Published:Updated:

கம்பெனி ஃபிக்ஸட் டெபாசிட்: வட்டி விகிதம் தாண்டி கவனிக்க வேண்டிய விஷயங்கள்!

த.ராஜன், இயக்குநர், ஹோலிஸ்டிக் இன்வெஸ்ட்மென்ட் பிளானர்ஸ்

ரிசர்வ் வங்கி அதன் நிதிக் கொள்கையில் ரெப்போ வட்டி விகிதத்தை 0.50% குறைத்துள்ளது. இந்த

கம்பெனி ஃபிக்ஸட் டெபாசிட்: வட்டி விகிதம் தாண்டி கவனிக்க வேண்டிய விஷயங்கள்!

வட்டிக் குறைப்பு நாட்டின் பொருளாதார முன்னேற்றத்துக்கு வழிவகுக்கும். அதே சமயம், வங்கிகளும் தங்களுடைய ஃபிக்ஸட் டெபாசிட்டுகளுக்கான வட்டியைக் குறைக்கும். இதனால் வங்கி ஃபிக்ஸட் டெபாசிட்டில் புதிதாக முதலீடு செய்தால், குறைந்த வருமானமே கிடைக்கும். கடன் சார்ந்த மியூச்சுவல் ஃபண்டுகளில் நிலையான வருமானத்தை எதிர்பார்க்க முடியாது. எனவே, நிலையான வருமானம், பாதுகாப்பான முதலீடு, அதே சமயம் வங்கி வட்டி விகிதத்தைவிட சற்று கூடுதல் வருமானம் தரக்கூடிய முதலீடான கம்பெனி டெபாசிட்டில் முதலீட்டாளர்களின் கவனம் கூடுதலாக செல்லக் கூடும்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

இந்த நிலையில் கம்பெனி ஃபிக்ஸட் டெபாசிட்டில் முதலீடு செய்யும்போது வட்டி விகிதம் தாண்டி கவனிக்க வேண்டிய விஷயங்கள் என்னென்ன என பார்ப்போம்.

ஒரு நிறுவனம் தனது தொழிலை விரிவாக்கம் செய்ய, மூலதனத்தை உயர்த்த பொதுமக்களிடமிருந்து கடன் பெறும். இதற்கு ஈடாக பெற்ற தொகைக்கு வட்டி வழங்கும். இந்த வட்டியானது வங்கிகள் வழங்கும் வட்டியைவிட 1% முதல் 2% வரை அதிகமாக இருக்கும்.

கம்பெனி ஃபிக்ஸட் டெபாசிட்டுகளில் பணத்தைப் போடும்போது கவனிக்க வேண்டிய விஷயங்கள் குறித்து பார்க்கும்முன் இவற்றில் பணத்தை போடுவதினால் முதலீட்டாளர்களுக்கு என்ன நன்மை கிடைக்கும் என்று பார்ப்போம்.

கம்பெனி ஃபிக்ஸட் டெபாசிட்: வட்டி விகிதம் தாண்டி கவனிக்க வேண்டிய விஷயங்கள்!

• கம்பெனி டெபாசிட்டில் முதலீடு செய்பவர்களுக்கு வங்கி ஃபிக்ஸட் டெபாசிட்டை விட கூடுதல் வட்டி கிடைக்கும்.

• நிலையான வருமானம் கிடைக்கும்.

• மாத வட்டி, காலாண்டு வட்டி, அரையாண்டுக்கு ஒரு முறை வட்டி, ஆண்டு வட்டி, கூட்டு வட்டி என முதலீட்டாளர் களின் தேவைக்கேற்ப வட்டியை பெறலாம்.

• கடன் சார்ந்த மியூச்சுவல் ஃபண்ட் திட்டத்தைவிட ரிஸ்க் குறைவு

• எளிமையாக முதலீடு செய்யும் முறை

• முதலீட்டாளரின் வங்கிக் கணக்கில் நேரடியாக வட்டி வரவு வைக்கப்படும்.

• குறைந்தபட்ச முதலீடு காலம் 6 மாதங்கள்

• வாரிசுதாரர் நியமன வசதியும் உண்டு.

கம்பெனி ஃபிக்ஸட் டெபாசிட்டுகளில் முதலீடு செய்வதினால் அதிக வருமானம் கிடைக்கும் என்றாலும், அந்த ஒரு காரணத்துக்காக மட்டும் நாம் அவற்றில் முதலீடு செய்யக் கூடாது. நாம் முதலீடு செய்த நிறுவனம் முதலீட்டுக்கான வட்டியையோ அல்லது முதிர்வின்போது அசலையோ திருப்பி தரவில்லை என்றால் நமக்கு இழப்பு ஏற்படும். இதனை தவிர்க்க முதலீடு செய்யும்முன் கவனிக்க வேண்டியவற்றை பற்றிப் பார்ப்போம்.

கம்பெனி ஃபிக்ஸட் டெபாசிட்: வட்டி விகிதம் தாண்டி கவனிக்க வேண்டிய விஷயங்கள்!

• முதலீட்டாளர்களிடமிருந்து டெபாசிட் திரட்டும் நிறுவனம் ரிசர்வ் வங்கியிடம் முறையான அனுமதி பெற்றுள்ளதா என்பதை பார்க்க வேண்டும். (பார்க்க: https://www.rbi.org.in/scripts/NBFC_Pub_lic.aspx)

• நிறுவனத்தின் சொத்து மதிப்பு, லாப அளவு, கையிருப்பு தொகை, கடன் தொகை இவற்றை எல்லாம் நிறுவனத்தின் பேலன்ஸ்ஷீட் (இருப்பு நிலைக்குறிப்பு) மூலம் தெரிந்துகொள்ள வேண்டும்.

• முக்கியமாக நாம் பார்க்க வேண்டியது முதலீட்டுக்கான ரேட்டிங் என்ன உள்ளது என்பதை பார்க்க வேண்டும். கிரைசில் (CRISIL), இக்ரா (ICRA) போன்ற தரக் குறியீடு (ரேட்டிங்) நிறுவனங்கள் இந்த ரேட்டிங்கை வழங்கும். AAA, AA, AA+ போன்ற தரக்குறியீடு உள்ள முதலீட்டில் முதலீடு செய்யலாம்.

• ரேட்டிங் நிலையானது கிடையாது. முதலீடு செய்தபின்பும் ரேட்டிங்கில் எதாவது மாற்றம் உள்ளதா என்பதையும் பார்க்க வேண்டும்.

• A அல்லது நெகட்டிவ் ரேட்டிங் உள்ள கம்பெனிகளில் முதலீடு செய்வதை தவிர்க்கவும்.

• தொடர்ச்சியாக நஷ்டம் அடைந்த கம்பெனிகள், டிவிடெண்ட் வழங்காத நிறுவனங்களின் ஃபிக்ஸட் டெபாசிட்டுகளில் முதலீடு செய்யக்கூடாது.

• வங்கி வட்டியைவிட 2 முதல் 3 சதவிகிதத்துக்கு மேல் வட்டி வழங்கும் நிறுவனங்களில் முதலீடு செய்யும்போது மிகவும் உஷாராக இருப்பது நல்லது. கூடிய வரையில் இந்த முதலீட்டை தவிர்ப்பது நல்லது.

கம்பெனி ஃபிக்ஸட் டெபாசிட்: வட்டி விகிதம் தாண்டி கவனிக்க வேண்டிய விஷயங்கள்!

• முதலீடு செய்யும் மொத்த பணத்தையும் ஒரே நிறுவன ஃபிக்ஸட் டெபாசிட் திட்டத்தில் முதலீடு செய்யாமல், வெவ்வேறு துறைகளை சார்ந்த 2 அல்லது 3 நிறுவனங்களின் ஃபிக்ஸட் டெபாசிட் திட்டத்தில் பிரித்து முதலீடு செய்யலாம்.

• வட்டி வருமானம் ஆண்டுக்கு ரூ.5,000-க்கு மேல் இருந்தால் வரிப் பிடித்தம் செய்யப்படும். வருமான வரி வரம்புக்குள் வராதவர்கள் வரிப் பிடித்தத்தை தவிர்க்க படிவம் 15G-யையும், மூத்த குடிமக்கள் என்றால் 15H படிவத்தையும் ஒவ்வொரு நிதி ஆண்டின் துவக்கத்திலும் கொடுக்க வேண்டும்.

• வருமான வரியை பொறுத்த மட்டில், நிறுவன ஃபிக்ஸட் டெபாசிட்டுக்கும் வங்கி ஃபிக்ஸட் டெபாசிட்டுக்கும் வேறுபாடு கிடையாது. இதில் கிடைக்கும் வருமானத்துக்கு வருமான வரி வரம்புக்கு ஏற்ப வரி செலுத்த வேண்டும்.

வட்டி விகிதம் குறையும் நேரங்களில் நம்முடைய வருமான இழப்பை முடிந்த வரை ஈடு செய்ய நல்ல கம்பெனி டெபாசிட்டுகளில் முதலீடு செய்யலாமே!