Published:Updated:

மணி மேனேஜ்மென்ட்! - 6 - அஞ்சலகத் தொடர் சேமிப்புத் திட்டம்!

மணி மேனேஜ்மென்ட்! - 6 - அஞ்சலகத் தொடர் சேமிப்புத் திட்டம்!
பிரீமியம் ஸ்டோரி
மணி மேனேஜ்மென்ட்! - 6 - அஞ்சலகத் தொடர் சேமிப்புத் திட்டம்!

உங்கள் பணம் உங்களுக்காக உழைக்கட்டும்...சி.சரவணன்

மணி மேனேஜ்மென்ட்! - 6 - அஞ்சலகத் தொடர் சேமிப்புத் திட்டம்!

உங்கள் பணம் உங்களுக்காக உழைக்கட்டும்...சி.சரவணன்

Published:Updated:
மணி மேனேஜ்மென்ட்! - 6 - அஞ்சலகத் தொடர் சேமிப்புத் திட்டம்!
பிரீமியம் ஸ்டோரி
மணி மேனேஜ்மென்ட்! - 6 - அஞ்சலகத் தொடர் சேமிப்புத் திட்டம்!
மணி மேனேஜ்மென்ட்! - 6 - அஞ்சலகத் தொடர் சேமிப்புத் திட்டம்!

டந்த இதழில் வங்கித் தொடர் சேமிப்பு (ஆர்டி) பற்றி விரிவாகப் பார்த்தோம். ஆர்டி முதலீட்டிலும் வங்கி சேமிப்புக் கணக்கு போலவே, சேமிக்கும் அசலுக்கு உத்தரவாதம் இல்லை. இதற்குமுன் ஆர்டி முதலீடு, டெபாசிட் இன்ஷூரன்ஸ் அண்ட் கிரெடிட் கேரன்டி கார்ப்பரேஷனின் (Deposit Insurance and Credit      Guarantee Corporation - DICCG)  கீழ் காப்பீடு செய்யப்பட்டது. இப்போது அது வங்கிகளின் விருப்பமாக மாற்றப்பட்டிருக்கிறது. எனவே, நீங்கள் ஆர்டி கணக்குத் தொடங்கும் வங்கியில் அதற்கு இன்ஷூரன்ஸ் எடுக்கப்பட்டு இருக்கிறதா  என்பதைக் கவனிப்பது நல்லது.

இந்த இன்ஷூரன்ஸ் எடுக்கப்பட்டாலும், வங்கி ஏதாவது ஒரு காரணத்தினால் திவாலாகும் நிலை ஏற்பட்டால், ஆர்டி முதலீடு மற்றும் வட்டி எல்லாம் சேர்த்து ஒரு லட்சம் ரூபாய்க்குத்தான் உத்தரவாதம் உண்டு. அதிக தொகையை ஆர்டி-யில் முதலீடு செய்து வருபவர்கள், அதனை ஒன்றுக்கு மேற்பட்ட வங்கிகளில் அல்லது குடும்ப உறுப்பினர்களின் பெயரில் முதலீடு செய்துவருவது லாபகரமாக இருக்கும்.

மணி மேனேஜ்மென்ட்! - 6 - அஞ்சலகத் தொடர் சேமிப்புத் திட்டம்!

ஒட்டுமொத்த விகடனுக்கும் ஒரே ஷார்ட்கட்!


ஆர்டி மூலம் கிடைக்கும் வருமானம், தற்போதைய நிலையில் சுமார் 7 சதவிகிதமாக உள்ளது. இது பணவீக்க விகிதத்தைத் தாண்டிய நல்ல வருமானம் எனச் சொல்ல முடியாது. ஆர்டி-க்கான வட்டி விகிதம் தற்போது கடன் வட்டி விகித மாற்றத்துக்கு ஏற்ப மாறுபடுகிறது. என்றாலும், நீங்கள் இதில் முதலீடு செய்ய தொடங்கும்போது நிர்ணயமாகும் வட்டியானது, அதன் முதிர்வுக்காலம் வரை நிலையாக இருக்கும். 

   தபால் அலுவலக ஆர்டி!

இந்தியாவில் தபால் அலுவலக ஆர்டி-தான் முதன்முதலில் அறிமுகமானது. அதன்பிறகு  அனைத்து வங்கிகளும் இந்த ஆர்டியை அறிமுகப்படுத்தவே, தபால் அலுவலக ஆர்டியை பலரும் நாடுவது குறைந்தது. இதற்கு முக்கியக் காரணம், அதன் முதலீட்டுக் காலமே. அதாவது, தபால் அலுவலக ஆர்டி-யில் குறைந்தபட்சம் 60 மாதங்கள், அதாவது 5 ஆண்டுகள் தொடர்ந்து முதலீடு செய்ய வேண்டும். வங்கிகளைப் போல், ஆறு மாதம், ஓராண்டு என்பதுபோல் ஆர்டி திட்டங்களை தபால் அலுவலகத்தில் கொண்டு வந்தால், இன்னும் அதிகமானவர்கள் அதில் முதலீடு செய்யும் வாய்ப்பு உருவாகும்.

   யார் தொடங்கலாம்?


வங்கிகளில் குறைந்தபட்ச முதலீடு ரூ.100, ரூ.500, ரூ.1,000 என இருக்கிறது. தபால் அலுவலகத்தில் குறைந்தபட்ச முதலீடு இப்போதும் ரூ.10ஆக இருக்கிறது. தற்போதைய நிலையில், வட்டி ஆண்டுக்கு 7.3 சதவிகிதமாக இருக்கிறது. இந்த வட்டி விகிதம், வங்கிகள் ஆர்டி-க்கு அளிக்கும் வட்டியைவிட சிறிது அதிகம்தான். 

ஒரு தபால் அலுவலகத்திலிருந்து மற்றொரு தபால் அலுவலகத்துக்கு மாற்றும்  வசதி இருக்கிறது. ஆறு தவணைகளை முன்கூட்டியே மொத்தமாகக் கட்டும்பட்சத்தில், சிறிய தள்ளுபடி இருக்கிறது. தபால் அலுவலகத்தில் ஒருவருக்குச் சேமிப்புக் கணக்கு இருக்கும்பட்சத்தில், அதிலிருந்து மாதம் தோறும் ஆர்டி-க்கு பணத்தை மாற்றிக்கொள்வது வசதியாக இருக்கும். 

மூன்றாண்டுக்குப் பிறகு தபால் அலுவலகக் கணக்கை அபராதம் இல்லாமல் முன்கூட்டியே முடித்துக் கொள்ள முடியும். ஆனால், ஆர்டி-க்கு உரிய வட்டியைத் தரமாட்டார்கள். தபால் அலுவலகச் சேமிப்புக் கணக்குக்கு என்ன வட்டி தருவார்களோ, அதுதான் கிடைக்கும்.

மணி மேனேஜ்மென்ட்! - 6 - அஞ்சலகத் தொடர் சேமிப்புத் திட்டம்!

   வரிச் சலுகை உண்டா?

ஆர்டி-க்கு வரிச் சலுகை உண்டா என சென்னையைச் சேர்ந்த ஆடிட்டர் கே.ஆர். சத்திய நாராயணனிடம் கேட்டோம். ‘‘ஆர்டி வட்டி வருமானத்துக்கு டிடிஎஸ் பிடிக்கப்படும். ஒருவர் போட்டிருக்கும் அனைத்து ஆர்டி மற்றும் ஃபிக்ஸட் டெபாசிட் வட்டி சேர்ந்து ஒரு நிதி ஆண்டில்    10,000 ரூபாயைத் தாண்டும்போது 10% டிடிஎஸ் பிடிக்கப்படும். இது 2015 ஜூன் 1 முதல் நடைமுறையில் இருக்கிறது.  பான் எண் தரவில்லை எனில், 20% டிடிஎஸ் பிடிக்கப்படும். 

வங்கிச் சேமிப்புக் கணக்கின் மூலம் கிடைக்கும் வட்டிக்கு நிதி ஆண்டில் ரூ.10,000 வரைக்கும் வரி எதுவும் கிடையாது. இந்தச் சலுகை ஆர்டி முதலீட்டில் இல்லை. மேலும், ஆர்டி-ஐ பொறுத்த வரை, முதலீடு, வட்டி வருமானம், முதிர்வுத் தொகை என அனைத்து நிலையிலும் வருமான வரி உண்டு, ஆர்டி மூலமான வட்டி, ஒருவரின் இதர வருமானமாகக் கணக்கிடப்பட்டு, ஒருவரின் அடிப்படை வரி வரம்புக்கேற்ப (10%, 20%, 30%) வரி விதிக்கப்படும்.

மணி மேனேஜ்மென்ட்! - 6 - அஞ்சலகத் தொடர் சேமிப்புத் திட்டம்!



வருமானவரி வரம்புக்குள் வராத பொதுப் பிரிவினர் 15G படிவம், மூத்தக் குடிமக்கள், 15H படிவம் வங்கியில் நிரப்பிக் கொடுப்பதன் மூலம் டிடிஎஸ் பிடிப்பதைத் தவிர்க்கலாம். குடும்பத்தில் கணவன், மனைவி ஆர்டி முதலீட்டைப் பிரித்து முதலீடு செய்வதன் மூலமும் டிடிஎஸ் பிடிப்பதைத் தவிர்க்க முடியும்.

இப்படி தொடர் சேமிப்பு மூலம் செய்யும் முதலீட்டுக்கு வரிச் சலுகை வேண்டுவோர்,  ஐந்தாண்டு லாக் இன் பிரீயட் கொண்ட வங்கி எஃப்டி-யில்  குறிப்பிட்ட இடைவெளியில் அல்லது ஒவ்வொரு மாதமும் குறைந்தபட்ச தொகையை (ரூ.100 கூட) முதலீடு செய்யலாம். இதற்கான வட்டி ஆண்டுக்கு தற்போது சுமார் 7.5%’’ என்றார்.

  (முதலீடு பெருகும்)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism