Published:Updated:

சிறு வணிகர்கள் இனி பணத்தை வாங்காமலே கல்லாவை நிரப்பலாம்!

சிறு வணிகர்கள் இனி பணத்தை வாங்காமலே கல்லாவை நிரப்பலாம்!
பிரீமியம் ஸ்டோரி
சிறு வணிகர்கள் இனி பணத்தை வாங்காமலே கல்லாவை நிரப்பலாம்!

பிஓஎஸ் மற்றும் இ-வேலட்...ச.ஸ்ரீராம்

சிறு வணிகர்கள் இனி பணத்தை வாங்காமலே கல்லாவை நிரப்பலாம்!

பிஓஎஸ் மற்றும் இ-வேலட்...ச.ஸ்ரீராம்

Published:Updated:
சிறு வணிகர்கள் இனி பணத்தை வாங்காமலே கல்லாவை நிரப்பலாம்!
பிரீமியம் ஸ்டோரி
சிறு வணிகர்கள் இனி பணத்தை வாங்காமலே கல்லாவை நிரப்பலாம்!
சிறு வணிகர்கள் இனி பணத்தை வாங்காமலே கல்லாவை நிரப்பலாம்!

‘ஐநூறோ, ஆயிரமோ, எவ்வளவு ரூபாய் செலவு செய்வதாக இருந்தாலும் பணமாகத் தராமல், கேஷ்லஸ்-ஆக செலவு செய்யுங்கள்’ என்கிறது அரசாங்கம். ஆனால், இன்றைக்கு பெரிய கடைகளைத் தவிர, பிற கடைகளில் பணமாக மட்டுமே வாங்கிக்கொள்ளும் நிலை. காரணம், பணமாக வாங்காமல் கேஸ்லஸ்-ஆக பரிவர்த்தனை செய்ய வேண்டும் எனில் அதற்கான உபகரணங்களை வாங்கி ஆகவேண்டும்.

அந்த உபகரணங்களை எப்படி வாங்குவது, அதற்கு என்ன செலவாகும், சர்வீஸ் கட்டணமாக எவ்வளவு கட்ட வேண்டியிருக்கும்? இது மாதிரியான பல கேள்விகள் சிறு வியாபாரிகளைக் குடைந்து கொண்டிருக்கின்றன. 
இந்தப் பிரச்னைகளுக்கு எல்லாம் தீர்வாக வந்திருக்கின்றன வங்கிக் கணக்குடன் இணைக்கப் பட்ட பிஓஎஸ் (Point of Sales) மெஷின்களும், இ-வேலட் என்னும் ஆல்லைன் மூலம் பணத்தை பரிமாறும் வசதியும். இந்த இரண்டு வசதிகள் ஒரு விற்பனை நிலையத்தில் இருந்தால், கையில் காசு வாங்காமலே கல்லாவை நிரப்பிவிடலாம்.

இந்த பிஓஎஸ் கருவிகள் பயன்படுத்துவதற்கு மிக மிக எளிதானவை, பாதுகாப்பானவை, அதிகம் செலவு செய்யத் தேவை இல்லாதவை. இதன் மூலம் பணத்தை வாங்கினால், அது வங்கிக் கணக்குக்கு அடுத்த நிமிடமே சேர்ந்துவிடும். எனவே, சில்லறை பற்றி கவலைப்படாமல், சிறு வியாபாரிகள் ஜம்மென்று பிசினஸ் செய்யலாம்.

ஒட்டுமொத்த விகடனுக்கும் ஒரே ஷார்ட்கட்!

சிறு வணிகர்கள் இனி பணத்தை வாங்காமலே கல்லாவை நிரப்பலாம்!

பிஓஎஸ் குறித்து எஸ்.பி.ஐ-யின் தமிழ்நாடு பிரிவு பிஓஎஸ் சர்வீஸ் மேனேஜர் பாலாவிடம் கேட்டோம். ‘‘ ‘பாயின்ட் ஆஃப் சேல்’ எனப்படும் பணமில்லா பரிவர்த்தனை என்பது சிறு மற்றும் குறு வணிகர்களுக்கு மிகவும் பயனுள்ளதாக இருக்கும். ஒரு வணிகர் இதனைப் பயன்படுத்த, அவரிடம் நடப்புக் கணக்கு (Current Account) இருந்தால் மட்டும் போதும். நடப்புக் கணக்கைக் காட்டி ஸ்டேட் வங்கியில் இந்தக் கருவியை பெற்றுக்கொள்ளலாம். இதற்கு மாதக் கட்டணம் வசூலிக்கப்படும்.

ஆர்.பி.ஐ நெறிமுறையோடு வழங்கப்படும் இந்தக் கருவி, பணமில்லா பரிவர்த்தனைக்காக பயன்படுத்தப்படுகிறது. வாடிக்கையாளர்கள் டெபிட் மற்றும் கிரெடிட் கார்டுகள் மூலம் பணத்தை பரிவர்த்தனை செய்துகொள்ளலாம். இதன் மூலம் எடுக்கப்படும் பணம், இந்தக் கருவியுடன் இணைக்கப்பட்டிருக்கும் வங்கி நடப்புக் கணக்கில் நேரடியாக வரவு வைக்கப்படும். குறைந்தபட்சமாக 50 ரூபாய்க்குக்கூட இதன் மூலம் பரிவர்த்தனை செய்யலாம் என்பதால், பல வணிகர்கள் குறைந்த தொகைக்குக் கூட இந்த சேவையை வழங்கி வருகின்றனர்.

இதற்கான கணக்கை எஸ்.பி.ஐ-யை பொறுத்தமட்டில், ஜீரோ பேலன்ஸிலேயே வைத்திருக்கலாம். கிரெடிட் கார்டுகளுக்கு 100 ரூபாய்க்கு 1.50 ரூபாயையும், டெபிட் கார்டுகளுக்கு 0.75 ரூபாயையும் கமிஷனாக வசூலிக்கிறது. ஆனால், தற்போது ரூபாய் நோட்டுகள் தட்டுப்பாடு ஏற்பட்டுள்ளதால், டெபிட் கார்டு பயன்பாட்டில் கமிஷன் வசூலிக்கப்படுவதில்லை.

ஒருவர் 100 ரூபாய்க்கு பொருள் வாங்கினால், அந்தக் கடைக்காரரின் கணக்கில் வாடிக்கையாளர் செலுத்திய பணத்தில் கமிஷன் போக மறுநாள் வரவு வைக்கப்படும். இது கடைக்காரர் மற்றும் வாடிக்கையாளர் இருவருக்குமே பலனளிக்கக் கூடியதாக இருக்கும்.

சிறு வணிகர்கள் இனி பணத்தை வாங்காமலே கல்லாவை நிரப்பலாம்!

இந்த பிஓஎஸ் கருவியைப் பயன்படுத்துவதற்கு மாதக் கட்டணம் உண்டு. இந்தக் கட்டணமானது கருவியைப் பொறுத்து மாறுபடும். ஜி.பி.ஆர்.எஸ் வசதி கொண்ட கருவிக்கு மாதம் 400 ரூபாயும், வயர் மூலம் கணினியுடன் இணைக்கப்பட்டிருக்கும் கருவிக்கு மாதம் 200 ரூபாயும் வசூலிக்கப்படுகிறது.

ஈஸி டேப் என்னும் கையடக்கக் கருவிக்கு மாதம் 150 ரூபாயும் வசூலிக்கப்படுகிறது. வணிகர்கள் அவர்களது தொழிலுக்கு ஏற்றவாறு இதனை தேர்ந்தெடுத்துக் கொள்ளலாம். இப்போது தமிழகம் முழுக்க இந்தச் சேவையை நாங்கள் தந்து வருகிறோம். எனவே, வியாபாரிகள் எந்த ஊரில் இருந்தாலும் அவர்களின் தேவைக்கு ஏற்ப எங்களைத் தொடர்பு கொள்ளலாம்’’ என்றார் அவர்.

தனியார் வங்கிகளில் பிஓஎஸ் மற்றும் இ-வேலட் தொழில்நுட்பங்களை சிறப்பாக தந்து வருகிறது கரூர் வைஸ்யா வங்கி. இந்த வங்கியின் துணை மேலாளர் தினேஷ் குமாருடன் பேசினோம். ‘‘சிறு மற்றும் குறு வணிகர்களுக்கு இந்தக் கருவி பெரிதும் பயனுள்ளதாக இருக்கிறது என்பதை அண்மைக் காலமாக பல சிறு வியாபாரிகள் நேரடியாக உணர்ந்து வருகின்றனர். இந்தக் கருவியைத் தருவதற்காக நாங்கள் எந்தக் கட்டணத்தையும் வசூலிப்பதில்லை.

நடப்புக் கணக்குடன் இணைக்கப்பட்டிருக்கும் இந்தக் கருவிக்கு மாதக் கட்டணம் என்பது 500 ரூபாயிலிருந்து 700 ரூபாய் வரை வசூலிக்கப்படுகிறது. கிரெடிட் கார்டுகளில் கோல்டு மற்றும் பிரீமியம் கார்டுகள் இருக்கும். இவற்றுக்கு முறையே பரிவர்த்தனைக்கு 1.5% மற்றும் 2% கட்டணம் வசூலிக்கப்படுகிறது. டெபிட் கார்டுகளில் 2,000 ரூபாய்க்கு மேற்பட்டால் 0.75% கமிஷன் வசூலிக்கப்படுகிறது’’ என்றார். 

சிறு வணிகர்கள் இனி பணத்தை வாங்காமலே கல்லாவை நிரப்பலாம்!

  இ-வேலட்!

பிஓஎஸ் போல, இ-வேலட்களும் பணப் பரிமாற்றத்துக்கு உதவும் முக்கியமான உபகரணமாக மாறியுள்ளது. பேடிஎம், ஃப்ரீசார்ஜ் போன்ற வேலட்  நிறுவனங்கள் மூலமாகவும் பணமில்லாப் பரிவர்த்தனை செய்வது குறு மற்றும் சிறு வணிகர் களுக்கு பயனளிக்கும். பேடிஎம் மூலம் வங்கிக் கணக்குக்கும், வேலட்டுக்கும் பணத்தை  வாடிக்கையாளர் கணக்கிலிருந்து நேரடியாக கடைக்காரரின் கணக்கில் வரவு வைக்க முடியும்.

கடைக்குச் சென்று கார்டு நம்பரை மட்டும் அழுத்தி உங்கள் மொபைலுக்கு வரும் பாஸ்வேர்டை கொடுத்தால், கடைக்காரரது கணக்கில் வரவு வைக்கப்பட்டுவிடும். இதுபோன்ற வேலட் ஆப்கள் பல சிறு வியாபாரிகளை அணுகி, சேவையை அதிகப்படுத்தி வருகின்றன.

  கடைக்காரர்களுக்கு எப்போது பணம் கிடைக்கும்?

சிறு வணிகர்கள் இனி பணத்தை வாங்காமலே கல்லாவை நிரப்பலாம்!


பிஓஎஸ் மற்றும் இ-வேலட்கள் மூலம் வாடிக்கையாளர்களிடமிருந்து பெறப்படும் பணமானது, வியாபாரிகளுக்கு உடனே கிடைத்துவிடாது.  பரிவர்த்தனை நடந்த நாளுக்கு அடுத்த நாள் அவர் கணக்கில் பணம் வரவு வைக்கப்படும்.

உதாரணமாக, காலையில் ரூ.500-க்கு வியாபாரம் ஆகிறது. மதியம் ரூ.300-க்கு வியாபாரம் ஆகிறது. மாலையில்  ரூ.700-க்கு விற்பனை ஆகிறது எனில், மறுநாள் காலையில் வியாபாரியின் கணக்கில் ரூ.1,500 வரவு வைக்கப்படும்’’ என்றார்.

சிறிதளவு மாதக் கட்டணத்தை பெரிதாக நினைக்காமல் இந்த உபகரணங்களைப் பயன்படுத்தினால், அதிகமான பிசினஸை எளிதாக செய்து லாபம் பார்க்கலாமே!

படம்: தே.அசோக்குமார்

‘‘இனி இதுதான் கைகொடுக்கும்!’’

சிறு வணிகர்கள் இனி பணத்தை வாங்காமலே கல்லாவை நிரப்பலாம்!


புத்தக விற்பனையாளர் மஹேந்திரன் கூறும்போது,  ‘‘முன்பெல்லாம் பணமாகத்தான் வாங்க அதிகம் விரும்புவோம், காரணம், பணப்புழக்கத்தை கையாள்வதற்கு அது மிக வசதியாக இருக்கும். ஆனால், தற்போது மக்களே பணமின்றி தவித்து வருகின்றனர். அவர்கள் கார்டு மற்றும் வேலட்  பேமண்டுகளையே அதிகம் விரும்புகின்றனர். அதற்கு ஏற்றவாறு நாமும் மாறித்தான் ஆகவேண்டும். இல்லையெனில் நாம் வாடிக்கையாளரை இழக்க நேரிடும். முன்பெல்லாம் 200 ரூபாய்க்கு மேல் வாங்குபவர்களுக்குதான் கார்டு மூலம் பேமண்ட் செய்யலாம் என்று சொல்லி வந்தோம். இப்போது நிலைமையை உணர்ந்து, 100 ரூபாய்க்கும் இந்த வசதியை வழங்குகிறோம். இனி இதுதான் எதிர்காலம் என்றால், அதற்கேற்ப நாமும் மாறிக் கொள்ளத்தான் வேண்டும். பாயின்ட் ஆஃப் சேல் கருவிகளும், வங்கிகளும் சிறப்பான சேவையை வழங்குகின்றன. நமக்கு ஏற்ற சேவையைத் தேர்ந்தெடுத்தால் லாபம்தான்” என்றார்.

இந்தியாவில் பணப் பரிவர்த்தனையைக் குறைத்து, பணமில்லாப் பரிவர்த்தனையை அதிகரிக்கும் நோக்கில் மத்திய அரசு மேற்கொள்ளும் நடவடிக்கைகளால், ஆரம்பத்தில் பாதிக்கப்பட்ட வணிகர்கள் தற்போது இந்த இயந்திரங்களை நோக்கி வேகமாக மாறி வருகின்றனர். தற்போதே சென்னை போன்ற நகரங்களில் மளிகைக் கடையில் 30 ரூபாய்க்கும் ஸ்வைப் செய்யும் வசதி வந்துவிட்டது இனி டீக்கடையில் ஒரு டீக்கு ஸ்வைப் செய்யலாம் என்றாலும் ஆச்சர்யமில்லை.