கம்பெனி ஸ்கேன்

இ ந்த வாரம் நாம் ஸ்கேன் செய்ய எடுத்துக்கொண்டுள்ள நிறுவனம் செஞ்சுரி டெக்ஸ்டைல்ஸ் அண்ட் இண்டஸ்ட்ரீஸ் லிமிடெட் (NSE SYMBOL: CENTURYTEX). 1897-ம் ஆண்டு பப்ளிக் லிமிடெட் நிறுவனமாக ஆரம்பிக்கப்பட்ட இந்த நிறுவனம், 1951 வரையிலும் ஒரு டெக்ஸ்டைல் மில்லாகவே செயல்பட்டது. அதன் பின்னால் இந்த நிறுவனம் வளர்ச்சிப் பாதையில் செல்ல ஆரம்பித்து, நூல், டெனிம், விஸ்கோஸ் பிலமெண்ட் ரேயான் யார்ன், டயர் கார்டுகள், காஸ்டிக் சோடா, சல்ஃப்யூரிக் ஆசிட், சால்ட், சிமென்ட், பல்ப் மற்றும் பேப்பர் போன்ற பல்வேறு பொருட்களை உற்பத்தி செய்யும் நிறுவனமாக மாறிவிட்டது. ஆரம்ப காலத்தில் மும்பையில் இருந்த இந்த நிறுவனத்தின் டெக்ஸ்டைல் மில், ஒரே இடத்தில் இருக்கும் மிகப் பெரிய காம்ப்போசைட் மில் என்ற பெருமையைக் கொண்டிருந்தது.

பல்வேறு காரணங்களினால் படிப்படியாக உற்பத்தியை இந்த இடத்தில் நிறுத்திய செஞ்சுரி டெக்ஸ்டைல்ஸ், 2008-09 வருடத்தில் குஜராத்தில், ஜகடியா என்ற இடத்தில் ரூ.855 கோடி செலவில், வருடத்துக்கு 25 மில்லியன் மீட்டர் துணிகளை உற்பத்தி செய்யும் வண்ணம் ‘பிர்லா செஞ்சுரி’ என்ற புதிய டெக்ஸ்டைல் மில்லை ஆரம்பித்தது. இந்த இடத்தில் ரூ.106 கோடி மதிப்பிலான 30 மெகா வாட் திறன் கொண்ட கேப்டிவ் தெர்மல் மின் உற்பத்தி நிலையமும் இருக்கிறது. மேலும், மேற்கு வங்கத்திலும் மஹாராஷ்டிராவிலும் சிமென்ட் ஆலையைக் கொண்டிருக்கிறது இந்த நிறுவனம்டெக்ஸ்டைல், சிமென்ட், பல்ப் மற்றும் பேப்பர் என்ற மூன்று பெரும் பிரிவுகளில் செயல்பட்டு வருகிறது செஞ்சுரி டெக்ஸ்டைஸ்ல் நிறுவனம்.

. டெக்ஸ்டைல் தொழிலைப் பொறுத்தவரையில், இந்திய டெக்ஸ்டைல் நிறுவனங்களின் பங்களிப்பு என்பது 108 பில்லியன் டாலர்கள் அளவில் இருக்கிறது. இதில் 68 பில்லியன் டாலர் அளவு உள்நாட்டு நுகர்விலும் மீதமிருக்கும் 40 பில்லியன் டாலர் ஏற்றுமதி வர்த்தகத்திலும் இருக்கிறது.

இந்தியா, உலக அளவில் சீனாவுக்கு அடுத்த படியாக இரண்டாவது பெரிய ஏற்றுமதியாளராக (உலக ரீதியான சந்தைப் பங்களிப்பில் ஆறு சதவிகித அளவு) இருந்து வருகிறது. மூலப் பொருட்கள் விலை ஏற்றம், கூலி மற்றும் மின் கட்டண அதிகரிப்பு என பல்வேறு விதமான செலவின அதிகரிப்பு இருக்கிறது என்றாலும் டாலருக்கு எதிரான ரூபாயின் மதிப்பு குறைந்துள்ள படியால் ஏற்றுமதி வர்த்தகத்துக்கு இது சாதகமான ஒரு விஷயமாக இருக்கிறது எனலாம். புதுப்புது ரகங்கள் மற்றும் டிசைன்களில் முனைப்பாக செயல்படும் நிறுவனங்கள் இந்த வாய்ப்பைப் பயன்படுத்திக்கொள்ள முடியும்.

இந்தத் துறையில் பெரிய அளவிலான போட்டியாளராக இருக்கும் சீனாவைவிட இந்தியாவில் சம்பளம் மற்றும் மின்சார செலவீனங்கள் குறைவாக இருப்பதாலும், அமெரிக்க டாலருக்கு நிகரான சீனாவின் கரன்சி மதிப்பு சற்றே அதிகரித்துக்கொண்டே இருப்பதாலும், டெக்ஸ்டைல் துறையில் வாய்ப்புகளுக்கு பஞ்சமில்லை என்று சொல்லும் அளவுக்கே நிலைமை இருக்கிறது.

. கடந்த நிதியாண்டில், சீனாவில் இருந்து இந்தியாவுக்கு செய்யப்படும் இறக்குமதி, இந்த வகைப் பொருட்களில் சற்றே குறைந்துள்ளபடியால் உள்ளூர் நிறுவனங்கள் இந்திய உற்பத்தியாளர்களிடமிருந்தே இவற்றை வாங்கி வருகின்றன.

செஞ்சுரி நிறுவனத்தின் ரேயான் டயர் கார்ட் மற்றும் கெமிக்கல்கள் தயாரிக்கும் தொழிற்சாலை, மும்பைக்கு அருகே 55 கிலோ மீட்டர் தொலைவில் முரதாபாத் சாலையில் இருக்கிறது. 1952-ல் ஆரம்பிக்கப்பட்ட இந்த தொழிற்சாலை, 1956 -ல் உற்பத்தியைத் துவக்கியது. ஆரம்ப காலத்தில் வருடத்துக்கு 2,000 டன் உற்பத்தித்திறனை கொண்டிருந்த இந்த நிறுவனம், தற்சமயம் வருடத்துக்கு 25,000 டன் உற்பத்தித்திறனை கொண்டிருக்கிறது.

1960-ம் ஆண்டு காஸ்டிக் சோடா உற்பத்தி வசதி நிறுவப்பட்டது. 1963-ம் ஆண்டில் ஏகேயு ஹாலந்து நிறுவனத்தின் கூட்டணியுடன் டயர் யார்ன் மற்றும் கார்டு தொழிற்சாலை துவங்கப்பட்டது.

. சிமென்ட் துறையைப் பொறுத்தவரையில், இந்தியாவில் ஒட்டுமொத்தமாக 400 மில்லியன் டன் அளவிலான நவீன தொழில்நுட்பத்துடன் கூடிய உலகத்தரம் வாய்ந்த உற்பத்தி வசதி இருக்கிறது. இந்தியாவைப் பொறுத்தவரை, கடந்த நிதியாண்டின் இறுதியில் சிமென்டுக்கான தேவை 67% வீடுகள் கட்டுமானத்துக்காகவும், 24% கமர்சியல் மற்றும் இன்ஃப்ராஸ்ட்ரக்சர் கட்டுமானத்துக்காகவும், 9% தொழிற்சாலைகள் கட்டுமானத்துக்காகவும் இருந்து வருகிறது.

செஞ்சுரி நிறுவனத்தின் சிமென்ட் ஆலைகள் ராய்ப்பூர் (சத்தீஸ்கர்), மைஹார் ( மத்தியப்பிரதேசம்), கட்சந்தூர் (மஹாராஷ்டிரா), சகார்திகி – கிரைண்டிங் யூனிட் (மேற்கு வங்கம்) போன்ற இடங்களில் இருக்கின்றன. பிர்லா கோல்டு என்ற பிராண்டில் சிமென்ட்டை விற்று வரும் இந்த நிறுவனம், போர்ட்லேண்ட் போசோனோலா சிமென்ட் எனும் ப்ளெண்டட் வகை சிமென்ட் தயாரிப்பில் ஒரு முன்னோடி நிறுவனமாகும்.

. மூன்றாவதாக, இந்த நிறுவனம் செயல்படும் துறையான பல்ப் மற்றும் பேப்பர் துறையில் வியாபாரம் என்பது பொருளாதார ஏற்ற இறக்கத்துக்கு ஏற்றாற்போல் அமையும் ஒரு விஷயமாக இருக்கிறது. உலகப் பொருளாதார சூழ்நிலையும் அண்டை நாடுகளில் நிலவும் பொருளாதார சூழ்நிலையுமே இந்தத் துறையில் வியாபாரத்துக்கான வாய்ப்புகளை உயர்த்தவும் குறைக்கவும் செய்கின்றன.

செஞ்சுரி பல்ப் மற்றும் பேப்பர் உற்பத்தித் தரம் வாய்ந்த எழுதுவதற்கான மற்றும் அச்சிடுவதற்கான பேப்பர் தயாரிப்புகளை செய்துவருகிறது. மேலும், டிஷ்யு மற்றும் போர்டுகள், ரேயான் கிரேடு பல்ப் போன்றவற்றையும் இந்த நிறுவனம் தயாரித்து வருகிறது. நைனிடாலில் லாலுகா எனும் இடத்தில் (இமாசலப்பிரதேசம்) இதற்கான உற்பத்தி வசதிகளைக் கொண்டிருக்கிறது இந்த நிறுவனம்.

. ரிஸ்க்குகள் ஏதும் உண்டா?

. பொருளாதாரம் சார்ந்த ரிஸ்க்குகளும், அந்நிய செலாவணி சார்ந்த ரிஸ்க்குகளும், தண்ணீர் மற்றும் மாசுக்கட்டுப்பாடுகள், பேப்பர் தொழிலில் அதற்கு தேவைப்படும் மூலப்பொருட்கள் தொடர்ந்து தங்குதடையின்றி கிடைத்தல் என பல்வேறு ரிஸ்க்குகளையும் உள்ளடக்கியுள்ளது இந்த நிறுவனம். பல்வேறு தொழில்களில் ஈடுபட்டுள்ளதால் இந்த நிலை எனலாம்ரிஸ்க்குகள் பல இருக்கிறபோதிலும், நீண்ட தொழில் ரீதியான அனுபவமும் பல்வேறு தொழில்களில் இருக்கிற ஸ்திரமான நிலையையும் கருத்தில் கொண்டு இந்தப் பங்குகள் ஏதாவது ஒரு காரணத்தினால் கடுமையானதொரு விலைச்சரிவை சந்திக்கும்போது மிகவும் சிறிய எண்ணிக்கையில் வாங்கி மூன்று முதல் நான்கு ஆண்டுகால முதலீட்டுக்கான போர்ட்ஃபோலியோவில் சேர்த்துக் கொள்வதற்காக வாசகர்கள் ட்ராக் செய்யலாம்.

பங்கை வாங்கியபின் இந்தத் துறை மற்றும் இந்த நிறுவனத்தின் செயல்பாடு குறித்து தொடர்ந்து ட்ராக் செய்ய முடியாத வாசகர்கள் இந்தப் பங்கினைத் தவிர்ப்பதே நல்லது.

. This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014 Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of the document? – No; 3. Whether the research analyst or his relatives has any other material conflict of interest? – No; 4. Whether research analyst has received any compensation from the subject company/ies in the past 12 months and nature of products / services for which such compensation is received? – No; 5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol (CENTURYTEX)/name of company/time duration)

கம்பெனி ஸ்கேன்

Vikatan Correspondent