றாக்குறை, மோசமாகப் பணிபுரியும் கலாசாரம்.

நிறுவனத்துக்கு வெளியே உள்ள வாய்ப்புகள், நிறுவனத் துக்குச் சாதகமாக இருக்கிறதா என்பதை ஆராய்வது. சிறந்த அடிப்படைக் கட்டமைப்பு, சரக்கு போக்குவரத்து வசதி ஆகியவற்றைச் சார்ந்திருக்கும்.

நிறுவனத்துக்கு வெளியே உள்ள அச்சுறுத்துதல்கள், நிறுவனத்துக்குப் பாதகமாக இருக்கிறது. அரசியல் அல்லது சமூகத் தொந்தரவு, சந்தையில் ஆழாமாக ஊடுருவக்கூடிய திறன் படைத்த போட்டியாளரின் வருகை.

பலம் மற்றும் பலவீனங்கள் என்பது நிறுவனத்தின் உள்சார்ந்த விஷயங்கள். வாய்ப்புகள் மற்றும் அச்சுறுத்துதல்கள் நிறுவனத்துக்கு வெளியே உள்ள காரணிகள்.

பலங்கள் மற்றும் வாய்ப்புகள், நிறுவனம் அதன் இலக்கை அடைய உதவி செய்யும். பலவீனங்கள்

பங்கு முதலீடு: ஃபண்டமென்டல் அனாலிசிஸ் - 6

மற்றும் அச்சுறுத்தல் கள் நிறுவனம் அதன் இலக்கை அடைவதைத் தாமதப்படுத்தும்.

நாம் ஐ.டி மற்றும் ஐ.டி சேவை சார்ந்த நிறுவனங்களான ஹெச்சிஎல் டெக்னாலஜீஸ், எல்செர்க்ஸ் (ELCERX), மைண்ட்ட்ரீ, ஜென்சர் பற்றிப் பார்ப்போம்.

அந்த நிறுவனங்களின் வலிமையாக, வாடிக்கை நிறுவனங்களின் வணிகத்தைப் புரிந்துவைத்திருப்பது மற்றும் அந்த நிறுவனங்களுக்குத் தீர்வுகளை அளிக்கும் திறன் போன்றவை இருக்கின்றன.

அண்மைக்காலத் தொழில் நுட்பம் மற்றும் வணிகத்தின் போக்கை பற்றி பெரும்பாலான பணியாளர்கள் தெரிந்து கொள்ளாமல் இருப்பது அதன் பலவீனம்.இந்த நிறுவனங்களின் வாடிக்கையாளர்களின் தேவை களான டேட்டா அனாலிசிஸ் எனப்படும் புள்ளியியல் ஆய்வு ஒரு பெரும் வாய்ப்பாக உள்ளது.

அச்சுறுத்துதல் என்பது அந்தத் துறையைச் சார்ந்த மற்ற பெரிய நிறுவனங்கள் இடையே விலைக் குறைப்பு இந்த நிறுவனங்களுக்குச் சவாலாக அமைகிறது.

மொத்தமாகப் பார்க்கும் போது, இங்கே குறிப்பிட்டுள்ள நிறுவனங்கள் தேவையான மாற்றங்களுக்கு ஏற்ப வேகமாகச் செயல்படும். மேலும், இந்தத் துறையைச் சார்ந்த பெரிய நிறுவனங்கள் மாற்றங்களின் போது சந்திக்கும் சவால்களின் அளவு இதுபோன்ற சிறிய நிறுவனகளுக்கு இருக்காது. 

திறமையான நிர்வாகம் இருக்கும்பட்சத்தில் அச்சுறுத்தல்களைச் சமாளித்து நியாயமான லாப வளர்ச்சி காணும் வாய்ப்புகள் இந்த நிறுவனங்களுக்கு அதிகம்.

பங்கு முதலீடு: ஃபண்டமென்டல் அனாலிசிஸ் - 6

இந்தக் கட்டமைப்புகள், ஒரு நிறுவனத்தின் எதிர்கால வளர்ச்சியை மதிப்பிட உதவுகிறது. கட்டமைப்புகள் ஒரு நிறுவனத்தின் மதிப்பை, பல்வேறு கோணங்களில் அலசி ஆராய உதவி செய்வதாக இருக்கிறது. அதேநேரத்தில், ஒரு அனாலிசிஸின் வெற்றி என்பது துறை மற்றும் நிறுவனத்தின் இயக்கத்தை ஒருவர் எப்படி நன்றாகப் புரிந்துகொண்டிருக் கிறார் என்பதைப் பொறுத்தே அமைகிறது.

பொருளாதாரச் சூழல் அடிப்படையில் ஒரு நிறுவனத் தின் செயல்பாடு, வளர்ச்சி எவ்வாறு செயல்படும் என்பதை இந்த மூன்று கட்டமைப்புகளைக் கொண்டு நீண்ட கால அடிப்படையில் பல்வேறு கோணங்களில் ஆராய முடிகிறது.

இதன் அடிப்படையில் தேர்ந்தெடுக்கப்படும் ஒரு நிறுவனத்தின் வளர்ச்சி, முதலீடு மற்றும் கடன்களின் விகிதத்தின் அடிப்படையில் எவ்வாறு லாபகரமாகச் செயல்படுகிறது என்பதை அடுத்துவரும் வாரங் களில் பார்ப்போம்.

தொகுப்பு: சி.சரவணன்.

ஃபோர்ப்ஸ் பட்டியலில் 10 இந்திய கம்பெனிகள்!

ஆசியாவிலேயே தலைசிறந்த 50 நிறுவனங்களின் பட்டியலை ஃபோர்ப்ஸ் பத்திரிகை வெளி யிட்டுள்ளது. அதில், இந்திய நிறுவனங்களான அரோபிந்தோ பார்மா, ஹெச்சிஎல் டெக்னால ஜீஸ், டிசிஎஸ், ஹெச்டிஎஃப்சி பேங்க் உள்பட 10 நிறுவனங்கள் இடம் பிடித்துள்ளன. ஹெச்டி எஃப்சி பேங்க்கை ‘பிரகாசமான நட்சத்திரம்’ (Brightest star) என்று புகழ்ந்திருக்கிறது.  ஃபோர்ப்ஸ் பட்டியலில் சீனா வுக்கு அடுத்தபடியாக அதிக நிறுவனங்களைக் கொண்ட நாடாகத் திகழ்கிறது இந்தியா!