Published:Updated:

பண விநியோகம்: பொதுத் துறை வங்கிகளை விஞ்சிய தனியார் வங்கிகள்!

பண விநியோகம்: பொதுத் துறை வங்கிகளை விஞ்சிய தனியார் வங்கிகள்!
பிரீமியம் ஸ்டோரி
பண விநியோகம்: பொதுத் துறை வங்கிகளை விஞ்சிய தனியார் வங்கிகள்!

ஜெ.சரவணன்

பண விநியோகம்: பொதுத் துறை வங்கிகளை விஞ்சிய தனியார் வங்கிகள்!

ஜெ.சரவணன்

Published:Updated:
பண விநியோகம்: பொதுத் துறை வங்கிகளை விஞ்சிய தனியார் வங்கிகள்!
பிரீமியம் ஸ்டோரி
பண விநியோகம்: பொதுத் துறை வங்கிகளை விஞ்சிய தனியார் வங்கிகள்!

500, 1,000 ரூபாய் நோட்டுகள் செல்லாது என்று அறிவித்து 40 நாட்களுக்கும் மேல் ஆகிவிட்டது. பணத் தட்டுப்பாடு மக்களிடம் உச்சத்தில் இருக்க, பணத்தை விநியோகம் செய்வதில், பொதுத் துறை வங்கிகளைவிட (எஸ்பிஐ தவிர) தனியார் வங்கிகள் சிறப்பாக செயல்பட்டதைக் கண்டு, மக்கள் அதிர்ச்சி அடையவே செய்தனர். இது எப்படி சாத்தியம், தனியார் வங்கிகளுக்கு இருக்கும் மரியாதை பொதுத் துறை வங்கிகளுக்கு இல்லையா என அகில இந்திய வங்கி அதிகாரிகள் கூட்டமைப்பின் தலைவர் தாமஸ் ஃப்ரான்கோவிடம் கேட்டோம்.

பண விநியோகம்: பொதுத் துறை வங்கிகளை விஞ்சிய தனியார் வங்கிகள்!

“உண்மைதான். காரணம், மத்திய அரசின் இந்த நடவடிக்கை எடுக்கப் படுவதற்கு முன்னரே தனியார் வங்கிகளுக்கு அதிக அளவிலான பணம் வழங்கப்பட்டிருக்கிறது. எனவேதான், பொதுத் துறை வங்கிகளைக் காட்டிலும் அதிக அளவில் மக்களுக்கு பண விநியோகம் செய்து நல்ல பெயர் வாங்கியிருக்கின்றன. பணமதிப்பு நீக்கத்துக்குப் பிறகும் ஆரம்ப நாட்களில் பொதுத் துறை வங்கிகளைக் காட்டிலும் தனியார் வங்கிகளுக்கே அதிக அளவிலான பணம் விநியோகிக்கப்பட்டது. அதைக் கண்டித்து நாங்கள் போராடினோம். எங்கள் போராட்டத்துக்குப் பிறகே தனியார் வங்கிகளுக்கு அதிக அளவில் பணம் விநியோகிப்பதைக் குறைத்தது ரிசர்வ் வங்கி. ஏற்கெனவே வங்கித் துறையை முழுமையாக தனியார் மயமாக்கும் முயற்சிகள் நடந்துள்ளன. தற்போதுள்ள அரசும் வங்கிகளைத் தனியார்மயமாக்குவதில் ஆர்வமாகவே இருக்கிறது. அதற்கான ஒரு முயற்சியாகக் கூட இது இருக்கலாம். அரசே பொதுத் துறை வங்கிகளுக்கு முக்கியத்துவம் தராதது கவலை அளிக்கிறது’’  என்றார். 

இது குறித்து அனைத்திந்திய வங்கி ஊழியர்கள் சங்கத் தலைவர் வெங்கடாசலத் திடம் பேசினோம். “சமீப காலமாகவே பொதுத் துறை வங்கிகளுக்கு எதிரான நிலைப்பாடுகள் அதிகரித்து வருகின்றன. அதில் இதுவும் ஒன்று. பொதுத் துறை வங்கி களின் ஏடிஎம்-களில் பணம் நிரப்பும் அளவுக்குப் போதுமான பணம் இல்லை. ஆனால், தனியார் வங்கிகளின் ஏடிஎம்-களில் பணம் எப்போதும் எப்படிக் கிடைக்கிறது எனப் புரிய வில்லை. எந்தெந்த வங்கிக்கு எவ்வளவு விநியோகம் செய்யப்பட்டுள்ளது என்ற வெள்ளை அறிக்கையை ரிசர்வ் வங்கி வெளியிட வேண்டும். விரைவில் பணத் தட்டுப்பாடு நீங்கும் வகையில் பணம் விநியோகம் செய்யப்பட வேண்டும் என்பதே எங்கள் கோரிக்கை’’ என்றார்.

உண்மையிலேயே தனியார் வங்கி      களுக்கு பொதுத் துறை வங்கிகளைவிட அதிக அளவில் பணம் கொடுக்கப்பட்டதா என்று தனியார் வங்கியான சிட்டி யூனியன் வங்கி நிர்வாக இயக்குநர் காமகோடியிடம் கேட்டோம்.

ஒட்டுமொத்த விகடனுக்கும் ஒரே ஷார்ட்கட்!

பண விநியோகம்: பொதுத் துறை வங்கிகளை விஞ்சிய தனியார் வங்கிகள்!

“நவம்பர் 8-ம் தேதிக்கு முன்பு வரை வங்கிகளில் டெபாசிட் செய்த பணத்தைத்தான் வாடிக்கையாளர் களுக்குக் கொடுக்கவும் ஏடிஎம்-களில் நிரப்பவும் செய்தன வங்கிகள். அதற்கு பிறகு டெபாசிட் செய்யப்பட்ட 500, 1,000 ரூபாய் நோட்டுகளைத் திரும்ப வழங்க முடியாது என்பதால், எல்லா வங்கி களுக்கு வழங்கவும், ஏடிஎம்-களில் நிரப்பவும் பணமில்லாத நிலை இருந்தது. அப்போது ரிசர்வ் வங்கி புதிய ரூபாய் நோட்டுகளை வங்கிகளுக்கு வழங்கியது.  அனைத்து வங்கிகளுக்கும் பணம் வழங்கப்பட்டது. ஆனால், மக்கள் பணத்தை எடுப்பதில் தீவிரம் காட்டினார்கள். இதனால் பணத் தட்டுப்பாடு தொடர்ந்து நீடித்தது. தற்போது நிலைமை சற்று சீராகி உள்ளது. மக்கள் தங்களிடம் உள்ள பணத்தை டெபாசிட் செய்து வருகிறார்கள். அவற்றைக் கொண்டு 60 சதவிகித ஏடிஎம்-களில் பணத்தை நிரப்பி வருகிறோம். பொதுத் துறை வங்கிகளுக்கு அதிக அளவிலான ஏடிஎம் கிளைகள் உள்ளன. அவற்றில் பணம் நிரப்புவதற்கு லாஜிஸ்டிக்ஸ் பிரச்னைகள் காரணமாக வேண்டுமானால் பணம் இல்லாமல் இருக்கலாம். மற்றபடி பொதுத் துறை வங்கிகளுக்கு குறைவாகவும், தனியார் வங்கிகளுக்கு அதிகமாகவும் பணம் தரப்பட்டிருக்கிறது என்பதில் உண்மை இருக்க வாய்ப்பில்லை” என்றார்.

எல்லா வங்கிகளையும் ஒரே மாதிரி நடத்த வேண்டும். வங்கிகளுக்கு இடையே வித்தியாசம் உருவானால், மக்கள் அதை ஏற்றுக்கொள்ள மாட்டார்கள் என்பது மட்டும் நிச்சயம்!

படம்: சொ.பாலசுப்ரமணியன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism