Published:Updated:

கமாடிட்டி டிரேடிங் - அக்ரி கமாடிட்டி

கமாடிட்டி டிரேடிங் - அக்ரி கமாடிட்டி

பிரீமியம் ஸ்டோரி
கமாடிட்டி டிரேடிங் - அக்ரி கமாடிட்டி

ந்த வாரம் கொத்தவரை விதை விலைப்போக்கு குறித்து சொல்கிறார் கவுடா ரெட்டி இன்டிட்ரேடு கமாடிட்டீஸ் அண்ட் டெரிவேட்டிவ்ஸ் நிறுவனத்தின் சீனியர் ரிசர்ச் அனலிஸ்ட் கவுடா ரெட்டி.

கொத்தவரை விதை (Guar seed)

“தற்போதைய நிலையில் கொத்தவரை விதை 32% விலை குறைந்து வர்த்தகமாகி வருகிறது. அதாவது, 5,400 ரூபாய்க்கு வர்த்தகமாகி வந்த ஒரு குவிண்டால் கொத்தவரை விதை தற்போது 3,700 ரூபாய்க்கு வர்த்தகமாகி வருகிறது. இதற்கு மிக முக்கிய காரணம் கொத்தவரை உற்பத்தி அதிகரித்து காணப்படுவதுதான். மேலும்,  வருகிற அக்டோபர் மற்றும் நவம்பர் மாதங்களில் கொத்தவரை அறுவடை என்பதால் புதிய வரத்துகளும் சந்தைக்கு வர ஆரம்பிக்கும்.

சந்தை நிலவரப்படி, கொத்தவரை விதை விளைச்சல் ஏரியா 15-20% வரை அதிகரித்து காணப்படுகிறது. இதனால் நடப்பு ஆண்டில் 36-38 லட்சம் டன் கொத்தவரை விதை உற்பத்தி இருக்கும் எனக் கணக்கிடப்பட்டு உள்ளது. இது, இதற்கு முந்தைய ஆண்டில் 34 லட்சம் டன்னாக இருந்தது.

கமாடிட்டி டிரேடிங் - அக்ரி கமாடிட்டி

நடப்பு நிதி ஆண்டின் ஏப்ரல், மே மாதங்களில் கொத்தவரை விதை ஏற்றுமதி, சென்ற ஆண்டின் இதே காலகட்டத்தை விட 48% குறைந்து, 61,821 டன்னாக காணப்படுகிறது. இது மிகவும் குறைவான அளவாகும். 2013-14 மற்றும் 2014-15 காலகட்டத்தில் எல்லாம் அதிக அளவில் ஏற்றுமதி காணப்பட்டது.

இதற்கு முக்கிய காரணம்,  ஏற்றுமதி தேவை குறைந்து காணப்படுவதே. அக்டோபர், நவம்பர் மாதங்களில் புது வரத்து அதிகரிப்பு, தேவை குறைவு போன்ற காரணங்களால் ஒரு குவிண்டால் கொத்தவரை விதை 2,500-3,000 ரூபாய் வரை செல்லும் என்று எதிர்பார்க்கப்படுகிறது.''

மஞ்சள் (Turmeric )

கமாடிட்டி டிரேடிங் - அக்ரி கமாடிட்டி

வரத்து அதிகரிப்பின் காரண மாக சென்ற வாரம் விலை குறைந்து வர்த்தகமானது. தவிர, மஞ்சள் விளையும் தமிழ்நாடு, தெலங்கானா, கர்நாடகா ஆகிய மாநிலங்களில் மஞ்சள் விளைச்சல் அதிகரித்து காணப் படுகிறது. இதுவும் விலை குறைவுக்குக் காரணமாகும்.

இருப்பினும், ஏற்றுமதி தேவை அதிகரிக்கும் என்கிற எதிர்பார்ப்பால் விலை அதிகரிக் கும் என்று சந்தை வட்டாரத் தகவல் தெரிவிக்கிறது. மேலும், விலை அதிகரிக்கும் என்பதற்கு, தற்போதைய குறைவான மழைப் பொழிவு காணப்படுவதும் காரணமாக இருக்கும் என கருதப்படுகிறது.

ஜூலை எட்டாம் தேதி நிலவரப்படி, தெலங்கானா மாநிலத்தில் மஞ்சள் விளைச்சல் ஏரியா 25,516 ஹெக்டேராக காணப்படுகிறது. இது இதற்கு முந்தைய ஆண்டின் இதே கால கட்டத்தில் 13,931 ஹெக்டேராக காணப்பட்டது என்கிற தகவலை அந்த மாநிலத்தின் வேளாண்மைத் துறை தெரிவித்துள்ளது.

விளைச்சல் அதிகரிக்கும் என்கிற எதிர்பார்ப்பால், வரும் வாரங்களில் வரத்து அதிகரிக்கும். இதனால், வரும் வாரங்களில் விலை குறைந்தே வர்த்தகமாகும் என எதிர்பார்க்கப்படுகிறது.

கமாடிட்டி டிரேடிங் - அக்ரி கமாடிட்டி

ஜீரகம் (Jeera)

ஜீரகத்திற்கான தேவை குறைந்து காணப்படுவதால் சென்ற வாரம் ஜீரகம் விலை குறைந்து வர்த்தகமானது. இருப்பி னும் வரும் மாதங்களில் சந்தைக்கு ஜீரக வரத்து குறையும். அதே சமயம், ஏற்றுமதி தேவை அதிகரிக்கும் என்கிற எதிர்பார்ப்பால் விலை மேலும் குறையாமல் தடுக்கப்படும் என எதிர்பார்க்கப்படுகிறது.

கமாடிட்டி டிரேடிங் - அக்ரி கமாடிட்டி

கடந்த ஜூலை 22-ம் தேதி நிலவரப்படி என்சிடிஇஎக்ஸ் கிடங்கில் 17,964 டன் ஜீரகம் இருப்பு காணப்பட்டது. இது இதற்கு முந்தைய வாரம் 18,931 டன்னாகக் காணப்பட்டது. குஜராத் மாநிலத்தில் 2014-15 (அக்டோபர்-செப்டம்பர்) காலகட்டத்தில் ஜீரகம் உற்பத்தி 54% குறைந்து, 1.58 லட்சம் டன்னாக இருக்கும் என எதிர்பார்க்கப்படுகிறது. அதே போல, ஜீரகம் விளைச்சல் ஏரியா வும் 4.55 லட்சம் ஹெக்டேரிலிருந்து 2.66 லட்சம் ஹெக்டேராக குறைந்து காணப்படுவதாக அந்த மாநிலத்தின் வேளாண்மை அமைச்சகம் தெரிவித்துள்ளது.

செ.கார்த்திகேயன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு