Published:Updated:

ஃபைனான்ஷியல் தவறுகள்... பளிச் தீர்வுகள்! - 14

ஃபைனான்ஷியல் தவறுகள்... பளிச் தீர்வுகள்! - 14
பிரீமியம் ஸ்டோரி
ஃபைனான்ஷியல் தவறுகள்... பளிச் தீர்வுகள்! - 14

பணம் சேர்ப்பது குற்றமில்லை!சுரேஷ் பார்த்தசாரதி, Founder, Myassetsconsolidation.com Registered investment advisor, INA200000878ஓவியம்: கோ.ராமமூர்த்தி

ஃபைனான்ஷியல் தவறுகள்... பளிச் தீர்வுகள்! - 14

பணம் சேர்ப்பது குற்றமில்லை!சுரேஷ் பார்த்தசாரதி, Founder, Myassetsconsolidation.com Registered investment advisor, INA200000878ஓவியம்: கோ.ராமமூர்த்தி

Published:Updated:
ஃபைனான்ஷியல் தவறுகள்... பளிச் தீர்வுகள்! - 14
பிரீமியம் ஸ்டோரி
ஃபைனான்ஷியல் தவறுகள்... பளிச் தீர்வுகள்! - 14
ஃபைனான்ஷியல் தவறுகள்... பளிச் தீர்வுகள்! - 14

கோகுலகிருஷ்ணன், கல்யாணி தம்பதியர் மெத்தப் படித்தவர்கள். இவர்களின் ஒரே மகன் பிரவீன்குமார். ஐஐடி-யில் படித்துக்கொண்டிருந்தார் பிரவீன். பிரவீனுடன் அதே வகுப்பில் படித்தார் திவ்யா. பிரவீனும், திவ்யாவும் நல்ல நண்பர்களாகப் பழகினார்கள்.

படிப்பு முடிந்ததும் அமெரிக்காவுக்குச் சென்று, மேற்படிப்பைப் படிக்கவேண்டும் என்பது பிரவீனுக்கு லட்சியம். திவ்யாவுக்கும் வெளிநாடு சென்று படிக்கவேண்டும் என்ற ஆசை இருந்தது. அதற்குரிய நேரமும் வந்தது. ஆனால், பிரவீனை அமெரிக்கா அனுப்பிப் படிக்க வைக்கும் அளவுக்கு கோகுலகிருஷ்ணனிடம் பொருளாதார வசதி இல்லை. எனவே, பிரவீன் அமெரிக்காவுக்குச்  சென்று படிக்கும் கனவை விட்டுவிட வேண்டிய நிலைக்கு ஆளானார். ஆனால், திவ்யா தன் நண்பரின் லட்சியம் நிறைவேறவேண்டும் என ஆசைப்பட்டார்.

ஃபைனான்ஷியல் தவறுகள்... பளிச் தீர்வுகள்! - 14

ஒட்டுமொத்த விகடனுக்கும் ஒரே ஷார்ட்கட்!



திவ்யாவின் அப்பா, வேலூரில் பெரிய தொழில் அதிபர். மூன்று, நான்கு கம்பெனிகளை நடத்தி வருகிறார். திவ்யா, அமெரிக்கா செல்வதற்கான ஏற்பாடுகளை தைரியமாகச் செய்தார்.  திவ்யா, தன் நண்பர் பிரவீனுக்காக தன் அப்பாவிடம் பேசினார். பிரவீன் அமெரிக்கா சென்று படிக்க உதவ வேண்டும் எனக் கேட்டார். தன் மகளின் விருப்பப்படி, பிரவீனின் படிப்புக்கு உதவ சம்மதித்தார் திவ்யாவின் அப்பா.

“பெரிய பெரிய படிப்புகளை எல்லாம் படித்திருக்கிறோம். ஆனால், ஒரே மகனின் மேற் படிப்புக்காக ஆரம்பத்திலிருந்தே திட்டமிட்டுப் பணம் சேர்க்காமல் தவறிவிட்டோம். உங்கள் உதவிக்கு நன்றி’’ என கோகுலகிருஷ்ணனும், கல்யாணியும் திவ்யாவின் அப்பாவிடம் உருக்கத்துடன் சொன்னார்கள்.

அமெரிக்கா சென்றதும் பிரவீன் தன் நிலையை உணர்ந்து, பொறுப்பாகப் படிப்பில் கவனம் செலுத்தினார். ஆனால், திவ்யாவுக்குப் படிப்பில் கவனம் முழுமையாக இல்லை. பிரவீன் முதல் வகுப்பில் தேர்ச்சி பெற்றார். அமெரிக்காவிலேயே நல்ல வேலையும் கிடைத்தது. ஆனால், திவ்யாவுக்கு அமெரிக்காவில் வேலை அமையவில்லை. சொந்த ஊருக்கே திரும்பிவிட்டார்.

இரண்டு வருடங்கள் கழித்து பிரவீன் விடுமுறையில் வேலூருக்கு வந்தார். அப்போது திவ்யாவின் வீட்டுக்கு நன்றி தெரிவிப்பதற்காகச் சென்றார். அப்போது திவ்யாவின் அப்பா, பிரவீனை திருமணம் செய்துகொள்ளவேண்டும் என்று தன் மகளுக்கு இருக்கும் விருப்பத்தினைச் சொல்லி சம்மதம் கேட்டார். தன் பெற்றோரிடம் பேசிவிட்டுச் சொல்வதாகச் சொன்னார் பிரவீன். ஆனால், பிரவீனின் பெற்றோர் சம்மதிக்கவில்லை. காரணம், பிரவீனைவிட திவ்யா ஆறு மாதங்கள் வயதில் மூத்தவர் எனச் சொன்னார்கள்.

பிறகு, பலவித பேச்சுவார்த்தைகளுக்குப் பின்னர் ஒருவழியாக பிரவீன், திவ்யா திருமணம் நடந்து முடிந்தது. புதுமணத் தம்பதிகள் அமெரிக்காவில் குடியேறினார்கள். பிரவீன் இயல்பாகவே உதவும் குணம் உடையவர். திவ்யாவும் அப்படித்தான். நிறைய சம்பாதிக்க ஆரம்பித்ததும் பணத்தை சமூக சேவைகளுக்காகத் தண்ணீராக செலவு செய்தார் பிரவீன். ஆரம்பத்தில் மகிழ்ச்சியுடன் ஏற்றுக்கொண்ட திவ்யா, குடும்பத்தில் பண நெருக்கடி வந்தபோது நிலைமையை உணர்ந்துகொண்டவராக பிரவீனிடம் பேசினார்.

‘‘நமக்கு என்று கொஞ்சம் சேர்த்துவைக்க வேண்டும்’’ என்று திவ்யா சொல்ல, ‘‘பணத்தைச் சேர்த்து வைப்பதில் எனக்கு உடன்பாடில்லை’’ என்று பிரவீன் மறுத்துவிட்டார்.

ஃபைனான்ஷியல் தவறுகள்... பளிச் தீர்வுகள்! - 14

விடுமுறையில் இந்தியாவுக்கு வந்தபோது பிரவீனை என்னிடம் அழைத்துவந்தார்கள். “எனக்குச் சமூக சேவையில்தான் ஆர்வம். பணம் சேர்ப்பதில் ஆர்வமில்லை” என்றார் பிரவீன். நான் சேமிப்புக்கும், சமூகசேவைக்குமான வேறுபாட்டை விளக்கினேன். பணத்தைச் சேர்த்து வைத்தால் இன்னும் சிறப்பாக சமூக சேவைகளைச் செய்ய வாய்ப்பு அமையும் என்றேன். கொஞ்சம் யோசித்த பிறகு ஒப்புக்கொண்டார்.

அமெரிக்காவில் எட்டு வருடங்களை எந்தவித சேமிப்புகளும் இல்லாமல் கழித்துவிட்ட பிரவீன், தன் 34-வது வயதில் குழந்தைகள் பிறந்த பிறகுதான் சேமிக்க ஆரம்பித்தார். ஒருசில ஆண்டுகளில் பிரவீன் நிரந்தரமாக இந்தியாவுக்குத் திரும்பினார். அந்த சமயத்தில்தான் பிரவீனின் நண்பர் ஒருவர், தன் கம்பெனிக்கு அழைத்தார். பிரவீனும் நல்ல பொறுப்புக் கிடைக்கவே, மகிழ்ச்சியோடு அதை ஏற்றுக்கொண்டார். கொஞ்சம் கொஞ்சமாக முதலீட்டை அதிகரித்துகொண்டே வந்தார்.  அவருடைய முதலீடுகள் நன்றாக வளர்ச்சி பெற்று இருப்பதைக்கண்ட பிரவீனுக்கு இன்னும் ஆர்வம் அதிகமானது.

அதேசமயம், நண்பரின் நிறுவனம் நல்ல வளர்ச்சி கண்டது. பங்குச் சந்தையில் பட்டியலிடப் பட்டது. பிரவீனுக்கு கம்பெனியிலிருந்து ஈசாப் பங்குகள் தரப்பட்டன.

இந்த நிலையில்தான், திவ்யா சமூக சேவையில் இறங்கி அதிக பணத்தைச் செலவு செய்ய ஆரம்பித்தார். பிரவீன் சொல்லியும் கேட்காததால், திவ்யாவை அழைத்துக்கொண்டு என்னிடம் வந்தார். சமூக சேவைகளுக்காக ஒரு கோடி ரூபாய் ஒதுக்கித் தந்தால் நன்றாக இருக்கும் என்றார்  திவ்யா பிடிவாதமாக. நல்ல விஷயங்களுக்காகத்தான் கேட்கிறார் என்பதை பிரவீன் புரிந்து கொண்டிருந்ததால், எனக்கு பெரிய சிரமம் இல்லை. பிரவீன், தன் ஈசாப் பங்குகளை விற்று ஒரு கோடி ரூபாயை திவ்யாவுக்குக் கொடுத்து விட்டார். மீதமுள்ள ஒரு கோடி ரூபாயை முதலீடு செய்ய, என்னிடம் ஆலோசனை கேட்டார்.

ஏற்கெனவே சொந்தமாக பிரவீன் வீடு வாங்கி இருந்ததால், மொத்தப் பணத்தையும் மியூச்சுவல் ஃபண்டில் முதலீடு செய்யச் சொன்னேன். ஒரு கட்டத்தில் நிறைய முதலீடுகளைச் செய்து முடித்ததும், சொந்தமாக ஸ்டார்ட் அப் கம்பெனி ஒன்றினை ஆரம்பிக்க  நினைத்தார். நண்பர்களுடன் சேர்ந்து பிசினஸை ஆரம்பித்தார். பிசினஸ் நல்லபடியே நடந்தது. லாபத்தில் 25 சதவிகித பணத்தை பிரவீன் தன் மனைவியின் சமூக சேவைக்காக அவராகவே ஆர்வமாக கொடுத்து வந்தார். 2011-ல் அவர் முதலீடு செய்த ரூ.1 கோடி ரூபாய் இப்போது ரூ.2.5 கோடியாக வளர்ந்தது. தற்போது, பிரவீன் தன்னுடைய இரண்டு மகன்களின் மேற்படிப்புக்காக, மாதத்துக்கு ரூ.1.5 லட்சம் வரை எஸ்ஐபி முறையில் முதலீடு செய்துவருகிறார்.

பிரவீனைப் பொறுத்தவரை, பணத்தைச் சேர்த்து வைப்பது ஒரு குற்றம் என்றே நினைத்தார்.   சேமிப்பு, முதலீடு பற்றிப் புரிந்துகொள்ளாததே அவருடைய தவறு. மற்றபடி புரிந்துகொண்டபிறகு அவர் தனக்குள் செய்துகொண்ட மாற்றங்களை நிஜமாகவே பாராட்டலாம். பணம்தான் வாழ்க்கை அல்ல. ஆனால், பணம் இல்லாமல் வாழ்க்கை இல்லை என்பதை நாம் புரிந்துகொள்ள வேண்டும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism