Published:Updated:

வாடிக்கையாளர்களைக் கவரும் பேக்கிங் முறைகள்! - நீங்களும் ஆகலாம் பிசினஸ்மேன்! - 7

வாடிக்கையாளர்களைக் கவரும் பேக்கிங் முறைகள்! - நீங்களும் ஆகலாம் பிசினஸ்மேன்! - 7
பிரீமியம் ஸ்டோரி
News
வாடிக்கையாளர்களைக் கவரும் பேக்கிங் முறைகள்! - நீங்களும் ஆகலாம் பிசினஸ்மேன்! - 7

உங்களை அம்பானி ஆக்கும் வைபரேஷன் தொடர்கே.எஸ்.கமாலுதீன், மேலாண்மை இயக்குநர், ப்ளூபாரத் எக்ஸிம் பிரைவேட் லிமிடெட்

வாடிக்கையாளர்களைக் கவரும் பேக்கிங் முறைகள்! - நீங்களும் ஆகலாம் பிசினஸ்மேன்! - 7

லைமுறை தலைமுறையாகத் தழைக்கக்கூடிய நம் நிறுவனத்துக்குப் பெயர் வைப்பது எப்படி, கவனத்தில்கொள்ள வேண்டிய விஷயங்கள் என்னென்ன என்பதை சென்ற இதழில் பார்த்தோம். நம் நிறுவனத்துக்கு மட்டுமல்ல, நம் நிறுவனத்திலிருந்து தயார் செய்யப்படும் ஒவ்வொரு பொருளுக்கும் பெயர் வைக்கும்போதும் நான் சொன்ன விஷயங்கள் பொருந்தும்

வாடிக்கையாளர்களைக் கவரும் பேக்கிங் முறைகள்! - நீங்களும் ஆகலாம் பிசினஸ்மேன்! - 7

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

.

இப்போது, நாம் தயார் செய்த பொருளை பேக்கிங் செய்யும்போது கவனிக்க வேண்டிய விஷயங்களைப் பற்றி விரிவாகப் பார்க்கலாம்.

நாமே உற்பத்தி செய்த பொருளாக இருந்தாலும் சரி, பிறரிடமிருந்து வாங்கி விற்கும் பொருளாக இருந்தாலும் சரி, பேக்கிங் என்பது மிகவும் முக்கியமான விஷயம். ஏற்கெனவே மக்களிடையே பிரபலமாக இருக்கும் பிராண்டு பொருட்களை நாம் வாங்கி விற்கப் போகிறோம் எனில், நாம் தனியாக பேக்கிங் செய்ய வேண்டிய அவசியம் இல்லை.

  பேக்கிங் முறைகள்!

பேக்கிங் என்று வரும்போது, ஒரு பொருளைத் தனியாக பேக்கிங் செய்வது, அதே பொருளை அதிக எண்ணிக்கையில் பேக்கிங் செய்வது என இரண்டாகப் பிரிக்கலாம். ஒரு பொருளைத் தனியாக பேக்கிங் செய்யும்போது, அதில் கவனிக்க வேண்டிய சில விஷயங்கள் உள்ளன.

நாம் பேக்கிங் செய்யப்போகும் பொருள் என்ன, அதன் தன்மை, அளவு (Unit), அதனுடைய வாழ்நாள் ஆகியவற்றின் அடிப்படையில்தான் பேக்கிங் முறைகளைத் தேர்ந்தெடுக்க வேண்டும். ஏனெனில், நம்முடைய பொருள் எவ்வளவு தரமானதாக இருந்தாலும், அதனை சரியான முறையில் பேக்கிங் செய்யாவிட்டால், அவை கெட்டுப் போகவோ அல்லது வாடிக்கையாளரைக் கவராமல் போகவோ வாய்ப்பிருக்கிறது. மேலும், நம்முடைய பேக்கிங் முறைகள் பயனாளரால்  எளிதில் கையாளக்கூடிய வகையில் இருக்க வேண்டும். முக்கியமாக, கையாளும்போது விபத்து நடக்காத வகையிலும் இருப்பது அவசியம்.

வாடிக்கையாளர்களைக் கவரும் பேக்கிங் முறைகள்! - நீங்களும் ஆகலாம் பிசினஸ்மேன்! - 7

தற்போது பெரும்பாலான பொருட்கள்   பேக்கிங் செய்வதற்கு பிளாஸ்டிக் பயன்படுத்தப் படுகிறது. ஆனால், உணவுப் பொருட்களில் பிளாஸ்டிக் பயன்படுத்தும்போது நாம் கவனமாக இருக்க வேண்டும். ‘யூஸ் அண்ட் த்ரோ’, அதாவது உடனடியாகப் பயன்படுத்தப்படும் வகையில் இருக்கும் பொருட்களை பிளாஸ்டிக் கொண்டு பேக்கிங் செய்யலாம். மற்றபடி நீண்ட நாட்கள் வைத்திருந்து பயன்படுத்தும் உணவுப் பொருட்கள் எனில், அவற்றை கண்ணாடிக் கலன்கள், அலுமினியக் கலன்கள் போன்றவற்றை வைத்து பேக்கிங் செய்வது நல்லது. மேலும், கிலோ கணக்குகளில் பேக்கிங் செய்யும்போது அதன் எடையைப் பொறுத்து பேக்கிங் மெட்டீரியலும் மாறும்.

இயந்திரங்கள் தொடர்பான  பொருட்களை பேக்கிங் செய்யப் போகிறீர்கள் என்றால், ப்ளைவுட் பெட்டியில் ஸ்டாண்ட் வைத்து பேலட்டில் நிற்கவைத்து பேக்கிங் செய்ய வேண்டும். அதேபோல், உடைந்து போகக்கூடிய தன்மை கொண்ட கண்ணாடி, பீங்கான் போன்ற பொருட்களை காட்டன் பாக்ஸில்தான் பேக்கிங் செய்ய வேண்டும். எலெக்ட்ரானிக் சாதனங்களையும் காட்டன் பாக்ஸில் தெர்மாகோல் உதவியுடன் பேக்கிங் செய்ய வேண்டும். காட்டன் பாக்ஸில் பேக்கிங் செய்யும்போது, அவற்றை பேக்கிங் செய்யத் தேவையான உபகரணங்களுடன் பாதுகாப்பாக பேக்கிங் செய்ய வேண்டும்.

காட்டன் பாக்ஸ் தேவைப்படாத அரிசி, சால்ட் போன்ற பொருட்களை அதிக அளவில் பேக்கிங் செய்ய வேண்டும் என்றால், சாக்குப் பைகளாகப் (Gunny bag) பிடித்து அடுக்கலாம். சாக்குப் பைகள் மட்டும் இல்லாமல் ஓவன் பைகளையும் (Oven bag) பயன்படுத்தலாம். அதிக அளவிலான உப்பு, அரிசி போன்றவற்றை கன்டெய்னர்களில் கொண்டு செல்ல வேண்டுமென்றால், பேலட்டுகளில் உப்பு மூட்டை அடுக்கி அவற்றை ஸ்ரிங் ரேப்பிங் (Shrink wrapping) மூலம் பேக்கிங் செய்யலாம். இந்த முறை ஏற்றுமதி மற்றும் இறக்குமதியில் பெருமளவில் பயன்படுத்தப் படுகின்றன.

உப்பு, வெல்லம், சாக்லேட், இனிப்பு போன்ற ஈரப்பதமுள்ள, உருகும் தன்மையுடைய பொருட்களை பிளாஸ்டிக் அல்லது அலுமினியம் ஃபாயில் பேப்பர்களில் பேக்கிங் செய்ய வேண்டும். காற்றில் உள்ள ஈரப்பதத்தினால் தன்னுடைய தரத்தை இழக்கும் பிஸ்கட், சிப்ஸ் போன்றவற்றை பேக்கிங் செய்யும்போது காற்று புகாதவாறு பேக்கிங் செய்ய வேண்டும்.


தற்போது பிளாஸ்டிக் பொருட்களுக்கு மாற்றாக மறுசுழற்சி செய்யக்கூடிய வகையிலான பொருட்கள் பிரபலமடைந்து வருகின்றன. வாடிக்கையாளர்களைக் கவர காகிதப் பைகள், சாக்குப் பைகள், ஓவன் பைகள் மற்றும் காகிதத்தைக் கொண்டு செய்யப்பட்ட கலன்கள், பனைமர ஓலைகளில் செய்யப்பட்ட கலன்கள் போன்றவற்றைப் பயன்படுத்தலாம்.  

வாடிக்கையாளர்களைக் கவரும் பேக்கிங் முறைகள்! - நீங்களும் ஆகலாம் பிசினஸ்மேன்! - 7

  வாடிக்கையாளர்களைக் கவரும் லேபிளிங்!

பேக்கிங் செய்யப்பட்ட ஒரு பொருளை வாடிக்கையாளருக்குக் கொண்டு சேர்க்கும் முகவரியே அதன் மீது செய்யப்படும் பிரின்டிங்தான். அதாவது, நீங்கள் தயாரிக்கும் பொருளின் பெயர், அதில் பயன்படுத்தப்படும் நிறம், அளவு, உற்பத்தி செய்யப்படும் இடத்தின் முகவரி என பல விஷயங்கள் அந்த பிரின்டிங்கில் இடம்பெற வேண்டும்.

1. முதலில் பெயரும், நிறமும் பார்ப்பவர்களைக் கவரும் வகையில் இருக்க வேண்டும். அந்த பேக்கிங் உள்ளே என்ன பொருள் இருக்கிறது என்பதைப் பார்த்தவுடன் தெரியும் வகையில் அந்தப் பொருளின் படத்தை அச்சிட வேண்டும் அல்லது பேக்கிங்கில் சிறு பகுதியை ட்ரான்ஸ்பரன்ட்டாக விட்டு, உள்ளே இருக்கும் பொருள் வெளியே தெரியும் வகையில் செய்யலாம். 

2. பேக்கேஜின் அளவு, அதாவது கிராம், லிட்டர், மிலி, கிலோகிராம் என அதன் எடை, எவ்வளவு  யூனிட் என்பதைக் குறிப்பிட வேண்டும். வெளிநாடுகளில் விற்பதாக இருந்தால், அங்குப் புழக்கத்தில் உள்ள அளவு முறைகளில் குறிப்பிட வேண்டும். பெரும்பாலும் lbs என்று குறிப்பிடுவார்கள். ஒரு lbs = 453 கிராம் ஆகும்.

3.
பொருட்களின் பேக்கிங்கில் சில விஷயங்களை வாடிக்கையாளருக்கு நாம் சொல்லியாக வேண்டும். எங்கே உற்பத்தி செய்யப்பட்டது என்பதை Made in India, Made in China எனக் குறிப்பிட வேண்டும். சாப்பிடும் பொருளாக இருக்கும்பட்சத்தில் அது சைவமா, அசைவமா என்று குறிப்பிடும் நிறக் குறியீட்டை குறிப்பிட வேண்டும். அடுத்து, பொருளின் பேட்ஜ் நம்பர், காலாவதியாகும் தேதி, உற்பத்தி செய்த தேதி ஆகியவற்றையும் குறிப்பிட வேண்டும்.

மேலும், ரெடி டு ஈட், ரெடி டு குக், டயட் கோக், சுகர் ஃப்ரீ, ப்ளக் இன் ப்ளக் போன்ற முக்கியமான மெசேஜ்களையும் குறிப்பிட வேண்டும். இப்படி செய்வது வாடிக்கையாளர் தனக்குத் தேவையானது எது என்பதை விரைவில் முடிவெடுக்க உதவியாக இருக்கும். மேலும், ஆஃபர்கள் ஏதேனும் தருகிறீர்கள் எனில், அதை ஹைலைட் செய்யும் வகையில் டிசைன் செய்யலாம்.

4. எந்த இடத்தில் நாம் பொருளை விற்பனை செய்கிறோமோ, அந்த இடத்தின் மொழியையும் பயன்படுத்த வேண்டும். பிற மாநிலங்களில் விற்பனை செய்தால், அந்த மாநில மொழிகள் பிரின்ட் செய்ய வேண்டும். துபாய் போன்ற அரபு நாடுகளில் விற்பனை செய்வதாக இருந்தால், அனைத்து விவரங்களும் அரபு மொழியில் கண்டிப்பாக இருக்க வேண்டும்.

5. மதிப்புக் கூட்டுப் பொருட்களாக இருந்தால், அவற்றில் பயன்படுத்திய உட்பொருட்கள் என்னென்ன, எந்த அளவில் பயன்படுத்தப் பட்டுள்ளது என்பதைச் சேர்க்க வேண்டும்.

நம் பொருளை எப்படி விளம்பரம் செய்வது என்பதை அடுத்த இதழில் பார்க்கலாம்.

(ஜெயிக்கலாம்)

பேக்கிங் கற்கலாம்!

பேக்கேஜிங் பற்றி கற்றுக்கொள்ள வேண்டும் எனில், அரசு நடத்தும் பயிற்சி வகுப்புகளில் கலந்து கொள்ளலாம். indiapack.org என்ற இணையதளத்தில் பயிற்சி குறித்த விவரங்கள் வெளியிடப்படும். அந்தப் பயிற்சிகளில் கலந்துகொண்டு எந்தப் பொருளை எப்படி பேக்கிங் செய்வது என்பதற்கான பயிற்சிகளை எடுத்துக்கொள்ளலாம்.