Published:Updated:

ஆன்லைனில் பனங்கிழங்கு விற்கும் ஈரோட்டு பிசினஸ்மேன்!

ஆன்லைனில் பனங்கிழங்கு விற்கும் ஈரோட்டு பிசினஸ்மேன்!
பிரீமியம் ஸ்டோரி
ஆன்லைனில் பனங்கிழங்கு விற்கும் ஈரோட்டு பிசினஸ்மேன்!

வீ.மாணிக்கவாசகம்

ஆன்லைனில் பனங்கிழங்கு விற்கும் ஈரோட்டு பிசினஸ்மேன்!

வீ.மாணிக்கவாசகம்

Published:Updated:
ஆன்லைனில் பனங்கிழங்கு விற்கும் ஈரோட்டு பிசினஸ்மேன்!
பிரீமியம் ஸ்டோரி
ஆன்லைனில் பனங்கிழங்கு விற்கும் ஈரோட்டு பிசினஸ்மேன்!
ஆன்லைனில் பனங்கிழங்கு விற்கும் ஈரோட்டு பிசினஸ்மேன்!

சாலையில் பார்த்ததைத் தனக்கு சாதகமாக்கிக் கொள்ளும் சக்தியும் புத்தியும் நம்மில் எத்தனை பேருக்கு உண்டு? அப்படி சாலையில் இரண்டு ரூபாய்க்கு ஒரு  பனங்கிழங்கை வாங்கி அதை ஆன்லைனில் ஐந்து ரூபாய்க்கு விற்கிறார்  ஒருவர். ஈரோட்டிலிருந்து பழனி செல்லும் சாலையில் 30 கி.மீட்டர் தொலைவில் இருக்கிறது கொமரபாளையம். இந்த சின்ன ஊரில் இருந்தபடி பல்வேறு நாடுகளுக்கு பல வகையான விவசாய விளைபொருட்களை அனுப்பி வருகிறார் சீனிவாசன். அவருடன் பேசினோம்.

‘‘நான் டிப்ளமோ படிச்சிருக்கேன். இன்னைக்கு இருக்குற பரபரப்பான உலகத்துல காசு செலவழிச்சாலும் தரமான பொருள்கள் கிடைக்கிறது குதிரை கொம்பா இருக்கு. அதுலயும் நகரத்தில் வசிக்கிறவங்க தரமான பொருள் கிடைக்காம தவிக்கிறாங்க. இயற்கை முறையில் விளைவிக்கப்பட்ட பொருள்களை நான் விற்பனை செய்ய ஆரம்பித்தேன். முதலில் செக்கில் ஆட்டிய நல்லெண்ணெய், கடலை எண்ணெய், தேங்காய் எண்ணெய் ஆகிய மூன்றையும் விற்க முடிவு செய்தேன். 

அடுத்து கரும்பு வாங்கி நாட்டு சர்க்கரை தயாரிச்சு அதையும் ஆன்லைன்லயே விற்கத் தொடங்கினேன். ரோட்டுல பனங்கிழங்கு வித்துக்கிட்டு, இருந்த ஒரு அம்மா பாதியை  மட்டும் வித்துட்டு மீதியை வீட்டுக்கு எடுத்துக்கிட்டு போறதைப் பார்த்தேன். ‘பனங்கிழங்கு பற்றிய மகத்துவம் தெரியாததால நிறையப் பேர் வாங்கவில்லை’ன்னு சொன்னாங்க.

உடனே பனங்கிழங்கு மூலமா உடம்புக்கு கிடைக்கிற நன்மைகள் குறித்து நான் ஃபேஸ்புக்ல எழுதினேன். அதற்கான வரவேற்பு எக்கச்சக்கமா இருந்துச்சி. உடனே ஒரு பனங்கிழங்கு இரண்டு ரூபாய்க்கு வாங்கி, அதை ஆன்லைன் மூலமா அஞ்சு ரூபாய்க்கு வித்துக்கிட்டு இருக்கேன். வட இந்தியாவுல இருந்துதான் இந்தக் கிழங்குக்கு நிறைய ஆர்டர் வருது.

இப்ப சென்னை, பெங்களூருனு பெரிய நகரங்களுக்கும், தமிழர்கள் அதிகம் வசிக்கும் அரபு நாடுகள், சிங்கப்பூர், மலேசியா போன்ற வெளிநாடுகளுக்கும் என்னோட பொருள்கள் போகுது. என்னோட வாடிக்கையாளர்களா ஒரு மாசத்துக்கு சுழற்சி முறையில 1,500 குடும்பங்கள் இருக்காங்க. ஒரு மாதத்துக்கான என்னோட முதலீடு அஞ்சு லட்ச ரூபாய். எனக்கு சுமார் 10% வருமானம் கிடைக்கிறது.

இரண்டு வருஷத்துக்கு முன்னாடிதான் இந்த பிசினஸை துவக்கினேன். நான் எதை செய்யணும்னாலும் அதை முதல்ல ஃபேஸ்புக்ல போட்டு மற்றவர்களின் கருத்தைத் தெரிந்துகொள்வேன். அதன்பிறகுதான் அந்த பொருளை நான் தயாரிக்கத் தொடங்குவேன். இதுதான் என்னோட தொழில் வளர்ச்சிக்கு முக்கிய காரணம்’’ என்றார்.

வித்தியாசமாக யோசித்தால் எல்லாப் பொருட் களையும் வெற்றிகரமாக விற்பனை செய்ய முடியும் என்பதற்கு இந்த சீனிவாசன் நல்லதொரு உதாரணம்!

படம்: ரமேஷ் கந்தசாமி