Published:Updated:

ஏற்றுமதிக்கு உதவும் தனியார் துறைகள்! - நீங்களும் செய்யலாம் ஏற்றுமதி பிசினஸ்! - 22

ஏற்றுமதிக்கு உதவும் தனியார் துறைகள்! - நீங்களும் செய்யலாம் ஏற்றுமதி பிசினஸ்! - 22
பிரீமியம் ஸ்டோரி
ஏற்றுமதிக்கு உதவும் தனியார் துறைகள்! - நீங்களும் செய்யலாம் ஏற்றுமதி பிசினஸ்! - 22

உங்களை அம்பானி ஆக்கும் வைபரேஷன் தொடர்கே.எஸ்.கமாலுதீன், மேலாண்மை இயக்குநர், ப்ளூபாரத் எக்ஸிம் பிரைவேட் லிமிடெட்

ஏற்றுமதிக்கு உதவும் தனியார் துறைகள்! - நீங்களும் செய்யலாம் ஏற்றுமதி பிசினஸ்! - 22

உங்களை அம்பானி ஆக்கும் வைபரேஷன் தொடர்கே.எஸ்.கமாலுதீன், மேலாண்மை இயக்குநர், ப்ளூபாரத் எக்ஸிம் பிரைவேட் லிமிடெட்

Published:Updated:
ஏற்றுமதிக்கு உதவும் தனியார் துறைகள்! - நீங்களும் செய்யலாம் ஏற்றுமதி பிசினஸ்! - 22
பிரீமியம் ஸ்டோரி
ஏற்றுமதிக்கு உதவும் தனியார் துறைகள்! - நீங்களும் செய்யலாம் ஏற்றுமதி பிசினஸ்! - 22

டந்த வாரம்,  ஏற்றுமதித் தொழிலுக்கு உதவும் அரசுத் துறைகள் பற்றி விரிவாகப் பார்த்தோம். ஏற்றுமதிக்கு உதவக்கூடியத் தனியார் துறைகள் என்னென்ன, ஏற்றுமதித் தொழிலில் அவற்றின் பங்களிப்பு என்ன என்பதைப் பற்றி இப்போது பார்க்கவிருக்கிறோம்.

ஏற்றுமதித் தொழிலில் மொத்தம் ஒன்பது தனியார் துறைகள் பங்கு வகிக்கின்றன. அவை ஒவ்வொன்றைப் பற்றியும் பார்க்கலாம்.

ஏற்றுமதிக்கு உதவும் தனியார் துறைகள்! - நீங்களும் செய்யலாம் ஏற்றுமதி பிசினஸ்! - 22

1. ஷிப்பிங்/ஃப்ரைட் ஃபார்வேடர்ஸ் (Shipping/Freight Forwarders)

ஏற்றுமதியாளர்கள்/உற்பத்தியாளர்கள் ஆகியோரிடமிருந்து பொருள்களைப் பெற்று, அவர்கள் அனுப்ப விரும்பும் இடத்துக்கு,  கப்பல் அல்லது விமானம் வழியாக அனுப்பிவைக்கும் பணி இவர்களுடையது. பொருளின் வகை, அளவு ஆகியவற்றைப் பொறுத்து, அவற்றுக்கேற்ப கன்டெய்னர்களைத் தேர்வுசெய்து தருவதும் இவர்களுடைய வேலைதான். இவர்களிடம் பொருள்களைப் பேக்கிங் செய்து ஒப்படைத்து விட்டால், அவர்கள் பாதுகாப்பாக அனுப்பி வைக்கும் வேலையைப் பார்த்துக்கொள்வார்கள்.
 
2. கஸ்டம்ஸ் ஹவுஸ் ஏஜென்ட் (CHA-Customs House Agent)

கஸ்டம்ஸ் ஹவுஸ் ஏஜென்ட் என்பவர்கள் அரசால் அங்கீகரிக்கப்பட்டு உரிமம் தரப்பட்டவர்கள். இவர்கள் கஸ்டம்ஸ் நடைமுறைகளைச் செயல்படுத்துவார்கள். நம்முடைய பொருள்களைத் துறைமுகத்துக்குக் கொண்டுசெல்வதிலிருந்து பொருள்களை ஏற்றியனுப்பும் வரையிலான அனைத்து நடைமுறைகளையும் பார்த்துக்கொள்வார்கள். அதற்குத் தேவையான ஆவணங்களைத் தயார் செய்வதும் இவர்களுடைய பணியே.

3. டிரான்ஸ்போர்ட் அண்ட் லாஜிஸ்டிக்ஸ் நிறுவனம் (Transport And Logistics)

துறைமுகம் அல்லது விமானத்துக்குள் நம்முடைய பொருள்களைக் கொண்டு செல்வதற்கானப் போக்குவரத்து மற்றும் சரக்கு எற்றுதல், இறக்குதல் வேலைகளை இவர்கள் கவனித்துக்கொள்கிறார்கள். பாதுகாப்பாகப் பொருள்களைக் கொண்டு செல்வதில் இவர்களுடைய பங்கு முக்கியமானது.

4. இன்ஷூரன்ஸ் ஏஜென்ட் (Insurance Agent) 

இவர்கள் மெரைன் கார்கோ ஏஜென்ட் என்றும் அழைக்கப்படுவார்கள். நம்முடைய பொருள்கள் துறைமுகத்திலும், உள்நாட்டு மற்றும் சர்வதேச போக்குவரத்தின்போதும், ஏதேனும் சேதத்துக்குள்ளானால், அதற்கான காப்பீட்டுக்கு உதவி செய்வது இவர்களின் பணி ஆகும். இசிஜிசி (ECGC) வேறு, இந்த மெரின் கார்கோ இன்ஷூரன்ஸ் என்பது வேறு.

ஒட்டுமொத்த விகடனுக்கும் ஒரே ஷார்ட்கட்!

ஏற்றுமதிக்கு உதவும் தனியார் துறைகள்! - நீங்களும் செய்யலாம் ஏற்றுமதி பிசினஸ்! - 22



5. குவாலிட்டி டெஸ்டிட்டிங் ஏஜென்சி (Quality Testing Agency)

நம்முடைய பொருள்களுக்கான தரச் சான்றிதழை வழங்கும் ஏஜென்சிதான் இந்த குவாலிட்டி டெஸ்ட்டிங் ஏஜென்சி. சில நாடுகளில் நம்முடைய பொருள்களுக்கானத் தரச் சான்றிதழ் கேட்கப்படும். அந்தச் சமயங்களில் இவர்களுடைய சான்றிதழ், ஏற்றுமதியாளருக்கு அவசியம். மைசூரில் உள்ள சி.எஃப்.டி.ஆர்.ஐ (Central Food Technological Research Institute) என்ற அமைப்பும் சென்னை, கிண்டியில் உள்ள கிங் இன்ஸ்ட்டிடியூட் அமைப்பும் இந்த குவாலிட்டி டெஸ்ட்டிங்கை நடத்திச் சான்றிதழ் வழங்குகின்றன.

6. பேக்கிங் கம்பெனி (Packing Companies)

பேக்கிங் கம்பெனிகள், நம்முடைய பொருள்களைக் கன்டெய்னரில் பாதுகாப்பாக ஏற்றிக்கொண்டு செல்வதற்கேற்ப தரமாகவும், முறையாகவும் பேக்கிங் செய்து உதவுகின்றன. எந்தப் பொருளுக்கு எந்த மாதிரியான பேக்கிங் சரியானது மற்றும் பாதுகாப்பானது என்பதில் இவற்றின் பங்கு முக்கியமானது. அப்போதுதான் சேதம் எதுவுமில்லாமல் பொருள்கள் பாதுகாப்பாக சென்றடைய வேண்டிய இடத்துக்குச் சென்று சேரும்.

7. சர்ட்டிஃபிகேட் ஆஃப் ஆரிஜின் வழங்கும் அமைப்புகள் (Certificate Of Origin)

நம்முடைய பொருள்களை ஏற்றுமதி செய்வதற்கு சர்ட்டிஃபிகேட் ஆஃப் ஆரிஜின் என்ற சான்றிதழ் மிகவும் அவசியம். இதுதான் பொருளுக்கான பர்த் சர்ட்டிஃபிகேட், அதாவது, பிறப்புச் சான்றிதழ் மாதிரி. ஆந்திரா சேம்பர் ஆஃப் காமர்ஸ், மெட்ராஸ் சேம்பர் ஆஃப் காமர்ஸ் போன்ற அமைப்புகள் இந்தச் சான்றிதழை வழங்குகின்றன. 

8.வாங்குபவரும் விற்பவரும் (Buyer and Supplier)

ஏற்றுமதியில் முக்கியமாக நமக்குத் தேவையான இரண்டு பேர் இவர்கள்தான். ஒருவர் நம்மிடமிருந்து பொருள்களை வாங்குபவர். இன்னொருவர், நமக்குப் பொருள்களைக் கொடுப்பவர். இந்த இருவரையும் கண்ணும் கருத்துமாக நாம் கையாள்வது அவசியம். அதேசமயம், அவர்களுடைய நம்பகத் தன்மையையும் கவனத்தில்கொள்ள வேண்டும். 

9. வங்கிகள் (Banks)

இறுதியாக இருந்தாலும் மிக முக்கியமானது வங்கிகள்தான். வங்கியுடனான தொடர்பு என்பது தொழில் செய்பவர்களுக்கு மிக அவசியமானது. ஏனெனில் வங்கிகளுடன் இணக்கமான உறவு வைத்திருப்பது, தொழிலுக்கு பல வகைகளிலும் பலனுள்ளதாக இருக்கும். முக்கியமாக, ஏற்றுமதித் தொழிலுக்கு வங்கிகளின் பங்கு அதிகம் இருக்கிறது. பாதுகாப்பாக ஏற்றுமதித் தொழிலைச் செய்ய வங்கி நடைமுறைகளை முறையாகப் பயன்படுத்திக்கொள்வது அவசியம்.

இந்த ஒன்பது தனியார் துறைகளும் ஏற்றுமதித் தொழிலுக்கு மிக அவசியமானவை. ஆனால், இவற்றில் ஏற்றுமதியாளர்கள் நேரடியாகத் தொடர்பில் இருக்கவேண்டியது நான்கு துறைகளுடன்தான். அவை, 1. வாங்குபவர், விற்பவர் : எந்தக் காரணத்தைக் கொண்டும் பொருளை வாங்குபவர், கொடுப்பவரிடம் இடைத்தரகர்களை வைத்து அணுகக்கூடாது.

2. பேக்கிங் கம்பெனிகள்: பேக்கிங் கம்பெனிகளுடனும் நேரடியாக டீலிங் வைத்துக் கொள்ள வேண்டும்.

3.வங்கிகள்: வங்கி களுடனான நடைமுறைகளை நேரடியாக நாமே செயல்படுத்துவது அவசியம். 

4. கஸ்டம்ஸ் ஹவுஸ் ஏஜென்ட் : ஒன்பது துறை களில் மேற்சொன்ன மூன்றை தவிர, பிற துறைகள் சார்ந்த அனைத்து வேலைகளையும் கஸ்டம்ஸ் ஹவுஸ் ஏஜென்ட் ஒருவரே பார்த்துக்கொள்வார்.

ஏற்றுமதியாளர்கள் அரசுத் துறைகளையும், தனியார் துறைகளையும் தெரிந்து வைத்திருப்பதோடு, அவற்றின் பங்களிப்புகளையும் உதவிகளையும் முழுமையாகப் பயன்படுத்திக்கொள்ள வேண்டும். அடுத்த இதழில், ஏற்றுமதியாளர்களுக்கு அரசு வழங்கும் திட்டங்கள் மற்றும் உதவிகளை விரிவாகப் பார்ப்போம்.

(ஜெயிப்போம்)