Published:Updated:

மணி மேனேஜ்மென்ட்! - 4 - வங்கி சேமிப்பு கணக்கு... வருமானத்துக்கு வரி உண்டா?

மணி மேனேஜ்மென்ட்! - 4 - வங்கி சேமிப்பு கணக்கு... வருமானத்துக்கு வரி உண்டா?
பிரீமியம் ஸ்டோரி
மணி மேனேஜ்மென்ட்! - 4 - வங்கி சேமிப்பு கணக்கு... வருமானத்துக்கு வரி உண்டா?

சி.சரவணன்

மணி மேனேஜ்மென்ட்! - 4 - வங்கி சேமிப்பு கணக்கு... வருமானத்துக்கு வரி உண்டா?

சி.சரவணன்

Published:Updated:
மணி மேனேஜ்மென்ட்! - 4 - வங்கி சேமிப்பு கணக்கு... வருமானத்துக்கு வரி உண்டா?
பிரீமியம் ஸ்டோரி
மணி மேனேஜ்மென்ட்! - 4 - வங்கி சேமிப்பு கணக்கு... வருமானத்துக்கு வரி உண்டா?
மணி மேனேஜ்மென்ட்! - 4 - வங்கி சேமிப்பு கணக்கு... வருமானத்துக்கு வரி உண்டா?

ப்போதெல்லாம் மாதச் சம்பளமானது  வங்கிக் கணக்கிலேயே செலுத்தப்படுகிறது. இதற்கென சம்பளக் கணக்கு வங்கிகளில் ஆரம்பிக்கப்படுகிறது. இந்த சம்பளக் கணக்கில் குறைந்தபட்ச தொகை எதையும் பராமரிக்கத் தேவை இல்லை. மேலும், காசோலை, ஏடிஎம் கார்டு போன்றவை கட்டணம் இல்லாமல் அளிக்கப்படும். இந்தக் கணக்கில் இருக்கும் தொகைக்கு சேமிப்புக் கணக்குக்கான வட்டி வழங்கப்படும்.

பலரும் ஒரு வேலையில் இருந்து இன்னொரு வேலைக்கு மாறியபிறகு, பழைய சம்பளக் கணக்கு பற்றிக் கண்டுகொள்ளாமலே  இருந்துவிடுகிறார்கள். பெரும்பாலான வங்கிகளில் இந்த சம்பளக் கணக்கில் சில மாதங்கள் சம்பளம் எதுவும் போடப்படவில்லை அல்லது பணப் பரிமாற்றம் எதுவும் நடக்கவில்லை என்றால், அதனை சாதாரண சேமிப்புக் கணக்காக மாற்றிவிடுகின்றன. அப்போது குறைந்தபட்ச தொகை எதையும் பராமரிக்கவில்லை என்றால், அபராதம் போடப்படும். இப்படிப் போடப்படும் அபராதத்தை நாம் கண்டுகொள்ளவில்லை எனில், சில ஆண்டுகளில் சில ஆயிரங்களாக அதிகரித்துவிடும். வேறு ஏதாவது தேவைக்கு இந்தக் கணக்கில் பணம் போட்டால் அல்லது காசோலை கலெக்‌ஷனுக்குப் போட்டால், முதலில் இந்த அபராதத் தொகை கழிக்கப்பட்டு மீதமுள்ள தொகையே தரப்படும்.  மேலும், சிபில் அறிக்கையிலும் இந்த அபராத விவரம் ஏற்றப்பட்டு பிற்காலத்தில் வீட்டுக் கடன், கார் கடன் வாங்கும்போது சிக்கலை சந்திக்க நேரிடும். 

சேமிப்புக் கணக்கு தொடங்கி, அதனை சரிவர பராமரிக்காமல் விட்டு, அதில் குறைந்தபட்ச தொகை பராமரிப்பை மேற்கொள்ளவில்லை என்றாலும், சிபில் ரிப்போர்ட்டில் புள்ளிகள் குறையக்கூடும். எனவே, வேலை மாறும்போது முதல்வேலையாக பழைய சம்பளக் கணக்கை குளோஸ் செய்துவிடவேண்டும்.

அந்தக் கணக்கு தேவைப்படும்பட்சத்தில், அதனை சாதாரண சேமிப்புக் கணக்காக மாற்றி, குறைந்தபட்ச பராமரிப்புத் தொகையை அதில் போட்டு வரவும்.  

வருமான வரி!

இந்திய வருமான வரி சட்டப் பிரிவு 80TTA-ன் படி ஒரு நிதி ஆண்டில் (ஏப்ரல் முதல் மார்ச் வரை), வங்கி சேமிப்புக் கணக்கு மூலம் கிடைக்கும் வட்டி வருமானம் 10,000 ரூபாய்க்குள் இருந்தால், வருமான வரி எதுவும் கட்டவேண்டியதில்லை. ஒருவருக்கு உள்ள அனைத்து வங்கிக் கணக்குகள், தபால் அலுவலக சேமிப்புக் கணக்கு, கூட்டுறவு வங்கி மூலமான வட்டி என எல்லாம் சேர்ந்து 10,000 ரூபாய்க்குள் இருக்க வேண்டும்.  

ஒரு நிதி ஆண்டில் சேமிப்புக் கணக்கு மூலமான வட்டி ரூ.10,000-த்தைத் தாண்டினால், அது இதர வருமானம் எனக் கணக்கிடப்பட்டு, ஒருவரின் அடிப்படை வருமான வரம்புக்கேற்ப (10%, 20%, ் 30%) வரி கட்ட வேண்டி வரும். உதாரணத்துக்கு, ஒருவரின் சேமிப்புக் கணக்கு மூலமான வருமானம் நிதி ஆண்டில் ரூ.18,000 என வைத்துக்கொள்வோம். இதில் ரூ.10,000-த்துக்கு வரி கிடையாது. மீதியுள்ள ரூ.8,000  இதர வருமானம் என அவரின் சம்பளம் அல்லது வருமானத்தோடு சேர்க்கப்படும். வங்கி சேமிப்புக் கணக்கைப் பொறுத்தவரை, மூலத்தில் வரி (TDS) பிடிக்க மாட்டார்கள்.

சேமிப்புக் கணக்கை லாபகரமாக மாற்ற..!

சேமிப்புக் கணக்கை லாபகரமாக மாற்ற அதனை ஃபிக்ஸட் டெபாசிட் (எஃப்டி) கணக்குடன் இணைக்கலாம். குறைந்தபட்ச பராமரிப்பு தொகைக்கு மேல் இருக்கும் தொகையை எஃப்டிக்கு மாற்றிக்கொள்வதன் மூலம் எஃப்டிக்கு உரிய அதிக வட்டி வருமானத்தைப் பெற முடியும். வங்கிக் கணக்கிலிருந்து குறைந்தபட்ச பராமரிப்புத் தொகையைத் தாண்டி பணம் எடுக்கும்போது, எஃப்டி தொகை தானே குறைந்துவிடும் விதமாக இந்த வசதி வடிவமைக்கப்பட்டுள்ளது.

ஆன்லைன் சேவை!

வங்கியின் ஆன்லைன் சேவையைத் தாராளமாக பயன்படுத்திக் கொள்ளலாம். இதற்கென தனியாக கட்டணம் வசூலிக்கப்படுவதில்லை. மற்றவர்கள் கணக்குக்குப் பணம் அனுப்புதல், தொலைபேசிக் கட்டணம், மின்சாரக் கட்டணம் போன்றவற்றை செலுத்துதல், ஓட்டல், சினிமா டிக்கெட் பஸ், ரயில் டிக்கெட் புங்கிங், காசோலை புத்தக கோரிக்கை (செக் புக் ரெக்வெஸ்ட்), அக்கவுன்ட் ஸ்டேட் மென்ட்கள், ஸ்டாப் பேமென்ட் என சேவைகளை ஆன்லைன் மூலம் பெற முடியும். 
 
ஆன்லைனில் பாதுகாப்பாக பணப் பரிமாற்றம் மேற்கொள்வது அவசியம். ஆன்லைன் பணப் பரிமாற்ற யூசர் ஐடி, பாஸ்வேர்ட்டை குடும்ப உறுப்பினர்களுக்குகூட சொல்லக் கூடாது. மேலும், அதனை செல்போன், கம்ப்யூட்டர் போன்றவற்றில் குறித்து வைக்கக் கூடாது. நெட் பேங்கிங், மொபைல் பேங்கிங் இருந்தால், இருந்த இடத்தில் இருந்தபடி வங்கிச் சேவைகளை எளிதில் செய்ய முடியும். 

வங்கி காசோலை உஷார்!

வங்கிக் காசோலையில் குறுக்கே கோடு (கிராஸ்) போடவில்லை என்றால், அந்தக் காசோலையில் என்ன பெயர் எழுதி இருக்கிறதோ, அவர் ஏதாவது ஓர் அடையாள அட்டையைக் காண்பித்து பணத்தை ரொக்கமாக சம்பந்தப்பட்ட வங்கியில் ரொக்கமாக பெற முடியும். எனவே, உஷார்!

(பணம் பெருகும்)

சேமிப்புக் கணக்கு வகைகள்!

1. சாதாரண சேமிப்புக் கணக்கு பொது மக்கள் அனைவரும் ஆரம்பிக்கும் கணக்கு இது. 

2. சிறுவர் சேமிப்புக் கணக்கு 10 வயதுக்கு உட்பட்ட சிறுவர்கள் பெயரில் ஆரம்பிக்கும் கணக்கை அவர்களின் பெற்றோர் அல்லது பாதுகாவலர்கள் இயக்க முடியும். பத்து வயதுக்கு மேற்பட்ட சிறுவர்கள் பெயரில் ஆரம்பிக்கப்படும் சேமிப்புக் கணக்கில் ஏடிஎம் கார்டு, காசோலை வசதியை அவர்கள் பயன்படுத்திக் கொள்ள முடியும். சிறுவர்கள் அவர்கள் பெயரில் வங்கிக் கணக்கு ஆரம்பிக்க அவர்களின் பிறப்புச் சான்றிதழ், 10-ம் வகுப்பு சான்றிதழ் தேவைப்படும்.

3. பெண்கள் சேமிப்புக் கணக்கு - 18 வயதுக்கு மேற்பட்ட பெண்கள் இந்தக் கணக்கை ஆரம்பிக்கலாம். சில வங்கிகள் அவர்களிடம் ஆர்டி ஆரம்பித்தால், ‘குறைந்தபட்ச பராமரிப்புத் தொகை வேண்டாம். ஜீரோ பேலன்ஸ் கணக்காக வைத்திருக்கலாம்’ என சலுகை அளிக்கின்றன.