Published:Updated:

கோல்டு இ.டி.எஃப் Vs கோல்டு மியூச்சுவல் ஃபண்ட் என்ன வித்தியாசம்?

கோல்டு இ.டி.எஃப் Vs கோல்டு மியூச்சுவல் ஃபண்ட் என்ன வித்தியாசம்?
பிரீமியம் ஸ்டோரி
கோல்டு இ.டி.எஃப் Vs கோல்டு மியூச்சுவல் ஃபண்ட் என்ன வித்தியாசம்?

கேள்வி - பதில்

கோல்டு இ.டி.எஃப் Vs கோல்டு மியூச்சுவல் ஃபண்ட் என்ன வித்தியாசம்?

கேள்வி - பதில்

Published:Updated:
கோல்டு இ.டி.எஃப் Vs கோல்டு மியூச்சுவல் ஃபண்ட் என்ன வித்தியாசம்?
பிரீமியம் ஸ்டோரி
கோல்டு இ.டி.எஃப் Vs கோல்டு மியூச்சுவல் ஃபண்ட் என்ன வித்தியாசம்?
கோல்டு இ.டி.எஃப் Vs கோல்டு மியூச்சுவல் ஃபண்ட் என்ன வித்தியாசம்?

?கோல்டு இ.டி.எஃப், கோல்டு மியூச்சுவல் ஃபண்ட் - இந்த இரண்டுக்கும் என்ன வித்தியாசம்? கோல்டு மியூச்சுவல் ஃபண்டில் முதலீடு செய்வது சரியா?

கோல்டு இ.டி.எஃப் Vs கோல்டு மியூச்சுவல் ஃபண்ட் என்ன வித்தியாசம்?



முத்துரத்தினம், தஞ்சாவூர்
சங்கீதா, நிதி ஆலோசகர்


“கோல்டு இடி.எஃப்-ல் செய்யப்படும் முதலீடானது, தங்கத்தில் மறுமுதலீடு செய்யப்படும். கோல்டு மியூச்சுவல் ஃபண்டில் செய்யப்படும் முதலீடு, கோல்டு இடிஎஃப்-ல் முதலீடு செய்யப்படும். அதனால், இவற்றின்  யூனிட் மதிப்பு  தங்கத்தின் விலையை ஒட்டியே இருக்கும். எனினும், இரண்டுக்கும் சில  வித்தியாசங்கள் உள்ளன.

நீங்கள் கோல்டு மியூச்சுவல் ஃபண்டில் முதலீடு செய்யும்போது, ஃபண்ட்  நிர்வாக கட்டணம் உண்டு.  டீமேட் கணக்கு வைத்திருந்தால் மட்டுமே கோல்டு இ.டி.எஃப்-ல் முதலீடு செய்ய முடியும்.

கோல்டு மியூச்சுவல் ஃபண்டில் முதலீடு செய்ய டீமேட் கணக்குத் தேவையில்லை. மேலும், ஒவ்வொரு மாதமும் எஸ்ஐபி முறையில் முதலீடு செய்ய, கோல்டு மியூச்சுவல் ஃபண்t சுலபமானதாக இருக்கும். எஸ்ஐபி வசதி, கோல்டு இடிஎஃப்-ல் கிடையாது.”

?அஞ்சலக ரெக்கரிங் டெபாசிட் (ஆர்டி) கணக்கை, குறிப்பிடப்பட்ட காலத்துக்கு முன்பே முடிக்க முடியுமா? ஆர்டி கணக்கை அஞ்சலகம், வங்கி எதில்  மேற்கொள்வது சிறந்தது?

கோல்டு இ.டி.எஃப் Vs கோல்டு மியூச்சுவல் ஃபண்ட் என்ன வித்தியாசம்?



செந்தில், தூத்துக்குடி
அபுபக்கர் சித்திக், நிதி ஆலோசகர்


“ரெக்கரிங் டெபாசிட்டைப் பொறுத்தவரை, வங்கிகளில் 6 மாதம், 1, 2, 5 வருடம் என இருக்கிறது. ஆனால், அஞ்சலகத்தில்் 5 ஆண்டுகளுக்கு மட்டுமே இருக்கிறது. ஆர்டி-யைப் பொறுத்தவரை, வங்கி அல்லது அஞ்சலகம் எதுவாக இருந்தாலும், கணக்கு முடிவதற்கு முன்பே நிரந்தரமாக அந்தக் கணக்கை முடிக்கலாம்.

ஆனால், வங்கி ஆர்டி டெபாசிட் கணக்கை முன்பே முடித்தால், அந்தத் தேதியில், அபராதமாக குறிப்பிட்ட சதவிகித வட்டியைக் கழித்துக்கொண்டுதான் தருவார்கள்.  எனவே, கணக்கு முடிவதற்கு முன்பே, நிரந்தரமாக அந்தக் கணக்கை முடிக்கும் சூழ்நிலை ஏற்படும் என நினைத்தால், அஞ்சல் அலுவலகத்தில் முதலீடு மேற்கொள்ள வேண்டாம்.  அதேநேரத்தில், ஆர்டி-க்கு வங்கியைவிட, அஞ்சல் அலுவலகத்தில்  அதிக வட்டி வழங்கப்படுகிறது. வங்கிகளில் ஆர்டி-க்கு டிடிஎஸ் வரி  பிடிப்பார்கள்.   அஞ்சல் அலுவலகத்தில் அது இல்லை.”

? வணிக அவசரத் தேவைக்காக வங்கியில் குறுகிய காலக் கடனாக ரூ.10 லட்சம் முதல் அதிகபட்சம் ரூ.50 லட்சம் வரை வாங்கினால், வட்டி விகிதம் எவ்வளவு?

கோல்டு இ.டி.எஃப் Vs கோல்டு மியூச்சுவல் ஃபண்ட் என்ன வித்தியாசம்?


அருண்குமார், வேலூர்
விஜயகுமார், தனியார் வங்கி அதிகாரி


“வணிகக் கடனுக்கு வங்கிகளை நாடும்முன் சில விஷயங்களை கவனத்தில்  கொள்ள வேண்டும். உதாரணத்துக்கு, எஸ்எம்இ கடனை எடுத்துக்கொள்வோம். முதலில் நீங்கள் செய்யும் வணிகம், கடன் வாங்கும் நிலையில் இருக்கவேண்டும், அதாவது, உங்கள் ஐடிஆர் வருமான வரித் தாக்கலில் எந்தவொரு நஷ்டமும் இருக்கக்கூடாது. உங்களுடைய வணிகம் சார்ந்த எதிர்கால வரவுகள் அனைத்தையும் வங்கிக்கு காட்டும் நிலையில் இருக்கவேண்டும்.

நீங்கள் 50 லட்சம் ரூபாய் கடன் வாங்குகிறீர்கள் எனில், அதே தொகைக்கோ அல்லது கடன் தொகையில் 125 சதவிகிதத்துக்கு உத்தரவாதம் வழங்கவேண்டும். இந்த உத்தரவாதம் ஃபிக்ஸட் டெபாசிட், மியூச்சுவல் ஃபண்ட் முதலீடு,  சொத்து (கட்டடம்) ஆக இருக்க வேண்டும். வங்கிகள் உங்களுடைய நிறுவனத்துக்கு வருகை புரிந்து, உங்கள் வணிகத்தின் சொத்துகளை சரிபார்த்து மதிப்பீடு செய்வார்கள்.

மதிப்பீடு மற்றும் கடனைத் திருப்பி செலுத்தும் திறன் அடிப்படையில் கடன் வழங்கப்படும். பொதுவாக, இந்த நடைமுறை இரண்டு மாதங்கள் எடுத்துக்கொள்ளும். வட்டி விகிதம் வங்கியைப் பொறுத்து, அதன் எம்சிஎல்ஆர் + 3% முதல் 5% வரை இருக்கும்.”

?அரசு அல்லது தனியார் இன்ஷூரன்ஸ் நிறுவனங்களில், மெடிகல் இன்ஷூரன்ஸ் எடுக்கும்போது கவனிக்க வேண்டிய முக்கிய விஷயங்கள் எவை? 

கோல்டு இ.டி.எஃப் Vs கோல்டு மியூச்சுவல் ஃபண்ட் என்ன வித்தியாசம்?



செந்தில்குமார், பொள்ளாட்சி
ஸ்ரீபிரியா வெங்கடேஷ், இன்ஷுரன்ஸ் ஆலோசகர்


“பொதுத்துறை மற்றும் தனியார் காப்பீட்டு நிறுவனங்களில் மருத்துவச் செலவு கோரிக்கையை ஏற்பது மற்றும் நிராகரிப்பதில் சில காரணங்கள் இருக்கின்றன.

ஒவ்வொரு காப்பீட்டு நிறுவனத்துக்கும் என தனியே விதிமுறைகள் மற்றும் நிபந்தனைகள் உள்ளன. இதில் க்ளெய்ம் பெறுவது அந்த நிறுவனத்தின் விதிமுறைகளுக்கு உட்பட்டு இருந்தால் தாரளமாக க்ளெய்ம் செட்டில் செய்யப்படும்.
ஆனால், பாலிசிதாரருக்கு ஏற்கெனவே நோய் இருந்து, அது பாலிசி எடுக்கும்போது மறைக்கப்பட்டிருந்தால்,  க்ளெய்ம் செய்யப்பட்டால், அந்த க்ளெய்ம் நிராகரிக்கப்படலாம். எனவே,  மருத்துவ பாலிசி எடுக்கும்முன், விதிமுறைகளை நன்றாகப் படித்து, பின்னர் பாலிசி எடுப்பது நல்லது.

வாடிக்கையாளர்களைப் பொறுத்தவரை,  அடிப்படை மெடிக்ளெய்ம் பாலிசிகளை பொதுத்துறை நிறுவனங்களில் எடுக்கலாம். டாப் அப் பாலிசிகளை தனியார் நிறுவனங்களில் எடுக்கலாம்.

நீரிழிவு மற்றும் இதய நோயாளிகளுக்கான பிரத்யேக பாலிசிகளை சில நிறுவனங்கள் வழங்குகின்றன. இவற்றைப் பொதுத்துறை நிறுவனங்கள் வழங்குவதில்லை. தேவைக்கு ஏற்ப பாலிசிகளைத் தேர்வு செய்துகொள்வது மிகவும் நல்லது.’’

? தனியார் நிறுவனத்தில் ஆண்டுக்கு 5 லட்சம் ரூபாய் சம்பாதிக்கிறேன். வருமான வரி செலுத்துவதைக் குறைக்க, மியூச்சுவல் ஃபண்ட் முதலீடு எந்த அளவுக்கு உதவி செய்யும்?

கோல்டு இ.டி.எஃப் Vs கோல்டு மியூச்சுவல் ஃபண்ட் என்ன வித்தியாசம்?


பிரகாஷ், தேனி
ச.ராமலிங்கம், நிதி ஆலோசகர்


“இஎல்எஸ்எஸ் (ELSS - ஈக்விட்டி  லிங்க்ட் சேவிங்ஸ் ஸ்கீம்) மியூச்சுவல் ஃபண்ட் திட்டத்தின் மூலம் வருமான வரியைச் சேமிக்கலாம். உங்கள் வருமானம் ரூ.5,00,000 என்பதால், இஎல்எஸ்எஸ் திட்டத்தின் மூலம் முதலீடு செய்து, நிபந்தனைக்கு உட்பட்டு ரூ.15,450 வரை வரி சேமிக்கலாம்.

 இதில் முதலீடு செய்யும் பணத்தை மூன்று ஆண்டுகளுக்கு எடுக்க முடியாது. நீண்ட கால மூலதன ஆதாயம்(எல்டிசிஜி), டிவிடெண்ட் ஆகிய இரண்டுக்கும் வரி கிடையாது. மொத்தமாகவோ அல்லது எஸ்ஐபி மூலமாகவோ நீண்ட கால முதலீட்டாக வைத்துக் கொண்டீர்கள் என்றால் நல்ல வருமானம்  கிடைக்கும்.

மோதிலால் ஆஸ்வால் லாங் டேர்ம் ஃபண்ட்,  டிஎஸ்பி ப்ளாக்ராக் டாக்ஸ் சேவர் ஃபண்ட், ரிலையன்ஸ் டாக்ஸ் சேவர் ஃபண்ட், ஹெச்டிஎஃப்சி டாக்ஸ் சேவர் ஃபண்ட் போன்றவை வருமான வரி சேமிப்புக்கு ஏற்றத் திட்டங்களாகும்.”

தொகுப்பு : சோ.கார்த்திகேயன்

போன் மூலமாகவும்  கேள்வி கேட்கலாம்!

இனி நீங்கள் போன் மூலமாகவும் கேள்விகளைப் பதிவு செய்யலாம். அதற்கு 044- 66802920 என்ற எண்ணுக்கு டயல் செய்யுங்கள். கணினி குரல் வழி காட்டும்; அதன்படி உங்கள் குரலிலேயே கேள்விகளைப் பதிவு செய்யுங்கள். எதிர்முனையில் உங்களுடன் உரையாட யாரும் இருக்க மாட்டார்கள். எனவே, அந்த ஒரு நிமிடம் முழுக்க முழுக்க உங்களுக்கே!

கேள்விகளை அனுப்புகிறவர்கள் தங்கள் செல்போன் எண்ணையும் குறிப்பிடவும்.

அனுப்ப வேண்டிய முகவரி: கேள்வி-பதில் பகுதி, நாணயம் விகடன், 757, அண்ணாசாலை, சென்னை-2. nav@vikatan.com.