Published:Updated:

கேஒய்சி படிவத்தில் முகவரியை மாற்றுவது எப்படி?

ஒட்டுமொத்த விகடனுக்கும் ஒரே ஷார்ட்கட்

Use App
கேஒய்சி படிவத்தில் முகவரியை  மாற்றுவது எப்படி?
கேஒய்சி படிவத்தில் முகவரியை மாற்றுவது எப்படி?

கேள்வி - பதில்

பிரீமியம் ஸ்டோரி
கேஒய்சி படிவத்தில் முகவரியை  மாற்றுவது எப்படி?

?கேஒய்சி-யில் (Know Your Customer) நான் ஏற்கெனவே தந்துள்ள தகவல்களை இப்போது மாற்றித் தர விரும்புகிறேன். இதற்கான வழிமுறைகள் என்ன என்று சொல்ல முடியுமா?

கேஒய்சி படிவத்தில் முகவரியை  மாற்றுவது எப்படி?



ராஜ்குமார், திருச்சி
சா.பாரதிதாசன், நிதி ஆலோசர்,


“வாடிக்கையாளரின் தகவல்களை மாற்றிக்கொள்வதற் காக கேஒய்சி மாற்றப் படிவம் (Changing KYC Form) உள்ளது. இதற்கு பான் கார்டு நகல் அவசியம் தேவை. ஆதார் அடையாள அட்டை அல்லது வாக்காளர் அடையாள அட்டை என இந்த இரண்டில் ஏதாவது ஒரு முகவரிச் சான்றை வழங்க வேண்டும். கேஒய்சி படிவத்தில், முகவரியை மாற்றுவதாக இருந்தால், அதற்கான ஆதாரச் சான்றை வழங்க வேண்டும். கேஒய்சி-யை நீங்கள் எங்கு பதிவு செய்தீர்களோ, அந்த இடத்தில் மேற்குறிப்பிட்ட ஆவணங்களைச் சமர்ப்பித்து, கேஒய்சி மாற்றப் படிவத்தில் விவரங்களை நிரப்பிக் கொடுத்து தகவல்களை மாற்றிக்கொள்ள முடியும்.”

? எனது ஆண்டு வருமானம் 5.2 லட்சம் ரூபாய். நான் வருமான வரி விலக்குக்காக இஎல்எஸ்எஸ் மற்றும் பிபிஎஃப் ஆகியவற்றில் முதலீட்டை மேற்கொள்ளலாம் என நினைக்கிறேன். இந்த இரண்டில் எதில் முதலீட்டை மேற்கொள்வது சிறந்ததாக இருக்கும்?

கேஒய்சி படிவத்தில் முகவரியை  மாற்றுவது எப்படி?



கிருஷ்ணராஜ், அரியலூர்
எஸ்.சதீஷ்குமார், ஆடிட்டர்


“இஎல்எஸ்எஸ் மற்றும் பிபிஎஃப் இரண்டுமே நிதி ஆண்டு ஒன்றுக்கு 1.5 லட்சம் ரூபாய் வரை வருமான வரி விலக்கு வழங்கக்கூடியவை. இரண்டுக்குமே 80சி-ன் கீழ் வரி விலக்கு கிடைக்கும். ஆனால், பிபிஎஃப் நீண்ட காலத்துக்கானது (15 ஆண்டுகள்). ஓரளவுக்கு நிலையான வருமானமும் தரக்கூடியது.

அதேசமயம், இஎல்எஸ்எஸ் என்பது உறுதியாக வருமானம் வழங்கும் என்று சொல்ல முடியாது. ஆனால், நீண்ட காலத்தில் நல்ல வருமானம் கிடைக்க வாய்ப்பு இருக்கிறது. ரிஸ்க் இருந்தால் பரவாயில்லை; அதிக வருமானம் வேண்டும் என்றால் இஎல்எஸ்எஸ்-ல் முதலீடுகளை மேற்கொள்ளலாம். ரிஸ்க்கே வேண்டாம்; ஓரளவுக்கு நிலையான வருமானம் வேண்டும் என்று நினைப்பவர்கள், பிபிஎஃப்-ல் முதலீடுகளை மேற்கொள்ளலாம்.  இரண்டிலுமே  முதலீட்டைப் பாதி பாதியாகப் பிரித்து முதலீடுகளை மேற்கொள்வது சிறந்ததாக இருக்கும்.”

? கவனக் குறைவு மற்றும் நிதிப் பிரச்னையால் எனது இன்ஷூரன்ஸ் பாலிசியை என்னால் தொடர முடியவில்லை. இதனால் என் சிபில் ஸ்கோர் பாதிப்படைய வாய்ப்புள்ளதா?

கேஒய்சி படிவத்தில் முகவரியை  மாற்றுவது எப்படி?



நவீன், திரூப்பூர்
முத்துக்கிருஷ்ணன், நிதி ஆலோசகர்


“வங்கியில் நீங்கள் வாங்கிய கடனுக்கான வட்டியைத் தாமதமாகக் கட்டினாலோ அல்லது வட்டியைக் கட்டாமல் விட்டாலோதான், உங்கள் சிபில் ஸ்கோர் பாதிக்கக்கூடும். இன்ஷூரன்ஸ் பிரீமியத்துக்கான கட்டணத்தைச் செலுத்தாமல் இருந்தால், தற்போதைய நிலையில் உங்கள் சிபில் ஸ்கோரில் எந்தத் தாக்கத்தையும் ஏற்படுத்தாது. அதேநேரத்தில், இன்ஷூரன்ஸ் பிரீமியத்துக்கான கட்டணத்தைச் செலுத்தாமல் தவிர்த்தால், அது உங்கள் ஆயுள் காப்பீட்டுக்கான கவரேஜைக் குறைத்துவிடும். இதனால் உங்கள் குடும்பத்துக்கான பாதுகாப்பு கேள்விக்குள்ளாகும்.  ஆகையால், உங்கள் இன்ஷூரன்ஸ் பாலிசியை உயிர்ப்புடன் வைத்திருக்க, பாலிசிக்கான பிரீமியம் தொகையை உரிய நேரத்தில் செலுத்திவிடுவது  நல்லது.”

? அமெரிக்க அதிபராக தேர்ந்தெடுக்கப்பட்டுள்ள டொனால்ட் ட்ரம்ப், பார்மா நிறுவனங்கள் குறித்து விமர்சித்து வருகிறார். இவருடைய பேச்சினால் பார்மா நிறுவன பங்குகளின் விலை குறையும் என்று கூறப்படுகிறது. இது உண்மையா? பார்மா பங்குகளை நீண்ட கால நோக்கில் வாங்கி முதலீட்டை மேற்கொள்ளலாமா?

கேஒய்சி படிவத்தில் முகவரியை  மாற்றுவது எப்படி?



அசோக்குமார், சத்தியமங்கலம்
எம்.எஸ்.ஒ.அண்ணாமலை, பங்குச் சந்தை தரகர், சேலம்


“டொனால்ட் ட்ரம்ப் பேசுவதை வைத்து எந்த முடிவையும் எடுக்க முடியாது. அவர் பேசுவது எல்லாமே நடைமுறைக்கு கொண்டுவருவது கடினம். ஏனெனில் அமெரிக்காவில் இரண்டு சபைகள் உள்ளன. இரண்டு சபைகளும் சேர்ந்து ஆதரவு அளித்தால்தான் எந்தவொரு திட்டமாக இருந்தாலும் நடைமுறைக்கு வரும். அவர், ஹெச்1பி விசாவை அனுமதிக்கமாட்டேன்; பார்மா நிறுவனங்களை அனுமதிக்கமாட்டேன் எனப் பேசி வருகிறார். இது நடைமுறைக்கு சாத்தியமா என்பது போகப் போகத்தான் தெரியும். பார்மாவைப் பொறுத்தவரை, அவர் கூறுவதை, எந்த அளவுக்கு நடைமுறைப்படுத்த முடியும் என்பதை சில மாதங்கள் கழித்துப் பார்த்தபிறகுதான் சொல்ல முடியும். அவரது பேச்சை வைத்து எந்த ஒரு முடிவையும் எடுக்க வேண்டாம். கொஞ்சம் பொறுத்திருப்பது நல்லது.”

? நான் கோட்டக் கோல்ட் ஃபண்டில் மாதம் ரூ.3,000 முதலீடு செய்து வருகிறேன். மேலும், ரூ.2,000 முதலீடு செய்யலாம் என நினைக்கிறேன். இதே ஃபண்டில் மேலும் முதலீட்டை அதிகரிக்கலாமா அல்லது வேறு ஒரு ஃபண்டில் முதலீட்டை மேற்கொள்ளலாமா?

கேஒய்சி படிவத்தில் முகவரியை  மாற்றுவது எப்படி?



சண்முகம், திண்டுக்கல்,
கா.முகைதீன் மாலிக், நிதி ஆலோசகர், பொள்ளாச்சி


“கோல்ட் ஃபண்டில் குறைவான லாபத்தையே எதிர்பார்க்க முடியும். எனவே, 2,000 ரூபாயைக் குறைந்த ரிஸ்க் மற்றும் ஈக்விட்டியின் லாபம் தரும் ஐசிஐசிஐ ப்ரூ டைனமிக் ப்ளான் (குரோத்) திட்டத்தில் முதலீடு செய்யலாம். குறைந்தபட்ச முதலீட்டுக் காலம் 5 வருடமாக இருக்கட்டும்.”

? நான் இதுவரை மியூச்சுவல் ஃபண்டில் முதலீட்டை மேற்கொண்டதில்லை. இப்போது முதலீட்டை மேற்கொள்ளலாம் என்று திட்டமிட்டுள்ளேன். ஆனால், மியூச்சுவல் ஃபண்ட் நிறுவனங்களை நாடும்போது, அந்த நிறுவனத்தைச் சார்ந்த வங்கிகளில் கணக்குத் தொடங்க வலியுறுத்துகின்றனர். இது கட்டாயம்தானா?

கேஒய்சி படிவத்தில் முகவரியை  மாற்றுவது எப்படி?


ராஜா, ஈரோடு,
சங்கீதா, நிதி ஆலோசகர்.


“நீங்கள் மியூச்சுவல் ஃபண்டில் முதலீடு செய்வதற்கு வங்கிக் கணக்கு அவசியம். ஆனால், ஒவ்வொரு மியூச்சுவல் ஃபண்ட் நிறுவனத்துக்கும் ஒவ்வொரு வங்கிக் கணக்கு தேவையில்லை. ஒரே ஒரு வங்கிக் கணக்கு வைத்துக்கொண்டு, அனைத்து மியூச்சுவல் ஃபண்ட் நிறுவனங்களிலும் முதலீட்டை மேற்கொள்ளலாம்.  நீங்கள் முதலீடு செய்யும் ஒவ்வொரு மியூச்சுவல் ஃபண்டிலும் நீங்கள் வாங்கும்/விற்கும் யூனிட்டைப் பதிவு செய்ய உங்களுக்கு ஒரு கணக்கு எண்ணை (Folio Number) வைத்திருப்பார்கள். இதுதான் நிறுவனத்துக்கு நிறுவனம் மாறுபடும்.”

உங்கள் எண்ணங்களை எங்களோடு பகிர்ந்துகொள்ளுங்கள்!

கேஒய்சி படிவத்தில் முகவரியை  மாற்றுவது எப்படி?

facebook.com/naanayamvikatan
twitter.com/nanayamvikatan
எவ்வித கட்டணமும் இல்லாமல் ஏராளமான தகவல்களைப் படித்து பயன்பெறுங்கள்!
nanayam.vikatan.com

போன் மூலமாகவும்  கேள்வி கேட்கலாம்!

இனி நீங்கள் போன் மூலமாகவும் கேள்விகளை பதிவு செய்யலாம். அதற்கு 044- 66802920 என்ற எண்ணுக்கு டயல் செய்யுங்கள். கணினி குரல் வழி காட்டும்; அதன்படி உங்கள் குரலிலேயே கேள்விகளை பதிவு செய்யுங்கள். எதிர்முனையில் உங்களுடன் உரையாட யாரும் இருக்க மாட்டார்கள். எனவே, அந்த ஒரு நிமிடம் முழுக்க முழுக்க உங்களுக்கே!

கேள்விகளை அனுப்புகிறவர்கள் தங்கள் செல்போன் எண்ணையும் குறிப்பிடவும்.

அனுப்ப வேண்டிய முகவரி: கேள்வி-பதில் பகுதி, நாணயம் விகடன், 757, அண்ணாசாலை, சென்னை-2. nav@vikatan.com.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு