நம்பிக்கை தரும் ஸ்மார்ட் சிட்டி... லாபத்துக்கு வாய்ப்புள்ள ஸ்மார்ட் பங்குகள்!

அ ண்மையில் 98 நவீன நகரங்களின் (ஸ்மார்ட் சிட்டிகள்) பட்டியலை அறிவித்தது மத்திய அரசு. இதில்

. தமிழகத்தைச் சேர்ந்த 12 நகரங்களும் இடம்பெற்றுள்ளன. இந்த ஸ்மார்ட் சிட்டிகள் உருவாக்கம் மூலம் நம் நாட்டில் என்னென்ன மாற்றங்கள் ஏற்படும் என்றும், இதனால் அதிக லாபம் அடையும் நிறுவனங்கள் மற்றும் பங்குகள் குறித்தும் மும்பையைச் சேர்ந்த பங்குச் சந்தை நிபுணரும் பங்குச் சந்தை பயிற்சியாளரும் குரோத் அவென்யுஸ் (GROWTH AVENUES) நிறுவனத்தின் நிர்வாக இயக்குநருமான டாக்டர் சி.கே.நாராயண் நம்மிடம் விளக்கிச் சொன்னார்.

. “ஸ்மார்ட் சிட்டி என்பது மத்தியில் ஆளும் நரேந்திர மோடி அரசின் லட்சியத் திட்டமாக இருக்கிறது. இது வெற்றி பெறும்போது நகரம் மற்றும் கிராமப்புற மக்களின் வாழ்க்கை தரம் முற்றிலும் மாறி இருக்கும். இந்தத் திட்டத்தின் நோக்கம் மிகவும் பாராட்டத்தக்கது. இந்தத் திட்டம் அமலுக்கு வந்தால், சில நிறுவனங்கள் கணிசமான லாபம் அடையும்” என்றவர் அவை எந்தத் துறை சார்ந்த நிறுவனங்கள் என்பதையும் சொன்னார்.

. “அதிக லாபம் அடையும் துறைகள் என்று பார்த்தால், உள்கட்டமைப்பு, கட்டுமானம், பெயின்ட்ஸ், எலெக்ட்ரிக்கல், உருக்கு, சிமென்ட் உள்ளிட்டவை இருக்கின்றன. இந்தத் துறைகளில் அதிகமான நிறுவனப் பங்குகள் இருந்தாலும், ஃபண்டமென்டல் மற்றும் டெக்னிக்கல்படி அதிக லாபம் தரக்கூடியவையாக இருக்கிற சில பங்குகளைப் பற்றி பார்ப்போம். இந்த பங்குகளின் விலை கடந்த மாதங்களில் வேகமாக ஏறி வந்தன. அண்மைக் காலப் பிரச்னைகளான சீனாவின் பொருளாதார வளர்ச்சி சரிவு மற்றும் இந்தியாவின் ஜிடிபி வளர்ச்சிக் குறைவு போன்றவற்றால் மேலே குறிப்பிட்ட துறைகளைச் சேர்ந்த பல நிறுவனப் பங்குகளின் விலை கணிசமாக இறக்கம் கண்டு வாங்கக்கூடிய நிலையில் உள்ளன. இவற்றில் தற்போது ஏற்பட்டுள்ள சந்தை சரிவிலும் சில பங்குகளில் முதலீட்டாளர்கள் மிகுந்த நம்பிக்கை வைத்து முதலீட்டை தக்க வைத்துக் கொண்டுள்ளனர். சந்தை இறக்கம் பற்றிக் கவலைப்படாமல் வைத்துக்கொள்ள வேண்டிய மற்றும் முதலீடு செய்ய வேண்டிய ஐந்து பங்குகளைப் பரிந்துரை செய்கிறேன்” என்றவர், பங்குகளின் பெயர்களைச் சொல்லத் தொடங்கினார்.

. “ஹாவெல்ஸ் இந்தியா, வாடெக் வாபேக், என்பிசிசி, ஸ்னைடர் எலெக்ட்ரிக், க்ருஹ் ஃபைனான்ஸ் நிறுவனப் பங்குகளை அவற்றின் தற்போதைய விலையில் வாங்கினால், அடுத்த 12 முதல் 18 மாதங்களில் நல்ல லாபம் பார்க்க முடியும்” என்ற சி.கே.நாராயண், ஒவ்வொரு பங்கும் எந்த வகையில் முதலீட்டுக்கு ஏற்றது என்பதை விளக்கிச் சொன்னார்.

. ஹாவெல்ஸ் இந்தியா (HAVELLS)

. ஸ்மார்ட் சிட்டிகள் கட்டப்படும்போது கேபிள்கள், ஸ்விட்ச் கியர்கள், விளக்குகள் மற்றும் மின் விசிறிகள் போன்றவற்றுக்கான தேவை கணிசமாக அதிகரிக்கும். ஹாவெல்ஸ் இந்தியா நிறுவனம், மேலே கூறப்பட்ட அனைத்துப் பொருட்களைத் தயாரித்து வருகிறது.

. அரசின் ஸ்மார்ட் சிட்டிகள் திட்டத்தைப் பயன்படுத்திக் கொள்ளும்விதமாக விளக்குகள் மற்றும் வீட்டுப் பயன்பாட்டுப் பொருள்களில் புதிய தொழில்நுட்பத்தை இந்த நிறுவனம் மேம்படுத்தி வருகிறது. மேலும், ஸ்மார்ட் சிட்டி திட்டத்துக்குத் தேவையான சாஃப்ட்வேர் மற்றும் நெட்வொர்க் தொழில்நுட்பத்தைப் பன்னாட்டு நிறுவனங்களிடமிருந்து பெறும் நடவடிக்கையில் இந்த நிறுவனம் களமிறங்கி இருக்கிறது. LED (லைட் எமிட்டிங் டையோட்) விளக்குகள் விற்பனை மூலம் இந்த நிறுவனத்துக்கு அடுத்த இரு ஆண்டுகளில் ரூ.600 கோடி வருமானம் வரும் என எதிர்பார்க்கப்படுகிறது.

. அண்மையில் சந்தை கொஞ்சம் இறங்கியபோது, இந்த நிறுவனப் பங்கின் விலையும் கரெக்ஷனில் இருந்தது. கடந்த சில மாதங்களாக இந்தப் பங்கின் விலை ரூ.300 - 250 என்கிற ரேஞ்ச் பவுண்டில் வந்தது. தற்போது 250 ரூபாய் அளவில் வர்த்தகமாகி வருகிறது. ஆசிலேட்டர் சார்ட்கள், பங்கின் விலை நியூட்ரல் ஜோனுக்கு நகர்ந்திருப்பதைச் சுட்டிக் காட்டுகிறது. அதனால் விரைவில் பங்கின் விலை, ரேஞ்ச் பவுண்டின் அதிகபட்ச விலை வரம்பை தொட வாய்ப்பு உள்ளது. இதைத் தாண்டினால் பங்கின் விலை மேலும் அதிகரித்து, அடுத்த ஏற்றத்துக்குச் செல்லும்.

. தற்போதைய நிலையில் இந்தப் பங்கில் முதலீடு செய்தால், அடுத்த 12 - 18 மாதங்களில் சுமார் 100% வருமானம் கிடைக்கக்கூடும்.

. வா டெக் வாபேக் (WABAG)

. நீர் மற்றும் நீர் மேலாண்மையில் முன்னணி பன்னாட்டு நிறுவனம் இது. இதன் ஆர்டர் புக் வலிமையானதாக இருக்கிறது.

. சர்வதேச அளவில் பரந்து விரிந்து இருக்கும் இந்த நிறுவனம் மத்திய அரசின் தேசிய கிராமப்புற குடிநீர் திட்டத்தில் சிறப்பாகப் பங்கேற்று செயல்பட்டு வருகிறது. அந்த வகையில் ஸ்மார்ட் சிட்டி திட்டத்தில் இந்த நிறுவனத்துக்கு அதிக ஆர்டர்கள் கிடைக்க வாய்ப்பு இருக்கிறது.

. சென்னையைச் சேர்ந்த இந்த நிறுவனம், சென்னையில் கடல் நீரை குடிநீராக்கும் திட்டத்தில் 25 சதவிகித பங்களிப்பை அளித்து வருகிறது. இது விரைவில் 50 சதவிகிதமாக அதிகரிக்கும் என எதிர்பார்க்கப்படுகிறது. ஸ்மார்ட் சிட்டிகளில் குடிநீர் தேவையை நிறைவேற்றும் ஆர்டர்கள் இந்த நிறுவனத்துக்குக் கிடைக்கும் என எதிர்பார்க்கப்படுகிறது.

. வாடெக் வாபேக் நிறுவனப் பங்கின் விலை கடந்த ஓராண்டுகளில் மிகவும் ஏற்றத்தில் இருந்தது. அதன்பிறகு கடந்த சில மாதங்களாகப் பங்கின் விலை நிலைபெற்றது. மேலும் தற்போது விலையில் ஏற்பட்டுள்ள இறக்கத்திலும் முதலீட்டாளர்கள் வெளியேறாமல் இருப்பது சாதகமாகும். சந்தை நிலை மேம்படும்போது, இந்தப் பங்கின் விலை ஏறத் தொடங்கும்.

. வரும் ஆண்டுகளில் புதிய உச்சத்தை அடையும் என எதிர்பார்க்கப்படுகிறது.

. தற்போதைய நிலையில் முதலீடு செய்தால், அடுத்த 12-18 மாதங்களில் சுமார் 100% வருமானம் கிடைக்கக் கூடும்.

. என்பிசிசி (NBCC)

. பொதுத் துறையைச் சேர்ந்த இன்ஃப்ரா மற்றும் கட்டுமான நிறுவனமான என்பிசிசி (National Buildings Construction Corporation), மத்திய நகர்புற மேம்பாட்டு அமைச்சகத்தின் கீழ் இயங்கும் மின்சார உற்பத்தி மற்றும் ரியல் எஸ்டேட் மேம்பாடு போன்றவற்றுக்குத் தேவையான திட்ட மேலாண்மை ஆலோசனை, சிவில் இன்ஃப்ராஸ்ட்ரக்சர் போன்றவற்றை அளித்து வருகிறது.

. மேலும், ஜவஹர்லால் நேரு நகர்புற ரெனிவல் மிஷன் திட்டத்தின் கீழ் உள்கட்டமைப்புப் பணிகளை இந்த நிறுவனம் மேற்கொண்டு வருகிறது. அந்த வகையில், ஸ்மார்ட் சிட்டி திட்டங்கள் அமல்படுத்தப்பட்டால், இந்த நிறுவனத்துக்கு உள்கட்டமைப்பு சார்ந்த அரசின் ஆர்டர்கள் கிடைக்க அதிக வாய்ப்பு உள்ளது.

. இந்த நிறுவனப் பங்கின் சார்ட் பேட்டர்ன் வைத்து பார்க்கும்போது, பெரிய மிட் கேப் பங்குகளில் வலிமையானதாக இருக்கிறது. எலியட் வேவ் தியரிபடி, இந்தப் பங்கு அலை 4-ன் இறக்கத்தில் இருக்கிறது. ஒவ்வொரு இறக்கமும் முதலீட்டுக்கான வாய்ப்பாக இருக்கும்.

. தற்போதைய விலையில் முதலீடு செய்ய ஆரம்பித்து இறக்கத்தில் சுமார் ரூ.800 வரைக்கும் முதலீடு செய்வது நல்லது. அடுத்த 12-18 மாதங்களில் சுமார் ரூ.1,500-க்கு பங்கின் விலை உயரக்கூடும்.

. ஸ்னைடர் எலெக்ட்ரிக்(SCHNEIDER)

. எரிசக்தி மேலாண்மை மற்றும் ஆட்டோமேஷனில் சர்வதேச அளவில் முன்னணி நிறுவனமாக ஸ்னைடர் எலெக்ட்ரிக் இருக்கிறது. இந்த நிறுவனம், அதன் தொழிலில் புதுமையைப் புகுத்த ஆராய்ச்சி மற்றும் மேம்பாட்டு (ஆர் அண்ட் டி) பிரிவில் முதலீட்டை மேற்கொண்டுள்ளது.

. ஸ்மார்ட் சிட்டி திட்டங்கள் அமலுக்கு வரும்போது, இந்த நிறுவனத்துக்கு அதிக ஆர்டர்கள் கிடைக்க வாய்ப்பு இருக்கிறது.

. டெக்னிக்கல்படி பார்க்கும்போது, இந்த நிறுவனப் பங்கின் விலை அதிகரித்துச் செல்லவே அதிக வாய்ப்பு இருக்கிறது. ஆசிலேட்டர்களும் விலை கரெக்ஷன் முடிவுக்கு வந்திருப்பதைச் சுட்டிக் காட்டுகின்றன. தற்போதைய கரெக்ஷன் நிலையில் நீண்ட கால முதலீட்டாளர்கள், இந்தப் பங்கில் முதலீடு செய்தால் நல்ல லாபம் பார்க்க முடியும்.

. அடுத்த 12 - 18 மாதங்களில் பங்கின் விலை சுமார் ரூ.360-க்கு அதிகரிக்க வாய்ப்பு இருக்கிறது.

. க்ருஹ் ஃபைனான்ஸ்(GRUH)

. வீட்டு வசதி கடன் வழங்குவதில் இரண்டாம் நிலை நகரங்களில் க்ருஹ் ஃபைனான்ஸ் முன்னணி நிறுவனங்களில் ஒன்றாக இருக்கிறது. இது ஹெச்டிஎஃப்சிக்கு சொந்தமானது என்பது மிகப் பெரிய பாசிட்டிவ் பாயின்ட் ஆகும். மேலும், இந்த நிறுவனப் பங்கில் மியூச்சுவல் ஃபண்ட் நிறுவனங்களின் முதலீடு மிக அதிகமாக இருப்பதும் சாதகமான அம்சம்தான்.

. ஸ்மார்ட் சிட்டி திட்டம் அமலுக்கு வரும்போது, வீட்டுக் கடனுக்கான தேவை மிகவும் அதிகரிக்கும். இந்த வீட்டுக் கடன் வளர்ச்சி இந்நிறுவனத்துக்கு லாபகரமாக அமையும். இந்த நிறுவனப் பங்கின் விலை ரூ.316-க்கு சென்று தற்போதைய சந்தை பலவீனமான நிலையில் இறங்கி காணப்படுகிறது. பங்கின் விலை அதன் மூவிங் ஆவரேஜ் சப்போர்ட் நிலைக்கு முன்னேறி இருக்கிறது. சார்ட்படி பார்க்கும்போது, இந்த பங்கு நியூட்ரல் ஜோனில் உள்ளது. இது பங்கு விலை ஏற்றத்துக்கு அறிகுறியாகும். தற்போதைய நிலையில் பங்கின் விலை அடுத்தக் கட்டத்துக்கு ஏறத் தயாராக இருக்கிறது. இந்த நிறுவனப் பங்கை அதன் தற்போதைய விலையில் வாங்கத் தொடங்கி ரூ.200 வரைக்கும் வாங்கிச் சேர்க்கலாம். டெக்னிக்கல்படி பார்க்கும்போது, பங்கின் விலை அடுத்த 12 மாதங்களில் 50% அதிகரிக்க வாய்ப்பு இருக்கிறது.”

. ஸ்மார்ட் சிட்டியின் வளர்ச்சிக்கேற்ப இந்த பங்குகளும் வளர்ச்சி காணும் என்று எதிர்பார்போமாக!

. டிஸ்க்ளைமர்: பரிந்துரை செய்யப்பட்டுள்ள பங்குகளில் சி.கே நாராயண்-க்கு பொஷிசன் எதுவும் இல்லை. செபி ரிசர்ச் அனலிஸ்ட்க்கு விண்ணப்பித்திருக்கிறார்.

. சி.சரவணன்

. திருத்தம்

. 6.9.2015 தேதியிட்ட இதழ் பக்கம் 41-ல் நாணயம் விகடன் ட்விட்டர் கேள்வி - பதில் பகுதியில் என்பிஎஸ் திட்டத்தில் டயர் 1 திட்டத்தில் இடையில் முதலீட்டு தொகையை அதிகரிக்கவோ, குறைக்கவோ முடியாது என்று பதில் தரப்பட்டிருந்தது. அது தவறு. முதலீட்டுத் தொகையை மாற்றிக்கொள்ள முடியும். அதேபோல், நிரந்தர வருமானம் இல்லாதவர்கள் என்பிஎஸ் திட்டத்தில் சேர முடியாது என்று பதில் சொல்லப்பட்டிருந்தது. அதுவும் தவறு. இந்தத் திட்டத்தில் ஆண்டுக்கு குறைந்தபட்சம் ரூ.6,000 செலுத்தினால் போதும். இதை மொத்த மாகவோ, பிரித்தோ செலுத்தலாம். தவறுகளுக்கு வருந்துகிறோம்.

. -ஆர்.

நம்பிக்கை தரும் ஸ்மார்ட் சிட்டி... லாபத்துக்கு வாய்ப்புள்ள ஸ்மார்ட் பங்குகள்!

Vikatan Correspondent

Tamil News

Cinema News

Spiritual News

Vikatan TV

Business News

Sports News

Photo Story

Agriculture News

Automobile News

Health News

Lifestyle News

Vikatan's Choice

நம்பிக்கை தரும் ஸ்மார்ட் சிட்டி... லாபத்துக்கு வாய்ப்புள்ள ஸ்மார்ட் பங்குகள்!

Vikatan Correspondent

Tamil News

Cinema News

Spiritual News

Vikatan TV

Business News

Sports News

Photo Story

Agriculture News

Automobile News

Health News

Lifestyle News