Published:Updated:

மணி மேனேஜ்மென்ட்! - 2 - வங்கி சேமிப்புக் கணக்கு ஏன் அவசியம்?

மணி மேனேஜ்மென்ட்! - 2 - வங்கி சேமிப்புக்  கணக்கு ஏன் அவசியம்?
பிரீமியம் ஸ்டோரி
மணி மேனேஜ்மென்ட்! - 2 - வங்கி சேமிப்புக் கணக்கு ஏன் அவசியம்?

சி.சரவணன்

மணி மேனேஜ்மென்ட்! - 2 - வங்கி சேமிப்புக் கணக்கு ஏன் அவசியம்?

சி.சரவணன்

Published:Updated:
மணி மேனேஜ்மென்ட்! - 2 - வங்கி சேமிப்புக்  கணக்கு ஏன் அவசியம்?
பிரீமியம் ஸ்டோரி
மணி மேனேஜ்மென்ட்! - 2 - வங்கி சேமிப்புக் கணக்கு ஏன் அவசியம்?
மணி மேனேஜ்மென்ட்! - 2 - வங்கி சேமிப்புக்  கணக்கு ஏன் அவசியம்?

ங்கி சேமிப்புக் கணக்கு எவ்வளவு முக்கியம் என்பதை 500, 1,000 ரூபாய் நோட்டுகள் செல்லாது என பிரதமர் மோடி அறிவித்த பின்பு அனைவரும் உணர்ந்திருப்பார்கள். வங்கிக் கணக்கு வைத்திருந்தவர்கள் அனைவரும் பழைய ரூபாய் நோட்டுகளை வங்கிக் கணக்கில் செலுத்திவிட்டு, புதிய நோட்டுகளைப் பெற்றுவிட்டார்கள். ஆனால், வங்கிக் கணக்கு இல்லாதவர்கள்தான் பழைய ரூபாய் தாள்களை மாற்ற முடியாமல் வங்கி வாசலில் நாள் கணக்கில் காத்துக் கிடந்தார்கள். 

பணப் பரிமாற்றம், பங்குச் சந்தை, மியூச்சுவல் ஃபண்ட் போன்ற நிதித் திட்ட முதலீடுகளுக்கும், வீட்டுக் கடன், கார் கடன் போன்ற முக்கிய கடன்கள் வாங்கவும் வங்கிக் கணக்கு மிக அவசியமான ஒன்றாக இருக்கிறது.

வங்கிச் சேமிப்புக் கணக்கின் முக்கிய பயன் என்னவெனில்,  பணம் தேவைப்படும்பட்சத்தில் எப்போது வேண்டுமானாலும்  எடுத்துக் கொள்ளலாம்.  இப்போது மூலை முடுக்கெல்லாம் ஏடிஎம் மையங்கள் வந்துவிட்டதால்,  டெபிட் கார்டை பயன்படுத்தி,  நினைத்த நேரத்தில் பணத்தை எடுத்துக்கொள்ளலாம். 

கணக்கில் இருக்கும் பணம் பாதுகாப்பாக இருப்பதுடன், அதற்கு குறைந்த பட்சம் 4% வட்டி தரப்படுகிறது. சில வங்கிகளில் முதலீட்டுத் தொகை ரூ.1 லட்சத்தை தாண்டும்போது 6-7% வரை வட்டி தரப்படுகிறது.
  சேமிப்புக் கணக்கு வருமானம்!

சேமிப்புக் கணக்கு மூலம் கிடைக்கும் வட்டி வருமானம், பணவீக்க விகிதத்தைவிட (விலைவாசி உயர்வு) அதிகமாக இருக்க வாய்ப்பு மிகக் குறைவு. உதாரணத்துக்கு, பணவீக்க விகிதம் 6%, வங்கி சேமிப்புக் கணக்கு வட்டி 4% என்றால் உண்மையான வருமானம் (4-6%) -2%. எனவே, சேமிப்புக் கணக்கில் அதிகத் தொகையைப் போட்டு வைப்பது லாப  கரமாக இருக்காது.     

 யாரெல்லாம் கணக்கைத் தொடங்க முடியும்?

இந்தியக் குடிமகன் யார் வேண்டுமானலும் கணக்கைத் தொடங்கலாம். வயது வரம்பு இல்லை. வங்கி சேமிப்புக் கணக்கைத் தொடங்கக் கட்டணம் எதுவும் கிடையாது என்பது பாசிட்டிவான விஷயம்.

1.
தனிநபர்கள் தங்களின் பெயரில்

2. கணவன் - மனைவி  கூட்டாக

3. பத்து வயதுக்கு உட்பட்ட சிறார்கள் அவர்களின் பெற்றோர் அல்லது பாதுகாப்பாளர் மூலம்

4. கல்வி அறிவு பெற்ற பத்து  வயதான சிறார்கள் தங்கள் பெயரில் வங்கிச் சேமிப்புக் கணக்கைத் தொடங்கலாம்.

  தேவையான ஆவணங்கள்!

முகவரி மற்றும் அடையாளத்துக்கான ஆதாரங் களாக, பாஸ்போர்ட், பான் கார்டு, ஓட்டுநர் உரிமம், வாக்காளர் அடையாளர் அட்டை, ஆதார் அட்டை, குடும்ப அட்டை நகல் ஆகியவற்றை அளிக்கலாம். இரண்டு பாஸ்போர்ட் சைஸ் போட்டோ தேவைப்படும். 

எந்த ஆதாரங்களை அளிக்கிறீர்களோ, அதற்கான ஒரிஜினல்களைக் கணக்கு ஆரம்பிக்கும் போது வங்கிக்கு எடுத்துச் செல்வது அவசியம்.

கே.ஒய்.சி (Know your customer - KYC - உங்கள் வாடிக்கையாளரை அறிந்துகொள்ளுங்கள்) என்கிற படிவத்தை நிரப்பி கொடுக்க வேண்டி இருக்கும். இதில், ஒரு மார்பளவு புகைப்படம் ஒட்டப்பட வேண்டும். இந்தப் படிவத்தில் தொடர்பு தொலைபேசி எண், வீட்டு முகவரி, வருமான விவரம், குடும்ப உறுப்பினர்கள் விவரம் போன்றவை கேட்கப்பட்டிருக்கும். நீங்களே அதனை நிரப்பித் தந்துவிடலாம். அந்த அளவுக்கு அது எளிமையாக இருக்கும். 

இந்த கேஒய்சி படிவத்தை அவ்வப்போது புதுப்பித்து வரவேண்டும். பொதுவாக, வங்கிகள் இரண்டு ஆண்டுகளுக்கு ஒரு முறை புது கேஒய்சி கேட்கும். இதற்கு  அடையாளம் மற்றும் முகவரிக்கான ஆதாரம் அளிக்க வேண்டும். ஒரு பாஸ்போர்ட் சைஸ் போட்டோவும் தேவைப்படும்.

மணி மேனேஜ்மென்ட்! - 2 - வங்கி சேமிப்புக்  கணக்கு ஏன் அவசியம்?

ஒட்டுமொத்த விகடனுக்கும் ஒரே ஷார்ட்கட்!

  நாமினி நியமனம்!

சேமிப்புக் கணக்கை ஆரம்பிக்கும் போது, அதற்கான படிவத்தில் நாமினி யார் என்பதைக் குறிப்பிடுவது அவசியம். அப்படிக் குறிப்பிடும்பட்சத்தில் வங்கியில் கணக்கு வைத்திருப்பவருக்கு ஏதாவது பாதிப்பு ஏற்பட்டால், வங்கிக் கணக்கில் இருக்கும் பணம் நாமினிக்கு அளிக்கப்படும். இல்லை என்றால் சட்டப்படியான வாரிசுக்கு அளிக்கப்படும். இடையில் தேவைப்பட்டால் நாமினியை மாற்றிக் கொள்ள முடியும்..

  மூலதனத்துக்குப் பாதுகாப்பு!

வங்கி சேமிப்புக் கணக்கில் இருக்கும் முழுத் தொகைக்கும் பாதுகாப்பு இருக்கிறது என்றுதான் பலரும் நினைத்துக் கொண்டிருக்கிறார்கள். ஆனால்,  இல்லை என்பதே அதிர்ச்சி தரும் பதில். வங்கிக் கணக்கில் கிடக்கும் பணம் வட்டியுடன் சேர்த்து ரூ.1 லட்சம் வரைக்கும்தான் வங்கியால் காப்பீடு செய்யப்பட்டிருக்கும். வங்கி திவால் ஆகும்பட்சத்தில் இந்த 1  லட்சம் ரூபாய் வாடிக்கையாளர்களுக்கு உறுதியாகக் கிடைக்கும். அதற்கு மேல் வங்கிச் சேமிப்புக் கணக்கில் இருந்தால், அது கிடைக்குமா என்றால், கிடைக்கலாம், கிடைக்காமலும் போகலாம். டெபாசிட் இன்ஷூரன்ஸ் அண்ட் கிரெடிட் கேரன்டி கார்ப்பரேஷன் (Deposit Insurance and Credit Guarantee Corporation - DICCG) மூலம் இந்தியாவில் இயங்கும் அனைத்து வங்கி களும் இந்த இன்ஷூரன்ஸை எடுத்திருக்கும். 

கூட்டுறவு வங்கிகளில் சேமிப்புக் கணக்கு ஏற்கெனவே வைத்திருந்தாலோ அல்லது புதிதாகத் தொடங்கப் போகிறீர்கள் என்றாலோ, இந்த இன்ஷூரன்ஸ் எடுக்கப்பட்டிருக்கிறதா என்பதை உறுதி செய்துகொள்ளவும். தொடர்ந்து மூன்று ஆண்டுகளாக இந்த இன்ஷூரன்ஸுக்கான பிரீமியத்தை வங்கிகள் செலுத்தவில்லை என்றால், அந்த வங்கிக் கணக்கில் வாடிக்கையாளர் போட்டிருக்கும் எந்தத் தொகைக்கும் பாதுகாப்பு கிடையாது.
ரூ.1 லட்சத்துக்கு மேல் வங்கி சேமிப்புக் கணக்கில் போட்டு வைக்க வேண்டிய சூழ்நிலை இருந்தால், பல வங்கிகளில் பிரித்துப் போட்டு வைக்கலாம். அல்லது குடும்ப உறுப்பினர்களின் பெயரில் உள்ள வங்கிக் கணக்கில் போட்டு வைப்பதன் மூலம் பாதுகாப்பைத் தேடலாம்.

இந்தியாவைப் பொறுத்தவரையில், வங்கிகள் திவால் என்பது அரிதான விஷயம்தான். அதுவும் பொதுத்துறை வங்கிகள் திவால் ஆவதற்கான வாய்ப்பு மிக  மிகக் குறைவு. அப்படியே நடந்தாலும் அந்த வங்கி வேறு வங்கியுடன் இணைக்கப்பட்டு விடும் என்பதால், வங்கிக் கணக்கில் போட்ட பணம் பறிபோய்விடுமோ என்று பயப்படத் தேவை இல்லை.

என்றாலும், வங்கிக் கணக்கு என்பது ஒவ்வொருவருக்கும் தேவைப்படும் அடிப்படை விஷயம் மட்டுமே. அதை எல்லாமாக நினைத்து நாம் தேங்கி நின்றுவிடக் கூடாது. அப்படியானால், அடுத்து என்ன செய்ய வேண்டும் என்றுதானே கேட்கிறீர்கள்? அதை அடுத்த வாரம் சொல்கிறேன்.

 (பணம் பெருகும்)

நடப்புக் கணக்கு!

இது தொழில் செய்பவர்களுக்கானது. இந்தக் கணக்கின் மூலம் எத்தனை முறை வேண்டுமானலும் பணம் எடுத்துக் கொள்ளலாம். எவ்வளவு பேருக்கு வேண்டுமானலும் காசோலை கொடுத்துக் கொள்ளலாம். சேமிப்புக் கணக்குக்கு வட்டி தரப்படுவது போல், இந்தக் கணக்கில் கிடக்கும் தொகைக்கு வட்டி கிடையாது.
 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism