Published:Updated:

வெற்றி தரும் விளம்பரம்! - நீங்களும் ஆகலாம் பிசினஸ்மேன்! - 8

வெற்றி தரும் விளம்பரம்! - நீங்களும் ஆகலாம் பிசினஸ்மேன்! - 8
பிரீமியம் ஸ்டோரி
வெற்றி தரும் விளம்பரம்! - நீங்களும் ஆகலாம் பிசினஸ்மேன்! - 8

உங்களை அம்பானி ஆக்கும் வைபரேஷன் தொடர்கே.எஸ்.கமாலுதீன், மேலாண்மை இயக்குநர், ப்ளூபாரத் எக்ஸிம் பிரைவேட் லிமிடெட்

வெற்றி தரும் விளம்பரம்! - நீங்களும் ஆகலாம் பிசினஸ்மேன்! - 8

உங்களை அம்பானி ஆக்கும் வைபரேஷன் தொடர்கே.எஸ்.கமாலுதீன், மேலாண்மை இயக்குநர், ப்ளூபாரத் எக்ஸிம் பிரைவேட் லிமிடெட்

Published:Updated:
வெற்றி தரும் விளம்பரம்! - நீங்களும் ஆகலாம் பிசினஸ்மேன்! - 8
பிரீமியம் ஸ்டோரி
வெற்றி தரும் விளம்பரம்! - நீங்களும் ஆகலாம் பிசினஸ்மேன்! - 8
வெற்றி தரும் விளம்பரம்! - நீங்களும் ஆகலாம் பிசினஸ்மேன்! - 8

ரு பிசினஸ் என்றால் அதற்கு ஆரோக்கியமான அளவில் வாடிக்கையாளர்கள் இருக்க வேண்டும். நம் பிசினஸ் வளர வளர வாடிக்கையாளர்களின் எண்ணிக்கையும் வளர வேண்டும். நம் பிசினஸுக்கு ஏற்ற வாடிக்கையாளர்களைப் பெறுவதற்குத் தரமான பொருள், தரமான சேவை மிகவும் முக்கியம். ஆனால், இவை இரண்டு மட்டுமே நம் இலக்கை அடையவோ, மேலும் வளரவோ போதாது.

“நம்மை யாரும் ஹீரோவாக்க மாட்டாங்க. நாமாகத்தான் ஆகணும்’’  என்று ஒரு படத்தில் வருகிற  வசனம் மாதிரி, மக்கள் நம்மைத் தேடி வர மாட்டார்கள்; நாம்தான் அவர்களைத் தேடிச் செல்ல வேண்டும். அதற்கு விளம்பரம் மிகவும் முக்கியம். அந்த விளம்பரம் வெறும் விளம்பரமாக மட்டுமே இருக்கக்கூடாது. அது பிராண்டிங் ஆக இருக்க வேண்டும்.

ஒட்டுமொத்த விகடனுக்கும் ஒரே ஷார்ட்கட்!

வெற்றி தரும் விளம்பரம்! - நீங்களும் ஆகலாம் பிசினஸ்மேன்! - 8



  விளம்பரங்களின் வகைகள்!

விளம்பரங்கள் பல வகைப்படும். 1. நோட்டீஸ்       2. போஸ்டர், பேனர் 3. ரேடியோ, டிவி விளம்பரம்       4. செய்தித்தாள், வார, மாத இதழ்கள் 5. சமூக வலைதளங்கள் 6. விளக்க கையேடு 7. ட்ஜிட்டல் டிஸ்ப்ளே 8. மக்கள் கூட்டங்களை ஏற்பாடு செய்தல்    9. கூகுள் விளம்பரங்கள் என பல வகைகள் உள்ளன.

  யாருக்கு எந்த விளம்பரம்?


எல்லோருமே எல்லா விளம்பரங்களையும் செய்யலாம் என்றாலும், ஆரம்பத்தில் தொழில் தொடங்குபவர்களும், சிறிய அளவில் தொழில் செய்பவர்களும் ரேடியோ, டிவி விளம்பரங்கள் மற்றும் டிஜிட்டல் டிஸ்ப்ளே போன்றவற்றுக்காக அதிகம் செலவு செய்யாமல், நோட்டீஸ் கொடுப்பது, போஸ்டர் ஒட்டுவது, சமூக வலைதளங்களைப் பயன்படுத்துவது போன்ற விளம்பர உத்திகளைக் கையாளலாம். 
நன்றாகத் தொழில் செய்துகொண்டிருப்பவர்கள், டிவி, டிஜிட்டல் டிஸ்ப்ளே போன்றவற்றுக்கு செலவு செய்யும் பணம் தங்கள் கையைக் கடிக்காது என்ற நிலையில், இந்த விளம்பர உத்திகளைச் செயல்படுத்தலாம். ஆனால், இதிலும் கொஞ்சம் வித்தியாசமாக யோசித்தால், செலவையும் குறைத்து, பலரது கவனத்தையும் பெறலாம்.

செய்தித்தாள், வார, மாத இதழ்கள் போன்றவற்றில் தாராளமாக விளம்பரம் தரலாம். புதிதாக தொழில் தொடங்கியவர்கள் சிறிய அளவில் கறுப்பு, வெள்ளை நிறத்தில் தந்தால் போதும். மேலும், ஒருமுறை தந்துவிட்டு நிறுத்திவிடக்கூடாது. மக்கள் மனதில் எப்போதும் விளம்பரங்கள் முதன்முறை தாக்கத்தை ஏற்படுத்துவதில்லை. எனவே, தொடர்ந்து சில வாரங்களுக்குக் கொடுக்க வேண்டும். இதழ்களில் இருக்கும் அட்வட்டோரியல் கான் செப்ட்களையும் பயன்படுத்திக் கொள்ளலாம்.

உங்களுடைய விளம்பரத்தை மக்கள் கூடும் இடங்களில் செய்வதன் மூலம் நேரடியாகவே வாடிக்கையாளர்களைச் சென்றடையும்படி செய்ய முடியும். ஆனால், அதற்கு ஓரளவுக்கு செலவு செய்ய வேண்டி வரும். அல்லது பிறர் ஏற்பாடு செய்யும் கூட்டங்களில் அனுமதி பெற்று உங்களுடைய விளம்பரத்தை நீங்கள் செய்யலாம். மேலும், நீங்கள் கொடுக்கும் விளம்பர நோட்டீஸ்களைக் கூட்டம் ஆரம்பிக்கும்போது கொடுக்க வேண்டும். கூட்டத்தில் அமர்ந்திருக்கும்போது அவர்களுக்கு நோட்டீஸைப் பார்க்க நேரம் இருக்கும். கூட்டம் முடிந்து செல்லும்போது நோட்டீஸ் கொடுத்தால், நிச்சயம் எறிந்துவிட்டுப் போய்விடுவார்கள். எனவே, அவசர அவசரமாக செல்பவர்களிடம் நோட்டீஸ் தருவதும் வீண்தான். 

  புரோச்சர்கள் அவசியமா?

புரோச்சர்கள் (brochure) எல்லா பிசினஸுக்கும் தேவை இல்லை. பிசினஸ் டு பிசினஸ் வகை தொழில்களுக்குக் கட்டாயம் இது அவசியம். கன்ஸ்யூமர் பொருட்களுக்கு இது அவசியம் இல்லை. அதற்கு நோட்டீஸ், போஸ்டர்கள் போன்றவையே போதுமானது.

புரோச்சர்கள் A4, அல்லது A3 அளவில் பொதுவாக உருவாக்கப்படுகின்றன. புராடக்டுகளை போட்டோ எடுத்து, பவர் பாயின்ட் போன்றவற்றில் போட்டு, நீங்களே புரோச்சர்களைத் தயார் செய்யலாம். இன்னும் அழகாக வேண்டும் என்றால், டிசைனரிடம் தந்து உருவாக்கலாம். சொல்ல வந்த விஷயத்தை அழகாகவும், எளிதில் புரிந்துகொள்ளும் வகையிலும் புரோச்சர்களை உருவாக்க வேண்டும். புரோச்சர்களைகூட ஆரம்பத்தில் குறைவாகவே பிரின்ட் செய்வது நல்லது. மூன்று மாதத்துக்கு எத்தனை வாடிக்கை யாளர்களைப் பார்க்கப் போகிறோம் என்று கணக்கிட்டு, அதற்கேற்ப பிரின்ட் செய்து கொண்டால் போதும். வேண்டும் என்றால் பின்னர் தேவைப்படுகிற அளவுக்கு பிரின்ட் செய்துகொள்ளலாம். மேலும், பார்க்கிற எல்லோரிடமும் புரோச்சர்களை தந்து வீணாக்கக் கூடாது. 

  போஸ்டர்களை எங்கே ஒட்ட வேண்டும்?


நோட்டீஸ், போஸ்டர் மற்றும் பேனர் ஆகிய மூன்றில் நோட்டீஸைவிட மற்ற இரண்டும் நல்ல பலனைத் தரும். விநியோகிக்கப்படும் நோட்டீஸ் களைத் தொந்தரவாகவே மக்கள் பார்க்கிறார்கள். ஆனால், போஸ்டர்கள் மற்றும் பேனர்களை அவர்களைக் கவரும்வகையில் உருவாக்கினால் போதும், நல்ல பலனைப் பெற முடியும். போஸ்டர்களும் பேனர்களும் மக்கள் பார்வையில் படும் இடங்களில் இருக்க வேண்டும். உதாரணமாக, பாலத்தின் இறக்கத்தில், பாலத்தின் அருகில் உள்ள கட்டடத்தின் மாடியில், நெடுஞ்சாலையில் 20 அடி உயர்த்துக்கு மேல் பேனர்களை வைக்க வேண்டும். அதேபோல், போஸ்டர்களை ஒட்டும்போது 20 போஸ்டர்களை, ஒன்றாக ஒட்ட வேண்டும். போஸ்டர்கள், பேனர்கள் வைக்கும்போது, அதன் வாடிக்கையாளர்கள் யார் என்பதைப் பொறுத்து இடத்தைத் தேர்வு செய்ய வேண்டும். பள்ளிக் குழந்தைகளுக்கான விளம்பரமாக இருந்தால், பள்ளிக்கூடங்களில் அருகில் வைக்க வேண்டும். மேலும், கல்லூரி வாசல், பேருந்து நிறுத்தத்துக்கு  எதிரில் இடங்களைத் தேர்வு செய்யலாம். 

  சமூக வலைதளங்களைப் பயன்படுத்துவது எப்படி?

சமூக வலைதளங்கள் 21-ம் நூற்றாண்டில் தொழில் செய்பவர்களுக்குக் கிடைத்த வரம் என்று சொல்லலாம். மிகக் குறைவான செலவில் அதிக பேரைச் சென்றடையக்கூடிய இடமாக சமூக வலைதளங்கள் உள்ளன. ஆனால், இவற்றிலும் வித்தியாசமான அணுகுமுறை நிச்சயம் தேவை. சமூக வலைதளங்களில் நமக்காக ஒரு பக்கத்தைத் தொடங்கி, அதில் முதலில் நம்முடைய பிராண்டின் பெயர், நிறுவனப் பெயர் ஆகியவற்றை நோட்டீஸ், போஸ்டர்களுக்காக டிசைன் செய்வது போலவே உருவாக்கிப் பதிவேற்ற வேண்டும். பின்னர் தொடர்ந்து அதில் ஆக்டிவ்-ஆக இருக்க வேண்டும்.

  விளம்பரத்தின் டிசைன்!

விளம்பரங்களை டிசைன் செய்யும்போது உங்களுடைய தொழில் வகைக்கு ஏற்ப டிசைன் செய்ய வேண்டும். வார்த்தைகள் குறைவாகவும், விஷுவல் அதிகமாக இருந்தால் நல்லது. அதேபோல், அதில் நம்முடைய நிறுவனத்தின் பெயரைச் சிறியதாக வைத்தால் போதும். அதைவிடச் சற்று பெரிய அளவில் நம்முடைய லோகோ இருந்தால் போதுமானது. பயன்படுத்தும் நிறம், நம்முடைய விளம்பரத்தை உறுத்தும் வகை யில் இல்லாமல், பார்ப்பதற்கு நன்றாக உள்ள நிறங்களாக இருக்க வேண்டும். பின்னணி நிறம் நம்முடைய பொருளின் தன்மையைக் குறிப்பிடும் வகையில் இருக்கலாம். உதாரணத்துக்கு, இயற்கை அங்காடி என்றால் பச்சை நிறம் பயன்படுத்தலாம். பாரம்பர்யப் பொருள் என்றால், அதற்குப் பழைய காலத்து விஷயங்களை நினைவுபடுத்தும் வகையில், பழுப்பு நிறப் பின்னணியில் வைத்து உருவாக்கலாம். உணவுப் பொருட்கள் என்றால் அவற்றின் புகைப் படத்துக்கு அதிக முக்கியத்துவம் தரலாம்.

  விளம்பர வாசகங்கள்!

விளம்பரங்களில் பயன்படுத்தப்படும் வாசகங்களில் மிகவும் கவனம் தேவை. வாசகங்கள் வளவளவென்று இல்லாமல் சொல்லவந்த விஷயத்தை நேரடியாகச் சொல்ல வேண்டும். மேலும், வாசகங்கள் குறைவாகவே இருக்க வேண்டும். நீங்கள் விற்கிற பொருளில் இருந்து மக்கள் என்ன எதிர்பார்க்கிறார்கள், அவர்களுடைய தேவை என்ன, அதில் அவர்களின் பிரச்னை என்ன என்பது போன்றவற்றையெல்லாம் ஆராய்ந்து அதற்கேற்ப விளம்பர வாசகங்களைத் தயார் செய்ய வேண்டும். உதாரணத்துக்கு “ஆஃபர்.... கிராண்ட் ஓப்பனிங்... அண்ணா நகரில்... 0% வட்டி...” போன்ற வார்த்தைகள்.

  விளம்பர மாடல்கள்!


விளம்பரத்துக்குப் பயன்படுத்தப்படும் மாடல்கள் பிரபல நடிகர் நடிகைகளாகத்தான் இருக்க வேண்டும் என்பதில்லை. மாறாக, நம்முடைய தொழில் வகையைப் பொறுத்து விளம்பரங்களை வித்தியாசமாக யோசித்து, பிரபலமில்லாத அதே நேரத்தில் விளம்பரத்தின் கான்செப்ட்டுக்குப் பொருத்தமான நபர்களை வைத்தே குறைவான செலவில் எடுக்கலாம்.

குழந்தைகளின் படிப்பு தொடர்பான தொழில்களுக்குக் குழந்தைகளை வைத்தே விளம்பரம் தயார் செய்யலாம். இப்போதெல்லாம் பெரிய பெரிய நகைக்கடை, துணிக்கடை விளம்பரங்களுக்கே சிறுவர், சிறுமிகளுக்கு வயதான ஆண், பெண் போல் வேடம் போட்டுதான் விளம்பரம் செய்கிறார்கள். இப்படிக் கொஞ்சம் வித்தியாசமாக யோசித்தால், விளம்பரங்களுக்கு அதிகம் செலவு செய்வதைக் குறைக்கலாம். 

சொல்லப் போனால், மாடல்களே இல்லாமல், வெறும் பொருட்களை வைத்தே விளம்பரம் தயார் செய்துவிடலாம். உதாரணமாக, கொசுவத்தி விளம்பரம், தேங்காய் எண்ணெய் விளம்பரம். வித்தியாசமாக யோசித்தால், அனிமேஷனை வைத்தே மக்களைக் கவரலாம். அதற்கு உதாரணம், வோடஃபோன் விளம்பரத்தில் வரும் zoo zoo கதாபாத்திரம்.

ஒரு பிசினஸின் வளர்ச்சிக்கு விளம்பரம் என்பது மிகவும் அவசியம். எனவே, புதிதாக தொழில் தொடங்குபவர்கள் விளம்பரத்தை வீண் செலவாகப் பார்ப்பதைத் தவிர்க்க வேண்டும். சரியான விளம்பர முறையைத் தேர்ந்தெடுத்து வித்தியாசமாக யோசித்தால், அதிக வாடிக்கையாளர்களைச் சென்றடையலாம்.

அடுத்த இதழில் மார்க்கெட்டிங் செய்வது எப்படி என்பது பற்றி சொல்கிறேன்.

(ஜெயிப்போம்)

விளம்பரத்துக்கு எவ்வளவு செலவழிக்கலாம்?

உங்கள் தொழிலைப் பொறுத்து விளம்பரத்துக்கு செய்யும் செலவு விகிதம் மாறும். உதாரணமாக, தங்கம், டெக்ஸ்டைல் போன்ற பொருளாக இருந்தால், அதற்கான விளம்பரங்களுக்கு அதிகம் செலவு செய்ய வேண்டி இருக்கும். இதுவே ஏதேனும் பயிற்சிக்கூடம், ஓட்டல், புத்தகக்கடை போன்றவை என்றால், அதற்குக் குறைவாகவே செலவாகும். ஆனால், புதிதாக தொழில் தொடங்குபவர்கள் ஆரம்பத்திலேயே விளம்பரத்துக்குப் பணத்தை வாரி இறைக்கக்கூடாது.  அவர்கள் முதலில் தங்களது தொழிலின் அஸ்திவாரத்தை வலிமையாக்கு வதில்தான் கவனம் செலுத்த வேண்டும். அதிகபட்சமாக ஒருவர் தன்னுடைய மொத்தத் தொழில் மதிப்பில் 5-10%  விளம்பரத்துக்காகப் பயன்படுத்தலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism