Published:Updated:

பங்கு முதலீடு: ஃபண்டமென்டல் அனாலிசிஸ் - 7

பிரவீன் ரெட்டி, முதன்மை ஆலோசகர், induswealth

பிரீமியம் ஸ்டோரி

வணிகத்தில் கடனின் தாக்கம்!

“பூமிக்கு வெளியே எனக்கு சிறிது இடம் தாருங் கள். நான் பூமியை நகர்த்திக் காட்டுகிறேன்” என்று சொன்னார் கிரேக்க நாட்டு கணித மேதை ஆர்க்கிமிடிஸ். இதுதான் நெம்புகோல் தத்துவம் எனப்பட்டது.

நாம் இங்கே வணிகத்தின் நெம்புகோலாக இருக்கும் கடன் வாங்குவதன் மூலமான ஆதாயத்தைப் பார்ப்போம். இதை ஆங்கிலத்தில் லீவரேஜ் (Leverage) என்று குறிப்பிடுவார்கள்.

பங்கு முதலீடு: ஃபண்டமென்டல் அனாலிசிஸ் - 7

நண்பர்களான அருண் மற்றும் ராஜேஷ் இருவேறு நகரங்களில் மளிகைக்கடை நடத்தி வருகிறார்கள். இருவர் கடையிலும் தலா ரூ.50 லட்சம் மதிப்புள்ள பொருட்கள் இருந்தன. ஓராண்டில் அவர்கள் ரூ.10 லட்சம் லாபம் சம்பாதித் தனர். அருணிடம் சேமிப்பு இருந்ததால், அவர் கடைக்குத் தேவையான மூலதனத்தை சேமிப்பிலிருந்து எடுத்து  முதலீடு செய்துவிட்டார். ராஜேஷிடம் ரூ.10 லட்சம் மட்டுமே இருந்ததால், அவர் உள்ளூர் வங்கியில் 15 சத விகித வட்டிக்கு ரூ.40 லட்சம் கடன் வாங்கினார்.

• கடையிலுள்ள அனைத்துப் பொருட்களும் (மூலதனம்) அருணுக்குச் சொந்தமானது என்பதால்,

பங்கு முதலீடு: ஃபண்டமென்டல் அனாலிசிஸ் - 7

அவரின் பங்கு மூலதனம் ரூ.50 லட்சம்.

• ராஜேஷும் ரூ.50 லட்சம் மதிப்புள்ள பொருட்களைக் கொண்டுள்ளார். அதாவது, மூலதனம் ரூ.50 லட்சம். ஆனால், அதில் அவருக்கு ரூ.10 லட்சம் மதிப்புள்ள பொருட்கள்தான் சொந்தமானது. மீதமுள்ள ரூ.40 லட்சம் மதிப்புள்ள பொருட்கள் வங்கிக்குச் சொந்தமானது.

• ராஜேஷின் கடன் ரூ.40 லட்சம். அவரின் பங்கு மூலதனம் ரூ.10 லட்சம். அவரின் கடன் / பங்கு மூலதன விகிதம் (லீவரேஜ்) என்பது 40/10=4 ஆக இருக்கிறது.

• ராஜேஷ் தனது மூலதனமான ரூ.10 லட்சத்தை வைத்து 50 லட்சம் முதலீட்டை ஏற்படுத்தி யதுதான் லீவரேஜ் ஆகும்.

• வங்கி 80 சதவிகித தொகையை ராஜேஷின் வணிகத்துக்கு வட்டிக்குக் கொடுத்துள்ளது. வணிகம் எப்படி நடக்கிறது என்பதைச் சார்ந்திராமல், வங்கிக்குத் தேவை நிலையான வட்டியாகும்.

கடனுக்கான வட்டி, லாபத்தில் என்ன மாற்றத்தை ஏற்படுத்துகிறது எனப் பார்ப்போம்.

பங்கு முதலீடு: ஃபண்டமென்டல் அனாலிசிஸ் - 7

இங்கே கொடுக்கப்பட்டுள்ள அட்டவணைகளை வைத்துப் பார்க்கும்போது, கடன் வட்டி விகிதம் மொத்த மூலதனத்தின் மீதான வருமான விகிதத்தைவிட குறைவாக இருக்கும்போது ஈக்விட்டி மீதான வருமானம் அதிகரிப்பதைப் பார்க்கலாம். இதுபோன்ற லீவரேஜ் செய்யும் போது, மொத்த மூலதனத்துக்கான வருமான விகிதம் வட்டியைவிட அதிகரித்தால் ஈக்விட்டி மீதான வருமான விகிதம் குறைந்து கொண்டே வரும்.  இங்கே ராஜேஷுக்கான வட்டி 15 சத விகிதமாக இருக்கும்போது அவரின் ஈக்விட்டி மூலமான வருமானம் 40 சதவிகிதமாக இருந்தது. இதுவே, வட்டி 25 சத விகிதமாக அதிகரிக்கும்போது அவருக்கு லாபம் எதுவும் இருக்காது. வட்டி 30 சதவிகிதமாக உயர்ந்தால், மூலதனம் மூலம் வருமானம் வருவதற்குப் பதில் 20 சதவிகிதம் இழப்பு ஏற்படும்.

பங்கு முதலீடு: ஃபண்டமென்டல் அனாலிசிஸ் - 7

எதிர்பாராத நிகழ்வுகளால் லீவரேஜ் செய்யப்பட்ட நிறுவனங்கள் மற்றும் லீவரேஜ் செய்யப்படாத நிறுவனங்களில் லாபத்தில் ஏற்படும் மாற்றங்கள் பற்றிப் பார்ப்போம்.

அருண் மற்றும் ராஜேஷ் ஆகிய இருவரும் தங்கள் வணிகத்தைத் திருட்டுக்கு எதிராக காப்பீடு செய்யவில்லை என எடுத்துக்கொள்வோம். திருடு மூலமான இழப்பு, லாபத்தி லிருந்துதான் செல்லும். திருடு போகும் தொகை அதிகரிக்க அதிகரிக்க, நண்பர்கள் இருவரும் இன்ஷூரன்ஸ் செய்யவில்லை என்பதால், பங்கு மூலதனம் மூலமான வருமானம் என்பது குறைந்துகொண்டே வருகிறது.

 ஒரு நிலையில் அது இழப்பாக மாறிவிடுகிறது. இந்த விவரமும் அட்டவணையில் விளக்கப் பட்டுள்ளது.

எதிர்பாராத மோசமான நிகழ்வுகளின்போது பங்கு மூலதனம், ஒரு பாதுகாப்பை அளிப்பதாக இருக்கிறது என்பதை நாம் தெரிந்து கொள்ளலாம்.

நிறுவனத்தின் பங்கு மூலதனம் குறைவாக இருக்கும்போது, எதிர்பாராத நிகழ்வுகளின்போது நிறுவனத்தின் பாதுகாப்பும் குறைவாக இருக்கும். (கடந்த 2008-ம் ஆண்டில் சப்-பிரைம் பிரச்னை ஏற்பட்டபோது வங்கி கள் அவற்றின் மூலதனத்தை அதிகரிக்கச் சொல்லப்பட்டதும் இந்தக் காரணத்துக்காகத்தான்!)

பங்கு முதலீடு: ஃபண்டமென்டல் அனாலிசிஸ் - 7

இந்த அத்தியாயத்தில் நாம் இதுவரைக்கும் பார்த்ததன் சுருக்கம்...

• லீவரேஜ் என்பது,  கடனுக்கான வட்டி மூலதனம் மூலமான வருமானத்தைவிட குறைவாக இருக்கும்போது ஈக்விட்டி வருமானத்தை அதிகரிக்கிறது. அதாவது, கடன் உள்ள நிறுவனம் வட்டிவிகித உயர்வு போன்ற ரிஸ்க்குகளை கொண்டுள்ளது.

* எதிர்பாராத மோசமான நிகழ்வுகளின்போது பங்கு மூலதனம், பாதுகாப்பை அளிக்கிறது. லீவரேஜைப் பயன்படுத்துவது என்பது எதிர்பாராத மோசமான நிகழ்வு களின்போது நிறுவனம் குறைவான பாதுகாப்புடன் இருக்கிறது என்று அர்த்தம்.

தொகுப்பு: சி.சரவணன்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு