Published:Updated:

மத்திய அரசின் புதிய விதிமுறைகள்... அழிவை நோக்கிச் செல்லும் பஸ் பாடி கட்டும் தொழில்!

மத்திய அரசின் புதிய விதிமுறைகள்... அழிவை நோக்கிச் செல்லும் பஸ் பாடி கட்டும் தொழில்!
பிரீமியம் ஸ்டோரி
மத்திய அரசின் புதிய விதிமுறைகள்... அழிவை நோக்கிச் செல்லும் பஸ் பாடி கட்டும் தொழில்!

துரை.வேம்பையன்

மத்திய அரசின் புதிய விதிமுறைகள்... அழிவை நோக்கிச் செல்லும் பஸ் பாடி கட்டும் தொழில்!

துரை.வேம்பையன்

Published:Updated:
மத்திய அரசின் புதிய விதிமுறைகள்... அழிவை நோக்கிச் செல்லும் பஸ் பாடி கட்டும் தொழில்!
பிரீமியம் ஸ்டோரி
மத்திய அரசின் புதிய விதிமுறைகள்... அழிவை நோக்கிச் செல்லும் பஸ் பாடி கட்டும் தொழில்!

ரூர் மாவட்டத்தில், நாற்பதுக்கும் மேற்பட்ட பஸ் பாடி கட்டும் தொழில் நிறுவனங்கள் இருக்கின்றன. மத்திய அரசின் புதிய வரைமுறை அறிவிப்பால், அவற்றில் முப்பதுக்கும் மேற்பட்ட பஸ் பாடி நிறுவனங்கள் இழுத்து மூடப்படும் நிலைக்குத் தள்ளப்பட்டிருக்கின்றன.

இதுவரை மத்திய அரசின் நெடுஞ்சாலை மற்றும் போக்குவரத்து துறையின் சி.எம்.வி.ஏ (Central Motors Vehicle Acts) சட்டதிட்டங்கள்படி, 70 வகையான மாடல்களில் பஸ் பாடி கட்டி வந்தார்கள். ஆனால், இப்போது ஏ.ஐ.எஸ் 052 சட்ட விதிமுறைகளின்படி, மத்திய அரசு நடை முறைப்படுத்தி இருக்கும் விதிகளுக்கு உட்பட்டுதான், அந்த எழுபது வகையான பஸ் பாடி மாடல்களையும் அமைக்கவேண்டும் என்று கட்டுப்பாடுகள் விதிக்கப்பட்டிருக்கின்றன. அதுவும், அவர்கள் சொல்லியிருக்கும் தரத்தில்தான் பஸ் பாடியின் முக்கிய பாகங்கள் முதல் சாதாரண கண்ணாடி, போல்டு,  நட்டு வரை அமைக்கவேண்டும். அதற்கான, தரச்சான்றிதழை புனேவில் உள்ள ARAI -யிலோ (Automobiles Research Association of India) அல்லது அதே புனேவில் உள்ள CIRT (Central Institute of Road Transport) என்கிற தர நிர்ணய நிறுவனத்திலோ பெறவேண்டும் என்று மத்தியப் போக்குவரத்து அமைச்சகம் ஆணை போட, அரண்டு போயிருக்கிறார்கள் கரூர் பஸ்பாடி கட்டும் நிறுவனங்களின் முதலாளிகள்.

“இந்த அறிவிப்பின் பின்னணியில் அகில இந்திய அளவில் செயல்படும் சில பெரிய நிறுவனங்களின் கைங்கர்யம் இருக்கிறது. தங்கள் புராடக்ட்டை விற்க வைப்பதற்காகவும், எங்களை இந்த தொழிலைவிட்டுத் துரத்தவும் மத்திய அரசை இப்படிக் கடுமையான நடைமுறை களைக் கொண்டுவரச் செய்திருக்கிறார்கள்’’ என்கிறார்கள்.  இது சம்பந்தமாக, கரூரில் உள்ள பஸ் பாடி கட்டும் நிறுவனங்களில் ஒன்றான ‘சக்தி கோச்’ நடராஜனிடம் பேசினோம்.    

மத்திய அரசின் புதிய விதிமுறைகள்... அழிவை நோக்கிச் செல்லும் பஸ் பாடி கட்டும் தொழில்!

“ஏற்கெனவே பஸ்பாடி கட்டும் பார்ட்ஸ் விலை உயர்வு,லேபர் பற்றாக்குறைன்னு பஸ் பாடி கட்டும் தொழில் அழிவைநோக்கி போய்க்கிட்டு இருக்கு. இந்தச் சூழலில், மத்திய அரசின் புதிய நடைமுறைகள் இன்னும் இந்த தொழிலைப் பாதிக்கும். கடந்த 15 வருடங்களாக, நாங்கள் கட்டும் 70 வகையான பஸ் பாடி மாடல்களையும் ஒரே ஒரு முறை மட்டுமே மத்திய அரசின் சி.எம்.வி.ஏ என்ற தர நிர்ணய நிறுவனத்தில் காட்டி அனுமதி பெற்று, பஸ் பாடிகள் அமைத்து வந்தோம். அந்தந்த பகுதி ஆர்டிஓ அலுவலகத்துக்கு  நாங்கள் பாடி கட்டும்  பஸ்கள், எஃப்.சி உள்ளிட்ட விஷயங்களுக்காகப் போகும்போது ஆர்டிஓ-க்கள் பஸ் பாடி அமைப்பு, சிஎம்விஏ வகுத்த வழிமுறைகள் படி இருக்கிறதான்னு சோதிப்பார்கள். 

அதாவது, சிஎம்விஏ இதுவரை பஸ் பாடி நீளம், அகலம் ஒவ்வொரு மாடலுக்கும் இவ்வளவுதான் இருக்க வேண்டும் என்பதில் மட்டுமே கட்டுப்பாடுகள் விதித்தன. இதனால், ஒவ்வொரு மாநிலத்திலும் ஒவ்வொரு அளவில், சீட் எண்ணிக்கையில் வேறுபடும் வகையில் பஸ் பாடி பிசினஸ் நடந்தது.

 தமிழகத்தில் ஒரு சீட் ஒன்றுக்கு, மூன்று மாதங்களுக்கு ஒருமுறை 500 ரூபாய் என தமிழக அரசுக்கு வரி கட்டுவார்கள். தமிழகத்தில் பஸ் முதலாளிகள், ஒரு கிலோ மீட்டருக்கு 43 பைசா வாங்குகிறார்கள். ஆனால், கர்நாடகாவில் ஒரு சீட்டுக்கு மூன்று மாதங்களுக்கு ஒருமுறை 999 ரூபாய் வரி கட்டுகிறார்கள். அங்குள்ள பஸ் முதலாளிகள், அங்குள்ள பயணிகளிடம் கிலோ மீட்டர் ஒன்றுக்கு ஒரு ரூபாய் வரை வாங்குகிறார்கள். கேரளாவில் கிலோ மீட்டருக்கு 96 பைசா வாங்குகிறார்கள். இப்படி பஸ் பாடி தயாரிப்பு, சீட்டுகள் எண்ணிக்கை, பயணச்சீட்டு காசு என்று ஒவ்வொன்றும் ஒவ்வொரு  மாநிலத்துக்கும் மாறுபடும்.

ஒட்டுமொத்த விகடனுக்கும் ஒரே ஷார்ட்கட்!

தமிழகத்தில் சென்டர் டோர் இருக்காது. கர்நாடகாவில் உள்ள பஸ்களில் சென்டர் டோர் வைத்திருப்பார்கள். இப்படித்தான் பஸ்பாடி கட்டும் தொழில் நடந்துச்சு.

ஆனால், 2002-ம் ஆண்டு மத்தியில் ஆட்சியில் இருந்த காங்கிரஸ் அரசாங்கம், ‘விபத்துகளில் அதிகம் உயிர்சேதம் ஏற்படுவது பஸ்களில்தான். அதற்குக் காரணம், பஸ்கள் தரமில்லாமல் அமைக்கப்படுவதுதான்’ என்று சொல்லி, அதற்கான சட்டத்தைக் கொண்டுவர முயன்றது. இதற்கு நாங்கள் எதிர்ப்பு தெரிவிக்கவே, அது அப்படியே கிடப்பில் போடப்பட்டது. இந்த நிலையில்தான், இப்போதைய பா.ஜ.க அரசு எங்களை அழைத்துப் பேசாமலேயே இந்த நடைமுறைச் சட்டத்தை, கடந்த ஜனவரி 1-ம் தேதியில் இருந்து நடைமுறைப்படுத்தியது.     

இப்போ, என்ன பிரச்னைன்னா, நாங்க போக்குவரத்து பஸ், அதிலேயே மீடியம் சைஸ் பஸ், மினி பஸ், பள்ளி பேருந்துகள், டவுன் பஸ்கள், ஸ்டாப் பஸ்கள், ஸ்லீப்பர் பஸ்கள்ன்னு 79 வகையான மாடல்களில் பஸ் பாடிகள் கட்டுகிறோம். புதிய நடைமுறையின்படி, அவற்றை ஒவ்வொன்றுக்கும் நாங்க புனே போய் அவங்க சொல்ற தரத்துல பஸ் மாடல்களைக் காட்டி, ஒவ்வொரு மாடலுக்கும் 20 லட்சம் ரூபாய் செலவு செய்து தரச்சான்றிதழ் வாங்கணும்.

மத்திய அரசின் புதிய விதிமுறைகள்... அழிவை நோக்கிச் செல்லும் பஸ் பாடி கட்டும் தொழில்!

கிட்டத்தட்ட ஆயிரம் பக்கங்களில், என்னென்ன விதிமுறைகள்  என்பதை விளக்கி, ஒவ்வொரு கம்பெனிக்கும் மத்திய அரசு கேட்லாக் அனுப்பி இருக்கிறது. அதைப் படித்து புரிந்து கொள்ளவே மாதக் கணக்கில் ஆகும் போல. அதை எங்களாலும் படிக்க முடியவில்லை.

இதுவரை பஸ் பாடி கட்ட பெரிய பஸ்ஸூக்கு ரூ.8 லட்சம் வரையில் வாங்கினால், இப்போது ரூ.10 லட்சம் வரை வாங்கவேண்டி இருக்கும். பஸ் முதலாளி களுக்கும் நஷ்டம். அதோட, மாதத்துக்கு  ஐந்து அல்லது ஆறு பஸ்களுக்கு பாடி கட்டும் சிறு அளவிலான நிறுவனங்கள் இங்கே 35 இருக்கின்றன. அவர்கள் ஒவ்வொரு மாடலையும் புனே போய் ஓகே வாங்க ரூ.20 லட்சம் கட்டமுடியாமல் திணறுவார்கள். அதனால், அவர்கள் தங்கள் பஸ் பாடி கட்டும் தொழிலுக்கு மூடுவிழா நடத்த நேரிடும்.   

 ‘பாதுகாப்பு மற்றும் தரத்துக்காக’ என்று மத்திய அரசு இந்த நடைமுறையைச் செய்ததுன்னா, நாங்க அதை  எதிர்க்க முடியாது. ஆனால், ஒவ்வொரு பஸ்பாடி மாடலுக்கும் ரூ.20 லட்சம் வரையில் செலவு ஆகும் என்பது எங்க தொழிலை பாதிக்கும். அதோடு, 59 என்று இருக்கும் தமிழக பஸ்களின் சீட்டுகளின் எண்ணிக்கை 47 ஆகக் குறையும்போது, தமிழக அரசுக்கு எங்களிடம் வரியாகப் பெறும் வருமானத்தில், வருடத்துக்கு ரூ.10 கோடி இழப்பு ஏற்படும். அதனால், ஒரு மாடலுக்கு ரூ.6 லட்சத்தில் இருந்து, ரூ.8 லட்சம் வரை மட்டுமே தரச் சான்றிதழ் கட்டணமாக நிர்ணயிக்கணும்.

மத்திய அரசின் புதிய விதிமுறைகள்... அழிவை நோக்கிச் செல்லும் பஸ் பாடி கட்டும் தொழில்!



புதிய விதிமுறை நடைமுறைக்கு வந்து இரண்டு மாதங்கள் ஆகியும், பஸ்பாடி மாடல்களுக்கான தரச்சான்றிதழை புனேவில் இருந்து இன்னும் வாங்கலை. மத்திய இணை அமைச்சர் பொன்.ராதாகிருஷ்ணன் மூலமாக மத்திய நெடுஞ்சாலை மற்றும் போக்குவரத்துத் துறை அமைச்சரிடம் விதிமுறைகளில் சலுகை கேட்டு கோரிக்கை வைத்திருக்கிறோம்” என்றார்.   

அடுத்துப் பேசிய தமிழ்நாடு பஸ் பாடி பில்டர்ஸ் அசோசியேஷன் தலைவர் பழனிச்சாமி, “இந்தியா முழுக்க ஒரே மாடல்களில் பஸ்கள் அமைக்கப்படவேண்டும் என்பதுதான் மத்திய அரசின் ஏற்பாடு. பஸ் பாடி கட்ட, இப்போ 4,000 ரூபாய்க்கு நல்ல தரமான பிளைவுட்டை வாங்கிதான் பயன்படுத்துறோம்.

ஆனா, மத்திய அரசின் விதிகளின்படி கட்டணும்ன்னா, எட்டாயிரத்துக்கு மேல் மதிப்பில் பிளைவுட்டை வாங்கணும். இப்போ அவங்க கொண்டு வந்திருக்கிறது பேஸ் 1. அடுத்த வருஷம் பேஸ் 2 கொண்டுவரப் போறாங்க. இப்போ, மாடலை மட்டும் காண்பித்து, அவங்க விதிமுறைக்கு  வர்ற பார்ட்ஸ்களை யூஸ் பண்ணினா, அந்த மாடலை ஓகே பண்ணிருவாங்க.

ஆனா, 2018-ல் வரும் விதிமுறைகள்படி, முழு பஸ்ஸையே கொண்டுபோய் அங்க நிறுத்தினா, ஸ்டெபிலிட்டின்னு அந்த பஸ்ஸை மெஷின் மூலமா அப்படியே உருட்டித் தரத்தைப் பரிசோதிக்கும் விதிமுறையைக் கொண்டுவர இருக்காங்க. அப்போ, பஸ் பாடி கட்டும் பல கம்பெனிகள் வேறு தொழிலுக்கு மாறக்கூடிய சூழல் ஏற்படும்.

 தமிழகத்தில் தற்போது டிவிஎஸ் தவிர, வேறு நிறுவனங்கள் எதுவும் இந்தத் தொழிலில் இல்லை. கரூரில் மட்டும்தான் நாற்பது நிறுவனங்கள் இருக்கின்றன. அதனால், தமிழக அரசு மத்திய அரசிடம் இது விஷயமாகப் பேசவேண்டும்’’ என்றார்.

இந்தச் சிக்கலிலிருந்து கரூரில் உள்ள பஸ் பாடி கட்டும் தொழிலைச் செய்துவருபவர்கள் நல்லபடியாக மீண்டு வரவேண்டும் என்பதே நம் அனைவரின் விருப்பமும்! 

படங்கள்: தே.தீட்ஷித், சே.சின்னதுரை.