Published:Updated:

இலக்குகளை எட்டிப் பிடிக்க உதவும் தொழில் செய்யும் கலை! - நீங்களும் ஆகலாம் பிசினஸ்மேன்! - 14

இலக்குகளை எட்டிப் பிடிக்க உதவும் தொழில் செய்யும் கலை! - நீங்களும் ஆகலாம் பிசினஸ்மேன்! - 14
பிரீமியம் ஸ்டோரி
இலக்குகளை எட்டிப் பிடிக்க உதவும் தொழில் செய்யும் கலை! - நீங்களும் ஆகலாம் பிசினஸ்மேன்! - 14

உங்களை அம்பானி ஆக்கும் வைபரேஷன் தொடர்கே.எஸ்.கமாலுதீன் மேலாண்மை இயக்குநர், ப்ளூபாரத் எக்ஸிம் பிரைவேட் லிமிடெட்

இலக்குகளை எட்டிப் பிடிக்க உதவும் தொழில் செய்யும் கலை! - நீங்களும் ஆகலாம் பிசினஸ்மேன்! - 14

உங்களை அம்பானி ஆக்கும் வைபரேஷன் தொடர்கே.எஸ்.கமாலுதீன் மேலாண்மை இயக்குநர், ப்ளூபாரத் எக்ஸிம் பிரைவேட் லிமிடெட்

Published:Updated:
இலக்குகளை எட்டிப் பிடிக்க உதவும் தொழில் செய்யும் கலை! - நீங்களும் ஆகலாம் பிசினஸ்மேன்! - 14
பிரீமியம் ஸ்டோரி
இலக்குகளை எட்டிப் பிடிக்க உதவும் தொழில் செய்யும் கலை! - நீங்களும் ஆகலாம் பிசினஸ்மேன்! - 14
இலக்குகளை எட்டிப் பிடிக்க உதவும் தொழில் செய்யும் கலை! - நீங்களும் ஆகலாம் பிசினஸ்மேன்! - 14

ரு தொழிலைத் தொடங்கி, அதை வெற்றிகரமாக நடத்திப் பரம்பரை பரம்பரையாகத் தழைக்க என்னவெல்லாம் செய்யவேண்டும் என்பதைத் தொடர்ந்து பேசி வருகிறோம். ஏற்கெனவே சொன்னது போல, பிசினஸ் என்பது ஏதோ போகிற போக்கில் பெட்டிக்கடை வைப்பது மாதிரி அல்ல. ‘Doing     Business is an Art’. அந்தக் கலையை எப்படிக் கற்பது என்பதை இனி  பார்க்கலாம்.

இலக்குகளை எட்டிப் பிடிக்க உதவும் தொழில் செய்யும் கலை! - நீங்களும் ஆகலாம் பிசினஸ்மேன்! - 14

ஒட்டுமொத்த விகடனுக்கும் ஒரே ஷார்ட்கட்!



ஒவ்வொரு பிசினஸுக்கும் ஒரு செயல்முறை வடிவம் இருக்கிறது. எல்லா பிசினஸுக்கும் ஒரே மாதிரியான செயல்முறையைப் பயன்படுத்த முடியாது. பிசினஸ் வகை, அதன் அளவு, இலக்குகள் போன்றவற்றைப் பொறுத்துதான் நமக்கான செயல்முறை வடிவத்தை நாம் திட்டமிடவேண்டும். அதன்படி ஒரு பிசினஸைச் செய்யும்போது வெற்றி என்பது நிச்சயம் சாத்தியம் என்பதில் சந்தேகமே இல்லை.

நம் பிசினஸ் தொடர்பான செயல் முறையைத் திட்டமிடுவதில்தான் நாம் அதிக நேரத்தைச் செலவிடவேண்டும். ஒவ்வொரு பிசினஸிலும் நாம் வகுத்திருக்கும் திட்டங்கள், நம்முடைய கொள்கைகள், இலக்குகள், வாடிக்கையாளருடனான தொடர்பு ஆகிய விஷயங்களை அடிப்படையாக வைத்தே நம்முடைய பிசினஸ் செயல்முறை வடிவத்தை நாம் திட்டமிட முடியும்.

அதாவது, நம்முடைய பிசினஸ் உற்பத்தியா, சர்வீஸா, உள்நாட்டில் தொழில் செய்யப் போகிறோமா அல்லது ஏற்றுமதி செய்யப் போகிறோமா, யார் யாருக்கு என்ன வேலை, யார் யாரிடம் பதில் சொல்லவேண்டும் என்பது போன்ற அனைத்தையும் திட்டமிட்டுக் கட்டமைப்பதே பிசினஸ் செயல்முறை வடிவம்.

இந்த செயல்முறை வடிவத்தில் பிரதானமாக இருப்பது மூன்று விஷயங்கள். ஒன்று, மனிதர்கள்; இரண்டாவது பொருள்கள்; மூன்றாவது பணம்.  இந்த மூன்றையும் சுற்றித்தான் பிசினஸின் வொர்க்ஃப்ளோ (WorkFlow) இருக்கும். அவற்றை ஒழுங்காக நடைமுறைப்படுத்துவதும்  கட்டுப்பாட்டுக்குள் வைத்திருப்பதும்தான் பிசினஸ் செயல்முறை வடிவத்தின் முக்கியமான அம்சம். இனி ஒவ்வொன்றைப் பற்றியும் தனியாகப் பார்க்கலாம்.

 குடும்பத்தை உருவாக்குங்கள்

ஒரு பிசினஸின் செயல்முறை வடிவத்தில் சம்பந்தப்பட்டுள்ள ஒவ்வொருவரும் அவர்களுக்கான பணிகளையும், அவர்கள் யார் யாருடன், எவற்றுடன் தொடர்பில் இருக்கவேண்டும் என்பதையும், யாரிடம் அவர்கள் ரிப்போர்ட் செய்யவேண்டும், யாரிடமிருந்து பணிகளுக்கான உத்தரவுகளைப் பெறவேண்டும் என்பது உள்ளிட்ட பல விஷயங்களையும் தெளிவுபடுத்திக்கொண்ட பிறகே அதனைச் செயல்படுத்தவேண்டும். இது நிறுவனத்தின் முதலாளி முதல் வாடிக்கையாளர் வரை அனைத்துத் தரப்பு மனிதர்களையும் உள்ளடக்கியது.

இவர்கள் அனைவருமே ஒரே குடும்பமாக இருக்கும் வகையில்தான் நம்முடைய செயல்முறை வடிவமும், அதற்கான கொள்கைகளும் வகுக்கப்பட வேண்டும். அதாவது, ஒரு குடும்பத்தில் ஆயிரம் பிரச்னைகள், நெருக்கடிகள், இன்ப துன்பங்கள் வந்தாலும், எல்லாவற்றையும் தாண்டி ஒரே குடும்பமாக இருக்கும் கலாசாரம் ஒரு பிசினஸில் இருக்கவேண்டும்.

இலக்குகளை எட்டிப் பிடிக்க உதவும் தொழில் செய்யும் கலை! - நீங்களும் ஆகலாம் பிசினஸ்மேன்! - 14

மனிதர்களைக் கையாள்வதற்காகவே படித்து நிபுணத்துவம் பெற்ற ஒரு மனிதவளத் துறை நிபுணரின் தலைமையில், ஒரு குழுவை அமைத்து ஒரு பிசினஸின் அனைத்துத் தரப்பினரையும் ஒருங்கிணைக்கும் வேலையைச் செய்யவேண்டும். பணியில் இருக்கும் ஒருவர்,  தனது செயல்பாடுகளைத் தெளிவாகப் புரிந்துவைத்திருந்தாலே அவருடைய பணியைச் சரியாகச் செய்துமுடிப்பதில் எந்தப் பிரச்னையுமே வராது. அதை மிகவும் கவனத்தோடு செய்யவேண்டும். அவரவர் திறமை மற்றும் செயல்திறனுக்கேற்ப வேலைகள் ஒதுக்கப்பட வேண்டும். அவர்களுடைய மனநிலைக் கேற்ப அவர்களை வழிநடத்தவேண்டும்.

மாறாக, ஒருவரை வேலைக்கு நியமித்துவிட்டு, என்ன வேலை, யாரிடம் ஆலோசனை கேட்பது, யாரிடம் வேலையை முடித்துக் காட்டுவது போன்ற எதையுமே சொல்லாமல் விட்டுவிட்டால், அவரால் நம்முடைய பிசினஸுக்கு எந்த முன்னேற்றமும் இருக்காது. அவரும் விரைவில் அந்த வேலையிலிருந்து வெளியேறிவிடுவார்.

அவர் வேலையை விட்டுப்போனால் என்ன? வேலைக்கு ஆட்களா இல்லை என முடிவெடுப்பது மிகவும் தவறான போக்கு. தேர்ந்தெடுக்கப்பட்ட ஒருவரின் இழப்பு நம்முடைய நேரத்தையும் உழைப்பையும் சேர்த்தே எடுத்துச் சென்றுவிடுகிறது என்பதை மறந்துவிட வேண்டாம்.
எந்த வேலையை எப்போது செய்யத் தொடங்கவேண்டும், எப்போது முடிக்கவேண்டும் என்பது தெளிவாக இருக்க வேண்டும். வொர்க் ஃப்ளோவில் முடிக்கப்பட வேண்டிய வேலைகளை அட்டவணைப்படுத்த வேண்டும். அதில் முதலில் செய்யவேண்டிய காரியங்களை முதன்மையாக வைத்துக்கொண்டு, பின்னர் மற்ற வேலைகளைத் திட்டமிடலாம்.

 பொருள்களின் நகர்வு

பிசினஸோடு தொடர்புடைய பொருள்களின் நகர்வு, மிகக் கச்சிதமாக இருக்க வேண்டும். கொள்முதல் செய்வது முதல்  உற்பத்தி, விற்பனை, விநியோகம், திரும்ப வாங்குவது வரை அத்தனை நிலைகளிலும் பொருள்களைக் கையாள்வது என்பது நன்கு திட்டமிடப்பட்ட செயல்பாடாக இருக்கவேண்டும்.

ஒவ்வொரு நிலையிலும் பொருள்களைக் கையாள்வதற்கு சரியான நபர் நியமிக்கப்பட வேண்டும். அதே சமயம், பொருள்களின் நகர்வுகள் என்பது ஒவ்வொரு நிலையிலும் பதிவு செய்யப்பட வேண்டும். ஏனெனில், அப்போதுதான் பற்றாக்குறை இல்லாமல் பார்த்துக்கொள்ளவும், இழப்புகளைக் குறைக்கவும், அடுத்தகட்ட நடவடிக்கைகளைத் திட்டமிடவும் முடியும். 

இலக்குகளை எட்டிப் பிடிக்க உதவும் தொழில் செய்யும் கலை! - நீங்களும் ஆகலாம் பிசினஸ்மேன்! - 14

பாதாளம் வரை பாயும் பணம்

ஒரு பிசினஸுக்கு மிக முக்கியமான தேவை பணம். ஒரு பிசினஸில் வைட்டமின் என்பது ‘M’ எனச் சுருக்கமாகச் சொல்லப்படுகிற பணம்தான்.  இதன் நகர்வு என்பது சரியாக இல்லாவிட்டால், மிகப் பெரும் நஷ்டத்தை அடைய வேண்டி வந்துவிடும்.
இந்தப் பணமானது நம்முடைய கட்டுப்பாட்டில் இருக்கவேண்டும் என்றால் அதன் நகர்வைக் கண்காணித்துக்கொண்டே இருக்கவேண்டும். பணத்தைக் கையாள்பவரை முடிவு செய்வதிலிருந்து, பணம் எங்கெல்லாம், எதற்கெல்லாம் போகிறது என்பது வரை அனைத்தும் திட்டமிடப்பட வேண்டும்.

பணம் பாதாளம் வரை பாயும் என்பார்கள். ஆனால், பாதாளம் வரை பாயாமல் நம்முடைய கட்டுப்பாட்டுக்குள் வைத்துக்கொள்ள வேண்டியது அவசியம். 

தொழில் செயல்முறை வடிவத்தில் செய்ய வேண்டிய முக்கியமான விஷயங்கள்:

1. செயல்பாடுகளைத் திட்டமிடுதல்

2. செயலை ஒருங்கிணைத்தல்

3. விவரங்களைச் சேகரித்தல்

4. விவரங்களை ஆராய்தல்

5. பிரச்னையைக் கண்டறிதல்

6. அடுத்தகட்ட நடவடிக்கையைத் திட்டமிடுதல்

7. தொடர்ந்து கண்காணித்தல் ஆகியவைதான்.

இவற்றை பிசினஸின் ஒவ்வொரு துறையிலும், ஒவ்வொரு செயல்பாடுகளிலும் கடைப்பிடிப்பதே  ஒரு வெற்றிகரமான பிசினஸுக்கு வழிவகுக்கும்.

உலகம் நாளுக்கு நாள் நவீனமாகிக்கொண்டு இருந்தாலும், எவ்வளவோ தொழில்நுட்பங்கள் வளர்ந்தாலும், நாம் செய்யவேண்டிய வேலைகள் அதிகரித்துக்கொண்டேதான் இருக்கின்றன. ஆனால், அவற்றை செய்து முடிப்பதற்கான காலம் என்பது மிக மிகக் குறைவாகவே இருக்கிறது.

நமக்கு இருக்கும் குறுகிய காலத்தில் நமக்கான அத்தனை வேலைகளையும் முடிக்க, வலிமையான செயல்முறை வடிவம் கட்டாயம் தேவை. அப்படி ஒன்றை உருவாக்கி, அதன்படி செயல்பட்டால்தான் நம்முடைய இலக்குகளை நம்மால் எட்டிப் பிடிக்க முடியும்.

 (ஜெயிப்போம்)