Published:Updated:

வெற்றி தரும் தெளிவான இலக்குகள்! - நீங்களும் ஆகலாம் பிசினஸ்மேன்! - 15

வெற்றி தரும் தெளிவான இலக்குகள்! - நீங்களும் ஆகலாம் பிசினஸ்மேன்! - 15
பிரீமியம் ஸ்டோரி
வெற்றி தரும் தெளிவான இலக்குகள்! - நீங்களும் ஆகலாம் பிசினஸ்மேன்! - 15

உங்களை அம்பானி ஆக்கும் வைபரேஷன் தொடர்கே.எஸ்.கமாலுதீன், மேலாண்மை இயக்குநர், ப்ளூபாரத் எக்ஸிம் பிரைவேட் லிமிடெட்

வெற்றி தரும் தெளிவான இலக்குகள்! - நீங்களும் ஆகலாம் பிசினஸ்மேன்! - 15

உங்களை அம்பானி ஆக்கும் வைபரேஷன் தொடர்கே.எஸ்.கமாலுதீன், மேலாண்மை இயக்குநர், ப்ளூபாரத் எக்ஸிம் பிரைவேட் லிமிடெட்

Published:Updated:
வெற்றி தரும் தெளிவான இலக்குகள்! - நீங்களும் ஆகலாம் பிசினஸ்மேன்! - 15
பிரீமியம் ஸ்டோரி
வெற்றி தரும் தெளிவான இலக்குகள்! - நீங்களும் ஆகலாம் பிசினஸ்மேன்! - 15

க்சஸ்ஃபுல்லான பிசினஸுக்கு பவர்ஃபுல்லான ஆயுதம் மேலாண்மைதான். ஒரு பிசினஸில் சம்பந்தப்பட்ட ஒவ்வொரு துறையையும் அதன் மேனேஜர்கள் சரியாக மேலாண்மை செய்துவிட்டால், நிச்சயம் அந்த பிசினஸ் வெற்றியடையும். ஒரு பிசினஸில் முக்கியமாகச் செய்யவேண்டிய ஏழு மேலாண்மை விஷயங்களை விரிவாகப் பார்த்துவருகிறோம். இந்த வாரம் பிசினஸின் மிக முக்கியமான அளவுகோல்களை எப்படித் தீர்மானிப்பது, எப்படி மேலாண்மை செய்வது என்பதைப் பார்க்கலாம்.

பிசினஸில் நாம் செய்யும் முதலீடு முதல், நாம் வைக்கும் இலக்கு, நமக்கு கிடைக்கும் லாபம் வரை அனைத்துமே அளவுகோல்கள்தான். அளவுகோல்கள் என்பது எண்களாலும் தகவல்களாலும் நிறைந்தது. பிசினஸில் அளவுகோல்களை நிர்வகிப்பது, அனாலிஸ் செய்வது போன்றவை எந்த அளவுக்கு முக்கியம் என்பது எல்லோருக்கும் இப்போது புரிய ஆரம்பித்திருக்கிறது. அதன் விளைவாக டேட்டா சயின்டிஸ்டுகளுக்கான மவுசு அதிகரித்து வருகிறது.

ஒரு பிசினஸுக்கு முதலீடு எவ்வளவு தேவை, எவ்வளவு பணியாளர்கள் தேவை, கொள்முதல் எவ்வளவு செய்யலாம், வாடிக்கையாளர்கள் யார், நம்முடைய சந்தை அளவு என்ன, உற்பத்தி எவ்வளவு செய்ய வேண்டும், நம்முடைய இலக்கு என்ன, விற்பனை எவ்வளவு ஆகிறது, ரிட்டர்ன் எவ்வளவு என பிசினஸின் ஒவ்வொரு விஷயங்களையும் தரவுகளாக, அளவுகோல்களாக தயார் செய்தால்தான் நம்முடைய பிசினஸை நம்மால் புரிந்துகொள்ள முடியும்.

அந்தத் தரவுகளை ஆராய்ந்து, அவற்றிலிருந்து கிடைக்கும் முடிவுகளை வைத்து, பிசினஸ் செயல்பாடுகளைத் திட்டமிட வேண்டும். அவற்றிலிருந்து கிடைக்கும் முடிவுகள் மூலம், நாம் இதுவரை செய்துவந்த தவறுகளைத் திருத்திக் கொள்ள வேண்டும். அதன் மூலம் மட்டுமே காலத்தைத் தாண்டி நிலைத்து நிற்கும் வகையிலான பிசினஸை வளர்த்தெடுக்க முடியும். இதன் மூலம் நிறுவனத்தின் செயல்பாடுகளை மேம்படுத்த முடியும். எந்தவொரு  திட்டமும் செயல்படாமல் முடங்கிப் போவதைத் தவிர்க்க முடியும்.

வெற்றி தரும் தெளிவான இலக்குகள்! - நீங்களும் ஆகலாம் பிசினஸ்மேன்! - 15

எப்படி மேலாண்மை செய்வது?

பிசினஸின் அனைத்து மேலாண்மை செயல் பாடுகளுக்கும் அடிப்படை யாகப் பயன்படுவது அளவுகோல்கள். எனவே, பிசினஸின் ஒவ்வொரு திட்டத்துக்கும் அவற்றின் செயல்பாடுகளைப் பற்றி ஒவ்வொரு நிலையிலும் தரவுகள் சேகரிக்கப்பட வேண்டும். அவை அறிக்கைகளாகத் தயார் செய்யப்பட வேண்டும். தொழில் மேலாண்மையில் இது மிக முக்கியமானது. அப்போதுதான் தொழில் மேலாண்மையை எப்படிச் செய்யலாம் என்பதை மேனேஜர்கள் முடிவு செய்ய முடியும்.  நிர்வாகத்தின் தரப்பிலும், திட்டங்களைச் செயல்படுத்தப்படும் இடத்திலும் அவற்றின் செயல்பாடுகள் அனைத்தும் அந்தந்த நிலைகளில் பதிவு செய்யப்பட வேண்டும்.

பிசினஸின் எந்தவொரு விஷயத்தையும் தனித்தனியாக கவனிக்க வேண்டும். ஒவ்வொரு வேலையையும் முன்னுரிமை அடிப்படையில் வரிசைப்படுத்த வேண்டும். சரியான நேரத்தில் சரியான வேலைகள் நடக்கிறதா என்பதை அதன் மூலம்தான் உறுதிசெய்ய முடியும். அதேபோல் தான் தரமும். வேலையின் தரத்தை உறுதிசெய்ய வேண்டும். இவை அனைத்தையும் சரியான பதிவு செய்தல்களின் மூலம் மட்டுமே சாத்தியப்படுத்தலாம். எனவே மேனேஜர்கள், தங்களின் கீழ் உள்ள பொறுப்புகளைத் தொடர்ந்து கவனிக்க வேண்டும். தங்களுக்குக் கீழ் உள்ளவற்றை, தொடர்ந்து பதிவுசெய்ய வேண்டும். அது பிசினஸின் ஒவ்வொரு செயல்பாடுகளையும் காலக்கெடு தவறாமல் முடிக்க வசதியாக இருக்கும்.

ஏன் அளவுகோல்கள் மேலாண்மை அவசியம்?

பிசினஸில் ஓர் இடத்தில் எடுக்கும் ஒரு தவறான முடிவு, சில நேரங்களில் பிற இடங்களிலும் பாதிப்பை ஏற்படுத்தும். அளவுகோல்கள் மேலாண்மை மூலம் ஒருங்கிணைக்கப்படும் தரவுகளிலிருந்து அதனை எளிதில் நம்மால் அடையாளம் காண முடியும். பிரச்னை எங்கே நடக்கிறது என்பதைத் தெரிந்துகொள்வதில் அலட்சியம் காட்டினால், அது நம்முடைய வளர்ச்சியைப் பாதிக்கும்.

ஒட்டுமொத்த விகடனுக்கும் ஒரே ஷார்ட்கட்!

வெற்றி தரும் தெளிவான இலக்குகள்! - நீங்களும் ஆகலாம் பிசினஸ்மேன்! - 15



முடிவுகள் எடுக்கப்படும் போது தரவுகள்தான் மிக முக்கியமாக அலசிப் பார்க்கப் படும். முக்கியப் பிரச்னைகளை எளிதாக அவற்றின் மூலம் அறிந்துகொள்ளலாம். இது, சரியான முடிவுகளைத் திட்டமிட்டு எடுக்க உதவியாக இருக்கும்.

இதன் மூலம் நம்முடைய பிசினஸ் சந்தையின் அளவைத் தெரிந்துகொண்டு எவ்வளவு முதலீடு செய்ய வேண்டும், எவ்வளவு உற்பத்தி செய்ய வேண்டும் என்று முடிவெடுக்க முடியும். மேலும், இதற்கான முடிவுகளை எடுக்க சந்தையிலுள்ள டிமாண்ட் மற்றும் போட்டியாளர்களின் சந்தையையும் தெரிந்துகொள்ள வேண்டும். அதற்கும் இந்த மேலாண்மை உதவியாக இருக்கும். 

நம்முடைய பிசினஸ் பற்றி பிறருக்கு எடுத்துச் சொல்ல இது உதவும்.  வாடிக்கையாளர்களுக்கும், பங்குதாரர்களுக்கும் பிசினஸ் செயல்பாடுகளைப் பற்றி விளக்க, இந்தத் தரவுகளும் அறிக்கைகளும் தான் மிகவும் உதவியாக இருக்கும். இவை இல்லாமல் பேசினால் உங்களை பிசினஸ்மேனாகவே மதிக்கமாட்டார்கள். முக்கியமாக, இந்த மேலாண்மையில், நம்முடைய பிசினஸில் உள்ள ரிஸ்க்குகளைக் குறைக்க முடியும். ரிஸ்க் மேனேஜ்மென்ட் என்பது பிசினஸில் மிக முக்கியமான ஒரு அம்சம். அந்த ரிஸ்க் மேனேஜ்மென்ட் செயல்பாட்டுக்கு, அளவுகோல்கள் மேலாண்மை நிச்சயம் தேவை. பிசினஸில் உள்ள ரிஸ்க்குகளை அடையாளம் காணவும், அவற்றை  ஆய்வுசெய்து தீர்வுகளைக் கண்டறியவும் இது உதவும். ரிஸ்க்குகளை அடையாளம் காணத் தவறினால், பின்னர் அவற்றை சரிசெய்வது கடினமாகிவிடும் என்பதோடு, அதற்கான செலவுகளும் அதிகமாகிவிடும். இதைத் தவிர்க்க பிசினஸின் உயர்தரமான அளவுகோல்கள் மேலாண்மை செய்யப்பட வேண்டும்.

வெற்றி தரும் தெளிவான இலக்குகள்! - நீங்களும் ஆகலாம் பிசினஸ்மேன்! - 15

எக்காலத்துக்கும் உதவும் அளவுகோல்கள்!

அளவுகோல்கள் முக்காலத்தையும் உள்ளடக்கியவை. கடந்த காலத்தில் நம்முடைய செயல்பாடுகள் எப்படி இருந்தது; இப்போது எப்படி இருக்கிறது; எதிர்காலத்தில் எப்படி இருக்க வேண்டும்..? என  அனைத்தையும் உள்ளடக்கியதுதான் இந்த மேலாண்மையின் முக்கிய அம்சம். ஏனெனில், பிசினஸோடு கால மாற்றம் என்பது மிகப் பெரிய பங்கு வகிக்கிறது. காலம் மாறும்போது ஒவ்வொரு பிசினஸும் மாறியாக வேண்டும். இல்லையென்றால் காணாமல் போக வேண்டியதுதான். அதேநேரம் நாம்  செய்ய வேண்டிய மாற்றம் என்பது நமக்கு வெற்றியைத் தரக்கூடியதாக இருக்கவேண்டும்.

சரியான மாற்றங்களைச் செய்துகொள்ள இந்த அளவுகோல்கள் உதவியாக இருக்கும். எதிர்காலத்துக்கான தெளிவான இலக்குகளையும், அளவுகோல்களையும் ஆராய்ந்த பிறகே முடிவு செய்யமுடியும். எதிர்காலத் திட்டங்களைத் திட்டமிடுவது, திட்டங்களுக்கான கால வரையறைகளை வகுப்பது, அதற்கான பட்ஜெட்டை உருவாக்குவது, செயல்பாடுகளைக் குறிப்பிட்ட கால இடைவெளியில் பதிவு செய்வது ஆகியவற்றையும் வெற்றிகரமாகச் செய்ய முடியும்.

தொழில்நுட்ப உதவியை நாடலாம்!

இந்த மேலாண்மைக்கு அதிக ஆட்களை எடுக்க வேண்டியதில்லை. மாறாக, சாஃப்ட்வேர் புரோகிராம்கள் போன்ற தொழில்நுட்ப வசதிகளைப் பயன்படுத்தி மேலாண்மை செய்யலாம். இதன் மூலம், முதலீடு மற்றும் நேரம் விரயமாவதைக் குறைக்கலாம். ஆனால், அதில் பிழைகள் இல்லாமல், அவற்றின் உண்மைத் தன்மையை மேனேஜர்கள் உறுதிசெய்துகொள்ள வேண்டும். புதிய தரவுகள், விவரங்கள் சேர்க்கப்படும்போது, அவை சரியாக அப்டேட் ஆகிறதா என்பதையும் பார்க்க வேண்டும்.

பிசினஸில் நாம் எடுக்கும் முடிவுகளை வெற்றிகரமாக்கிக் காட்ட வேண்டிய கட்டாயம் நமக்கு இருக்கிறது. அப்போதுதான் உண்மையான வளர்ச்சியை நம்மால் அடைய முடியும். நம்மை ஒரு வெற்றியாளராக இந்த உலகுக்கு உணர்த்த வேண்டும் என்பதை உணர்ந்தவர்கள்,  ஒருபோதும் அவர்களுக்கு கிடைத்த வாய்ப்புகளைத் தவறவிட மாட்டார்கள். இந்த அளவுகோல்கள் மேலாண்மை மூலம், வளர்ச்சிக்கான வாய்ப்புகளைக் கண்டறிந்து, தெளிவான இலக்குகளை வகுத்து, அவற்றை முழு செயல்திறனுடன் சாத்தியமாக்குவதன் மூலம் பிசினஸில் வெற்றியடையலாம்.

பிசினஸுக்குத் தேவையான ஏழு மேனேஜ்மென்ட்  கோட்பாடுகளில், ஆறு மேனேஜ்மென்ட் கோட்பாடுகளைப் பார்த்து விட்டோம். ஏழாவதாக உள்ள மிக முக்கியமான மணி மேனேஜ்மென்ட் பற்றி பின்னர் விரிவாகச் சொல்கிறேன்.

(ஜெயிப்போம்)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism