Published:Updated:

கம்பெனி ஸ்கேன்

சுந்தரம் ஃபாசனர்ஸ் லிமிடெட்! (NSE SYMBOL: SUNDRMFAST)டாக்டர் எஸ்.கார்த்திகேயன்

பிரீமியம் ஸ்டோரி

ந்த வாரம் நாம் ஸ்கேனிங் செய்ய எடுத்துக்கொண்டுள்ள நிறுவனம் 1966-ம் ஆண்டு, சிறிய அளவில் ஹைடென்சைல் ஃபாசனர்ஸ்களை (இறுக்கமாக முறுக்கி இணைக்க உதவும் திருகாணி இணைப்புகள்) உற்பத்தி செய்யும் ஒரு நிறுவனமாக ஆரம்பிக்கப்பட சுந்தரம் ஃபாசனர்ஸ் லிமிடெட். இந்த நிறுவனம் இன்றைக்கு உலக அளவில் பிரசித்திபெற்றும் இந்தியா, சீனா மற்றும் யுனைடெட் கிங்டம் போன்ற நாடுகளில் உற்பத்தி வசதிகளைக் கொண்டும் திகழ்கிற நிறுவனமாக வளர்ந்திருக்கிறது.

கம்பெனி ஸ்கேன்

நிறுவனம் எப்படி?

இந்த நிறுவனம், 1911-ல் ஆரம்பிக்கப்பட்ட டிவிஎஸ் குழுமத்தின் ஓர் அங்கமாகும். இந்த நிறுவனம் மோட்டார் வாகனங்கள், காற்றாலை மின் உற்பத்தி நிலையங்கள், அனல் மின் நிலையங்களுக்கான இயந்திரங்கள்,  விமானங்கள், பாலங்கள் போன்றவற்றை இணைக்கும் மிகச் சிறிய இணைப்பான்களில் (Fastners) ஆரம்பித்து ஆகக் குறைந்த அளவுள்ள திருகாணிகள் (Threads) கொண்ட இணைப்பான்கள் வரை பல்வேறு இணைப்புகளுக்கான உதிரிப்பாகங்களை உற்பத்தி செய்கிறது.

இந்தியாவிலும் சீனாவிலும் உற்பத்தி நிலையங்களைக் கொண்டிருக்கிறது. இந்த நிறுவனத்தின் தயாரிப்புகள், மிகவும் நுணுக்கமான இணைப்புக்கான தேவைகளைக்  கொண்டிருக்கும் அனைத்துவிதமான ஆட்டோமொபைல் உற்பத்தியாளர்களும் விரும்பித் தேர்ந்தெடுக்கும் ஃபாசனர்ஸ்களாக இருக்கின்றன. அதிகரித்துவரும் தேவைக்கேற்ப உற்பத்தி வசதிகளைப் பெருக்குவது, வாடிக்கை யாளர்களின் நம்பகத்தன்மையைப் பெற்ற நிறுவனமாகத் திகழ்வது மற்றும் செய்யும் தொழில் சார்ந்த அனைவரின் நலனுக்கும் மதிப்பைக் கூட்டுவது போன்றவற்றில் கவனம் செலுத்தி வருவதாகச் சொல்கிறது இந்த நிறுவனம்.
 
ஃபாசனர்கள் எனப்படும் இணைப்பான்கள் (நடைமுறைப் பேச்சுவழக்கில் சொன்னால் போல்டு, நட்டுகள் மற்றும் பல்வேறு வகை இயந்திரப்பகுதிகளையும் இணைக்கும் உதிரிப் பாகங்கள்) பல்வேறு வேகங்களில் இயங்கும் இயந்திரங்களிலும் நிலையாக இருக்கும் இயந்திரங்களிலும் பயன்படுத்தப்படுகின்றன. தரம் என்பதில் மிகவும் கவனத்துடன் செயல்பட வேண்டிய துறையாக இருப்பதால், தரமான பாகங்களை வழங்குவதில் இந்த நிறுவனம் அதிக கவனம் செலுத்தி வருகிறது. இந்த நிறுவனத்தின் சில தயாரிப்புகளைப் பார்ப்போம். 

கம்பெனி ஸ்கேன்

ஃபாசனர்ஸ் (இணைப்பான்கள்)

ஆட்டோமொபைல் துறையில் உபயோகப் படுத்தப்படும் ஃபாசனர்ஸ்களின் உற்பத்தியில் சில சிறப்பு நடைமுறைகள் செய்யப்படவேண்டும். ஏனென்றால், அதிக அளவிலான இயக்கமும், உராய்வதினால் தேய்மானத்துக்கான வாய்ப்பும் இந்தவகை ஃபாசனர்ஸ்களுக்கு இருக்கிறது. இதனால் இந்த வகை ஃபாசனர்களுக்கு வெளிப்புறத்துக்கான பிரத்யேகப் பூச்சுகளும், வெப்பப் பதனிடுதலும் (Heat Treatment) தேவைப் படுகின்றன. இதுபோன்ற பூச்சுக்களும் பதனிடுதலுமே ஃபாசனர்ஸ்களை வேகமான தேய்மானத்திலிருந்து காக்கின்றன.

ஹை டென்சைல் ஃபாசனர்ஸ் (போல்ட்-நட்டுகள் மற்றும் அதே மாதிரியான இணைப் பான்கள்) வரிசையில் இன்ஜின்களில் உபயோகப் படுத்தப்படும் ஃபாசனர் தயாரிப்புகளாக சிலிண்டர் ஹெட் போல்ட்டுகள் மற்றும் ஸ்டட்டுகள், இணைக்கும் கம்பிக்கான திருகாணி யுடன் கூடிய நட்டுகள் (Connecting Rod), முதன்மைத் தாங்கிகளுக்கான போல்ட்டுகள் (Main Bearing Bolts), ஃப்ளைவீல் போல்ட்டுகள்/நட்டுகள், எடையைச் சமன் செய்வதற்கான போல்ட்டுகள் (Balance Weight Bolts) போன்றவற்றை உற்பத்தி செய்கிறது.

கம்பெனி ஸ்கேன்

வாகனங்களுக்கான அடிப்பீடத்தில் (Chassis) பயன்படுத்தப்படும் ஃபாசனர்களான சக்கரத்தில்   (Hub/Wheel) போல்ட்டுகள், ஹப் நட்டுகள், அசெம்ப்ளி வீல் நட்டுகள், சஸ்பென்ஷன் போல்ட்டுகள், ப்ரெப்பெல்லர் ஷாஃப்டுகளுக்கான நடுப்பகுதி போல்ட்டுகள் மற்றும் நட்டுகள், ரிவிட்டுகள், இரு சக்கர வாகனங்களுக்கான சுழல்கள் (Spindle) போன்றவற்றை தயாரிக்கிறது.

கம்பெனி ஸ்கேன்



காற்றாலைகளுக்கான ஃபாசனர்ஸ்களையும் இந்தியாவில் இருக்கும் தன்னுடைய உற்பத்தி வசதிகளில் உற்பத்தி செய்துவருகிறது இந்த நிறுவனம். மேலும், இந்த நியமத்துக்கு உட்பட்ட மற்றும் வாடிக்கையாளரின் தேவைக்கேற்ப (Standard and Tailor Made) இந்த வகை ஃபாசனர்களை உற்பத்தி செய்துவருகிறது. இந்த வகை ஃபாசனர்கள் நேசல்கள், காற்றாலையின் ஃப்ளேட்டை ஹப்புடன் இணைப்பது, காற்றாலைக் கான டவர்கள் கட்டுமானம், டவர்களைத் தரையில் இடப்படும் பீடத்தில் நிலைநிறுத்த உதவும் நங்கூர நிலைநிறுத்திகள் கொண்டு (Anchor Cage) இணைப்பது போன்ற வேலைகளுக்குப் பயன்படுத்தப்படுகின்றன.

விமானக் கட்டுமானம், ராக்கெட் உற்பத்தி மற்றும் பாதுகாப்புத்துறை வாகனங்கள் போன்ற துறைகளுக்குத் தேவைப்படும் ஃபாசனர்களையும் உற்பத்தி செய்யும் இந்த நிறுவனம் ஏர்பஸ், பிஹெச்இஎல், பிஇஎம்எல், ஜிஇ ஏவியேஷன், ஐஎஸ்ஆர்ஓ போன்ற பிரபல நிறுவனங்களுக்குத் தன் தயாரிப்புகளை விற்பனை செய்துவருகிறது. 

கம்பெனி ஸ்கேன்

கோல்ட் எக்ஸ்ட்ரூஷன் (cold extrusion)

கோல்டு எக்ஸ்ட்ரூஷன் என்பது இரும்பினை நமக்கு வேண்டிய மாதிரி சாதாரண அறையில் இருக்கும் வெப்பநிலையிலேயே மாற்றி அமைத்துக்கொள்ளும் முறையாகும். சாதாரண அறையின் வெப்பநிலையிலேயே தயாரிக்கப்படும் மிக நுட்பமான வார்ப்புகளாலான (Forged) உதிரிப்பாகங்களையும் தயாரித்து வருகிறது. இதற்கான தனிப்பட்ட சிறந்த உற்பத்தி வசதிகளைக் கொண்டிருக்கிறது.

சிஎன்சி டர்னிங் மெஷின்கள், ரேக் ரோலிங், த்ரெட் ரோலிங்,  வெர்ட்டிக்கல் மெஷினிங், வயர் கட்டிங் என பல்வேறு வசதிகளை உள்ளடக்கிய இந்த வகை உற்பத்திக்கான தொழிற்சாலையை தன்வசத்தே கொண்டுள்ளது இந்த நிறுவனம். இந்த வகை உற்பத்தி முறையில் ஆட்டோமேட்டிக் டிரான்ஸ்மிஷனுக்கான டர்பைன் ஷாஃப்டுகள், இரு சக்கர வாகனங்களில் உபயோகப்படுத்தப்படும் ட்ரான்ஸ்மிஷன் ஷாஃப்டுகள் உள்ளிட்ட பல்வேறு உதிரிப்பாகங்களைத் தயாரித்து வருகிறது.

கம்பெனி ஸ்கேன்

வார்ப்புகள் (Hot Forged)

இரும்பைச் சூடுபடுத்தி வடிவமைக்கப்படும் ஃபோர்ஜிங் முறையில் பல்வேறு வகையான  உதிரிப்பாகங்களைத் தயாரிக்கிறது. வாகனங்களின் இன்ஜின்களில் இயங்கும் பல்வேறு வகையான எடை மற்றும் வேகமான இயக்கத்தைத் தாங்கக்கூடிய பாகங்களையும் இந்த வகை உற்பத்தி முறையில் உற்பத்தி செய்துவருகிறது.

சக்கரத்துக்கான ஹப் அசெம்ப்ளிகள், சக்கரத்தில் உபயோகப்படுத்தப்படும் பேரிங்குகள், முனை மழுக்கப்பட்ட கியர்கள் (Bevel Gears), பெரிய சக்கரத்துடன் இணைக்கப்படும் சிறிய சக்கரங்கள் (Pinions), ப்ரெப்பெல்லர் ஷாஃப்டுகள், ஸ்டப் ஆக்சில்கள், ஸ்பிண்டில்கள் உள்ளிட்ட பல்வேறு பொருள்களை உற்பத்தி செய்துவருகிறது. 

கம்பெனி ஸ்கேன்

வேகமான இயக்கம் கொண்ட கூறுகள் (Powertrain Components)

ஆட்டோமொபைல் இன்ஜினில் இருந்து சக்கரங்களை இணைத்து இயங்கச்செய்யும்  டர்பைன் ஷாஃப்ட்கள், கிளட்ச் ஹப்புகள், சன்கியர் ஷாஃப்டுகள், கிராங்க் ஷாஃப்ட் ஸ்ப்ராக்கெட்டுகள் போன்றவற்றையும் உற்பத்தி செய்கிறது இந்த நிறுவனம்.
வாகனங்களில் உபயோகப்படுத்தப்படும் தண்ணீர் பம்புகள், ஆயில் பம்புகள், எரிபொருள் பம்புகள், பெல்ட் டென்ஷனர்கள், அலுமினியத்தினாலான ப்ரஷர் டை காஸ்டிங்குகள் போன்றவற்றை உள்ளடக்கிய பல்வேறு தயாரிப்புகளை இந்தத் தொழில் பிரிவில் உற்பத்தி செய்துவருகிறது. இந்த நிறுவனத்தின் ரேடியேட்டர் மூடிகள் தயாரிப்பு டிவிஷன் உலகில் இருக்கும் பல முன்னணி ஆட்டோமொபைல் நிறுவனங்களுக்குத் தேவையான ரேடியேட்டர் மூடிகளைத் தயாரித்து விற்பனை செய்துவருகிறது.

 ரிஸ்க்குகள் ஏதும் உண்டா?


பொருளாதார ஏற்ற இறக்கங்கள் மற்றும் ஏதாவது ஒரு காரணத்தினால் வரக்கூடிய பொருளாதார மந்தநிலை என்பது இந்த நிறுவனத்தின் வியாபார அளவைப் பாதிக்கலாம். மூலப்பொருள்களின் விலை, அந்நியச் செலாவணி மதிப்பு மாறுதல் போன்றவையும் இந்த வகை நிறுவனங்களுக்கு ஒரு இடர்பாட்டைத் தரும் விஷயமாகவே பார்க்கப்படவேண்டும்.

கம்பெனி ஸ்கேன்

ஆட்டோ மொபைல் துறை பொதுவாக பொருளாதார வளர்ச்சியைச் சார்ந்தே இயங்குவது என்பதால், இதையும் வாசகர்கள் கருத்தில் கொள்ளவேண்டும்.

ரிஸ்க்குகள் பல இருக்கிறபோதிலும் இருக்கும் தொழிலில் நம்பிக்கையையும் நன்மதிப்பையும் கொண்டிருக்கும் இந்த நிறுவனத்தின் பங்குகளை, மூன்று முதல் ஐந்து ஆண்டுகால அளவீட்டில் முதலீட்டுக்கான போர்ட்ஃபோலியோவில் வாங்கிச் சேர்த்துக்கொள்வதற்காக வாசகர்கள் ட்ராக் செய்துவரலாம்.

ஏதாவது ஒரு காரணத்தால் ஒட்டுமொத்த சந்தையும் வேகமான இறக்கத்தைச் சந்திக்கும்போது, இந்தப் பங்கின் விலையும் இறக்கும்பட்சத்தில் மட்டும் மிகவும் சிறிய எண்ணிக்கையில் வாங்கி, தங்களுடைய போர்ட்ஃபோலியோவில் சேர்த்துக்கொள்ளலாம்.

ஏற்கெனவே ஆட்டோமொபைல் மற்றும் ஆட்டோ காம்ப்போனென்ட் நிறுவனங்களின் பங்குகளை அதிக அளவில்கொண்டிருக்கும் போர்ட்ஃபோலியோவை வைத்திருக்கும் வாசகர்கள், இந்தப் பங்கைத் தவிர்ப்பது நல்லது.

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of  the document? – No; 3. Whether the research analyst or his relatives has any other material conflict of interest? – No;  4. Whether research analyst has received any compensation from the subject company/ies in the past  12 months and nature of products / services for which such compensation is received? – No;  5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol: SUNDRMFAST)/name of company/time duration)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு