Published:Updated:

மணி மேனேஜ்மென்ட்! - 14 - வருமான வரிச் சலுகை தரும் சேமிப்புப் பத்திரம்!

மணி மேனேஜ்மென்ட்! - 14 - வருமான வரிச் சலுகை தரும் சேமிப்புப் பத்திரம்!
பிரீமியம் ஸ்டோரி
மணி மேனேஜ்மென்ட்! - 14 - வருமான வரிச் சலுகை தரும் சேமிப்புப் பத்திரம்!

உங்கள் பணம் உங்களுக்காக உழைக்கட்டும்...சி.சரவணன்

மணி மேனேஜ்மென்ட்! - 14 - வருமான வரிச் சலுகை தரும் சேமிப்புப் பத்திரம்!

உங்கள் பணம் உங்களுக்காக உழைக்கட்டும்...சி.சரவணன்

Published:Updated:
மணி மேனேஜ்மென்ட்! - 14 - வருமான வரிச் சலுகை தரும் சேமிப்புப் பத்திரம்!
பிரீமியம் ஸ்டோரி
மணி மேனேஜ்மென்ட்! - 14 - வருமான வரிச் சலுகை தரும் சேமிப்புப் பத்திரம்!
மணி மேனேஜ்மென்ட்! - 14 - வருமான வரிச் சலுகை தரும் சேமிப்புப் பத்திரம்!

கிஸான் விகாஸ் பத்திரம் குறித்து கடந்த வாரம் பார்த்தோம். தொடந்து தேசிய சேமிப்புப் பத்திரம் குறித்துப் பார்ப்போம்.

வரிச் சலுகை மற்றும் சற்று அதிக வருமானம் அளிக்கும் தபால் அலுவலக முதலீட்டுத் திட்டமாக தேசிய சேமிப்புச் சான்றிதழ் (National Savings Certificates - NSC) இருக்கிறது. இதனை தேசிய சேமிப்புப் பத்திரம் என்றும் குறிப்பிடுகிறார்கள்.

ரிஸ்க் எடுக்க விரும்பாதவர்கள் அதிகம் விரும்பும் முதலீடாக இது இருக்கிறது. இந்த முதலீட்டுக்கான வட்டி, மூன்று மாதங்களுக்கு ஒரு முறை மாற்றத்துக்கு உட்படுகிறது. கடன் சந்தையில் வட்டி மாறும்போது, இதற்கான வட்டி, கூடவோ அல்லது குறையவோ செய்யும்.

ஆனால், முதலீட்டை ஆரம்பிக்கும்போது எவ்வளவு வட்டி என்று நிர்ணயம் செய்யப் படுகிறதோ, அந்த வட்டி, முதிர்வு வரைக்கும் தரப்படும். அதாவது, முதலீடு செய்யும்போதே, முதிர்வின்போது எவ்வளவு  தொகை கிடைக்கும் என்பது தெரிந்துவிடும்.
  இதில் யாரெல்லாம் முதலீடு செய்ய முடியும்?

1. தனிநபர்கள் - ஆண் / பெண்

2. கூட்டாக ஒன்றுக்கு மேற்பட்டவர்கள்

3. மைனர்கள் - பெற்றோர் / பாதுகாவலர் மேற்பார்வையில்
           
  தேவையான ஆவணங்கள்

1. அடையாளத்துக்கான ஆதாரம் - பாஸ்போர்ட், பான் கார்டு, ஓட்டுநர் அடையாள அட்டை, வாக்காளர் அடையாள அட்டை, ஆதார் அட்டை
           
2. முகவரிக்கான ஆதாரம் - பாஸ்போர்ட், ஓட்டுநர் அடையாள அட்டை, வாக்காளர் அடையாள அட்டை, ஆதார், டெலிபோன் ரசீது, மின் கட்டண அட்டை.    மேலும் மார்பளவு புகைப்படங்கள் இரண்டு தேவைப்படும்.
   
முதலீட்டை ஆரம்பிக்கும்போது ஆவணங்களின் அசலைக் காட்டவேண்டி இருக்கும்.

  முதலீட்டை எப்படி ஆரம்பிப்பது?

வீட்டின் அருகில் உள்ள தபால் நிலையத்துக்கு நேரில் சென்று, அதற்கென்று இருக்கும் விண்ணப்பப் படிவத்தைப் பூர்த்திசெய்து கொடுத்தால், முதலீட்டை ஆரம்பித்துவிடலாம். இந்த முதலீட்டை நேரடியாகவோ அல்லது இதற்கென்று இருக்கும் ஏஜென்ட் மூலமோ மேற்கொள்ளலாம். ஏஜென்ட் மூலம் மேற்கொள்ளும்போது, விண்ணப்பப் படிவத்தைப் பூர்த்தி செய்தல் போன்ற விஷயங்களில் உதவி செய்வார்.
       
முதலீட்டுக்கான தொகையை ரொக்கம், உள்ளூர் காசோலை, கேட்புக் காசோலை உள்ளிட்ட வகைகளில் கொடுக்கலாம்.

  குறைந்தபட்ச முதலீடு           

குறைந்தபட்ச முதலீடு ரூ.100. அதிகபட்சம் எவ்வளவு வேண்டுமானலும் முதலீடு செய்து கொள்ளலாம். ரூ.100, ரூ.500, ரூ.1,000, ரூ.5,000 மற்றும் ரூ.10,000 மதிப்பில் இந்தப் பத்திரங்கள், முதலீடு செய்ய கிடைக்கின்றன.

ஒட்டுமொத்த விகடனுக்கும் ஒரே ஷார்ட்கட்!

மணி மேனேஜ்மென்ட்! - 14 - வருமான வரிச் சலுகை தரும் சேமிப்புப் பத்திரம்!

  வட்டி வருமானம்   

 2012 ஏப்ரலுக்குமுன் இது ஆறாண்டுத் திட்டமாக இருந்தது. அதன்பிறகு ஐந்தாண்டுத் திட்டமாக மாற்றப்பட்டது.  ஐந்தாண்டு முதிர்வு கொண்ட பத்திரத்துக்கு 8% வட்டி வழங்கப் படுகிறது.
   
  வரிச் சலுகை

என்எஸ்சி பத்திரத்தில் செய்யப்படும் முதலீட்டுக்கு  வரிச்சலுகை உண்டு. 80சி பிரிவின் கீழ் நிபந்தனைக்கு உட்பட்டு, நிதி ஆண்டில் அதிக பட்சம் ரூ.1.5 லட்சம் வரை வரிச் சலுகை பெற முடியும். 

வட்டி வருமானத்துக்கு வரிச் சலுகை இல்லை. வட்டி வருமானத்துக்கு, ஒருவரின் அடிப்படை வருமான வரம்புக்கு ஏற்ப வரி கட்ட வேண்டி வரும். மூலத்தில் வரி பிடிக்க (டிடிஎஸ்) மாட்டார்கள்.

முதலீட்டுக்கான வட்டியை அந்தந்த ஆண்டில் தர மாட்டார்கள். அந்த வட்டி, மறு டெபாசிடாக, ஆக முதலீடு செய்தவரின் கணக்கில் சேர்க்கப் படும். இந்த வட்டியை, புதிய முதலீடாகக் காட்டி 80சி பிரிவின் கீழ் வரிச் சலுகை பெற முடியும்.
உதாரணமாக, ஒருவர் முதல் ஆண்டில் வட்டியாக ரூ.1,000 பெறுகிறார் என்றால், இதனை புதிய முதலீடாகக் காட்டினால் வரிச் சலுகை கிடைக்கும்.            

  கவனிக்கவேண்டிய விஷயங்கள்

1. பத்திரம் தொலைந்துபோனால் அல்லது மழை, தீயால் சேதம் அடைந்தால், சான்றிதழ் எண், சான்றிதழ் வழங்கிய தேதி ஆகியவற்றைக் குறிப்பிட்டு, நகல் சான்றிதழ் (Duplicate certificate) ஒன்றை வாங்கிக்கொள்ள முடியும்.
   
2. இந்தப் பத்திரத்தை ஒருவர் தன் பெயரிலிருந்து இன்னொரு பெயருக்கு மாற்றிக்கொள்ள முடியும். இதற்கு சிறிய கட்டணம் இருக்கிறது.

3. சிறுவர்கள் பெயரில்கூட இந்தப் பத்திரத்தில் முதலீடு செய்ய முடியும்.

4. இதில் என்ஆர்ஐ-கள் முதலீடு செய்ய முடியாது.

5. இந்தப் பத்திரத்தை அடமானம் வைத்துக் கடன் பெற முடியும். பத்திரத்தின் மதிப்பில் 75 - 90% வரை கடன் கிடைக்கும். கடனைப் பத்திரத்தின் முதிர்வுக்குமுன் திரும்பக் கட்டுவதற்கு ஏற்ப கடன் கால அளவு நிர்ணயிக்கப்படும். திரும்பக்கட்டும் தகுதி உள்ளவர்களுக்கு மட்டும்தான் கடன் கிடைக்கும். அந்த வகையில் வருமான ஆதாரம் அளிக்க வேண்டி வரும்.
   
6. முதலீடு செய்த தேதியிலிருந்து, மூன்று ஆண்டுகளுக்குப் பிறகு பணத்தைப் பெற முடியும்.

7. இடையில் முதலீட்டாளர் மரணம் அடைந்தால், முதிர்வு தொகை அவரின் நாமினிக்கு வழங்கப்படும். நாமினி நியமிக்காமல் இருந்தால், சட்டப்படியான வாரிசுதாரர் களுக்குச் செல்லும். 
   
  (முதலீடு பெருகும்)