Published:Updated:

நஷ்டத்துக்கு மேல் நஷ்டம்... - ஆன்லைன் நிறுவனங்கள் அவ்வளவுதானா?

ஒட்டுமொத்த விகடனுக்கும் ஒரே ஷார்ட்கட்

Use App
நஷ்டத்துக்கு மேல் நஷ்டம்...  - ஆன்லைன் நிறுவனங்கள் அவ்வளவுதானா?
நஷ்டத்துக்கு மேல் நஷ்டம்... - ஆன்லைன் நிறுவனங்கள் அவ்வளவுதானா?

சித்தார்த்தன் சுந்தரம்

பிரீமியம் ஸ்டோரி

து ஆன்லைன் நிறுவனங்களுக்கு போதாத காலம் போல. ஃப்ளிப்கார்ட், ஸ்நாப்டீல் என எல்லா ஆன்லைன் நிறுவனங்களும் பலத்த நஷ்டம் கண்டு வருகின்றன. 2015-ம் ஆண்டில் `யுனிகார்ன்’ (Unicorn) என்று புகழப்பட்ட இந்த நிறுவனங்கள், அதாவது இவற்றின் மதிப்பீடு சுமார் 1 பில்லியன் டாலருக்கு மேல் (ரூபாய் மதிப்பீட்டில் சுமார் 6,700 கோடிக்கு மேல்) மதிப்பீடு செய்யப்பட்டு, துணிகர முதலீட்டாளர்களின் (Venture Capitalists) செல்லப் பிள்ளைகளாக வலம் வந்தன. இன்றைக்கு அந்த நிறுவனங்களின் வருமானம் இறங்குமுகத்தில் இருப்பதால், இனியும் இவற்றில் முதலீடு செய்ய வேண்டுமா என அவை யோசித்து வருகின்றன.

நஷ்டத்துக்கு மேல் நஷ்டம்...  - ஆன்லைன் நிறுவனங்கள் அவ்வளவுதானா?

ஃப்ளிப்கார்ட்

ஃப்ளிப்கார்ட்டின் மதிப்பீடு 2015-ம் ஆண்டு ஏப்ரலில் சுமார் 15.2 பில்லியன் டாலர். ஆனால், இன்றைக்கு அதன் மதிப்பீடு சுமார் 10 பில்லியன் டாலர் மட்டுமே. இதுவரை அந்த நிறுவனத்தில் 3.2 பில்லியன் டாலர் அளவுக்குத் துணிகர முதலீட்டாளர்கள் முதலீடு செய்திருக்கின்றன. சில நாட்களுக்கு முன்பு இந்நிறுவனம், ஒரு பில்லியன் டாலர் அளவுக்குப் புதிதாக நிதி திரட்டியது.  இவ்வளவு முதலீடும், மதிப்பீடும் செய்யப்பட்ட நிறுவனம் லாபத்தில் இயங்கி  வருகிறதா என்றால் அதுதான் இல்லை. 

இந்த நிறுவனம் இதுவரை அடைந்த மொத்த நஷ்டம் ரூ.5,698 கோடி. இத்தனை பெரிய நஷ்டத்துக்கு என்ன காரணம்? சில மாதங்களுக்கு முன் இந்த நிறுவனம் `ஆப் ஒன்லி’ (அதாவது, செயலியின் துணையுடன் மட்டுமே பரிவர்த்தனை செய்ய முடியும்) என்கிற நடைமுறையைக் கொண்டு வந்ததுதான் முக்கிய காரணம் என்கிறார்கள். ஆன்லைனில் பொருள்களை ஆர்டர் செய்ய நினைக்கிறவர்கள், பெரும்பாலும் அந்தந்த நிறுவனங்களின் இணையதளத்துக்குள் சென்று ஆர்டர் செய்வதையே விரும்புகின்றனர். ஆப் மூலமாக மட்டும் ஆர்டர் செய்ய வேண்டும் என நிபந்தனை விதித்தபோது பல வாடிக்கையாளர்கள் அதை ஏற்றுக்கொள்ள மறுத்துவிட்டனர். இதனால் இந்த நிறுவனத்தின் விற்பனை பெரிய அளவில் பாதிப்படைந்தது. 

நஷ்டத்துக்கு மேல் நஷ்டம்...  - ஆன்லைன் நிறுவனங்கள் அவ்வளவுதானா?



ஃப்ளிப்கார்ட் நிறுவனம் ஆரம்பித்த சில பிசினஸ் முயற்சிகளும் சோபிக்கவில்லை. `கானா’, `சாவன்’ போன்ற இசை சம்பந்தமான இணைய தளங்கள் சக்கைப் போடு போட்டுவரும் வேளையில், இந்த நிறுவனம் `ஃப்ளைட்’ என்கிற பெயரில் பாடல் களைத் தரவிறக்கம் செய்யக்கூடிய ஒரு இணைய தளத்தை ஆரம்பிக்க, அது சரியாக `டேக் ஆஃப்’ ஆகவில்லை. இதுபோலவே, `ஃப்ளிப்கார்ட் மணி’ என்கிற `வாலட் (wallet)’ முயற்சியும் தோல்வியில் முடிந்தது.

ஸ்நாப்டீல்

அடுத்து, `ஸ்நாப்டீல்’ நிறுவனத்தைப்  பார்ப்போம். 2015-ம் ஆண்டு இதன் மதிப்பீடு சுமார் 6.5 பில்லியன் டாலராக இருந்தது.  இன்றைய மதிப்பீடு குறித்து அந்த நிறுவனத்திடம் இருந்து எந்தவொரு பதிலும் இல்லை. இதுவரை 1.7 பில்லியன் டாலர் அளவுக்கு இந்த நிறுவனத்தில் முதலீட்டாளர்கள் முதலீடு செய்துள்ளனர்.

இந்த நிறுவனத்தின் மொத்த நஷ்டம் சுமார் ரூ.4,745 கோடி. கடந்த ஆண்டு இந்த நிறுவனத்தின் வருமானம் ரூ.1,457 கோடியாக உயர்ந்தபின்பும் அதிகரிக்கும் நஷ்டம் மட்டும் குறையவே இல்லை. ஆண்டுக்காண்டு பெருகிவரும் இந்த நஷ்டத்தைக் குறைக்க முடியாமல் போனதினால், இந்த நிறுவனத்தின் சிஇஓ, தனது வருட வருமானமான ரூ.1.5 கோடியை `தியாகம்’ செய்திருக்கிறார். அதோடு 600 பணியாளர்களை வேலையிலிருந்து நீக்கி வீட்டுக்கு அனுப்பி, நஷ்டம் ஏற்படுவதைக் குறைக்க முயற்சி செய்திருக்கிறார்கள்.

ஸ்நாப்டீல் நிறுவனத்தின் இ-வேலட்டான ஃப்ரீசார்ஜ் என்கிற நிறுவனமும் தன் பங்குக்குப் பெரும் தொகையை நஷ்டப்படுத்தியிருக்கிறது. இந்த நிறுவனத்தின் நஷ்டத்தையும் சேர்த்துக் கணக்கிட்டால்,  ஸ்நாப்டீலின் நஷ்டம் இன்னும் அதிகரிக்கும்.
 
பிற நிறுவனங்கள்

ஃப்ளிப்கார்டுக்கு அடுத்தபடி யாக அதிக நஷ்டம்  அடைந்தது அமேசான்தான். அந்த நிறுவனம் அடைந்த நஷ்டம் ரூ.3,571 கோடி. 

நஷ்டத்துக்கு மேல் நஷ்டம்...  - ஆன்லைன் நிறுவனங்கள் அவ்வளவுதானா?

இதேபோல, மற்ற  நிறுவனங் களான ஓலா கேப்ஸ் (ரூ.813 கோடி), பேடிஎம் (ரூ.1,919 கோடி), குயிக்கர் (ரூ.1,281 கோடி),  ஹைக் (ரூ.403 கோடி), ஷாப்க்ளூஸ் (ரூ.538 கோடி), ஷோமாட்டோ மீடியா (ரூ.392 கோடி) இன்மொபி (ரூ.34 கோடி) என  பல நிறுவனங்கள் வஞ்சனை இல்லாமல் நஷ்டம் அடைந்திருக்கின்றன.

இந்த ஆன்லைன் நிறுவனங்களின் நஷ்டம் அதிகரிக்க என்ன காரணம்?


1. ஒரே காலகட்டத்தில் அனுபவம் இல்லாத, ஏற்கெனவே செய்துவரும் தொழிலுக்குச் சம்பந்தமற்ற துறைகளில் காலூன்ற நினைத்து முதலீடு செய்தது.

2. அதிக சம்பளத்தில் வேலைக்கு ஆட்களை அமர்த்தியது. நிலை மையைச் சரியாகக் கணிக்காமல் நிறுவனர்களே அதிகத் தொகையைத் தங்களுக்கு ஊதியமாக எடுத்துக்கொண் டது.

3. `போட்டி போட்டுக்கொண்டு  தள்ளுபடி’ அளித்தது. உதாரணமாக, ஓலாவுக்கு எதிராக  ஊபர் நிறுவனம் அளித்த தள்ளுபடி . தங்கள் நிறுவனத் தில் முதலீடு செய்யப்பட்ட நிதியை அதன் வளர்ச்சிக்குப் பயன்படுத்தாமல் `தள்ளுபடி’ கொடுக்கப் பயன்படுத்தியது சரியான பிசினஸ் அணுகுமுறை அல்ல.

4.நுகர்வோர்களின் எண்ணிக் கையைக் குறுகிய காலத்தில்  அதிகரிக்க, சக்திக்கு மீறி விளம்பரங்களுக்கு செலவு செய்தது.

5. தங்கள் நிறுவனத்துக்கென்று திட்டவட்டமாக ஒரு `ரெவின்யூ மாடலை’ வகுத்துக்கொள்ளாதது.

6. நிறுவனர்களுக்கிடையே தொழில் திட்டம் சம்பந்தமான கருத்து வேறுபாடுகள்.

7. திட்டமற்று தொழிலை பல நகரங்களுக்கும், நாடுகளுக்கும் விரிவாக்கம் செய்தது.

ஆன்லைன் நிறுவனங்கள் அனைத்தும் நஷ்டத்தை மட்டுமே  அடைந்துவருகின்றன என்று சொல்லி விட முடியாது. பத்தாண்டுகளுக்கு முன்பு தொடங்கப்பட்ட இன்ஃபிபீம் (Infibeam) என்கிற இ-காமர்ஸ் நிறுவனம் நல்ல லாபம் சம்பாதித்து வருகிறது. இதற்கு என்ன காரணம்? 

1. மற்ற ஆன்லைன் நிறுவனங்கள் போல இவை நுகர்வோர்களுக்கு அதிகத் தள்ளுபடியில் பொருட்களை விற்கவில்லை.
 
2. இந்த நிறுவனங்களின்  தனித்துவமான பிசினஸ் மாடல். இந்த இணையதளத்தில் சுமார் 60,000 நிறுவனங்கள் வரை பதிவுசெய்து பொருள்களை விற்று வருகின்றன. இதற்காக இந்த நிறுவனங்கள் மாதந்தோறும் குறிப்பிட்ட தொகையைக் கட்டணமாகக் கொடுப்பதோடு, ஒவ்வொரு பரிவர்த்தனைக்கும் கமிஷனும் கொடுத்துவருகின்றன. 

3. இந்த நிறுவனத்தின் மென்பொருள் சேவை மூலம் ஈட்டும் வருமானம், பொருள்களை விற்பதால் ஏற்படக்கூடிய நஷ்டத்தை சரிகட்ட உதவுவது குறிப்பிடத்தக்கதாகும். 

பணம் இருக்கிறது என்பதற்காக, தேவையில்லாமல் செலவு செய்தால் நஷ்டம் உறுதி என்பதே இந்த ஆன்லைன் நிறுவனங்கள் கற்றுத் தரும்  பாடம். 

வாடிக்கையாளர்களைக் கவர வேண்டும் என்பதற்காக, தள்ளுபடி தரத் தொடங்குவது உயிருடன் இருக்கும் வாத்தின் கழுத்தை அறுப்பது போலவே.  ஓரளவுக்குத் தள்ளுபடி என்கிற அளவில் இந்த நிறுவனங்கள் நின்றிருந்தால், இத்தனை பெரிய நஷ்டம் நிச்சயம் வந்திருக்காது. 

ஆரம்பம் தொட்டு தவறான பிசினஸ் மாடலை அடிப்படையாக வைத்து இந்த நிறுவனங்கள் தொழில் செய்யத் தொடங்கிவிட்டன. தவறான பிசினஸ் மாடலை சரிசெய்தபின்பே இந்த நிறுவனங்கள் லாபம் சம்பாதிக்கத் தொடங்கும் என்பதில் சந்தேகமே இல்லை.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு