வருமான வரியைச் சேமிக்க... தபால் அலுவலகங்களில் உள்ள திட்டங்கள் என்னென்ன?

{?} வருமான வரியை சேமிக்க தபால் அலுவலகங்களில் என்னென்ன திட்டங்கள் இருக்கின்றன?

. கணேஷ், கோவை

. ஜி.என்.ஜெயராம், ஆடிட்டர், கார்த்திகேயன் & ஜெயராம் சார்ட்டர்டு அக்கவுன்டன்ட்ஸ், கோவை

. ‘‘வருமான வரியை சேமிக்க தபால் அலுவலகங்களில் ஐந்து திட்டங்கள் இருக்கின்றன. அவற்றின் விவரம் வருமாறு:

. சேமிப்புக் கணக்கு (Savings Account):

. இதன் மூலம் ஈட்டும் வட்டித் தொகைக்கு ஆண்டு ஒன்றுக்கு தனிநபர் என்றால் ரூ.3,500, கூட்டுக் கணக்கு என்றால் ரூ.7,000 வரை வரி விலக்கு கிடைக்கும். மேலும், ரூ.10,000 வரை 80TTA விதிப்படி வரிக் கழிவும் கிடைக்கும்.

. 5 வருட கால வைப்பு திட்டம் (Time Deposit):

. 5 வருட கால வைப்பு திட்ட முதலீட்டுக்கு மற்ற முதலீடுகளுடன் சேர்த்து 80C விதியின் கீழ் ஆண்டு ஒன்றுக்கு ரூ.1,50,000 வரை வரிக் கழிவு கிடைக்கும்.

. மூத்த குடிமக்கள் சேமிப்புக் கணக்குத் திட்டம் (SCSS):

. இந்தத் திட்டத்தில் முதலீடு செய்யப்படும் தொகைக்கு இதர முதலீடுகளுடன் சேர்த்து 80C விதியின் கீழ் ஆண்டு ஒன்றுக்கு ரூ.1,50,000 வரை வரிக் கழிவு கிடைக்கும்.

. 15 வருட பொது வருங்கால வைப்பு நிதி (PPF)

. இந்தத் திட்டத்தில் முதலீடு செய்வோருக்கு, முதலீட்டுத் தொகைக்கு 80C விதியின் கீழ் மற்ற முதலீடுகளுடன் சேர்த்து ஆண்டு ஒன்றுக்கு ரூ.1,50,000 வரை வரிக் கழிவு உண்டு. மேலும் இதிலிருந்து ஈட்டப்படும் வட்டித் தொகைக்கு வருமான வரியிலிருந்து விலக்கு அளிக்கப்பட்டுள்ளது.

. தேசிய சேமிப்புப் பத்திரம் (NSC)

. இந்தத் திட்டத்தில் செய்யப்படும் முதலீடுகளுக்கு 80C விதியின் கீழ் மற்ற முதலீடுகளுடன் சேர்ந்து ஆண்டு ஒன்றுக்கு ரூ. 1,50,000 வரை வரிக் கழிவு உண்டு. மேலும், இதிலிருந்து ஈட்டப்படும் வட்டித் தொகைக்கு அதே பிரிவின் கீழ் வரிக் கழிவு உண்டு.’’

. {?} நான் ரூ.5,25,000 ஃபிக்ஸட் டெபாசிட்டில் முதலீடு செய்ய இருக்கிறேன். தமிழ்நாடு பவர் ஃபைனான்ஸ் கார்ப்பரேஷன் 10.50% வட்டி தருவதாக கேள்விப்பட்டேன். இதில் முதலீடு செய்யலாமா? எதாவது ரிஸ்க் இருக்கிறதா?

. சுப்ரமணியன்

. த.ராஜன், இயக்குனர், ஹோலிஸ்டிக் இன்வெஸ்ட்மென்ட் பிளானர்ஸ்

. ‘‘தமிழ்நாடு பவர் ஃபைனான்ஸ் கார்ப்பரேஷன் என்பது தமிழக அரசுக்கு சொந்தமான நிறுவனம் என்பதால் அதன் ஃபிக்ஸட் டெபாசிட்டில் தாராளமாக முதலீடு செய்யலாம். உங்களுடைய முதலீட்டுக்கு முழுப் பாதுகாப்பு உண்டு. மாதம், காலாண்டு, ஆண்டு என வட்டி வழங்குகிறார்கள். அப்படி வேண்டாம் என்றால் கூட்டு வட்டியாக வழங்குகிறார்கள். உங்களுடைய தேவைக்கேற்ப முதலீட்டைப் பிரித்து முதலீடு செய்துகொள்ளவும்.’’

. {?} என் வயது 48. அரபு நாட்டில் வேலை செய்கிறேன். மாதம் ரூ.3,000 வீதம் சேமிக்க விரும்புகிறேன். மனைவிக்கு கோல்டு இடிஎஃப் மற்றும் எனது பெயரில் ஓய்வுக்கால தேவைக்கு மியூச்சவல் ஃபண்டில் சேமிக்க விரும்புகிறோம். ஆலோசனை கூறவும்?

. கோபாலகிருஷ்ணன்,சவுதி அரேபியா,

. த.முத்துகிருஷ்ணன், நிதி ஆலோசகர், வைஸ் வெல்த் அட்வைசர்ஸ்

. ‘‘ஓய்வுக் கால முதலீட்டை பற்றி இப்போதே நீங்கள் திட்டமிடுவது நல்லது. இன்னும் 12 வருடங்கள் வேலை செய்து 60 வயதில் ஓய்வு பெறுவீர்கள் என்று வைத்துக்கொள்வோம். உங்கள் மனைவி கோல்டு இடிஎஃப்பில் முதலீடு செய்வதைக் காட்டிலும் நீண்ட கால திட்டத்தில் ஈக்விட்டி ஃபண்டுகளில் முதலீடு செய்வது சிறப்பானது. கணவன், மனைவி இருவரும் ஃப்ராங்க்ளின் இந்தியா பிரைமா பிளஸ் ஃபண்ட் மற்றும் பிர்லா சன்லைஃப் ஃபிரன்ட்லைன் ஈக்விட்டி ஃபண்டில் மாதம் ரூ.3,000 வீதம் இடையில் நிறுத்தாமல் தொடர்ந்து முதலீடு செய்தால் 18% ஆண்டு வருமானத்தில் 12 வருட முடிவில் சுமார் ரூ.30 லட்சம் உங்களுக்கு கிடைக்கக்கூடும்.’’

. {?} நான் குடும்பத்து டன் வெளிநாட்டில் வசித்து வருகிறேன். மூன்று வருடங்களில் இந்தியாவில் குடியேறப் போகிறேன். பேமிலி ஃப்ளோட்டர் மெடிக்ளெய்ம் பாலிசி எடுக்க திட்டமிட்டுள்ளேன். என்ஆர்ஐ-ஆக இருப்பதால், ஹெல்த் இன்ஷூரன்ஸ் பாலிசி எடுக்க முடியுமா?

. செல்வகுமார்,

. சி.பாலாஜி பாபு, சென்னை மண்டலத் தலைவர், ஸ்டார் ஹெல்த் இன்ஷூரன்ஸ் .

. ‘‘இந்தியாவில் உங்களால் ஃப்ளோட்டர் மெடிக்கல் பாலிசி எடுக்க முடியும். இந்திய எல்லைக்குள் இருக்கும் மருத்துவமனைகளில் மட்டும் சிகிச்சை எடுக்க முடியும். ஆனால், உங்களிடம் இந்திய முகவரி இருக்க வேண்டியது அவசியம்.’’

. {?} கூட்டுறவு வங்கியில் பெறும் கமிஷன் தொகைக்கு வரி செலுத்த வேண்டுமா?

. ராஜாராம்,

. கே.ஆர்.சத்தியநாராயணன், ஆடிட்டர், ஜிவி என் சங்கர் அண்ட் கோ.

. ‘‘ஆமாம். கூட்டுறவு வங்கியில் பெறக்கூடிய கமிஷன் தொகை உங்கள் வருமானத்துடன் சேர்த்து கணக்கிடப்பட்டு, அதற்கு தகுந்த மாதிரி வரி செலுத்த வேண்டும். கமிஷன் தொகைக்கு கூட்டுறவு வங்கியாலே டிடிஎஸ் பிடித்தம் செய்யப்படும். அடிப்படை வருமான வரம்புக்குள் வரைவில்லையென்றால், பிடிக்கப்பட்ட டிடிஎஸ் தொகை, வருமான வரித் துறைக்கு வரிக் கணக்கு தாக்கல் செய்து திரும்ப பெறலாம்.’’

. {?} நான் அரசு ஊழியர். என்னால் பங்கு முதலீட்டில் ஈடுபட முடியுமா?

. ராம்குமார், மதுரை

. ஏ.ஆர்.வாசுதேவன், மேனேஜர், சிடிஎஸ்எல், தமிழ்நாடு

. ‘‘அரசு ஊழியர் என்றாலும் தாராளமாக பங்கு முதலீட்டில் ஈடுபடலாம். உங்களுடைய பங்கு முதலீடு பற்றிய சுய ஒப்புதல் அறிக்கையை (Self Declaration of Investments in Shares) உங்கள் நிறுவனத்தின் செயல்பாடு விதிகளுக்கு ஏற்றவாறு சமர்ப்பிக்க வேண்டும். பங்கு முதலீட்டுக்கு டீமேட் கணக்கு தொடங்க வேண்டும்.’’

. போன் மூலமாகவும் கேள்வி கேட்கலாம்!

. இனி நீங்கள் போன் மூலமாகவும் கேள்விகளை பதிவு செய்யலாம். அதற்கு 044- 66802920 என்ற எண்ணுக்கு டயல் செய்யுங்கள். கணினி குரல் வழி காட்டும்; அதன்படி உங்கள் குரலிலேயே கேள்விகளை பதிவு செய்யுங்கள். எதிர்முனையில் உங்களுடன் உரையாட யாரும் இருக்க மாட்டார்கள். எனவே, அந்த ஒரு நிமிடம் முழுக்க முழுக்க உங்களுக்கே!

. கேள்விகளை அனுப்புகிறவர்கள் தங்கள் செல்போன் எண்ணையும் குறிப்பிடவும்.

. அனுப்ப வேண்டிய முகவரி: கேள்வி-பதில் பகுதி, நாணயம் விகடன், 757, அண்ணாசாலை, சென்னை-2. nav@vikatan.com .

வருமான வரியைச் சேமிக்க... தபால் அலுவலகங்களில் உள்ள திட்டங்கள் என்னென்ன?

Vikatan Correspondent