அரவிந்த் மஃபத்லால் குழுமத்தைச் சேர்ந்தது நோசில் லிமிடெட் (NSE SYMBOL: NOCIL) நிறுவனம். 1961-ல் ஆரம்பிக்கப்பட்ட இந்த நிறுவனம், ரப்பர் பொருள்கள் உற்பத்தியில் பயன்படுத்தப்படும் கெமிக்கல்கள் தயாரிப்பில் நாற்பது ஆண்டுகளுக்கும் மேலாக சிறப்பாகச் செயல்பட்டு வருகிறது.

மிகக் குறைவான நிறுவனங்களே செயல்படும் ரப்பர் சார்ந்த கெமிக்கல் துறையில், வாடிக்கையாளர்களின் தேவைக்கு ஏற்றாற்போல் பல்வேறு வகை கெமிக்கல்களைத் தயாரித்து வழங்கிவருகிறது இந்த நிறுவனம். நம்பகமான, அனைத்துவகையான ரப்பர் சார்ந்த கெமிக்கல்களின் சப்ளையர் என்ற நிலையை வாடிக்கையாளர் மத்தியில் கொண்டிருக்கும் நோசில் நிறுவனம், அதனுடைய டெக்னிக்கல் தகுதிகளால் மட்டுமே அந்த நிலையை எட்டி உள்ளது என்பது குறிப்பிடத்தக்க ஒரு விஷயமாகும்.

ஆன்ட்டி டீக்ரேடன்ட்ஸ்,  ஆன்ட்டாக்சி டென்ட்ஸ், ஆக்ஸலரேட்டர்ஸ், போஸ்ட்  வல்கனை சேஷன் ஸ்டெபிலைசர், ப்ரீ வல்கனைசேஷன் இன்ஹிபிட்டர்கள் போன்றவற்றை உள்நாட்டு  மற்றும் வெளிநாட்டுச் சந்தைகளில் விற்பனை செய்து வருகிறது இந்த நிறுவனம்.

  தொழில் துறையின் நிலைமை

ரப்பர் கெமிக்கல்கள் என்பது ரப்பரினால் தயாரிக்கப்பட்ட டயர் போன்ற இறுதி உபயோகப் பொருள்களில், 3  முதல் 4 சதவிகித அளவில் கலந்திருக்கும் ஒருவகை கெமிக்கல் ஆகும். 2020-ம் ஆண்டு வரையில் ரப்பர் கெமிக்கல்களின் தேவை ஆண்டொன்றுக்கு கிட்டத்தட்ட 4.4 சதவிகித அளவில் அதிகரிக்கும் என்கிறது தொழில் ரீதியான அனுமானங்கள்.

பிரீமியம் ரக டயர்கள் மற்றும் அதிக நாள்கள் உழைக்கும் திறன்கொண்ட ரப்பரினால் ஆன உதிரிப்பாகங்கள் போன்றவற்றின் தேவை அதிகரிக்கும்போது, இந்த வகை கெமிக்கல்களின் உபயோகமும் அதிகரிக்கவே செய்யும். வளர்ந்து வரும் பொருளாதாரம் மற்றும் தனிநபர் வருமானம் என்பது அனைவரும் வாகனங்கள் வாங்குவதற்கு ஏதுவாக உள்ள ஒரு விஷயமாக இருப்பதால்,  வாகனங்களில் பயன்படுத்தப்படும் டயர் முதலான ரப்பர் பொருள்களின் உபயோகம் அதிகரிக்க வாய்ப்பிருப்பதால், தொடர்ந்து இந்த வகை கெமிக்கல்களின் தேவையும் அதிகரிக்கும் என்றே எதிர்பார்க்கலாம்.

  உற்பத்தி நிலையங்கள்

டயர்களை உற்பத்தி செய்யும்போது, ரப்பரில் பயன்படு்த்தப்படும் கெமிக்கல்களை உற்பத்தி செய்வது என்பது கடினமான கெமிக்கல் ரியாக்‌ஷன்களையும் அந்த ரியாக் ஷன்களுக்குப் பிந்தைய உற்பத்தி நிலைகளையும் கொண்டது. இந்திய மற்றும் உலக அளவிலான டயர் தயாரிக்கும் நிறுவனங்கள்,  இந்த கெமிக்கல்களை  அவற்றின் உற்பத்தியில் உபயோகித்து வருகின்றன. டயர்களின் செயல்திறனை நிர்ணயிக்கும் கெமிக்கல்கள் இவை என்பதால் வாடிக்கையாளர்களின் ஒப்புதல் பெற்றும், டயர்களுடைய  ஃபெர்பாமென்ஸை சாலையில் இயக்கிய பின்னர் வரும் பின்னூட்டங்களுக்கு ஏற்றாற்போல் உற்பத்தி தொடர்பான தொழில்நுட்பங்களில்  மாறுதல்களைச் செய்தும் தொடர்ந்து, தரத்தை மேம்படுத்தவும் வேண்டியிருக்கும்.

இந்தப் படிநிலைகளைத் தொடர்ந்து செய்து வருவதினாலேயே இந்த நிறுவனம், வாடிக்கையாளர் களிடம் நன்மதிப்பைப் பெற்றுள்ளது. இதற்கான உற்பத்தி வசதிகளை மஹாராஷ்டிராவில் நவி மும்பையிலும் (1976-ம் ஆண்டில் நிறுவப்பட்டது)  குஜராத்தில் தஹீஜ்  (2013ம் ஆண்டில் நிறுவப் பட்டது) என்னும் இடத்திலும் கொண்டிருக்கிறது. 

  மார்க்கெட்டிங்

சென்னை, மும்பை, கொல்கத்தா மற்றும் டெல்லியில் மார்க்கெட்டிங் அலுவலகங்களைக் கொண்டுள்ளது. இந்த நிறுவனத்தின் மார்க்கெட்டிங் சேவைகள், அந்த நிறுவனத்தின் மார்க்கெட்டிங் டெக்னிக்கல் சர்வீசஸ் டீமின் துணையுடன்  வாடிக்கையாளர்களின்  டெக்னிக்கல்   தேவைகளை பூர்த்தி செய்து தரும்படி வடிவமைக்கப்பட்டுள்ளன.

ரப்பருடன் கெமிக்கல்களைச் சேர்ப்பது, ரப்பரினாலான பொருள்களை உற்பத்தி செய்யும் போது வரும் பிரச்னைகளை சரிசெய்வது, தரத்தை உயர்த்துவது மற்றும்  செலவீனங்களைக் குறைப்பது போன்றவற்றுக்கான ஆலோசனைகள் மற்றும் செயல் விளக்கங்களை வழங்கி வருகிறது இந்த நிறுவனத்தின் மார்க்கெட்டிங் டெக்னிக்கல் சர்வீசஸ் டீம். 

  ரிசர்ச் அண்ட் டெவலப்மென்ட் வசதி

கெமிக்கல் துறை என்பதால் புதிய வகை கெமிக்கல்களைக் கண்டறியவும், வாடிக்கையாளர்களின் தேவைக்கு ஏற்றாற்போல் உற்பத்தி செய்யவும் ஆராய்ச்சி வசதிகள் தேவைப்படுகின்றன.

எனவே, உயர்தர கெமிக்கல்களைக் கண்டறியவும்,  இந்திய மற்றும் அகில உலக வாடிக்கையாளர்களின் தேவைக்கேற்ப கெமிக்கல்களை உற்பத்தி செய்யும் தொழில்நுட்பத்தை வரையறுத்துத் தரவும் தேவையான ரிசர்ச் அண்ட் டெவலப்மென்ட் வசதிகளை தன்னிடத்தே கொண்டுள்ளது இந்த நிறுவனம்.

இதுவரை இந்த நிறுவனத்தின் ரிசர்ச் மற்றும் டெவலப்மென்ட் பிரிவு,  புதிய வகை சுற்றுச்சூழல் பாதுகாப்புடன் கூடிய பிராசஸைக் கண்டறிவது, பல புதிய தயாரிப்புகளைக் கண்டறிவது, மாறிவரும் சுற்றுச்சுழல் கொள்கைகளுக்கு இணங்க தயாரிப்பு முறைகளை மாற்றி அமைப்பது எனப் பல்வேறு கோணங்களிலும் இந்த நிறுவனத்தின் தொழில் சார்ந்த விஷயங்களில் கருத்துடன் செயல்பட்டு வருகிறது. இதற்கென தனியாக விஞ்ஞானிகள், அனலிடிக்கல் கெமிஸ்ட்கள், கெமிக்கல் இன்ஜினீயர்கள்  கொண்ட குழுவையே கொண்டிருக்கிறது இந்த நிறுவனம்.

 தஹீஜ் எனும் இடத்தில்  நிறுவப்பட்டிருக்கும் உற்பத்தி  வசதியில் தொழில்நுட்பம், அடிப்படை தொழில்நுட்பம் மற்றும் புராஜெக்ட் நிர்மாணம் போன்றவை இந்த ரிசர்ச் அண்ட் டெவலப்மென்ட் டீமினால் வடிவமைக்கப்பட்டவை என்பது மிக முக்கியமாக கருத்தில் கொள்ள வேண்டிய  விஷயமாகும். தர நிர்ணயத்துக்கான பல்வேறு சான்றுகளையும் இந்நிறுவனம் பெற்றுள்ளது  குறிப்பிடத்தக்க விஷயம். 

  ரிஸ்க்குகள் ஏதும் உண்டா?

ரப்பர் மற்றும் ரப்பர் சார்ந்த பொருள்கள் அதிக அளவில் உபயோகப் படுத்தப்படுவதும் அந்தப் பொருள்களை வாங்குவதும் பொருளாதார வளர்ச்சி சார்ந்த ஒன்றாகவே கணக்கில் எடுத்துக் கொள்ளவேண்டும். எனவே, ஏதாவது ஒரு காரணத்தால் பொருளாதாரம் மந்தநிலையில் இருந்துவிட்டால் பெரிய அளவிலான லாப மாற்றங்களை எதிர்பார்க்க முடியாது.

மேலும், மூலப்பொருள்களின் விலை ஏற்ற இறக்கங்கள், அந்நியச் செலாவணி மதிப்பு ஏற்ற இறக்கங்கள் போன்றவற்றையும் இந்த வகை நிறுவனங்களுக்கு ஒரு ரிஸ்க்காகவே நாம் கருத்தில் கொள்ளவேண்டும்.

இப்படி ரிஸ்க்குகள் பல இருக்கிறபோதிலும் நாற்பது ஆண்டுகள் அனுபவத்தையும், வாடிக்கையாளர் நன்மதிப்பையும் பெற்ற இந்த நிறுவனத்தின் பங்கை, ஏதாவது ஒரு காரணத்தால் சந்தை இறங்கும்போது பங்கின் விலையும் நன்றாக இறங்கும்பட்சத்தில் ஒன்றரை முதல் இரண்டு ஆண்டுகால முதலீட்டுக்காக இருக்கும் போர்ட்ஃபோலியோவில்,  மிகவும் குறைந்த எண்ணிக்கையில் வாங்கி சேர்த்துக்கொள்வதற்காக ஹைரிஸ்க் எடுக்கக்கூடிய வாசகர்கள் மட்டும் ட்ராக் செய்துவரலாம்.

இந்தப் பங்கை வாங்கி முதலீடு செய்தபின்பு,  இந்தத் தொழிலில் ஏற்படும் மாற்றங்களை, தொடர்ந்து ட்ராக் செய்து அதற்கேற்ப முடிவுகளை உடனுக்குடன் எடுக்கவேண்டியிருக்கும்.

ஏற்கெனவே கெமிக்கல் துறைப் பங்குகளை அதிகம் கொண்டிருக்கும் போர்ட்போலியோவை வைத்திருக்கும் வாசகர்கள், இந்தப் பங்கினை வாங்கி முதலீடு செய்வதைத் தவிர்ப்பதே நல்லது என்பதை முதலீட்டாளர்கள் மறந்துவிடக் கூடாது.

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of  the document? – No; 3. Whether the research analyst or his relatives has any other material conflict of interest? – No;  4. Whether research analyst has received any compensation from the subject company/ies in the past  12 months and nature of products / services for which such compensation is received? – No;  5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol: NOCIL)/name of company/time duration)