Published:Updated:

ஃபைனான்ஷியல் தவறுகள்... பளிச் தீர்வுகள்! - 17

ஃபைனான்ஷியல் தவறுகள்... பளிச் தீர்வுகள்! - 17
பிரீமியம் ஸ்டோரி
News
ஃபைனான்ஷியல் தவறுகள்... பளிச் தீர்வுகள்! - 17

கடன் கொடுத்தார் நேற்று... கலங்கினார் இன்று!Founder - Myassetsconsolidation.com Registered Investment Advisor, INA200000878சுரேஷ் பார்த்தசாரதி - ஓவியம்: கோ.ராமமூர்த்தி

சிவபிரசாத் திருச்சியைச் சேர்ந்தவர். கடந்த 10 வருடங்களாக குவைத்தில் பணிபுரிகிறார். மனைவி பிரபாவதி, குழந்தைகளுடன் திருச்சியில் வசித்து வருகிறார். சிவாவுக்கு இரண்டு ஆண் குழந்தைகள். மூத்தவன் ஹரீஷுக்கு 8 வயது; இளையவன் மணிஷுக்கு 6 வயது. 

ஃபைனான்ஷியல் தவறுகள்... பளிச் தீர்வுகள்! - 17

சிவபிரசாத் குவைத்தில் பெரிய சம்பளத்தில் பணிபுரிந்து வருகிறார். வருடத்துக்கு இரண்டு மாதம் விடுமுறை, இந்தியா வந்துபோக விமான டிக்கெட் என அவர் பணியாற்றிய நிறுவனம் அவருக்குப் பல சலுகைகளை வழங்கியது.

தான் சம்பாதித்த பணம் மொத்தத்தையும் ஃபிக்ஸட் டெபாசிட்டில்தான் வைத்திருந்தார் சிவபிரசாத். பங்குச் சந்தை, மியூச்சுவல் ஃபண்ட் என்றாலே அவருக்குப் பணம் மொத்தமும் போய்விடுமோ என்ற பயம். அதனால் யார் சொன்னாலும் கேட்காமல், எஃப்டி-யிலேயே பணத்தை வைத்திருந்தார்.

திடீரென அவர் பணிபுரிந்த நிறுவனத்தில் சில சிக்கல்கள் ஏற்பட்டன. இரவோடு இரவாக எல்லா சலுகைகளையும் நிறுத்தினார்கள். விடுமுறையையும் வெறும் 15 நாள்களாகக் குறைத்தார்கள். எனவே, சம்பாதித்த வரை போதும், ஊருக்கே வந்துவிடுங்கள் என மனைவியும் உறவினர்களும் சொல்லவே, இந்தியா திரும்பிவிடும் மனநிலைக்கு வந்தார் சிவபிரசாத்.

இந்த நிலையில், அவர் சேர்த்து வைத்துள்ள பணத்தை நல்ல வருமானம் தரும் வகையில் எப்படி முதலீடு செய்யலாம் என தன் தம்பி தனசேகரனிடம் ஆலோசனை கேட்டார். தனசேகரன், தன் நண்பர் சந்திர மோகனிடம் இது பற்றி பேசினார். சந்திரமோகன், ஒரு பிஸியான பிசினஸ்மேன். ‘தற்சமயம் நிறைய பேர், தங்கள் பிசினஸ் வளர்ச்சிக்கு பல இடங்களில் கடன் வாங்குகிறார்கள். அவர்களுக்குக் கடன் கொடுத்தால் நல்ல வட்டி வருமானம் கிடைக்கும்’ என்று சந்திரமோகன் சொல்லவே, தன் அண்ணனிடம் இதுபற்றி சொன்னார் தனசேகரன்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
ஃபைனான்ஷியல் தவறுகள்... பளிச் தீர்வுகள்! - 17



உடனே தனசேகரனின் வங்கிக் கணக்குக்கு ஒரு கோடி ரூபாயை மாற்றினார் சிவபிரசாத். அந்தப் பணத்தை சந்திரமோகனிடம் கொடுத்தார் தனசேகரன். முதல் மூன்று மாதங்கள் சரியான தேதிக்கு வட்டிப் பணம் வந்துசேரவே, சிவபிரசாத்துக்கு நம்பிக்கை அதிகமானது. மேற்கொண்டு ஒரு கோடி ரூபாய் வேண்டும் என்று சந்திரமோகன் கேட்கவே, மறுக்காமல் பணத்தைக் கொடுத்தார் சிவபிரசாத்.

சில மாதங்கள்தான் வட்டி சரியாக வந்தது. பிறகு சரியான தேதிக்கு வட்டிப் பணம் வராமல் தாமதித்துக் கொடுக்கப்பட்டது. பிறகு இரண்டு, மூன்று மாதங்கள் வட்டிப் பணம் வராமல் போகவே, தன் தம்பியிடம் கேட்டிருக்கிறார் சிவபிரசாத். தனசேகரனும் தன் நண்பரிடம் கேட்கவே, கடன் கொடுத்த இடங்களில் பிசினஸ் சரியாக இல்லை. அதனால்தான் தாமதம் ஆகிறது எனச் சொல்லியுள்ளார் சந்திரமோகன்.

இந்த நிலையில், விடுமுறையில் ஊருக்கு வந்த சிவபிரசாத் என்னைச் சந்தித்தார். அவர் செய்த தவறுகளை, அவருக்கு நாசுக்காகச் சுட்டிக் காட்டினேன். பெரிய தொகையைக் கடனாகத் தரும்போது நேரடியாகத் தராமல்  சகோதரர் மூலம் கொடுத்தது முதல் தவறு. நீங்கள் கொடுத்த தொகையை யார் யாருக்கு கடனாகக் கொடுத்துள் ளார் என சந்திரமோகனிடம் பட்டியலைக் கேட்டு வாங்காமல் விட்டது இரண்டாவது தவறு. வட்டிப் பணம் சரியாக வரவில்லை என்று உணர்ந்தவுடனே உஷாராகி நடவடிக்கை எடுக்காமல் தாமதித்தது மூன்றாவது தவறு என ஒவ்வொன்றாக எடுத்துச் சொன்னேன்.

நான் சொன்னது எதையும் சிவபிரசாத் மறுக்காததில் இருந்தே, அவர் செய்த தவறுகள் அவருக்கே தெரிந்திருக்கிறது என்பதைப் புரிந்துகொண்டேன். சந்திரமோகன் யாருக்கெல்லாம் கடன் கொடுத்தார் என்கிற பட்டியலை முதலில் கேளுங்கள் என்று சொல்லி அனுப்பினேன். நான் சொன்னப்படி கேட்டபோதுதான், சந்திரமோகன் அதிர்ச்சி தரும் உண்மையை ஒப்புக்கொண்டார்.

ஒரு கோடி ரூபாயை தன் பிசினஸுக்காக  மட்டுமே பயன்படுத்திக் கொண்டுள்ளார் சந்திர மோகன். இரண்டாவதாக வாங்கிய ஒரு கோடி ரூபாயை தன்னுடைய பிசினஸ் வளர்ச்சிக்கு உதவும் நபர்களாகப் பார்த்து கடன் கொடுத்துள்ளார். எல்லாவற்றையும் தனக்குச் சாதகமாகப் பயன்படுத்திக் கொண்டுள்ளார் அவர். 

ஃபைனான்ஷியல் தவறுகள்... பளிச் தீர்வுகள்! - 17

அடுத்ததாக, சந்திரமோகன் நடத்தும் பிசினஸில், ‘நீங்கள் கொடுத்துள்ள பணத்துக்கு ஈடான பங்கினை எழுதி வாங்குங்கள் அல்லது அதற்கு ஈடான சொத்துகளைக் கைப்பற்றுங்கள்’ என ஆலோசனை சொன்னேன். இப்போது அதற்கான ஏற்பாடு களைச் செய்துவருகிறார் சிவபிரசாத். இந்தச் சூழ்நிலை யில், தான் இந்தியா திரும்புவது சரியாக இருக்குமா என்று கேட்டார் சிவபிரசாத். ‘இரண்டு மகன்களின் மேற்படிப்புக்கு 2 கோடி ரூபாய் தேவைப்படும்’ என்றார். சந்திரமோகனுக்குக் கடன் கொடுத்தது போக, இன்னும் 1.5 கோடி ரூபாய் டெபாசிட்டில் வைத்திருந்தார் சிவபிரசாத்.

சிவபிரசாத் இப்போது இந்தியாவில் வந்து செட்டில் ஆகவேண்டுமென்றால், குடும்பச் செலவுகளுக்கான வருமானத்துக்கு ரூ.2.1 கோடி தேவைப்படும். அப்போதுதான் அதன் மூலமான வட்டி வருமானத்தில் குடும்பத்தை நடத்த இயலும். இரண்டு மகன்களுக்கும் மேற்படிப்புக்காக ரூ.2 கோடி தேவையெனில், தற்போது மூத்த மகனுக்கு ரூ.42 லட்சமும், இளையவனுக்கு ரூ.35 லட்சமும் முதலீடு செய்ய வேண்டும்.

கையில் இருக்கும் ரூ.1.5 கோடி ரூபாயில், ரூ.50 லட்சத்தை கடன் பத்திரங்களிலும், ரூ.1 கோடியை லார்ஜ் கேப் மற்றும் பேலன்ஸ்டு ஈக்விட்டி ஃபண்டுகளிலும் முதலீடுசெய்து, அதிலிருந்து கிடைக்கும் வருமானத்தைக் குடும்பச் செலவு களுக்குப் பயன்படுத்திக்கொள்ளச் சொன்னேன். கடன் தொகை கொஞ்சம் கொஞ்சமாகத் திரும்பக் கிடைக்கும்போது அதனை மகன்களின் எதிர்காலத்துக்கு முதலீடு செய்யச் சொன்னேன். சிவபிரசாத் இந்தியாவுக்கு வந்து, சில மாதங்களில் வேலைக்குப் போகிறபட்சத் தில் அதன் மூலம் கிடைக்கும் வருமானத்தையும் முதலீட்டுக்குப் பயன்படுத்திக் கொள்ளலாம் எனச் சொன்னேன்.

நான் தந்த யோசனைகள் மூலம், கலக்கத்திலிருந்து முழுவதுமாக விடுபட்ட சிவபிரசாத், நம்பிக்கையுடன் குவைத்துக்கு விமானம் ஏறினார்.