Published:Updated:

லட்சங்களில் வருமானம்... சமையலில் சாதிக்கும் சிந்தனா!

லட்சங்களில் வருமானம்... சமையலில் சாதிக்கும் சிந்தனா!
பிரீமியம் ஸ்டோரி
News
லட்சங்களில் வருமானம்... சமையலில் சாதிக்கும் சிந்தனா!

பிசினஸ்

லட்சங்களில் வருமானம்... சமையலில் சாதிக்கும் சிந்தனா!

பொழுதுபோக்குக்காக கேக் செய்ய ஆரம்பித்து, தற்போது கேக் பிசினஸில் மாதம் அசால்டாக லட்சத்தை சம்பாதித்துக் கொண்டிருக்கிறார் சென்னையைச் சேர்ந்த இளம்பெண் சிந்தனா மாணிக்கவேல்.

‘‘ஏழு வயசுல இருந்தே நான் டென்னிஸ் பிளேயர். தேசிய, சர்வதேச போட்டிகள்ல நிறைய பதக்கங்கள் வாங்கியிருக்கேன். ஆனா, திடீர்னு ஏற்பட்ட உடல்நலக்குறைவு என்னை ஸ்போர்ட்ஸை விட்டு வெளியேற வெச்சது. அந்த வலி, வேதனையை மறக்க படிப்புல கவனம் செலுத்தினேன். எம்.ஏ பப்ளிக் ரிலேஷன் முடிச்சுட்டு ஒருபக்கம் வேலை தேடிக்கிட்டே, மாலை நேரத்துல டென்னிஸ் பயிற்சி கொடுத்துட்டு இருந்தேன். ஆனாலும் பகல் நேரம் அதிகம் போரடிக்க, கூகுள் பார்த்து கேக் செய்ய கத்துகிட்டேன். ஒருநாள் ஃபேமிலி, ஃப்ரெண்ட்ஸ்னு எல்லோரும் டூர் கிளம்பினோம். அப்போ, நான் செஞ்சு வெச்சிருந்த கேக் வீணாகிடக் கூடாதேனு எல்லாத்தையும் பேக் செஞ்சு எடுத்துட்டுப் போனேன். டூர்ல என் கேக் சூப்பர் டூப்பர் ஹிட்டாக, கூடவே என் ஃப்ரெண்ட்ஸ், ‘இதை நீ பிசினஸாவே செய்யலாம்’னு சொல்லி, பிள்ளையார்சுழியும் போட்டுவிட்டாங்க’’ என்றவர்,

‘‘ஆரம்பத்தில் நட்பு, உறவுனு விரும்பிக் கேட்கிறவங்களுக்கு மட்டும் கேக் செய்து கொடுத்துட்டு இருந்தேன். கேக்கோட டேஸ்ட் பிடிச்சுபோய் ஒருத்தர் மூலம் ஒருத்தர்னு ஆர்டர்கள் வந்து சேர்ந்து பிசினஸ் பிக்-அப் ஆச்சு. ஆனாலும் திட்டமிடல் இல்லாம இருந்த என்னிடம், என் அப்பா மாணிக்க வேலும், இல்லத்தரசியான அம்மா குந்தவியும், ‘உங்கிட்ட இருக்கிற திறமையை முழுமையா பயன்படுத்திக்கோ’னு அறிவுரை சொல்ல, இந்த கேக் பிசினஸை முழு நேரமா செய்ய முடிவெடுத்தேன்" என்றவர், தொடர்ந்து ஒவ்வொரு படியாக வேகமாக முன்னேறியிருக்கிறார். 
‘‘கேக் மற்றும் அதைச் சார்ந்த பிஸ்கட் உள்ளிட்ட உணவுப் பொருட்கள் செய்யக் கத்துக்க, பெரிய ஹோட்டல்ல வேலை செய்ற செஃப் பலர்கிட்ட, இன்டர்ன்ஷிப் செய்ய வாய்ப்பு கேட்டேன். ஆனா, நான் ஹோட்டல் மேனேஜ்மென்ட் கோர்ஸ் படிக்காததால சொல்லித்தர மறுத்துட்டாங்க. அதனால குக்கரியில் பல ஷார்ட் டெர்ம் பயிற்சிகளை முடிச்சு, இதைப் பத்தி ஏ டு இஸட் கத்துக்கிட்டேன்.

லட்சங்களில் வருமானம்... சமையலில் சாதிக்கும் சிந்தனா!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

ஆரம்பத்துல, கஸ்டமர்களுக்கு நானே நேரில் போய் கொடுத்துட்டு இருந்தேன். ஆர்டர்கள் அதிகரிக்க, பைக் சர்வீஸ், ஆட்டோ சர்வீஸ்னு டெலிவரியை வேகப்படுத்தினேன். முதல் மாசம், 5,000 ரூபாய் லாபம் வந்தது. தொடர்ந்து தீவிரமா வேலை பார்த்தேன். எனக்கு சின்ன வயசுல இருந்தே குரங்கு ரொம்பப் பிடிக்கும் என்பதால, ‘சுகர் மங்கீஸ்’னு என் பிசினஸ்க்கு பெயர்வெச்சு, 2014-ம் வருஷ இறுதியில லைசன்ஸ் வாங்கினேன். பிசினஸுக்காக நான் ஆரம்பிச்ச ஃபேஸ்புக் பேஜ்ல என்னோட கஸ்டமர்கள் எழுதியிருந்த ரெவ்யூஸ், என்னோட வெற்றிக்கு பலமா இருந்தது.

தினமும் சராசரியா 7 - 8 மணி நேரமும், ஆர்டரை பொறுத்து இரவு பகலாவும் வேலைசெய்ய வேண்டியிருக்கும். பக்கத்துல இருக்குற சில பெண்களை பணியமர்த்தியிருக்கேன். இப்போ குக்கரி பயிற்சி வகுப்புகளும் எடுக்கிறேன்.

உடலுக்குக் கெடுதலான க்ரீம்ஸ் எதுவும் சேர்க்காம வெண்ணெய், சாக்லேட் க்ரீம்ஸ்னு தரமான பொருட்களை மட்டும் பயன்படுத்தி கேக் செய்றதோட... தீம் கேக்ஸ், சர்க்கரை நோயாளிகளுக்கு சுகர் ஃப்ரீ கேக், மைதா சேர்க்காத கோதுமை கேக், குழந்தைகளுக்கான ஸ்மாஷ் கேக்னு பல வகையான கேக்குகளை செய்து கொடுக்கிறேன். அடுத்ததா, பஃப்ஸ், கட்லெட்னு ஸ்நாக் அயிட்டங்களைச் செய்யவும் கத்துக்கிட்டு இருக்கேன்’’ என்று சொல்லும் சிந்தனா, தியேட்டர், காபி ஷாப், பார்ட்டிகள் என்று பல்க் ஆர்டர்களில் பரபரப்பாக இருக்கிறார். லட்சத்தை தொடுகிறது இவருடைய மாத வருமானம்.

‘‘சீஸன் நேரத்தில் லட்சம் ரூபாய்கூட கிடைக்கும்’’ என்று சிரிக்கும். 26 வயது இளம் எனர்ஜி சிந்தனா, ‘‘உங்ககிட்ட திறமை இருக்கா? அப்போ தாமதிக்காதீங்க. எந்தத் துறையானாலும் துணிந்து இறங்குங்க. நாளைக்கு நீங்களும் வெற்றியாளர்தான்!’’ என்று `தம்ஸ் அப்'காட்டுகிறார்.

 கு.ஆனந்தராஜ், படங்கள்: எம்.உசேன்