Published:Updated:

கம்பெனி ஸ்கேன்

கம்பெனி ஸ்கேன்
பிரீமியம் ஸ்டோரி
கம்பெனி ஸ்கேன்

ஆக்‌ஷன் கன்ஸ்ட்ரஷன் எக்யூப்மெண்ட் லிமிடெட்! (NSE SYMBOL: ACE)டாக்டர் எஸ்.கார்த்திகேயன்

கம்பெனி ஸ்கேன்

ஆக்‌ஷன் கன்ஸ்ட்ரஷன் எக்யூப்மெண்ட் லிமிடெட்! (NSE SYMBOL: ACE)டாக்டர் எஸ்.கார்த்திகேயன்

Published:Updated:
கம்பெனி ஸ்கேன்
பிரீமியம் ஸ்டோரி
கம்பெனி ஸ்கேன்
கம்பெனி ஸ்கேன்

க்‌ஷன் கன்ஸ்ட்ரக்‌ஷன் எக்யூப்மென்ட் லிமிடெட் கட்டுமானத் துறைக்குத் தேவையான மெட்டீரியல் ஹேண்டிலிங் உபகரணங்களை உற்பத்தி செய்து விற்பனை செய்துவரும் நிறுவனம். ஆக்‌ஷன் கன்ஸ்ட்ரக்‌ஷன் நிறுவனம் மொபைல் கிரேன்கள், டவர் கிரேன்கள், க்ராவ்லர் கிரேன்கள், லோடர்கள், ரோட் எக்யூப்மென்ட்கள், போர்க்லிப்ட் ட்ரக்குகள், விவசாயத்துக்கு உதவும் உபகரணங்கள் போன்றவற்றை உற்பத்தி செய்யும் பெரும் தொழிற்பிரிவுகளில் செயல்பட்டுவருகிறது.

கம்பெனி ஸ்கேன்

ஒட்டுமொத்த விகடனுக்கும் ஒரே ஷார்ட்கட்!


இவற்றில் கட்டுமானத் துறைக்கு உதவும் உபகரணங்களில்  மொபைல் கிரேன்கள் மற்றும் டவர் கிரேன்களின் சந்தைப் பங்களிப்பில் ஒரு முன்னணி பங்களிப்பைக் கொண்டிருக்கிற நிறுவனமாகத் திகழ்கிறது இந்த நிறுவனம். தங்களுடைய தயாரிப்புகளில் புதிய டெக்னாலஜியை உடனுக்குடன் அறிமுகப் படுத்துவதிலும், தலைசிறந்த விற்பனைக்கு பிந்தைய சேவையை வழங்குவதிலும் தனித்துவத்துடன் திகழ்வதையே நோக்கமாக கொண்டுள்ளது இந்த நிறுவனம்.

1995-ல் ஆரம்பிக்கப்பட்ட இந்த நிறுவனம் ஹரியானாவில் உள்ள ஃபரிதாபாத் மற்றும் உத்தரக்காண்டில் உள்ள காஷிப்பூர் ஆகிய இரண்டு இடங்களில் தன் உற்பத்தி வசதிகளுக்கான தொழிற்சாலைகளைக் கொண்டுள்ளது. இந்த தொழிற் சாலைகளில் ஆண்டொன்றுக்கு கட்டுமானப் பணிகளுக்கு உதவும்  12,000  இயந்திரங்களையும், 9,000 டிராக்டர்களையும் உற்பத்தி செய்ய இயலும்.

விவசாயத்துக்கு உதவும் உபகரணங்களில் டிராக்டர்கள், அறுவடை செய்ய உதவும் இயந்திரங்கள், பயிரிட உதவும் இயந்திரங்கள், ரோட்டவேட்டர்கள் போன்றவற்றை உற்பத்தி செய்துவருகிறது இந்த நிறுவனம்.
கிட்டத்தட்ட 60 சதவிகித அளவுக்கு மேலான சந்தைப் பங்களிப்பை கிரேன் விற்பனையில் கொண்டு ஒரு முன்னணி நிறுவனமாகத் திகழ்கிறது இந்த நிறுவனம். சமீபத்தில் இந்த நிறுவனம் தன்னுடன் ‘ஏசிஇடிசி ரெண்டல்ஸ் பிரைவேட் லிமிடெட்’ என்ற நிறுவனத்தினை இணைத்துக் கொண்டது. இந்த நிறுவனம், டவர் கிரேன்களை மூன்று ஆண்டு காலத்துக்கும் மேலான காலகட்டத்துக்கு லீஸ் முறையில் வாடிக்கையாளர் களுக்கு அளித்துவரும் நிறுவனமாகும்.

கம்பெனி ஸ்கேன்

மொபைல் கிரேன்கள் என்பது ஹெவி இன்ஜினீயரிங் தொழிற்சாலைகள் மற்றும் கட்டுமானப் பணிகளில் அதிக அளவில் பயன்படுத்தப்படும் ஒரு இயந்திரமாகும்.

இந்த வகை கிரேன் தயாரிப்பில், இந்தியாவில் இந்த நிறுவனம் தவிர்த்து இன்னமும் ஒரே ஒரு நிறுவனமே (எஸ்கார்ட்ஸ்) ஈடுபட்டு வருகிறது. இந்திய ரியல் எஸ்டேட் துறை சற்று மந்தமாக இருப்பதால், டவர் கிரேன்கள் விற்பனையும் சமீப காலமாக சற்று மந்தகதியிலேயே இருக்கிறது. 

மேலும், கடந்த மூன்று முதல் நான்கு ஆண்டு காலமாக, இந்திய தொழில் நிறுவனங்கள் பலவும் தொழில்ரீதியான முதலீட்டு விரிவாக்கங்களை செய்யாமல் இருந்துவந்த காரணத்தினால் கிரேன் விற்பனை சற்று மந்தகதியில் உள்ளது. இதுதவிர, இந்த நிறுவனம் பல்வேறு விதமான ட்ரக் மவுன்டட் கிரேன்கள், லாரி லோடர்கள், க்ராவ்லர் கிரேன்கள் போன்றவற்றையும் உற்பத்தி செய்து விற்பனை செய்கிறது.

கம்பெனி ஸ்கேன்

தற்சமயம் அரசாங்கம் எடுத்துவரும் பொருளாதார வளர்ச்சியை அதிகரிக்கச் செய்யும் நடவடிக்கைகளினாலும், இன்ஃப்ராஸ்ட்ரக்சர் முன்னேற்றத் திட்டங்களினாலும் அடுத்துவரும் இரண்டு, மூன்று வருடங்களில் கிரேன்களுக்கான தேவை சற்றே அதிகரிக்கும் என்று எதிர்பார்க்கலாம். மேலும், ஸ்மார்ட் சிட்டிகள் நிர்மாணித்தல் போன்ற புதிய முயற்சிகளும் கிரேன்களுக்கான தேவையை சற்று அதிகப்படுத்தும்.
 
விவசாயத்துக்கான உபகரணங்கள் விற்பனையும் சமீப காலமாக ஓரளவு குறைந்திருக்கிறது என்று சொல்லும் அளவுக்கே நிலைமை இருக்கிறது. பொதுவாக, நாட்டில் ஏற்பட்ட குறைவான மழைப் பொழிவு என்பது விவசாய உபகரணங்கள் விற்பனையை சமீபகாலத்தில் சற்றுப் பாதித்தது. எதிர்வரும் காலத்தில் மழைப்பொழிவு சீரானால் விவசாய உபகரணங்களின் விற்பனையும் அதிகரிக்க வாய்ப்பு உண்டு. 

  ரிஸ்க்குகள் ஏதும் உண்டா?

இந்த நிறுவனத்தின் தொழில் பெருமளவில் பொருளாதார வளர்ச்சியைச் சார்ந்ததாகும். பொருளாதார வளர்ச்சி எதிர்பார்த்த அளவில் மேம்படாமல் போனாலோ அல்லது புதிய தொழில் முதலீடுகள் அதிகரிக்காமல் போனாலோ விற்பனையில் மந்தகதி தொடர் வதற்கான வாய்ப்பு இருக்கவே செய்கிறது.

மெட்டீரியல் ஹேண்ட்லிங் உபகரணங்கள் சந்தை, போட்டி மிக அதிக அளவில் இருக்கிற ஒரு சந்தையாகும். அதனால் போட்டி நிறுவனங்கள் கடைபிடிக்கும் நவீனகரமான வியாபார உத்திகள் விற்பனையை ஓரளவுக்கு பாதித்துவிடவும் வாய்ப்புகள் உள்ளன. டிராக்டர் சந்தையிலும் மிக அதிகமான போட்டி காணப்படுவதாலும், அகில இந்திய ரீதியில் போட்டி போடும் பெரிய அளவிலான நிறுவனங்கள் கோலோச்சியுள்ளன என்பதாலும் போட்டி போடுவது கொஞ்சம் கடினமான விஷயமாகவே இருக்கும்.

கம்பெனி ஸ்கேன்

ரிஸ்க்குகள் பல இருக்கிறபோதிலும் நீண்ட அனுபவத்தையும் கிரேன் துறையில் நல்லதொரு சந்தைப் பங்களிப்பு மற்றும் வாடிக்கையாளர் நன்மதிப்பு என்ற இரண்டையும் கொண்டிருக்கும் இந்த நிறுவனத்தின் பங்குகளை சந்தையில் ஏதாவது ஒரு காரணத்தினால் கணிசமான விலை இறக்கம் வரும்போது மிகவும் குறைந்த எண்ணிக்கையில் வாங்கி வாசகர்கள் மூன்று முதல் ஐந்து ஆண்டுகால முதலீட்டுக்காக வைத்திருக்கும் போர்ட்ஃபோலியோவில் சேர்த்துக்கொள்ளலாம்.

ஏற்கனவே கட்டுமானம் மற்றும் கட்டுமான உபகரணங்கள் தயாரிக்கும் நிறுவனங்களின் பங்குகளை அதிகமாகக்கொண்டிருக்கும் போர்ட்ஃபோலியோவை வைத்திருக்கும் வாசகர்கள் இந்தப் பங்கினைத் தவிர்ப்பது நல்லது. அதேபோல், இந்த பங்கில் முதலீடு செய்தபின், இந்த நிறுவனத்தின் செயல்பாடுகள் மற்றும் பொருளாதார மாறுதல்களைத் தொடர்ந்து ட்ராக் செய்ய முடியும் என்ற நிலையில் இருக்கும் வாசகர்கள் மட்டுமே இந்தப் பங்கினை வாங்க ட்ராக் செய்யலாம். தொடர்ந்து ட்ராக் செய்ய இயலாதவர்கள் இந்தப் பங்கில் முதலீடு செய்வதைத் தவிர்ப்பதே நல்லது!

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014
Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of  the document? – No; 3. Whether the research analyst or his relatives has any other material conflict of interest? – No;  4. Whether research analyst has received any compensation from the subject company/ies in the past  12 months and nature of products / services for which such compensation is received? – No;  5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol (ACE)/name of company/time duration)
 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism