Published:Updated:

புதிய பீம் ஆதார் பே ஆப்... - ஆதார் எண் மூலம் பணப் பரிமாற்றத்தில் என்ன சிக்கல்?

புதிய பீம் ஆதார் பே ஆப்... - ஆதார் எண் மூலம் பணப் பரிமாற்றத்தில் என்ன சிக்கல்?
பிரீமியம் ஸ்டோரி
புதிய பீம் ஆதார் பே ஆப்... - ஆதார் எண் மூலம் பணப் பரிமாற்றத்தில் என்ன சிக்கல்?

ஞா.சுதாகர்

புதிய பீம் ஆதார் பே ஆப்... - ஆதார் எண் மூலம் பணப் பரிமாற்றத்தில் என்ன சிக்கல்?

ஞா.சுதாகர்

Published:Updated:
புதிய பீம் ஆதார் பே ஆப்... - ஆதார் எண் மூலம் பணப் பரிமாற்றத்தில் என்ன சிக்கல்?
பிரீமியம் ஸ்டோரி
புதிய பீம் ஆதார் பே ஆப்... - ஆதார் எண் மூலம் பணப் பரிமாற்றத்தில் என்ன சிக்கல்?

ணமில்லாப் பரிவர்த்தனைகளை ஊக்குவிக்கும் விதமாக மத்திய அரசு பல்வேறு நடவடிக்கைகளை எடுத்துவருகிறது. இதற்காக கடந்த ஆண்டு, பீம் என்னும் ஆப் ஒன்றும் பிரதமர் நரேந்திர மோடியால் அறிமுகம் செய்யப்பட்டது. இதன் மூலம் அனைவரும் எளிதாகப் பணம் அனுப்ப முடியும். தற்போது பீம் ஆதார் பே என்னும் புதிய வசதி அறிமுகம் செய்யப்பட்டுள்ளது. இதன் மூலம், வாடிக்கையாளர்கள் அவர்களின் ஆதார் எண்ணைக் கொண்டே பணம் செலுத்த முடியும் என்பதுதான் சிறப்பு.

இதுமட்டுமன்றி, பீம் ஆப்பைப் பயன்படுத்து பவர்களை ஊக்குவிப்பதற்காக சிறப்புச் சலுகை களும், பரிசுகளும்கூட அறிவிக்கப்பட்டுள்ளன. 

ஆனால், இந்த விளம்பரங்களில் காட்டும் அக்கறையில் கொஞ்சமாவது இந்த ஆப்பை டெவலப் செய்வதிலும், அதனை மக்களின் அன்றாடப் பயன்பாட்டுக்குக் கொண்டு செல்வதிலும் காட்டியிருக்கலாம்.

புதிய பீம் ஆதார் பே ஆப்... - ஆதார் எண் மூலம் பணப் பரிமாற்றத்தில் என்ன சிக்கல்?

வணிகர்களுக்கான பீம் ஆதார் பே வசதியை சமீபத்தில், அம்பேத்கர் பிறந்தநாள் அன்று பிரதமர் மோடி அறிமுகம் செய்துவைத்தார். இதனைப் படிக்கும் பலருக்கும் இது புதிய ஆப் என்றோ அல்லது பீம் ஆப்பின் புதிய வசதி என்றோதான் தோன்றும். ஆனால், ஆதார் பே என்பது பீம் ஆப்பில் இருந்து முற்றிலும் வேறுபட்டது. பீம்    ஆப்பின் மூலம் உங்கள் வங்கிக் கணக்கிலிருந்து மற்றொருவரின் வங்கிக் கணக்குக்கு, மொபைல் எண் மூலமாக அல்லது யுபிஐ (UPI) முகவரி மூலமாகப் பணம் அனுப்பலாம்.

ஆனால், ஆதார் பே என்பது ஆதார் எண் மூலமாகவே பணம் அனுப்பும் வசதி கொண்டது. பீம் ஆதார் பே ஆப்பினைப் பிரதமர் அறிமுகம் செய்கிறார் என்றதும் பலரும், கூகுள் ப்ளே ஸ்டோர் சென்று, பீம் ஆதார் ஆப் என்றுதான் தேடினார்கள். அவர்களுக்கு அப்டேட் பீம் ஆப்பின் வெர்ஷன் மட்டுமே காட்டப்பட்டதைக் கண்டு குழம்பிப் போனார்கள். 

தற்போது புதிதாக அறிமுகம் செய்யப்பட்டுள்ள இந்த ஆதார் பே வசதியைப் பயன்படுத்த, ஒவ்வொரு வங்கிக்கும் ஒரு ஆப் அறிமுகம் செய்யப்படும். தற்போது ஸ்டேட் பேங்க் ஆஃப் இந்தியாவின் ஆதார் பே மட்டுமே கூகுள் ப்ளே ஸ்டோரில் கிடைக்கிறது. மற்ற வங்கிகளின் ஆப்களும் கூகுள் ப்ளே ஸ்டோரில் விரைவில் கிடைக்கக்கூடும் என்கிறார்கள்.

 எப்படிச் செயல்படுகிறது இந்த ஆப்?

இந்த ஆதார் பே ஆப்பைப் பொறுத்தவரை, ஆதார் கார்டு மற்றும் கைரேகை ஆகிய இரண்டும் தான் முக்கியம். இந்த ஆப்பை வாடிக்கையாளர்கள் வைத்திருக்கவேண்டிய அவசியமில்லை. பணம் பெறும், வணிகர்களே இதனை வைத்திருக்க வேண்டும். முதலில் வணிகர் ஒருவர் இதனை இன்ஸ்டால் செய்ததும் ஆதார் எண்ணைக் குறிப்பிட வேண்டும். பின்னர் இந்த ஆப் குறித்த நிபந்தனைகள் அனைத்தையும் படித்துவிட்டு ஓகே செய்தால், ஆதார் எண்ணுடன் இணைக்கப்பட்ட நிறுவனத்தின் விவரத்தைச் சரிபார்க்கும்.

ஏற்கெனவே ஆதார் எண்ணுடன் இந்த விவரங்கள் இல்லையெனில், ஆப் மூலமாகப் பதிவு செய்ய வேண்டும். இதற்கு நிச்சயம் தனியாக ஃபிங்கர் பிரின்ட் ஸ்கேனர்கள் அவசியம். கைரேகை மற்றும் ஆதார் விவரங்களைக் கொடுத்துப் பதிவு செய்துகொண்டால், வங்கிக் கணக்குடன் ஆப் இணைக்கப்பட்டுவிடும். இதற்கு பின்னர் இந்த ஆப்பைப் பயன்படுத்தலாம்.

 எப்படிப் பயன்படுத்துவது?

இந்த முறையில் பணம் செலுத்துவதற்கு வாடிக்கையாளர்களிடம் மொபைல் போன் இருக்க வேண்டும் என்றோ, இணைய வசதி இருக்க வேண்டும் என்றோ அவசியமில்லை. காரணம், இவை அனைத்தும் பணம் செலுத்தவிருக்கும் கடைக்காரரிடம் இருக்கும். கடைக்காரர், தன் மொபைல் மற்றும் ஆதார் கைரேகையை சோதிக்கும் ஃபிங்கர் பிரின்ட் ஸ்கேனர் ஆகிய இரண்டையும் இணைத்துத் தயாராக வைத்திருப்பார். உதாரணமாக, வாடிக்கையாளர் 100 ரூபாய்க்கு பொருள் வாங்கினார் என்றால், கடைக்காரர் தனது மொபைல் போனில், செலுத்த வேண்டிய பணத்தைக் குறிப்பிட்டு வாடிக்கையாளரிடம் கொடுப்பார்.

வாடிக்கையாளர் வங்கியின் பெயர் மற்றும் ஆதார் எண்ணைக் கொடுக்க வேண்டும். விவரங்கள் சரியானதுதானா என்பதைச் சோதிக்க வாடிக்கையாளரின் கைரேகை ஸ்கேனர் மூலம் ஸ்கேன் செய்யப்படும். அதாவது, கைரேகைதான் பாஸ்வேர்டு. வாடிக்கையாளரின் பயோமெட்ரிக் தகவல்களை வங்கிகள், விவரங்களைச் சரிபார்ப்பதற்காகப் பயன்படுத்திக்கொள்ளும். நம்மில் பலரும் ஏற்கெனவே கைரேகை விவரங்களைக் கொடுத்து ஜியோ சிம் வாங்கியது நினைவிருக்கலாம். அதேபோலதான் இதுவும்.

புதிய பீம் ஆதார் பே ஆப்... - ஆதார் எண் மூலம் பணப் பரிமாற்றத்தில் என்ன சிக்கல்?

என்னென்ன நன்மைகள்?

பணமில்லாப் பரிவர்த்தனை களுக்காக இ-வாலட், கிரெடிட் கார்டு, டெபிட் கார்டு எனப் பல வழிகள் இருந்தாலும் அனைத்திலும் ஏதோ ஒரு சிக்கல் இருக்கிறது. இ-வாலட்களைப் பயன்படுத்த வேண்டும் என்றால், நிச்சயம் வாடிக்கையாளர்கள் ஸ்மார்ட்போன் வைத்திருக்க வேண்டும்.

மேலும், இணைய இணைப்பும் தேவை. கிரெடிட்/டெபிட் கார்டுகள் என்றால், அவற்றைப் பயன்படுத்துவதற்கான சேவைக் கட்டணங்களை வங்கிகளுக்கும், விசா மற்றும் மாஸ்டர் கார்டு போன்ற நிறுவனங்களுக்கும் செலுத்த வேண்டும். அவற்றைக் கையாள பி.ஓ.எஸ் மெஷின்களும் தேவை. ஆனால், ஆதார் பே வசதிக்கு முக்கியமான தேவை, ஆதார் எண் இணைக்கப்பட்ட வங்கிக் கணக்கு மட்டுமே. இதனால் யாரும் எளிதாகப் பணம் செலுத்த முடியும்.

 சிக்கல்கள் என்ன?

பீம் ஆதார் பே ஆப்பையும், பீம் ஆப்பையும் சேர்த்துக் குழப்பியது, முதல் சிக்கல். பீம் ஆப் இ-வாலட்கள் போல செயல்படுபவை. இதற்கு இணைய இணைப்பு உள்ள மொபைல் போன்கள் தேவை. ஆனால், ஆதார் பே முற்றிலும் வேறுபட்டது. பீம் ஆதார் பே ஆப் மூலம் வணிகர்கள் பணம் பெறமுடியும். கார்டு வசதி உள்ள பணப் பரிமாற்றங்களுக்கு பி.ஓ.எஸ் மெஷின்கள் தேவைப்படுவதுபோல, இதற்கு ஃபிங்கர் பிரின்ட் ஸ்கேனர் மெஷின்கள் தேவை.

என்ன மெஷின் வாங்க வேண்டும், எங்கே வாங்க வேண்டும் என்பது போன்ற விஷயங்கள் அனைத்தையும் வணிகர்களுக்குத் தெளிவுபடுத்த வேண்டியது அவசியம்.

மேலும், இன்னும் பல வங்கிகளுக்கு ஆதார் பே ஆப் வரவில்லை. இதுமட்டுமன்றி, எஸ்பிஐ வங்கியின் ஆப் போல,  ஐடிஎஃப்சி வங்கியின் ஆப்பை, கூகுள் ப்ளே ஸ்டோர் சென்று டவுன்லோடு செய்ய முடியாது. ஐடிஎஃப்சி வங்கியின் இணையதளத்துக்குச் சென்று நம்முடைய மின்னஞ்சல், மொபைல் எண் ஆகியவற்றைக் கொடுத்து, வங்கியின் மூலமே ஆப்பைப் பெற முடியும். வணிகர்களுக்கு இதுகுறித்து சரியான பயிற்சிகளையும், மக்களுக்கு இதுகுறித்த புரிதலையும் ஏற்படுத்த வேண்டும்.

இந்த வசதியில் இருக்கும் தொழில்நுட்பக் கோளாறுகள் அனைத்தும் முதலில் சரிசெய்யப்பட வேண்டியது அவசியம். அப்போதுதான் இது போன்ற முயற்சிகள் மக்களிடையே வெற்றி பெறும். பணமில்லாதப் பரிவர்த்தனை நடக்க வேண்டும் என்று மத்திய அரசாங்கம் நினைத்தால் மட்டும் போதாது, அதற்கான வழிமுறைகளை ஏற்படுத்தித் தருவதும் அவசியம்.