Published:Updated:

நிறுவனத்தைப் பதிவு செய்வது எப்படி? - நீங்களும் ஆகலாம் பிசினஸ்மேன்! - 4

நிறுவனத்தைப் பதிவு செய்வது எப்படி? -  நீங்களும் ஆகலாம் பிசினஸ்மேன்! - 4
பிரீமியம் ஸ்டோரி
நிறுவனத்தைப் பதிவு செய்வது எப்படி? - நீங்களும் ஆகலாம் பிசினஸ்மேன்! - 4

கே.எஸ்.கமாலுதீன், மேலாண்மை இயக்குநர், ப்ளூபாரத் எக்ஸிம் பிரைவேட் லிமிடெட்

நிறுவனத்தைப் பதிவு செய்வது எப்படி? - நீங்களும் ஆகலாம் பிசினஸ்மேன்! - 4

கே.எஸ்.கமாலுதீன், மேலாண்மை இயக்குநர், ப்ளூபாரத் எக்ஸிம் பிரைவேட் லிமிடெட்

Published:Updated:
நிறுவனத்தைப் பதிவு செய்வது எப்படி? -  நீங்களும் ஆகலாம் பிசினஸ்மேன்! - 4
பிரீமியம் ஸ்டோரி
நிறுவனத்தைப் பதிவு செய்வது எப்படி? - நீங்களும் ஆகலாம் பிசினஸ்மேன்! - 4
நிறுவனத்தைப் பதிவு செய்வது எப்படி? -  நீங்களும் ஆகலாம் பிசினஸ்மேன்! - 4

ருவர் தொழில்முனைவோர் ஆவதற்கு மனதளவில் தயாராக வேண்டும் என்பது எவ்வளவு முக்கியம் என்பதையும், சந்தையில் எந்தெந்த துறைகளில் என்ன மாதிரியான வாய்ப்புகள் இருக்கின்றன. நமக்கான துறையை எப்படித் தேர்ந்தெடுக்கலாம் என்பதையும் முந்தைய இதழ்களில் பார்த்தோம். இப்போது நம் தொழிலை எப்படித் தொடங்குவது என்பதைப் பார்க்கலாம்.

ஒரு தொழில்முனைவோர் என்பவர், தனது தொழிலைத் தொடங்குவதற்குமுன் கவனத்தில் கொள்ள வேண்டிய மூன்று விஷயங்கள் உள்ளன.

நிறுவனத்தைப் பதிவு செய்வது எப்படி? -  நீங்களும் ஆகலாம் பிசினஸ்மேன்! - 4

ஒட்டுமொத்த விகடனுக்கும் ஒரே ஷார்ட்கட்!


1.
செய்யப் போகிற தொழில் என்ன வகையைச் சேர்ந்தது? 

2. நாம் செய்யப்போகிற தொழிலை எப்படிப் பதிவு செய்வது?

3. நமது நிறுவனத்தை எப்படிக் கட்டமைப்பது?

இந்த மூன்று விஷயங்களையும் அவசியம் தெரிந்துகொள்ள வேண்டும். இந்தப் பகுதியில் தொழிலின் வகைகளைப் பற்றியும் அவற்றைப் பதிவு செய்வது பற்றியும் இப்போது பார்ப்போம்.

  தொழில் வகைகள்!


நாம் செய்யப் போகும் தொழிலுக்கான பொருளைப் பொறுத்து, தொழிலை இரண்டு விதமாக  வகைப்படுத்தலாம். வீட்டுக்குத்  தேவையான பொருட்கள், தொழிற்சாலை மற்றும் நிறுவனங்களுக்குத் தேவையான பொருட்கள். இந்த இரண்டில் எந்தப் பொருளை வைத்து நாம் தொழில் செய்யப் போகிறோம் என்பதை முடிவு செய்தபிறகுதான் பதிவுசெய்வது பற்றி முடிவு செய்ய முடியும்.

வீட்டுக்குத் தேவையான பொருட்கள் உணவு, வீட்டு உபயோகப் பொருட்கள் என பல விதங்களில் உள்ளன. ஒரு குடும்பம் ஒரு நாளைக்கு காலை உணவு, மதிய உணவு, இரவு உணவு மற்றும் தேநீர் நேரம் என பல வகைகளில் உணவுப் பொருட்களை நுகர்கிறது. சாதாரணமாக காலை உணவாக சாப்பிடும் இட்லி மற்றும் சட்னியில்கூட அரிசி, உளுந்து, எண்ணெய், காய்கறிகள், உப்பு போன்ற உணவுப் பொருட்கள் உள்ளன.

இவற்றைப் பயன்படுத்தாமல் இடலி மற்றும் சட்னியை செய்ய முடியாது. மேலும், ஸ்பூன், தட்டு, கரண்டி, டம்ளர், டேபிள் மேட் போன்ற பொருட்கள் தேவைப்படுகின்றன. ஒரு நாளைக்கு 25-க்கும் மேலான உணவு பொருட்களையும் ஏராளமான வீட்டு உபயோகப் பொருட்களையும் பயன்படுத்துகிறோம். இதில் எந்தப் பொருளை வேண்டுமானாலும் நமது தொழிலுக்கான பொருளாகத் தேர்வு செய்யலாம். இவை இல்லாமல், அழகு சாதனங்கள், குழந்தைகளுக்கான பொருட்கள், வயதானவர்களுக்கான பொருட்கள் என்று அடுக்கிக்கொண்டே போகலாம்.

தொழிற்சாலை மற்றும் நிறுவனங்கள் என்று வரும்போது, உற்பத்தி இயந்திரங்கள், உதிரிப் பாகங்கள், இன்டீரியர் பொருட்கள், டேபிள், கணினி உள்ளிட்ட பொருட்கள், ஸ்டேஷனரி பொருட்கள் உள்ளிட்ட பல பொருட்களையும் நம்முடைய தொழிலுக்கான பொருளாகத் தேர்வு செய்யலாம். இப்படி நாம் செய்யப் போகும் தொழிலுக்கான பொருளைத் தேர்ந்தெடுத்து, பிறரிடம் இருந்து வாங்கியோ அல்லது அவற்றை நாமே உற்பத்தி செய்தோ பிசினஸ் செய்யலாம்.

எந்தப் பொருளாக இருந்தாலும், சந்தையில் செய்யப்படும் பிசினஸ்களை நான்கு வகைகளாப் பிரிக்கலாம். ஒன்று, மூலப்பொருளாகவே உற்பத்தி செய்தோ அல்லது வாங்கியோ விற்பது; இரண்டு, பொருளை உற்பத்தியாளரிடம் வாங்கி, நம்முடைய பிராண்டின் பேரில் ரீபேக்கிங் செய்து விற்பது; மூன்றாவதாக, மூலப் பொருளை மதிப்பு கூட்டு பொருளாக்கி விற்பது; நான்காவதாக, பிரபல பிராண்ட் பொருளை வாங்கி அந்த பிராண்டின் பெயரிலேயே விற்பது ஆகியவைதான் அந்த நான்கு வகை பிசினஸ்கள். 

நிறுவனத்தைப் பதிவு செய்வது எப்படி? -  நீங்களும் ஆகலாம் பிசினஸ்மேன்! - 4

கேப்பிட்டல் மற்றும் டெக்னாலஜி பிசினஸ்!

இவற்றில் கிடைக்கும் லாபத்தை வைத்து வரிசைப்படுத்தினால், முதலில் மதிப்புக் கூட்டு பொருட்கள் வரும். இரண்டாவது ரீபேக்கிங் பிசினஸ், மூன்றாவதாக மூலப்பொருளாக விற்கும் பிசினஸ், இறுதியாகத்தான் பிரபல பிராண்டாக உள்ள பொருட்கள் வரும். 

நம்முடைய பிசினஸின் நடைமுறைகளைப் பொறுத்து, பிசினஸை இரண்டு வகையாகப் பிரிக்கலாம். கேபிட்டல் பிசினஸ், டெக்னாலஜி பிசினஸ். மூலதனம் போட்டு, இடம்பிடித்து பொருட்கள் வாங்கி வைத்து, வாடிக்கையாளர்களை நம்முடைய இடத்துக்கு வரவழைத்தோ அல்லது அவர்களுக்கு டெலிவரி செய்வதன் மூலமோ செய்யப்படும் தொழில் கேபிட்டல் பிசினஸ். கணினியும் இன்டர்நெட்டும், மென்பொருள் துறையில் நிபுணத்துவம் கொண்டவர் களையும் மட்டுமே வைத்து செய்யும் பிசினஸ்கள் இ-காமர்ஸ், மொபைல் காமர்ஸ் ஆகும். இதற்கு லாஜிஸ்டிக்ஸ் மிக முக்கியம். கேபிட்டல் பிசினஸ் என்பது மக்கள் தேடி வரும் இடம். டெக்னாலஜி பிசினஸில் நாம்தான் மக்களிடம் போக வேண்டும். ஃபேஸ்புக், வாட்ஸ்அப் போன்றவற்றை வைத்து இப்போது நிறைய பேர் பிசினஸ் செய்து வருகிறார்கள்.

  தனியாகவா அல்லது கூட்டாகவா?

அடுத்ததாக, நம்முடைய பிசினஸை தனியாக செய்யப் போகிறோமா, அல்லது கூட்டு சேர்ந்து ஜாயின்ட் பிசினஸாக செய்யப் போகிறோமா என்பதை முதலில் முடிவு செய்ய வேண்டும். தனியாக செய்வதாக இருந்தால், கையில் பிசினஸ் செய்வதற்கான திட்டமும், கேபிட்டல் என்று சொல்லப்படும் மூலதனமும் இருந்தால் போதும். இதன் உரிமையாளர் ‘சோல் புரோப்பரேட்டர்’ எனப்படுவார். பிசினஸ் தொடங்க சொந்தப் பணம் இல்லாதபட்சத்தில் கடன் வாங்க வேண்டியிருக்கும்.

ஜாயின்ட் பிசினஸில் இரண்டு வகை உண்டு. ஒன்று, பிரைவேட் லிமிடெட், இரண்டாவது பார்ட்னர்ஷிப். இதில் பார்ட்னர்ஷிப் பிசினஸ் என்னும்போது, நாம் குடும்பத்தினரோடு சேர்ந்து செய்யலாம் அல்லது ஏற்கெனவே பிசினஸ் பற்றிய அறிவுகொண்ட பிசினஸ்மேனுடன் சேர்ந்து செய்யலாம் அல்லது ஆர்வமுள்ள நண்பர்களுடன் சேர்ந்து செய்யலாம். இவற்றில் கவனமாக இருக்கவேண்டிய சில விஷயங்கள் உள்ளன. யார் முதலீடு செய்யப் போகிறார், யார் வொர்க்கிங் கேபிட்டல் எனப்படும் உழைப்பை முதலீடு செய்யப் போகிறார், யாருக்கு எவ்வளவு பங்கு என்பதையும் குறிப்பிட வேண்டும். ஒவ்வொருவருடைய பொறுப்பு மற்றும் வேலை என்ன? பணம் தருவது, பெறுவது தொடர்பாக யார் கையெழுத்து போடப் போகிறீர்கள். ஒருவர் மட்டுமா, பார்ட்னர்கள் இருவரும் கையெழுத்திட வேண்டுமா என்பதை பார்ட்னர்ஷிப் டீட் என்னும் ஒப்பந்தப் பத்திரத்தில் குறிப்பிட வேண்டும்.

தனிநபராக தொழில் செய்யப் போவதாக இருந்தால், கம்பெனி பெயரை உறுதி செய்ய வேண்டும். பின்னர் தொழில் செய்யும் இடத்துக்கான வாடகை ஒப்பந்தம், சொந்த இடம் என்றால் கடைசியாகக் கட்டிய சொத்து வரி ஆவணம் தேவை. அதோடு, ஆதார் கார்டு அல்லது பாஸ்போர்ட், இரண்டு பாஸ்போர்ட் அளவு புகைப்படம், பான் கார்டு ஆகியவற்றுடன் பதிவு செய்ய வேண்டும். பார்ட்னர்ஷிப் என்றால் பார்ட்னர்ஷிப் டீட் பத்திரம் அவசியம். பிரைவேட் லிமிெடட் என்றால் கட்டாயம் ஆடிட்டரின் வழிநடத்துதலில் பேரில்தான் பதிவு செய்ய வேண்டும்.

நிறுவனத்தைப் பதிவு செய்வது எப்படி? -  நீங்களும் ஆகலாம் பிசினஸ்மேன்! - 4

தொழிலைப் பதிவு செய்ய, நிறுவனத்தின் பெயர், லோகோ, முகவரிக்கான ஆவணம், லெட்டர் பேட், பிசினஸ் கார்டு, ஃபார் சீல், வட்ட வடிவிலான அட்ரஸ் சீல், பாஸ்போர்ட் சைஸ் போட்டோ, சைன் போர்டு, பான் கார்டு ஆகியவைத் தயாராக இருக்க வேண்டும். தனியாக பிசினஸ் செய்கிறீர்கள் என்றால், தனிநபர் பான் கார்டு போதுமானது.

ஜாயின்ட் பிசினஸ் என்றால் அதற்கு கம்பெனி பெயரில் பான் கார்டு எடுத்துக்கொள்ள வேண்டும். www.tin-nsdl.com என்ற இணையதளத்தில், தேவையான ஆவணங்கள் என்னென்ன என்பதை ஒருமுறை பார்த்து, அனைத்தையும் ஸ்கேன் செய்து எடுத்து தயாராக வைத்துக்கொள்ள வேண்டும். பின்னர் அதில் கேட்கப்பட்ட விவரங்களைப் பூர்த்தி செய்து, ஆவணங்களையும் உள்ளிட்டு, இறுதியில் பிரின்ட் எடுத்து போட்டோ ஒட்டி, இந்தப் படிவத்தை அந்த இணையத்தில் தரப்பட்டிருக்கும் விலாசத்துக்கு அனுப்ப வேண்டும். அதிகபட்சம் இரண்டு வாரத்தில் கூரியரில் வந்துவிடும்.

சேல்ஸ் மற்றும் சர்வீஸ் டாக்ஸ்!

நீங்கள் செய்யும் பிசினஸ் உற்பத்தியா, வர்த்தகமா, சர்வீஸா என்பதைப் பொறுத்து, சேல்ஸ் டாக்ஸ், சர்வீஸ் டாக்ஸ் பதிவு செய்ய வேண்டும். சேல்ஸ் டாக்ஸுக்குப் பதிவு செய்ய இணையதளம் ctd.tn.gov.in-ல் பதிவு செய்ய வேண்டும். சர்வீஸ் டாக்ஸ் எனில், www.aces.gov.in  என்கிற இணைய தளத்துக்குச் சென்று பதியவும். இந்த வரிமுறைகள் 2017 மார்ச் வரை இருக்கும். மார்ச்சுக்குப்பின் ஜிஎஸ்டி அமல் படுத்தப்பட்டால்,  விதிமுறைகள் மாறும். தொழில் நிறுவனத்தைப் பதிவு செய்தபிறகு, செய்ய வேண்டிய முக்கிய விஷயங்களை அடுத்த இதழில் சொல்கிறேன்!

(ஜெயிப்போம்)
 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism