Published:Updated:

‘‘முழுமூச்சோடு பணியாற்றினோம்!’’ - ‘பொன்ப்யூர்’ பொன்னுசாமி

‘‘முழுமூச்சோடு பணியாற்றினோம்!’’ - ‘பொன்ப்யூர்’ பொன்னுசாமி
பிரீமியம் ஸ்டோரி
‘‘முழுமூச்சோடு பணியாற்றினோம்!’’ - ‘பொன்ப்யூர்’ பொன்னுசாமி

சோ.கார்த்திகேயன்

‘‘முழுமூச்சோடு பணியாற்றினோம்!’’ - ‘பொன்ப்யூர்’ பொன்னுசாமி

சோ.கார்த்திகேயன்

Published:Updated:
‘‘முழுமூச்சோடு பணியாற்றினோம்!’’ - ‘பொன்ப்யூர்’ பொன்னுசாமி
பிரீமியம் ஸ்டோரி
‘‘முழுமூச்சோடு பணியாற்றினோம்!’’ - ‘பொன்ப்யூர்’ பொன்னுசாமி
‘‘முழுமூச்சோடு பணியாற்றினோம்!’’ - ‘பொன்ப்யூர்’ பொன்னுசாமி

மிழகத்தின் தொழில்துறை வளர்ச்சிக்காக கடந்த ஓராண்டு காலமாக முழுமூச்சாகப் பணியாற்றி இருக்கிறார் ‘பொன்ப்யூர் கெமிக்கல் இந்தியா பிரைவேட் லிமிடெட்’ நிறுவனத்தின் அதிபர் பொன்னுசாமி. இந்திய தொழில் கூட்டமைப்பு (CII), இந்திய அளவில் மிக முக்கியமான தொழில்துறை அமைப்புகளில் ஒன்று. இந்த அமைப்பின் சென்னை மண்டலத் தலைவராக இருந்து, தமிழகத்தில் தொழில்துறை வளர்ச்சிக்குத் தேவையான பல்வேறு திட்டங்களையும் யோசனைகளையும் மத்திய, மாநில அரசாங்கங்களுக்குப் பரிந்துரை செய்திருக்கிறார்.

இவரது பதவிக் காலம் அண்மையில் நிறைவடைந்தது. கடந்த ஓராண்டில் சிஐஐ-ல் அவர் ஆற்றிய பணிகள் குறித்து அவரிடம் கேட்டோம். பல்வேறு பணிகளைப் பற்றி அவர் விரிவாக எடுத்துச்சொன்னார்.

 உடனடி உதவி!

“மத்திய, மாநில அரசுகளுடன் சிஐஐ இணைந்து தொழில் வளர்ச்சிக்குத் தேவையான பல்வேறு நடவடிக்கைகளை மேற்கொண்டு வருகிறது. கடந்த 20 ஆண்டுகளாகத் தொழில் தொடங்குவதற்கான உரிமம் மற்றும் நடைமுறைகளை எளிமைப்படுத்தி இருக்கிறோம். அரசாங்கத்துக்குத் துறை வாரியாக பல்வேறு பரிந்துரைகளை முன்வைத்துள்ளோம். சிறு, குறு மற்றும் நடுத்தர நிறுவனங்களின் தேவைகளை அறிந்து, அந்தத் தேவைகளை நிறைவேற்றிட அரசிடம் வலியுறுத்தியுள்ளோம்.

எம்எஸ்எம்இ-களுக்குத் தேவையான உள்கட்டமைப்பு வசதிகளை மேம்படுத்தவும் பரிந்துரை செய்துள்ளோம். கடந்த டிசம்பரில், வர்தா புயலின்போது சென்னை நகரம் கடுமையாகப் பாதிப்படைந்தது. புயலில் பாதிப்படைந்த தொழில் நிறுவனங்களுக்கு, அரசு ஒத்துழைப்புடன் தேவையான உதவிகளை உடனடியாக வழங்கினோம்.

தமிழகத்தில் ஒரு புதிய பார்மா தொழில்துறை எஸ்டேட் மற்றும் நாப்தா கிராக்கர் யூனிட்டை உருவாக்க வலியுறுத்தி உள்ளோம். இவை இரண்டும் மிக அதிகளவில் வேலைவாய்ப்புகளை உருவாக்குவதுடன், சுமார் ரூ.45,000 கோடி முதலீட்டை ஈர்க்கும். தமிழ்நாட்டின் கடலோரப் பகுதிகளில் நாப்தா கிராக்கர் யூனிட் அமைப்பதன் மூலம், கீழ் நிலை தொழில் நிறுவனங்களுக்கு அதிக முதலீடு கிடைக்கும்.

 ரூ.40,000 கோடி முதலீடு


சென்னை பெட்ரோலியம் கார்ப்பரேஷன் லிமிடெட் நிறுவனத்தால், சுத்திகரிப்புக்குப் பிந்தைய விரிவாக்கத்துக்காக, கிட்டத்தட்ட 15 லட்சம் டன் நாப்தா ஏற்றுமதி செய்யப்படுகிறது. இவை சிங்கப்பூர், கொரியா, தைவான், தாய்லாந்து போன்ற நாடுகளில் உள்ள கிராக்கர் யூனிட்களுக்கு அனுப்பப்பட்டு, மீண்டும் மதிப்பூட்டப்பட்ட பொருள்களாக இங்கு திரும்பக் கொண்டு வரப்படுகின்றன. இந்த நிலையில், தமிழகத்தில் கிராக்கர் யூனிட் இருந்தால், பல்வேறு தொழில் நிறுவனங்களுக்குத் தேவையான எத்திலீன் மற்றும் புரோப்பிலீனின் போன்ற முக்கிய மூலப்பொருள்களை எளிதாக உற்பத்தி செய்ய முடியும். இதன் மூலம் ரூ.40,000 கோடி வரை முதலீடுகளை ஈர்க்க முடியும்.

நாகப்பட்டினம் சுற்று வட்டாரப் பகுதியில் கிராக்கர் யூனிட்டை அமைப்பது சிறந்த தேர்வாக இருக்கும் என்று அறிவுறுத்தப்பட்டுள்ளது. இது தொடர்பாக ரசாயன தொழில் அமைப்பு மற்றும் நிபுணர் களுடன் இணைந்து, ஆய்வை மேற்கொண்டு அரசுக்கு ஆய்வறிக்கையைச் சமர்ப்பித்துள்ளோம். 

 மருந்துத் துறையில் மகத்தான வாய்ப்பு


இந்தியாவின் மொத்த மருந்து தேவைகளில் வெறும் 10 - 15% மட்டுமே உள்நாட்டில் உற்பத்தி செய்யப்படுகிறது. மீதி, இறக்குமதி மூலமே பூர்த்தி செய்யப்படுகிறது. இப்போது அரசு, உள்ளூர் மருந்து உற்பத்திகளை ஊக்குவிக்க முயற்சிகளை மேற்கொண்டு வருகிறது. இதற்குத் தனியாக நிலம் ஒதுக்கி உற்பத்திகளைத் தொடங்கும்போது அதிக அளவில் முதலீடுகள் கிடைக்கும்.

பார்மாச்சூட்டிக்கல்ஸ் இண்டஸ்ட்ரிஸ்க்கு, ஒரு புதிய தொழில்துறை எஸ்டேட் அமைக்கப் பரிந்துரை செய்துள்ளோம். தமிழகத்தில் மருந்துத் துறையில் மகத்தான வாய்ப்புகள் உள்ளன. சிப்காட்-ன் கீழ் தனியாக தொழில்துறை எஸ்டேட்டை உருவாக்கலாம் என்கிற யோசனையைச் சொல்லியிருக்கிறோம். இதற்காக மாநில அரசாங்கம், சென்னை, திருவள்ளூர் அருகே சுமார் 650 ஏக்கர் நிலத்தை சிப்காட்டுக்காக ஒதுக்க ஒப்புதல் வழங்கியுள்ளது. இப்போது சுற்றுச்சூழல் துறையின் அனுமதிக்காகக் காத்திருக்கிறோம். அனுமதி பெறப்பட்டபின், சிப்காட் உள்கட்டமைப்பை அபிவிருத்தி செய்யும் பணி தொடங்கப்படும். இதன் மூலம் ஆயிரக்கணக் கானவர்களுக்கு புதிய வேலைவாய்ப்புகள் உருவாக்கப்படுவதுடன், ரூ.5,000 கோடிக்கு முதலீடும் கிடைக்கும்.

 நுழைவாயிலில் சிக்கல்


அரசு அமைப்புகளுடான பல சந்திப்புகளின் போது, சென்னை நகரின் நுழைவாயில்களில் நிலவும் கடுமையான போக்குவரத்து சிக்கல்கள் குறித்து விவாதித்து வருகிறோம். விமான நிலையத்தில் இருந்து செங்கல்பட்டு வரை அதிவேக சாலைகளை அமைக்கக் கோரிக்கை வைத்திருக்கிறோம். சிறப்பான சாலைப் போக்கு வரத்து வசதிக்காக, அவுட்டர் ரிங் ரோட்டில் பல பேருந்துகளை இயக்க வலியுறுத்தியுள்ளோம்.

மேலும், மெட்ரோ ரயில் நிலையங்களில் வருவாய் அதிகரிக்கும் வகையில், ரயில் நிலையங்களில் காலியாக இருக்கும் பகுதியை வணிக ரீதியில் மாற்றலாம் எனப் பரிந்துரை செய்துள்ளோம். பெருந்துறை, ஓரகடம், ஸ்ரீபெரும்புதூர் போன்ற பகுதிகளில் உள்கட்டமைப்பு வசதியை மேம்படுத்த வலியுறுத்தி உள்ளோம். மாநில அரசுடன் பல்வேறு உள்கட்டமைப்புத் தொடர்பான பிரச்னைகள் மற்றும் எளிதாகத் தொழில் செய்யும் சூழல் தொடர்பாக அரசுடன் தொடர்ந்து விவாதித்து வருகிறோம். அதிக முதலீடுகளை ஈர்ப்பது மற்றும் வேலைவாய்ப்பை உருவாக்குவதில் முக்கியமாகக் கவனம் செலுத்தினோம்’’ என்று பேசி  முடித்தார் ‘பொன்ப்யூர்’ பொன்னுசாமி.

தமிழகத்தில் தொழில்துறை மேலும் வளர இவரது பணி தொடரட்டும்!

படம்: தி.குமரகுருபரன்

ஒட்டுமொத்த விகடனுக்கும் ஒரே ஷார்ட்கட்!