Published:Updated:

ஜிங்க்... கமாடிட்டி வர்த்தகத்தின் ஜல்லிக்கட்டுக் காளை!

ஜிங்க்... கமாடிட்டி வர்த்தகத்தின் ஜல்லிக்கட்டுக் காளை!
பிரீமியம் ஸ்டோரி
ஜிங்க்... கமாடிட்டி வர்த்தகத்தின் ஜல்லிக்கட்டுக் காளை!

ஷியாம் சுந்தர் - கமாடிட்டி நிபுணர்

ஜிங்க்... கமாடிட்டி வர்த்தகத்தின் ஜல்லிக்கட்டுக் காளை!

ஷியாம் சுந்தர் - கமாடிட்டி நிபுணர்

Published:Updated:
ஜிங்க்... கமாடிட்டி வர்த்தகத்தின் ஜல்லிக்கட்டுக் காளை!
பிரீமியம் ஸ்டோரி
ஜிங்க்... கமாடிட்டி வர்த்தகத்தின் ஜல்லிக்கட்டுக் காளை!
ஜிங்க்... கமாடிட்டி வர்த்தகத்தின் ஜல்லிக்கட்டுக் காளை!

2016 ஜனவரியிலிருந்து, 2017 ஜனவரி வரையிலான  ஒரு வருட காலத்தில் உலோகக் குறியீடு ஏறக்குறைய 50% வளர்ச்சி அடைந்துள்ளது. இதே காலகட்டத்தில் சென்செக்ஸ் 3% மட்டுமே உயர்ந்துள்ளது. (பார்க்க, வரைபடம் - 1)

ஜிங்க்... கமாடிட்டி வர்த்தகத்தின் ஜல்லிக்கட்டுக் காளை!

ஒட்டுமொத்த விகடனுக்கும் ஒரே ஷார்ட்கட்!

அதிலும் ஜிங்க் உலோகத்தின் விலை, மற்ற உலோகங்களைக் காட்டிலும் வெகுவாக அதிகரித்தது. 2016 துவக்கத்தில் ஒரு மெட்ரிக் டன்  1,445 அமெரிக்க டாலருக்குச் சரிந்தாலும், 2017 ஆண்டின் தொடக்க விலையோடு ஒப்பிடும்போது,  80 சதவிகிதத்துக்கு மேல் அதிகரித்து, சுமார் 2,700 டாலருக்கு நெருக்கமாக வர்த்தகமாகி வருகிறது (பார்க்க, வரைபடம் - 2).

கடந்த சில ஆண்டுகளில் உலகச் சந்தையில் ஜிங்கின் கையிருப்பு குறைய இரண்டு காரணங்களே இருந்திருக்க வேண்டும்.  ஒன்று, அதன் தேவை அதிகரித்திருக்க வேண்டும்.  அல்லது, அதன் உற்பத்தி தடைப்பட்டிருக்க வேண்டும். இதனால் தான் இந்த விலை ஏற்றம் நிகழ்ந்திருப்பதாகச் சொல்லப்படுகிறது.  

அடிப்படை உலோகங்களில் இரும்பு, அலுமினியம், காப்பருக்கு அடுத்தபடியாக அதிக அளவில் பயன்படுத்தப்படும் உலோகம் ஜிங்க்  எனப்படும் துத்தநாகம்தான். இரும்பு மற்றும் ஸ்டீல் பொருட்கள் துருப்பிடிக்காமல் இருப்பதற்கு ஒரு பூச்சாகவும், எளிதில் மற்ற உலோகங்களுடன் இணையும் தன்மையுடனும் இருப்பது இதன் அடிப்படைத் தன்மை ஆகும்.

ஆட்டோமொபைல், மின்சார உபகரணங்கள் மற்றும் ரப்பர் தயாரிப்பிலும் இதன் பயன்பாடு  கணிசமாகக் காணப்படுகிறது. 2008-ம் ஆண்டு வரை  மிதமான அளவில் இதன் தேவை இருந்து வந்தாலும், அதன்பிறகு  இதற்கான தேவை அதிகரித்ததை அடுத்து இதன் விலைப்போக்கும் உயர்ந்து காணப்பட்டன.  

2008-க்குப் பிறகு ஐரோப்பா மற்றும் அமெரிக்க நாடுகள் ஜிங்க்கின் நுகர்வைக்  குறைத்துக்கொண்டே போனாலும், அதை ஈடுகட்டும் விதமாக வளரும் நாடுகளின் தேவை அதிகரித்தது முக்கியமானதாகப் பார்க்கப்பட்டது.

உலோகச் சந்தையானது 2016-ல் ஏற்றம் கண்டதைப் போல், இந்தப் புதிய ஆண்டிலும் தொடர்வதற்கான வாய்ப்புகள் இருக்கின்றனவா  என்பது குறித்து முதலீட்டாளர்கள் மத்தியில் அதிக அளவிலான கருத்துப் பரிமாற்றங்கள் நடைபெற்று வருகின்றன.

ஜிங்க்... கமாடிட்டி வர்த்தகத்தின் ஜல்லிக்கட்டுக் காளை!

சீனப் பொருளாதாரத்தில் மாற்றங்கள்

பொதுவாக, உலக அளவில் ஜிங்க்கின் விலைப்போக்கை, சீனாவின் நுகர்தல் பற்றிய செய்திகள் மற்றும் அங்கிருந்து வெளிவரக்கூடிய பொருளாதாரப் புள்ளிவிவரங்களே தீர்மானிக்கின்றன. ஏனென்றால், 50 சதவிதத்துக்கு  மேல் சீனாவின் பயன்பாடு இருப்பதால், முதலீட்டாளர்கள் எடுக்கக்கூடிய முடிவுகள் அதனைச் சார்ந்து அமைகின்றன. அங்கிருந்து வெளியாகக்கூடிய பணவீக்கம் பற்றிய புள்ளி விவரம் அந்த நாட்டின் விலை உயர்வை வெளிப்படுத்துவ தாக இருப்பதால், முக்கியத்துவம் பெறுகிறது.

உதாரணமாக, சென்ற வாரத்தில் வெளியான சீனாவின் டிசம்பர் மாத உற்பத்தி சார்ந்த விலைக் குறியீடு கடந்த ஐந்து வருடங்களில் இல்லாத அளவுக்கு 55 சதவிகிதமாக அதிகரித்தது, முக்கிய செய்தியாகப் பார்க்கப்பட்டது. இதனால், சீனாவின் பொருளாதாரம் தேக்கநிலையில் இருந்து மாறலாம் என்ற நம்பிக்கையைத் தோற்றுவித்துள்ளது.

 தேவைக்கும் உற்பத்திக்குமான இடைவெளி

சீனாவின் பொருளாதாரத்தைச் சரிவிலிருந்து தடுப்பதற்காக, இறக்குமதி செய்யப்படுவதைக் குறைத்து, நுகர்தல் என்று சொல்லக்கூடிய ‘கன்சம்ஷன்’ என்கிற கொள்கைக்கு நடவடிக்கை களை மாற்றி அமைத்து வருகிறது சீனா.

சீனாவின் சுரங்கப் பணிகளில், சுற்றுச்சூழல் மாசுபடுவதைக் குறைப்பதற்காகப் பல்வேறு சுய கட்டுப்பாடுகளைக் கொண்டுவருவது இதன் உற்பத்தியைப் பாதிக்கச் செய்துள்ளது. சீன அரசு  சமீபத்தில் 26-க்கும் மேற்பட்ட சிறிய சுரங்கங்களை மூடுவதற்கு ஆணை பிறப்பித்துள்ளது. இதன் காரணமாகத் தேவைக்கும், உற்பத்திக்குமான இடைவெளி அதிகரித்துள்ளது.

இது மட்டுமல்லாமல், அரசாங்கம் கட்டுமானம், ரியல் எஸ்டேட் துறைகளில் அதிக கவனம் செலுத்தி வருவதால், இந்த வருடம் சுமார் 5 லட்சம் டன்கள் அளவுக்குத் தட்டுப்பாடு இருக்கலாம் என்று கருதப்படுகிறது.

2016-ல் சீனாவின் வாகனத் துறை சிறந்து விளங்கியதால், ஆட்டோமொபைல் துறைக்குத் தேவையான முலாம் பூசப்பட்ட எஃகு தேவை உயர்ந்து காணப்பட்டது. அதே சமயம், சீனாவைத் தவிர மற்ற நாடுகளில் ஜிங்க்கின் பயன்பாடு 3% குறைந்து காணப்படுகிறது. இருந்தபோதிலும், சர்வதேச அளவில் ஊகத்தின் அடிப்படையிலும் ஜிங்க் விலை கணிசமாக அதிகரித்துள்ளது.

மொத்தத்தில், சீனா நீங்கலாக மற்ற நாடுகளின் கையிருப்பு குறைந்து வருவது, சீன அரசு  அதிகப்படியான ஸ்டீல் மற்றும் எஃகு பொருட்களை  உற்பத்தி நிறுத்தம் செய்வது, சீனாவிலிருந்து இறக்குமதி செய்யும் மற்ற நாடுகள் விதிக்கக்கூடிய வர்த்தகத் தடைகள் என இவையனைத்தும் ஜிங்க் விலை ஏற்றத்துக்குச் சாதகமான செய்திகளாகப் பார்க்கப்படுகின்றன.

ஜிங்க்... கமாடிட்டி வர்த்தகத்தின் ஜல்லிக்கட்டுக் காளை!

உற்பத்தி அதிகரிக்குமா?

உலகச் சந்தைக்கு ஜிங்க்கின் வரத்து (சப்ளை) குறைந்து காணப்பட்ட நிலையில், இரண்டு வருடங்களுக்கு முன்பு மூடப்பட்டச் சுரங்கங்களை மீண்டும் செயல்பாட்டுக்குக் கொண்டுவருவது, உற்பத்தி அளவை  உடனடியாகத் துரிதப் படுத்துவது போன்ற நிகழ்வுகள் ஆரம்பிக்கப்பட்டுவிட்டன.

சீனா மற்றும் வட கொரிய நாடுகளில் கையிருப்பில் காட்டப்படாத சுத்திகரிக்கப் படாத ஜிங்க் சந்தைக்கு வருவதற்கு வாய்ப்பு இருப்பதாகவும் கருத்துகள் நிலவுகின்றன. சீனாவின் கட்டு மானத்துக்குத்  தேவையான ஊக்குவிப்புச் செலவினங்கள் குறைந்தாலோ, உலக நாடுகள் சீன இறக்குமதி மீது கட்டுப்பாடு களை அதிகரித்தாலோ மட்டுமே ஜிங்க்கின் தேவை குறைந்து சந்தை விலை இறக்கம் காண வாய்ப்பு இருக்கிறது. இல்லா விட்டால், சென்ற ஆண்டைப்போல் இந்த ஆண்டும் விலை அதிகரிக்கும் என எதிர்பார்க்கலாம்.

2016-ல் ஜிங்க்கின் வரத்து குறைந்ததன் அடிப்படையில் விலை கூடிக்கொண்டே சென்றபோதிலும், 2017-ஐ பொறுத்தவரை கையிருப்பு எவ்வளவு வேகமாகக் குறைந்து வருகிறது என்பது இதன் விலையை நிர்ணயம் செய்யும் ஒரு முக்கிய காரணமாக இருக்கும்.

 முன்னணி  நிறுவனங்களும்  முதலீட்டாளர்களின் எண்ணங்களும்

உலகின் முன்னணி நிறுவனமான கிளென்கோர், உலகச் சந்தையின் வரத்தில் (சப்ளையில்) ஒருவிதமான இறுக்கமான போக்கு காணப்படுவதாகவும், இது மேலும் தொடரக்கூடும் என்றும் கூறியுள்ளது. ஜிங்க்கின் விலை குறையாததால், தங்களின் மூடப்பட்டுள்ள சுரங்கங்களிலிருந்து உற்பத்தியைத் துவங்க உள்ளதாக சீனா அறிவித்துள்ளதை முதலீட்டாளர்கள் சாதகமான செய்தியாகப் பார்த்து வருகின்றனர். அமெரிக்க டாலருக்கு நிகராக, சீனா தனது நாணயமான யுவானை மதிப்பிறக்கம் செய்துவருவதால், முதலீட்டாளர்கள் தங்களது முதலீடுகளை உலோகங்கள்மீது மாற்றி வருவதும், ஜிங்க்கின் விலை அதிகரிக்க ஒரு காரணம்.

சிறு முதலீட்டாளர்கள், உலோகங்களின் மீதான முதலீடுகளை ஆரம்பிப்பதற்கு முன்பு  உலக அளவிலான செய்திகளை அறிந்துகொண்டு முதலீடு செய்யும்பட்சத்தில் அவற்றை லாபகரமாக மாற்றும் திறன்பெற்றவர்களாக இருப்பார்கள் என்பதில் சந்தேகம் இல்லை!