Published:Updated:

முதலீடு செய்ய பொன்னான வாய்ப்பு!

வளமான வாழ்க்கைக்கு மியூச்சுவல் ஃபண்ட்...

பிரீமியம் ஸ்டோரி

நாணயம் விகடன் மற்றும் ஐசிஐசிஐ புரூடென் ஷியல் மியூச்சுவல் ஃபண்ட் இணைந்து நடத்திய ‘வளமான வாழ்க்கைக்கு மியூச்சுவல் ஃபண்ட் முதலீடு’ - முதலீட்டாளர் விழிப்பு உணர்வுக் கூட்டம் சென்னையில் நடந்தது.

இதில் சிறப்பு விருந்தினராகக் கலந்துகொண்ட ஐசிஐசிஐ மியூச்சுவல் ஃபண்ட் நிறுவனத் தின் தெற்கு மற்றும் கிழக்கு மண்டலத் தலைவர் அனிருத்தா சௌத்ரி, தன் வாழ்க்கை அனுப வத்துடன் முதலீட்டின் முக்கியத் துவத்தைப் பற்றி பேசினார். முதலீட்டை பற்றி பேசும்போது வாரன் பஃபெட்டின் முக்கி யமான ஆலோசனைகளை வாசகர்களுடன் பகிர்ந்து கொண்டது கூட்டத்துக்கு வந்திருந்த எல்லோருக்கும் பயனுள்ளதாக அமைந்தது.

முதலீடு செய்ய பொன்னான வாய்ப்பு!

அவரைத் தொடர்ந்து பேசிய ஐசிஐசிஐ மியூச்சுவல் ஃபண்ட் நிறுவனத்தின் ரீஜினல் ஹெட் ஹரீஷ், கூட்டத்துக்கு வந்திருந்த வர்கள் ஒவ்வொருவரும் எதில் அதிக முதலீடு செய்திருக்கிறீர்கள் என்று கணக்கிடச் சொன்னார். பெரும்பாலானவர்கள் ரியல் எஸ்டேட் துறையிலும், தங்கத் திலும் முதலீடு செய்திருந்தது அப்போது தெரியவந்தது. நாம் ஏன் ஈக்விட்டியில் அதிகம் முதலீடு செய்யவில்லை என்ற கேள்வியைக் கேட்ட அவர், மியூச்சுவல் ஃபண்டில் முதலீடு செய்வதால் கிடைக்கும் நன்மை, வருமானம் பற்றிய புள்ளிவிவரங் களையும் சொன்னதை  வாசகர்கள் தவறாமல் குறித்துக் கொண்டனர். 

அவரைத் தொடர்ந்து பேசிய மியூச்சுவல் ஃபண்ட் நிபுணர் சொக்கலிங்கம் பழனியப்பன், மற்ற துறைகளில் முதலீடு செய்வதைக் காட்டிலும் மியூச்சுவல் ஃபண்டுகளில் முதலீடு செய்தால், எந்த அளவுக்கு நன்மை கிடைக்கும் என்பதை விளக்கினார்.

முதலீடு செய்ய பொன்னான வாய்ப்பு!

``உலகின் தலைசிறந்த பல்கலைக்கழகங்களில் ஒன்றான ஹார்வர்டு பல்கலைக்கழகம்கூட, ஈக்விட்டி ஃபண்டுகளில்தான் அதிகம் முதலீடு செய்கிறது. இந்தியா வளர்ந்துவரும் நாடு. இதுதான் முதலீடு செய்யச் சரியான தருணம். இந்தச் சமயத்தில் முதலீடு செய்யத் தவறினால், நமக்குக் கிடைத்த பொன்னான வாய்ப்பை இழக்கிறோம் என்று அர்த்தம்.

அதிக லாபம் தருகிறோம் என்று உத்தரவாதம் தந்தால், அங்கே பிரச்னை இருக்கிறது என்று அர்த்தம். அதிக லாபம் தரும் என்று ஈமு கோழி போன்ற பொன்ஸி திட்டங்களில் முதலீடு செய்து ஏமாறுவதைவிட மியூச்சுவல் ஃபண்டில் முதலீடு செய்வது அதிகம் பாதுகாப் பானது'' என்றார் அவர்.

கூட்டத்தின் இறுதியில் முதலீட்டாளர்கள் கேட்ட கேள்விகளுக்கு நிபுணர்கள் விரிவான விளக்கம் தந்தனர்.

படங்கள்:  இரா.யோகேஷ்வரன்.

த.சக்திவேல்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு