Published:Updated:

மணி மேனேஜ்மென்ட்! - 15 - அரசு தங்கக் கடன் பத்திரங்கள்... லாபம் தரும் முதலீடா?

மணி மேனேஜ்மென்ட்! - 15 - அரசு தங்கக் கடன் பத்திரங்கள்... லாபம் தரும் முதலீடா?
பிரீமியம் ஸ்டோரி
மணி மேனேஜ்மென்ட்! - 15 - அரசு தங்கக் கடன் பத்திரங்கள்... லாபம் தரும் முதலீடா?

உங்கள் பணம் உங்களுக்காக உழைக்கட்டும்...சி.சரவணன்

மணி மேனேஜ்மென்ட்! - 15 - அரசு தங்கக் கடன் பத்திரங்கள்... லாபம் தரும் முதலீடா?

உங்கள் பணம் உங்களுக்காக உழைக்கட்டும்...சி.சரவணன்

Published:Updated:
மணி மேனேஜ்மென்ட்! - 15 - அரசு தங்கக் கடன் பத்திரங்கள்... லாபம் தரும் முதலீடா?
பிரீமியம் ஸ்டோரி
மணி மேனேஜ்மென்ட்! - 15 - அரசு தங்கக் கடன் பத்திரங்கள்... லாபம் தரும் முதலீடா?
மணி மேனேஜ்மென்ட்! - 15 - அரசு தங்கக் கடன் பத்திரங்கள்... லாபம் தரும் முதலீடா?

ங்கத்தையும் தமிழர்களையும் பிரிப்பது கஷ்டம். தங்கத்தைப் பிடிக்கவில்லை எனச் சொல்பவர்கள் யாரும் இருக்கமுடியாது. பெண்கள், ஆண்கள் என அனைத்து வயதினரும் தங்கள் வசதி வாய்ப்புக்கு ஏற்ப தங்க நகைகளை விரும்பி அணிகிறார்கள். அத்தகைய தங்கத்தை முதலீட்டு நோக்கில் எப்படி அணுக முடியும் எனப் பார்ப்போம்.

அரசு தங்கக் கடன் பத்திரங்கள் !

பலவிதமான முதலீடுகளில் தங்கத்தில் முதலீடு என்பதும் இந்தியாவில் பிரதானமான ஒன்றாக உள்ளது. தங்கத்தில் முதலீடு செய்பவர்களுக்கு ஏற்றதாக, அரசு தங்கக் கடன் பத்திரங்கள் (SOVEREIGN GOLD BONDS) இருக்கின்றன. 

இந்தியாவில் தங்கம் மற்றும் தங்க நகைப் பயன்பாட்டைக் குறைக்க வேண்டும்; இந்தியாவின் தங்க இறக்குமதியைக் குறைக்க வேண்டும் என்ற நோக்கத்தில்  கொண்டுவரப்பட்ட திட்டம்தான் இது. இதைப் பிரதமர் நரேந்திர மோடி 2015 அக்டோபரில் தொடங்கி வைத்தார். ஏழாம்கட்ட தங்கக் கடன் பத்திர வெளியீடு, அண்மையில் (மார்ச் 3, 2017) நடந்தது. இந்த பாண்டுகளை, மத்திய அரசின் சார்பாக ரிசர்வ் பேங்க் ஆஃப் இந்தியா (ஆர்பிஐ) வெளியிட்டு வருகிறது.

எப்படிச் செயல்படுகிறது?

இந்தத் திட்டத்தில் முதலீட்டைத் திரும்பப் பெறும்போது, தங்கமாகத் தர மாட்டார்கள். தங்கப் பத்திரங்களைத் திரும்ப ஒப்படைக்கும்போது, முந்தைய வாரத்தின் சராசரி தங்க விலையின் (24 காரட்) அடிப்படையில் பணமாகத் தருவார்கள்.

எப்படி முதலீடு செய்வது?


இந்த தங்கக் கடன் பத்திரங்களை 1, 5, 10, 50 மற்றும் 100 கிராம் மதிப்பில் தேவைக்கு ஏற்ப  வாங்க முடியும். ஒரு நிதி ஆண்டில், ( ஏப்ரல் முதல் மார்ச் வரை) ஒருவர் அதிகபட்சம் 500 கிராம்  வரை அரசு தங்கப் பத்திரங்களில் முதலீடு செய்யலாம். 24 காரட் தங்க விலை அடிப்படையில், ஒரு கிராமின் விலை நிர்ணயிக்கப்படும். இந்த விலையிலிருந்து கிராமுக்கு ரூ.50 தள்ளுபடி தருவதும் நடக்கிறது.

ஸ்டாக் ஹோல்டிங் கார்ப்பரேஷன்(SHCIL), தபால் அலுவலகங்கள், பாம்பே பங்குச் சந்தை (பிஎஸ்இ) மற்றும் தேசிய பங்குச் சந்தை (என்எஸ்இ) மற்றும் வங்கிகளில் இந்த பாண்ட் பத்திரங்கள் விற்பனைக்குக் கிடைக்கும்.

மணி மேனேஜ்மென்ட்! - 15 - அரசு தங்கக் கடன் பத்திரங்கள்... லாபம் தரும் முதலீடா?

ஒட்டுமொத்த விகடனுக்கும் ஒரே ஷார்ட்கட்!

முதலீடு செய்யும்போது, ‘உங்கள் வாடிக்கையாளர் களைப் புரிந்துக்கொள்ளுங்கள்’ (கேஒய்சி) என்கிற படிவத்தை நிரப்பிக் கொடுக்க வேண்டும்.

சிறு முதலீட்டாளர்கள், இந்துக் கூட்டுக் குடும்பத்தினர், அறக்கட்டளைகள், பல்கலைக் கழகங்கள் தங்கக் கடன் பத்திரங்களில் முதலீடு செய்யலாம்.

இதில் கூட்டாக இருவர் மற்றும் அதற்கு மேற்பட்டவர்கள் இணைந்தும் முதலீடு செய்யலாம். மைனர்கள் சார்பில், அவர்களது பாதுகாப்பாளர்கள் முதலீட்டை மேற்கொள்ளலாம்.

முதலீட்டை ஆரம்பிக்க ஆதார் அட்டை, பான் அட்டை, பாஸ்போர்ட், வாக்காளர் அடையாள அட்டை என இவற்றில் ஏதாவது ஒரு ஆவணத்தின் நகல் தேவைப்படும். முதலீடு செய்யும்போது ஆவணத்தின் அசலைக் கொண்டுசெல்வது அவசியம். ஆன்லைன் மூலமும் இந்த பாண்டுகளை வாங்க முடியும். முதலீட்டுத் தொகையை ரொக்கம், காசோலை, கேட்புக் காசோலை, மின்னணுப் பரிமாற்றம் மூலம் செலுத்தலாம்.

வருமானம் எப்படி?

ஆரம்ப முதலீட்டு மதிப்புக்கு ஆண்டுக்கு 2.5% வட்டி கிடைக்கும். ஆரம்பத்தில் இந்த வட்டி 2.75% ஆக இருந்ததுஅதாவது,  தங்கத்தின் விலை ஏறினால், அதனுடன் கூடுதலாக ஆண்டுக்கு 2.5% வட்டி லாபமாகக் கிடைக்கும். இந்த வட்டி, 6 மாதத்துக்கு ஒரு முறை முதலீட்டாளருக்கு வழங்கப்படும்.  வட்டித் தொகை, முதலீட்டாளரின் வங்கிக் கணக்கில் வரவு வைக்கப்படும். இந்த வட்டிக்கு வருமான வரி உண்டு.

ஆனால், மூலத்தில் வரி (டிடிஎஸ்) பிடிக்கமாட்டார்கள். தனிநபர்களுக்கு, முதிர்வு அடையும் நிலையில் விற்கும்போது கிடைக்கும் மூலதன ஆதாயத்துக்கு வரி (கேப்பிட்டல் கெயின் டாக்ஸ்) கிடையாது. முதிர்வுத் தொகையும் வங்கிக் கணக்கில் வரவு வைக்கப்படும்.

மணி மேனேஜ்மென்ட்! - 15 - அரசு தங்கக் கடன் பத்திரங்கள்... லாபம் தரும் முதலீடா?

என்ன கூடுதல் லாபம்?

முதலீட்டு நோக்கில் தங்க நகையாக வாங்கும்போது உள்ள செய்கூலி, சேதாரம், அரசு தங்கக் கடன் பத்திர முதலீட்டில் இல்லை. இந்த பாண்டுகளை இந்திய அரசே வெளியிடுவதால், முதலீடு மற்றும் வருமானத்துக்கு 100% உத்தரவாதம் இருக்கிறது.

இந்தத் தங்கக் கடன் பத்திரங்களை  டீமேட் (எலெக்ட்ரானிக்) மற்றும் காகித வடிவில் வாங்கிக்கொள்ள முடியும்.

இந்தக் கடன் பத்திரங்களை நீங்கள் அனைத்துக் கடன்களுக்கும் ஜாமீனாகக் கொடுக்க முடியும்.

முதிர்வுக் காலம் 8 ஆண்டுகள் என்றாலும், பணம் தேவைப்படும்பட்சத்தில் ஐந்து, ஆறு, ஏழாவது ஆண்டு களில் யூனிட்களை பங்குச் சந்தைகளில் விற்றுவிட்டு வெளியேற முடியும். அப்போது மூலதன ஆதாய வரி கட்ட வேண்டிவரும். அதேநேரத்தில், பணவீக்க விகித சரிக்கட்டலுக்கு (Indexation)அனுமதிக்கப்படும். இதனால், கட்ட வேண்டிய வரி வெகுவாகக் குறையும்; அல்லது வரி கட்ட வேண்டியதுகூட இருக்காது. 

ஒருவரின் மொத்த முதலீட்டுத் தொகையில் சுமார் 15 சதவிகிதத்தை, இந்த அரசு தங்கக் கடன் பத்திரங்களில் முதலீடு செய்யலாம். தங்கம் மற்றும் தங்க நகை தேவை அதிகம் உள்ள குடும்பத்தினர் கூடுதலாக முதலீடு செய்யலாம்.

இந்தத் தங்க பாண்டுகளை பரிசாகவும் அளிக்க முடியும். கோல்டு இடிஎஃப் போல், இதில் ஆண்டுப் பராமரிப்புக் கட்டணம் எதுவும் கிடையாது.

இடையில் பணம் தேவைப்படும் போது மொத்த யூனிட்களையும் விற்க வேண்டும் என்கிற அவசியம் இல்லை. தேவைப்படும் பணத்துக்கு இணையான யூனிட்களை மட்டும் விற்றால் போதும்.

என்ன பாதிப்பு?

தங்கத்தின் விலை கணிசமாக இறக்கம் காணும்போது, முதலீடு செய்த தொகை குறையும். ஆனால், பத்திரத்தில் குறிப்பிடப்பட்டிருக்கும் கிராம் எண்ணிக்கை குறையாது. அதேநேரத்தில், இது நீண்ட காலத்தில் தங்கத்தின் தேவை உள்ளவர்களுக்கு ஏற்ற முதலீட்டுத் திட்டமாக இருக்கிறது.

உதாரணமாக, ஒருவர் தங்கத்தின் விலை ஒரு கிராம் ரூ. 2,800 ஆக இருக்கும்போது, 100 கிராம் மதிப்புள்ள பாண்டில் முதலீடு செய்கிறார். அதாவது, இந்த பாண்டில் முதலீடு செய்வதற்குப் பதில் அவர் தங்கமாக வாங்கி இருந்தால், 100 கிராம் அவருக்குக் கிடைத்திருக்கும்.

 எட்டு ஆண்டுகள் கழித்து, தங்கத்தின் விலை ஏற்ற இறக்கத்துக்கு உட்பட்டு, ரூ.2,500 ஆகக் குறைந்துள்ளது என்றாலும், கிடைக்கும் தொகையைக் கொண்டு, அவரால் அப்போதும் 100 கிராம் தங்கம் வாங்கமுடியும். அந்தவகையில், பிற்காலத்தில் தங்கம்தான் தேவை என்பவர்கள், இந்தக் கடன் பத்திரங்களில் தாராளமாக முதலீடு செய்யலாம்.  
 
(முதலீடு பெருகும்)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism