Published:Updated:

நடுத்தர மக்களுக்கு... விரைவில் வீட்டுக் கடன் மானியம்!

நடுத்தர மக்களுக்கு... விரைவில்  வீட்டுக் கடன் மானியம்!
பிரீமியம் ஸ்டோரி
நடுத்தர மக்களுக்கு... விரைவில் வீட்டுக் கடன் மானியம்!

ஞா.சக்திவேல் முருகன்

நடுத்தர மக்களுக்கு... விரைவில் வீட்டுக் கடன் மானியம்!

ஞா.சக்திவேல் முருகன்

Published:Updated:
நடுத்தர மக்களுக்கு... விரைவில்  வீட்டுக் கடன் மானியம்!
பிரீமியம் ஸ்டோரி
நடுத்தர மக்களுக்கு... விரைவில் வீட்டுக் கடன் மானியம்!

பிரதமர் நரேந்திர மோடி தலைமையிலான மத்திய அரசு, உள்கட்டமைப்புகளை அதிகப்படுத்துவதற்கு முக்கியத்துவம் கொடுத்துவருகிறது. இதில் முதன்மையானது அனைவரும் வாங்கக்கூடிய விலையில் வீடு கட்டும் திட்டம் (Affordable Home). இந்தத் திட்டத்தைச் செயல்படுத்தும் அமைப்பாக இருந்து, வீட்டுக் கடன் வழங்கும் வங்கிகளையும், நிதி நிறுவனங்களையும் கண்காணிக்கும் பணியைச் செய்வதுடன்,  வீடு கட்டுபவர்களுக்கு மானியம் வழங்கும் பணியையும் செய்துவருகிறது தேசிய வீட்டுவசதி வங்கி (National Housing Bank). இந்த வங்கியின் நிர்வாக இயக்குநராகவும், தலைமை செயல் அதிகாரியாகவும் இருக்கும் ஸ்ரீராம் கல்யாணராமன், அண்மையில் சென்னைக்கு வந்திருந்தார். துறை சார்பான ஆலோசனைக் கூட்டங்களில் பங்கு பெறுவதற்காக வந்திருந்த அவர், நாணயம் விகடனுக்காக சிறப்புப் பேட்டி ஒன்றையும் அளித்தார்.

நடுத்தர மக்களுக்கு... விரைவில்  வீட்டுக் கடன் மானியம்!

தேசிய வீட்டுவசதி வங்கியின் நிர்வாக இயக்குநர் ஸ்ரீராம் கல்யாணராமன்

ஒட்டுமொத்த விகடனுக்கும் ஒரே ஷார்ட்கட்!

உங்கள் நிறுவனத்தின் பணிகள் குறித்து..?

“தேசிய வீட்டுவசதி வங்கியானது ரிசர்வ் வங்கியுடன் இணைந்து, வீட்டுக் கடனுக்கான விதிமுறைகளை வரையறுத்து, அதனைப் பொதுமக்களிடம் கொண்டுசெல்லும் பணியைச் செய்துவருகிறது. மேலும், வீட்டுக் கடன் வழங்கும் புதிய நிதி நிறுவனங்களுக்கு அனுமதி தந்து, அந்த நிறுவனங்களின் மூலமாக இணைந்து நிதி உதவியை வழங்கியும், இந்த நிறுவனங்கள் சிறந்த முறையில் செயல்படுகின்றனவா என்பதைத் தொடர்ந்து கண்காணித்தும் வருகிறது. மிக முக்கியமாக, மத்திய அரசு அறிவித்துள்ள ‘அனைவரும் வாங்கக்கூடிய விலையில் வீடு’ என்னும் திட்டத்துக்கு மானியம் வழங்கும் பணியையும் மேற்கொண்டு வருகிறது.

பொதுவாக, சிறிய ஹவுஸிங் ஃபைனான்ஸ் நிறுவனத்தில் வீட்டுக் கடன் பெறும்போது 10 முதல் 13% வரை வட்டி செலுத்தவேண்டும். இந்த நிறுவனங்கள் வட்டி பெறுவதில் எந்தவிதமான நிபந்தனையும் நாங்கள் விதிக்காமல், மானியத்தை மக்களுக்கு வழங்கச் சொல்கிறோம். இதன் மூலம் வீட்டுக் கடன் பெறுபவர் களுக்கு 6.5% மானியம் கிடைக்கும். இந்த வகையில் இந்த ஆண்டு இத்திட்டத்தின் மூலமாக ரூ.404 கோடியை மானியமாக வழங்கி இருக்கிறோம். அடுத்த ஆண்டு இந்தத் தொகையை இரண்டு மடங்காக உயர்த்தி ரூ.1,000 கோடிக்கு மேல் வழங்க நடவடிக்கை எடுத்து வருகிறோம்.

பொதுவாக, மத்திய அரசு ஒரு திட்டத்தை அறிவித்தால், அதன்பின்பு மாற்றத்தைக் கொண்டு வராது. ஆனால், நாங்கள் வீட்டுவசதித் துறையுடன் இணைந்து 12 மாற்றங்களைக் கொண்டு வந்திருக்கிறோம். இதனடிப்படையில் வரலாற்றில் முதல்முறை என்று சொல்லும் வகையில், நடுத்தர வருமானப் பிரிவினரும் பெருமளவில் பயன்படும் வகையில் ரூ.9 லட்சம், ரூ.12 லட்சம், ரூ.18 லட்சம் வரை வருமானம் உள்ளவர்களுக்கும் வீட்டுக் கடன் மானியத்தை அறிவித்து இருக்கிறார் பிரதமர். கூடுதலாக, கிராமப்புறத்தில் இருப்பவர் களுக்கும் வீட்டுக் கடன் மானியம் வழங்குவதற்கான திட்டத்தையும் அறிவித்து இருக்கிறார்.

நடுத்தர வருமானம் உடையவர்களுக்கான திட்டத்தின் மூலம் ஐ.டி துறையில் பணியாற்றுபவர் களுக்கும், பிற தகுதியானவர்களுக்கும் வீட்டுக் கடன் மானியம் கிடைக்கும். இந்தத் திட்டத்தில் ஒவ்வொரு மாதமும் ரூ.3,000 முதல் ரூ.4,000 வரை பயனடைய முடியும். தற்போது குறைந்த வருமானம் உடையவர்களுக்கு, ரூ.6  லட்சத்துக்குக் கடன் வாங்கினால் ரூ.2.25 லட்சம்  மானியம் தருகிறோம். இதன் மூலம் ரூ.4 லட்சத்துக்கு அவர்கள் வட்டி செலுத்தினால் போதுமானது.”

பண மதிப்பு நீக்கத்துக்குப் பின்பு, கட்டுமான துறை மிகப் பெரிய தேக்கநிலையில் இருக்கிறதே?

‘‘பண மதிப்பு நீக்கத்துக்குப் பிறகு, புதிய வீடுகளின் விலையும், வீட்டு மனைகளின் விலையும் குறைய ஆரம்பித்திருக்கிறது. பெருநகரங்களில் சாதாரண மக்களால் வாங்க முடியாத நிலையில் இருந்தது  மாறி, வாங்கும் நிலைக்கு மாறி இருக்கிறது. முன்பு நகரத்தில் இருந்து 30 கிலோ மீட்டர் தாண்டித்தான் வீடு வாங்க முடியும் என்கிற நிலை மாறி, தற்போது நகரத்தில் இருந்து 15 கிலோ மீட்டர் தூரத்திலேயே வீடு வாங்க முடியும். தற்போது வீடுகளின் விலையும், வீட்டு மனையின் விலையும் குறைந்திருப்பதால், இனி தேவை  உருவாகும். இந்த நிலையில், வீட்டுக் கடனுக்கான வட்டியும் குறைந்திருக்கிறது. ஒரு வருடத்தில் வட்டி விகிதமும் குறைந்து 8% என்ற நிலையில் இருக்கிறது. தற்போது ரியல் எஸ்டேட் துறையில் 100 பில்லியன் டாலர், அதாவது ரூ.6.5 லட்சம் கோடிக்கு மேல் வர்த்தகம் நடக்கிறது. ஆனால், இவ்வளவு பெரிய வர்த்தகத்துக்கு ஒழுங்குமுறைச் சட்டம் சரியாகப் பயன்பாட்டில் இல்லாமல் இருப்பதால், இந்தத் துறை வளர்ச்சி அடைய முடியாத நிலையில் இருக்கிறது. இனிவரும் காலங்களில் ரியல் எஸ்டேட் ஒழுங்குமுறை சட்டம் நடைமுறைப்படுத்தும்போது இந்தத் துறை, இன்னும் வளர்ச்சிப் பாதையில் பயணிக்கும்.

நடுத்தர மக்களுக்கு... விரைவில்  வீட்டுக் கடன் மானியம்!

மத்திய அரசு ஏற்கெனவே வருமானம் குறைவாக உள்ள பிரிவினருக்கு வீட்டுக் கடன் மானியம் வழங்குகிறது. அடுத்த நிதியாண்டில், நடுத்தர வருமானப் பிரிவினருக்கும், கிராமப் புறப் பகுதியில் இருப்பவர்களுக்கும் வீட்டுக் கடன் மானியம் வழங்கு வதற்கான திட்டம் தயாராக உள்ளது. தற்போது வெளிப்படையான நிர்வாக முறையும், உள்கட்டமைப்பும் அதிகரித்து இருக்கிறது.

இந்தக் காரணிகளையெல்லாம் வைத்துப்  பார்க்கும்போது, ரியல் எஸ்டேட் துறையின் வளர்ச்சிக்கான வாய்ப்புகள் அதிகமாகவே உள்ளன. மார்ச் 2016-உடன் முடிந்த நிதியாண்டில் ரூ.9.5 லட்சம் கோடி வீட்டுக் கடனாக வழங்கப்பட்டு இருக்கிறது. இதில் 34% கடன்கள், ரூ.10 லட்சத்துக்கும் குறைவான, வீட்டுக் கடன்கள்தான். 2017-ம் நிதியாண்டில் இது 37 சதவிகிதமாக  உள்ளது. குறைந்த தொகைக்கும் வீட்டுக் கடன் வாங்குவது படிப்படியாக அதிகரித்து வருகிறது.’’

மாநில அரசுகளுடன் இணைந்து என்னென்ன மாதிரியான பணிகளை மேற்கொண்டு வருகிறீர்கள்?

‘‘தற்போது வீட்டு மனைகளுக்கான அங்கீகாரம் வழங்குவதில், ஒற்றைச் சாளர முறையைக் கொண்டு வருவதற்கு மாநில அரசுகளுடன் பேசி இருக்கிறோம். மேலும், பல மாநிலங்களில் முத்திரை வரி 7%, பதிவுக் கட்டணம் 1%, இதர வரிகள் என ஏறக்குறைய 10% அளவுக்குக் கட்டணம் கட்ட வேண்டியிருக்கிறது. ரூ.10 லட்சத்துக்கு ஒரு வீட்டை வாங்குவதற்கு ரூ.1 லட்சம் பதிவுக் கட்டணமாகச் செலுத்த வேண்டி யிருக்கிறது. இது மிகப் பெரிய தொகை. இதனைக் குறைத்து 4% முதல் 5% வரை இருக்கும்வகையில், மாநில அரசுகளுக்குப் பரிந்துரை செய்கிறோம்.

இது தவிர, தற்போது ஒவ்வொரு பகுதியிலும் வீடு மற்றும் வீட்டு மனைகளின் விலைக்கான இண்டெக்ஸைத் தயாரித்து வருகிறோம். இந்த இண்டெக்ஸை பல்வேறு விலைப் பட்டியல்களுடன் ஒப்பிட்டு, பெஞ்ச் மார்க்காக இருக்கும் வகையில் தயாரித்து வருகிறோம். இதுபோலவே, ஒவ்வொரு பகுதியிலும் வீட்டு வாடகைக்கான விவரங்களையும் சேகரித்து வருகிறோம்.

இதனையும் விரைவில் வெளியிடப் போகிறோம். பில்டிங் மெட்டீரியல் இண்டெக்ஸ் கொண்டுவர இருக்கிறோம். இது  போல, வீட்டுக் கடனுக்கான தகவல் பகுப்பாய்வு தளத்தைக் கொண்டுவர இருக்கிறோம். கூடுதலாக, நாங்கள் கடன் தகவல் சேவை மையத்துடன் (Credit Information Bureau) இணைந்து வீட்டுக் கடன் மானியத்தைப் பயன்படுத்துகிறவர்களின் தகவலைப் பதிவு செய்துவிடுகிறோம். இதுவும் நாட்டிலேயே முதல் முறை என்று சொல்லவேண்டும். எனவே, மானியத்தை இனி யாரும் தவறாகப் பெற முடியாது.’’

பல்வேறு வங்கிகளே வீட்டுக் கடனுக்கான மானியம் குறித்து அறிந்திருக்கவில்லையே?

‘‘வங்கி அதிகாரிகள் இப்படிச் சொன்னால், 1800-11-3377 அல்லது 1800-11-3388 என்கிற எண்களில் தொடர்புகொண்டு, அந்த வங்கி குறித்து தகவல் சொல்லலாம். ‘வங்கியில் இருந்து வீட்டுக் கடன் வாங்கி இருக்கிறோம். இதற்கு மானியம் வழங்க வேண்டும்’ என வீட்டுக் கடன் வாங்கியவர்கள்  அனுப்பும் கடிதம் எங்களிடம் வந்தவுடன், நான்கு நாள்களிலேயே அவர்களுக்குச் சேரவேண்டிய மானியத்துக்கான தொகையை வழங்கி விடுகிறோம். நீங்கள் முதல் மாதத் தவணை செலுத்துவதற்கு முன்பே உங்களுடைய வங்கிக் கணக்குக்கு மானியம் வந்துவிடும்.’’

இந்த நிறுவனத்தின் உதவியால் எல்லோருக்கும் வீடு கிடைத்தால் நல்லதுதானே!

படங்கள்: சொ. பாலசுப்ரமணியன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism