Published:Updated:

புதிய முதலீட்டில் கலக்கும் பெண்கள்! - பங்குச் சந்தை, மியூச்சுவல் ஃபண்ட்...

புதிய முதலீட்டில் கலக்கும் பெண்கள்! - பங்குச் சந்தை,  மியூச்சுவல் ஃபண்ட்...
பிரீமியம் ஸ்டோரி
புதிய முதலீட்டில் கலக்கும் பெண்கள்! - பங்குச் சந்தை, மியூச்சுவல் ஃபண்ட்...

எம்.ஆர்.ஷோபனா, ஜெ.முருகன், க.பூபாலன்

புதிய முதலீட்டில் கலக்கும் பெண்கள்! - பங்குச் சந்தை, மியூச்சுவல் ஃபண்ட்...

எம்.ஆர்.ஷோபனா, ஜெ.முருகன், க.பூபாலன்

Published:Updated:
புதிய முதலீட்டில் கலக்கும் பெண்கள்! - பங்குச் சந்தை,  மியூச்சுவல் ஃபண்ட்...
பிரீமியம் ஸ்டோரி
புதிய முதலீட்டில் கலக்கும் பெண்கள்! - பங்குச் சந்தை, மியூச்சுவல் ஃபண்ட்...
புதிய முதலீட்டில் கலக்கும் பெண்கள்! - பங்குச் சந்தை,  மியூச்சுவல் ஃபண்ட்...

த்தனை காலமும் ஆண்களின் கோட்டையாக இருந்த பங்குச் சந்தை மற்றும் மியூச்சுவல் ஃபண்ட் உலகில், இன்றைக்கு சில பெண்களும் புகுந்து, பட்டையைக் கிளப்பிக் கொண்டிருக்கிறார்கள். அப்படிப்பட்ட பெண்களில் சிலரைச் சந்தித்து, அவர்களின் அனுபவங்களைக் கேட்டோம். விளக்கமாக எடுத்துச் சொன்னார்கள்.

புதிய முதலீட்டில் கலக்கும் பெண்கள்! - பங்குச் சந்தை,  மியூச்சுவல் ஃபண்ட்...

‘‘ஃபண்ட் முதலீடு பற்றி பயப்படத் தேவையில்லை!’’

வள்ளியம்மை, காரைக்குடி.

‘‘என் கணவர் வெளிநாட்டுல வேலை செய்றாரு. அவர் கஷ்டப்பட்டுச் சம்பாதிச்சு அனுப்புறதை எப்படி சிறப்பா சேமிக்கலாம்னு யோசிச்சப்பதான், மியூச்சுவல் ஃபண்ட் முதலீடு பத்தி தெரிஞ்சுகிட்டேன். போன வருஷம் மட்டும் பிர்லா, யூடிஐ, ஹெச்டிஎஃப்சி-னு மூணு நிறுவனங்களோட மியூச்சுவல் ஃபண்டுல முதலீடு பண்ணினேன். ஒரே நிறுவனத்தோட ஃபண்ட் திட்டங்கள்ல முழுப் பணத்தையும் முதலீடு பண்ணாம, ஒவ்வொரு நிறுவனம் நடத்துற சிறப்பான திட்டத்துலயும் மாதம் 1,000 ரூபாய் வீதம் ஒவ்வொரு மாதமும் முதலீடு செஞ்சுட்டு வர்றேன். குறைந்தபட்சம் அஞ்சு வருடங்களுக்கு இப்படி முதலீடு செய்யணும்னு திட்டமிட்டிருக்கேன். மியூச்சுவல் ஃபண்டுல இருக்கிற முக்கியமான வசதி என்னன்னா, இடையில நமக்கு பணம் தேவைப்பட்டா உடனே எடுத்துக்கலாம்.

இந்த ஃபண்ட் திட்டத்துல நாம முதலீடு பண்ணியிருக்கிற கம்பெனியோட பங்குகளோட விலை இறங்கினாலோ அல்லது பங்குச் சந்தை இறக்கம் கண்டாலோ, நாம செஞ்ச முதலீடு கொஞ்சம் குறையத்தான் செய்யும் என நாம புரிஞ்சுக்கணும். ஆனா, அஞ்சு வருஷம், பத்து வருஷம்னு தொடர்ந்து முதலீடு செஞ்சா, 10 சதவிகிதத்துக்கு மேலேயே வருமானம் கிடைக்கும். தவிர, முதலீடு செஞ்சுட்டுக் கண்ணை மூடிட்டு சும்மா இருந்துட முடியாது. அந்த ஃபண்ட் எப்படி செயல்படுது என்பதை மாசத்துக்கு ஒருமுறையாவது கவனிக்கணும். இதை எல்லாம் புரிஞ்சுகிட்டு செய்ய முடியுமான்னு பயப்படத் தேவையில்லை. சில மாசங்கள்ல அடிப்படை விஷயம் அத்தனையும் கத்துக்கலாம்.’’

புதிய முதலீட்டில் கலக்கும் பெண்கள்! - பங்குச் சந்தை,  மியூச்சுவல் ஃபண்ட்...

“சம்பளத்துல 30 சதவிகிதத்தைச் சேமிக்கிறோம்!”

பிரேமா தீபக், மேனேஜிங் டைரக்டர், கடலூர்

“என் பையனுக்கு ஏழு வயசாகுது. அவனோட கல்லூரி செலவுகளுக்காக ‘பிர்லா சன் லைஃப்’ அப்புறம் ‘யூடிஐ’ திட்டங்கள்ல ரெண்டு வருஷமா முதலீடு செஞ்சுட்டு வர்றேன். என் அப்பா 35 வருஷமா மியூச்சுவல் ஃபண்டுலதான் முதலீடு பண்ணிட்டு இருந்தாங்க. அந்தப் பணத்துலதான் என் கல்யாணமே நடந்தது. அதனால மியூச்சுவல் ஃபண்ட் பத்தி எனக்கு நல்லாவே தெரியும். நானும் என் கணவரும் எங்களோட சம்பளத்துல 30 சதவிகிதத்தைச் சேமிக்கிறோம். அதுபோக, எப்பவெல்லாம் கையில பணம் வருதோ, அப்பவெல்லாம் அதை சேமிப்பா மாத்த வழி வகுத்திடுவோம். மியூச்சுவல் ஃபண்டுல நாம போட்ட தொகைக்கு லாபம் வருதோ இல்லையோ, போட்ட பணம் கைக்கு வந்திடும். வரிச் சலுகையும் கிடைக்கிறதுனால பயம் எனக்கு எப்பவும் இல்ல.”

புதிய முதலீட்டில் கலக்கும் பெண்கள்! - பங்குச் சந்தை,  மியூச்சுவல் ஃபண்ட்...

‘‘பங்குச் சந்தையில 15 வருஷமா முதலீடு செய்கிறேன்!’’

உமா, சுய தொழில் செய்பவர், சென்னை

‘‘நான் பொருளாதாரம் தொடர்பா வர்ற பத்திரிகை செய்திகளைத் தொடர்ந்து வாசிப்பேன். அது எனக்குப் பிடிச்ச சப்ஜெக்ட். அதனாலேயே முதலீடு பண்றது எனக்கு ரொம்பப் பிடிக்கும். நகை, நிலம், ஷேர் மார்க்கெட், மியூச்சுவல் ஃபண்டுனு பல இடங்கள்ல முதலீடு பண்ணியிருக்கேன். 15 வருஷமா பங்குச் சந்தையில முதலீடு செஞ்சிட்டு இருக்கிறேன். ஆரம்பத்துல, குறுகிய காலத்துக்கு மட்டும் பங்குகளை வாங்கி, வித்துட்டு இருந்தேன். அப்புறம், அஞ்சு வருஷம், பத்து வருஷம்னு பங்குகளை வாங்கி வச்சிருந்தேன். என்னைப் பொறுத்த வரை, பங்குகள் மூலமா சின்ன லாபம் கிடைச்சாக்கூட போதும்னு நினைப் பேன். பங்குச் சந்தையில ரிஸ்க்னு பெரிசா ஒண்ணுமில்லை. நாலு, அஞ்சு வருஷமா மியூச்சுவல் ஃபண்டுல முதலீடு செய்றேன். நேரமும், ஆர்வமும் இருந்தா, யார் வேணா இந்த முதலீட்டைச் செய்யலாம்’’.

புதிய முதலீட்டில் கலக்கும் பெண்கள்! - பங்குச் சந்தை,  மியூச்சுவல் ஃபண்ட்...

‘‘நீண்ட கால முதலீடே என் இலக்காக இருக்கு!’’

சுசித்தா, விளம்பரத் துறையில் வேலை செய்பவர், சென்னை

‘‘கொஞ்ச வருஷம் முன்னாடி நிலத்துல முதலீடு செய்யலாம்னு நினைச்சிட்டு இருந்தேன். அதுதான் பெரிய அளவுல லாபம் கொடுக்கும்னு நினைச்சேன். ஆனா, மியூச்சுவல் ஃப்ண்ட், ஷேர் மார்க்கெட் பற்றி கேள்விப்பட்டு, அதுல ஆர்வம் அதிகமாகி, அந்த முதலீடுகளைப் பற்றி நிறையா தெரிஞ்சுக்கிட்டேன். கடந்த ஒரு வருஷமா ஷேர் மார்க்கெட், மியூச்சுவல் ஃபண்ட் முதலீடுகளை பண்ணிட்டு இருக்கேன்.  எஸ்ஐபி திட்டம் மூலமாவும் குறிப்பிட்ட சில இலக்குகளுக்காக முதலீடு செய்றேன்.

பொதுவா, நான் முதலீடு செய்றது எல்லாமே வருங்காலத் தேவைகளை மனசுல வச்சுத்தான். குறைந்தபட்சமாக அஞ்சு வருஷத்துக்கு குறையாம முதலீடு செய்றதே என் முதலீட்டு கொள்கைன்னு சொல்லலாம். முதலீட்டு மூலமா வர்ற லாபத்தையும் கூட, பெரிய அளவுல முதலீடு செய்றதுதான் என் ப்ளான். இன்னும் நிறைய தெரிஞ்சுக்கணும்; நிறைய முதலீடுகளைச் செய்யணும்!’’

என்ன பெண்களே, இந்த கில்லாடிகள் போல, நீங்களும் முதலீட்டிலும் இறங்கிக் கலக்கவேண்டியது தானே!  

படங்கள்: எஸ்.சாய்தர்மராஜ், பா.காளிமுத்து,  அ.குரூஸ்தனம்.