Published:Updated:

பங்கு முதலீடு: ஃபண்டமென்டல் அனாலிசிஸ் - 8

பிரவீன் ரெட்டி, முதன்மை ஆலோசகர், induswealth

பிரீமியம் ஸ்டோரி

நிறுவனத்தின் லாப, நஷ்ட அறிக்கை மதிப்பீடு!

ஒரு நிறுவனத்தின் மதிப்பு என்பது அது எதிர்காலத்தில் சம்பாதிக்க இருக்கும் லாபத்தின் திறனை பொறுத்தது என இதுவரைக்கும் பார்த்தோம். சுற்றுச்சூழல், தொழில், நிறுவனத்தின் வலிமை போன்றவற்றின் அடிப்படை யில் ஒரு நிறுவனத்தை எப்படி  மதிப்பிடுவது  என்பதை அலசி ஆராய்ந் தோம். இந்தக்  கட்டமைப்புகள் ஒரு நிறுவனத்தின் எதிர்கால வளர்ச்சி எப்படி இருக்கும் என்பதை அறிந்து கொள்ள  நமக்கு ஓரளவுக்கு உதவியாக இருக்கின்றன.

இந்த இதழில் ஒரு நிறுவனத்தின் கடந்த காலச் செயல்பாடுகள் எப்படி இருந்தன என்பதை, அந்த நிறுவனத்தின் லாப, நஷ்ட அறிக்கையின் (Profit and Loss Statement) அடிப்படையில் அலசி, அந்தத் தகவல்களைக் கொண்டு நிறுவனத்தின் எதிர்கால வளர்ச்சியை எப்படி மதிப்பீடு செய்வது எனப் பார்ப்போம். இந்த லாப, நஷ்ட அறிக்கையை (P&L Statement) வருமான அறிக்கை ( (income statement) அல்லது வருமானம் மற்றும் செலவு அறிக்கை (income and expense statement) என்றும் சொல்வார்கள்.

பங்கு முதலீடு: ஃபண்டமென்டல் அனாலிசிஸ் - 8

ஒரு நிறுவனம் எப்படி வருமானம் ஈட்டுகிறது மற்றும் அதனை எப்படி அதன் எதிர்கால வளர்ச்சிக்குப் பயன்படுத்தி லாபம் சம்பாதிக்கிறது என்பதைப் புரிந்துகொள்ள இந்த லாப, நஷ்ட அறிக்கையின் ஆய்வு பயன்படும். இந்த லாபம் அதன் உரிமை யாளர்களைப் (பங்குதாரர்கள்) போய்ச் சேரும். லாப, நஷ்ட அறிக்கையில் இருக்கும் அனைத்து விவரங்களையும் புரிந்துகொள்ளும் விதமாக விளக்கிச் சொல்கிறேன்.

ஒரு நிறுவனம், சம்பாதிக்கும் வருமானத்தைப் பெறுவதற்கு (மொத்த வருமானம் என்றும் அழைக்கப்படுகிறது) ஆறு முக்கிய அம்சங்கள் காரண மாகின்றன. இந்த ஒவ்வொரு அம்சத்தின் பங்களிப்பும் நிறுவனம் செய்யும் தொழிலைப் பற்றியும் நிர்வாகத்் திறமையைப் பற்றியும் தெரிந்துகொள்ள உதவுகிறது. அவை, மூலப் பொருட்களுக்கான செலவு (COGS - cost of goods sold), செயல்பாட்டுச் செலவுகள் (Operating expenses), தேய்மானம் (Depreciation), வட்டி (Interest), வரிகள் (Taxes), நிகர லாபம் (Net profits) ஆகும். இந்த அம்சங்கள் மூலம் ஒரு நிறுவனம் மேற்கொள்ளும் வணிகத்தின் தன்மை, அதன் நிர்வாகத் திறமை போன்றவற்றை அறிந்துகொள்ள முடியும்.

1. விற்பனையான பொருட்களின் விலை!

நிறுவனம் விற்பனை செய்யும் பொருட்களை உற்பத்தி செய்வதற்கு தேவையான மூலப்

பங்கு முதலீடு: ஃபண்டமென்டல் அனாலிசிஸ் - 8

பொருட்களின் விலை.

விற்பனையில் மூலப் பொருட் களுக்கான செலவு விகிதம் அதிகமாக இருந்தால், அந்த நிறுவனம் மிகவும் குறைவான மதிப்பையே கூட்டுகிறது என்பதாகும் அல்லது அந்த நிறுவனம் பொருட்களை வாங்கி விற்கும் ஒரு வர்த்தக நிறுவனமாக இருக்கலாம். 

2. செயல்பாட்டுச் செலவுகள்!

மூலப் பொருட்கள் மூலம் விற்பனைப் பொருட்களாக மாற்ற நிறுவனங்களுக்கு ஏற்படும் செலவுகள் செயல்பாட்டுச் செலவுகள் எனப்படும். இதில் விற்பனைச் செலவு, பணியாளர் கள் சம்பளம், கட்டட வாடகை, எரிபொருள் செலவு, நிர்வாகச் செலவு மற்றும் இதர செலவுகள் அடங்கும். நல்ல நிர்வாகம் என்பது இந்தச் செலவுகளை எவ்வளவு குறைக்கிறது என்பதில் இருக்கிறது.

மேலும், இந்தச் செலவுகளின் அடிப்படையில் ஒரு நிறுவனத் தின் நிர்வாகத் திறமையை அறிந்துகொள்ள முடியும். மொத்த வருமானத்தில் செயல்பாட்டுச் செலவுகளின் விகிதம் அதிகமாக இருந்தால், அந்த நிறுவனம் அதிக அளவு தொழிலை குறைந்த லாப வரம்பில் செய்கிறது என அர்த்தமாகும். 

பங்கு முதலீடு: ஃபண்டமென்டல் அனாலிசிஸ் - 8

3. தேய்மானம்!

உற்பத்தி நடைமுறையின் போது இயந்திரங்களில் ஏற்படும் தேய்மானத்தை இது குறிக்கும். உதாரணத்துக்கு, உற்பத்தியில் பயன்படும் கருவி ஒன்றின் ஆயுட்காலம் 5 ஆண்டுகள் என்று வைத்துக்கொள்வோம். இந்தக் கருவி பயன்படுத்தப்படும் ஒவ் வொரு ஆண்டும் 20% தேய்மானம் கணக்கில் எடுத்துக் கொள்ளப்படும்.

மொத்த வருமானத்தில் தேய்மானத்தின் அளவு அதிகமாக இருந்தால், அந்தத் தொழிலில் அதிக மூலதனம் பயன்படுத்தப்படுகிறது என்பதைத் தெரிந்து கொள் ளலாம். இந்தத் தேய்மானத்தைச் செலவில் கழித்துக் கொள்ளலாம். மேலும், தேய்மானத் தொகை கழிவுக்கு வரிச் சலுகை இருக்கிறது. அந்த வகையில், குறிப்பிட்ட ஆண்டுகளில் லாபத்தில் வரியாக அதிகத் தொகை செல்வதைத் தவிர்க்க, தேய்மானத்தை உபயோகப் படுத்தும் நிறுவனங்களும் இருக்கின்றன. அதேநேரத்தில், தேய்மானம் முழுமையாகப் பயன்படுத்தப்பட்ட பிறகு வரி அதிகரித்துவிடும் என்பதையும் கவனத்தில் கொள்வது அவசியம்.

பங்கு முதலீடு: ஃபண்டமென்டல் அனாலிசிஸ் - 8

4. வட்டி!

நிறுவனத்தின் மூலதனத்தை அதிகரிக்க கடன் கொடுத்தவர் களுக்கு, கொடுக்க வேண்டிய தொகைதான் வட்டி எனப்படு கிறது. இந்த வட்டிச் செலவை வைத்து ஒரு நிறுவனத்தின் மூலதனத் தன்மை மற்றும் நிர்வாகத்தின் கடன் திரட்டும் தன்மையையும் அறிந்துகொள்ள முடியும்.

வருமானத்தில் வட்டியாக அதிகத் தொகை சென்றால், அந்த நிறுவனம் அதிகக் கடனில் இருக்கிறது என்று அர்த்தம். வட்டி அதிகரிப்பால் நிறுவனத் தின் ரிஸ்க் அதிகரிக்கும். எதிர்பாராத சூழ்நிலையில் நிறுவனம் ஏதாவது சிக்கலை சந்திக்கும்பட்சத்தில் கடன் அதிகமாக இருந்தால் கூடுதல் சிக்கல்தான்.

சுருக்கமாகச் சொன்னால், அதிகக் கடன் இருந்தால், எதிர்காலத்தில் பிரச்னை வந்தால் நிலைமையைச் சமாளிப்பது கடினமாக இருக்கும். குறைவான கடன் என்கிறபோது ஒரு நிறுவனம் ரிஸ்க்கை எளிதில் சமாளிப்பதாக இருக்கும்.

5. வரிகள்!

வருமானத்தில் ஒரு பகுதியை அரசுக்கு வரியாகச் செலுத்த வேண்டும். சட்டத் திட்டங்களுக்கு உட்பட்டு, சில முதலீடுகள் மற்றும் செலவுகளை மேற் கொள்வதன் மூலம் வரிகள் கட்டுவதைத் தவிர்க்க முடியும். ஒரு நிறுவனம் குறைவாக வரி கட்டுகிறது என்றால் அதன் நிர்வாகம் செலவைக் குறைத்து, லாபத்தை அதிகரிப்பதில் சிறப்பாகச் செயல்படுகிறது என்று அர்த்தம்.

பங்கு முதலீடு: ஃபண்டமென்டல் அனாலிசிஸ் - 8

6. பங்கு முதலீட்டாளர் களுக்கான நிகர லாபம்!

பங்கு முதலீட்டாளர்களுக்குச் சேர வேண்டிய தொகை இது. வருமானத்தில் அதிகத் தொகை பங்கு முதலீட்டாளர்களுக்குப் போய்ச் சேருவதாக இருந்தால், அந்த நிறுவனம் அதன் முதலீட்டு மீதான வருமானத்தை அதிகமாக வைத்து இருக்கிறது என்று அர்த்தம்.

மேலே கூறப்பட்ட ஆறு அம்சங்களில் ஏதாவது ஒன்றை மட்டும் அலசி ஆராய்ந்துவிட்டு, ஒரு நிறுவனத்தின் பங்கில் முதலீட்டை மேற்கொள்ளும் முடிவை எடுக்கக் கூடாது. இந்த ஆறு அம்சங்களும் சிறப்பாக இருக்கும்பட்சத்தில், ஒரு நிறுவனத்தின் எதிர்கால லாபம் எப்படி இருக்கும் என்பதைச் சரியாகக் கணிக்க முடியும். அந்த வகையில் இந்த ஆறு அம்சங் களையும் சிறப்பாகக் கையாளும் நிறுவனங்களின் பங்குகளைத் தான் முதலீட்டுக்குத் தேர்வு செய்ய வேண்டும்.

அடுத்த வாரம் ஒரு நிறுவனத் தின் லாப, நஷ்ட கணக்குகளைப் புரிந்துகொள்வது பற்றி விரிவாகப் பார்ப்போம்.

தொகுப்பு: சி.சரவணன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு