Published:Updated:

மணி மேனேஜ்மென்ட்! - 22 - அதிக லாபம் தரும் அஸெட் அலோகேஷன்!

மணி மேனேஜ்மென்ட்! - 22 - அதிக லாபம் தரும் அஸெட் அலோகேஷன்!
பிரீமியம் ஸ்டோரி
மணி மேனேஜ்மென்ட்! - 22 - அதிக லாபம் தரும் அஸெட் அலோகேஷன்!

உங்கள் பணம் உங்களுக்காக உழைக்கட்டும்...சி.சரவணன்

மணி மேனேஜ்மென்ட்! - 22 - அதிக லாபம் தரும் அஸெட் அலோகேஷன்!

உங்கள் பணம் உங்களுக்காக உழைக்கட்டும்...சி.சரவணன்

Published:Updated:
மணி மேனேஜ்மென்ட்! - 22 - அதிக லாபம் தரும் அஸெட் அலோகேஷன்!
பிரீமியம் ஸ்டோரி
மணி மேனேஜ்மென்ட்! - 22 - அதிக லாபம் தரும் அஸெட் அலோகேஷன்!

டந்த இதழில் முதலீடு மற்றும் வருமானத்தின் மீது வருமான வரி ஏற்படுத்தும் தாக்கம் மற்றும் அதிலிருந்து தப்பிக்கும் வழிமுறைகளைப் பார்த்தோம். இந்த இதழில், முதலீட்டில் அதிக வருமானம் பார்ப்பதற்கான வழி என்ன என்பதைப் பார்ப்போம். முதலீட்டுக்கு ஏற்ற நேரம் எது என்றால், டெபாசிட்டுக்கு அதிக வட்டி கிடைக்கும் காலம் என்பார்கள் ரிஸ்க் எடுக்க விரும்பாதவர்கள். இதுவே பங்குச் சந்தை, ஈக்விட்டி மியூச்சுவல் ஃபண்டுகளில் முதலீடு செய்பவர்கள் எனில், சந்தை ஏறுமுகத்தில் இருக்கும் காலம் என்பார்கள்.

முதலீட்டுக்கான சரியான நேரத்தைச் சாதாரண முதலீட்டாளர்கள் கணிப்பது கடினம். பிறகு எப்படிதான் முதலீட்டில் அதிக லாபம் பார்ப்பது என்கிறீர்களா? முதலீடு செய்ய நேரம், காலம் பார்க்கத் தேவையில்லை என்கிறார்கள் நிதித் துறை நிபுணர்கள்.

மணி மேனேஜ்மென்ட்! - 22 - அதிக லாபம் தரும் அஸெட் அலோகேஷன்!

உலக அளவில் நடந்த ஓர் ஆய்வில் முதலீட்டின் மீதான லாபம், முதலீட்டுக் காலத்தைச் சார்ந்து வெறும் 2 சதவிகிதமே இருக்கிறது என்று தெரியவந்துள்ளது. அந்த ஆய்வு முடிவானது, முதலீட்டின் லாபத்தை ஒருவரின் முதலீட்டுக் கலவைதான் (போர்ட்ஃபோலியோ) அதிகம் நிர்ணயிப்பதாகத் தெரிவிக்கிறது, அதாவது, முதலீட்டின் லாபத்தை, போர்ட்ஃபோலியோ சுமார் 90% அளவுக்கு நிர்ணயிப்பதாக உள்ளது.     

சுருக்கமாகச் சொல்வது என்றால், உங்களின் முதலீட்டைப் பல்வேறு பிரிவுகளில் பிரித்து முதலீடு (அஸெட் அலோகேஷன்) செய்வதுதான் போர்ட்ஃபோலியோ. அதாவது, உங்களின் வயது, ரிஸ்க் எடுக்கும் திறன் போன்றவற்றைப் பொறுத்து முதலீட்டுத் தொகையை ஃபிக்ஸட் டெபாசிட், தங்கம், ரியல் எஸ்டேட், நிறுவனப் பங்குகள், மியூச்சுவல் ஃபண்ட் போன்றவற்றில் பிரித்து முதலீடு செய்வது போர்ட்ஃபோலியோ எனப்படும்.

முதலீட்டைப் பிரித்து  செய்வதால், ஒரு குறிப்பிட்ட முதலீடு வருமானம் தரவில்லை என்றாலும், மற்ற முதலீடுகள் லாபம் தந்திருக்கும். அப்போது ஒருவரின் முதலீட்டுப் பெருக்கத்தில் பெரிய பாதிப்பு எதுவும் இருக்காது. இதற்கு மாறாக, ஒருவர் தன் மொத்த முதலீட்டையும் தங்கத்தில் மட்டுமே மேற்கொண்டு வருகிறார் எனில், தங்கம் விலை தொடர்ந்து இறங்கிவந்தால் அவரின் முதலீட்டு மதிப்புக் குறைந்துவிடும். இதுவே கொஞ்சம் தொகையை எஃப்டி, பங்குச் சந்தையில் பிரித்து முதலீடு செய்திருந்தால், நஷ்டம் குறையும் என்பதோடு, லாபமும் அதிகரிக்கும்.

ஒட்டுமொத்த விகடனுக்கும் ஒரே ஷார்ட்கட்!

மணி மேனேஜ்மென்ட்! - 22 - அதிக லாபம் தரும் அஸெட் அலோகேஷன்!

பொதுவாக, பங்குச் சந்தை ஏறுமுகத்தில் இருக்கும்போது தங்கம் விலை இறங்குமுகத்தில் இருக்கும். இதேபோல், தங்கம் விலை ஏறுமுகத்தில் இருக்கும்போது, பங்குச் சந்தை இறங்குமுகத்தில் இருக்கும். இதைக் கணித்து இவற்றில் முதலீட்டை, கூட்டிக் குறைத்து - பிரித்து முதலீடு செய்யும்போது நஷ்டம் ஏற்பட வாய்ப்பில்லை என்பதோடு, லாபமும் அதிகமாகப் பெற முடியும்.   

முதலீட்டைப் பிரித்து  செய்யும்போது, இரண்டு விஷயங்களை முக்கியமாகக் கவனிக்க வேண்டும். வயது மற்றும் ரிஸ்க் எடுக்கும் திறனுக்கேற்ப முதலீட்டைப் பிரித்து மேற்கொள்ள வேண்டும். ரிஸ்க் எடுக்கும் திறன் என்பதில் முதலீட்டைப் புரிந்து கொண்டிருக்கும் தன்மை மற்றும் ஒருவரின் பண வசதி அடங்கும்.

பொதுவாக, ஒருவரின் மொத்த முதலீட்டில் பங்குச் சந்தையில் முதலீடு செய்வதற்கென சர்வதேச அளவில் ஒரு சூத்திரம் இருக்கிறது.  முதலீடு செய்பவரின் வயதை 100-லிருந்து கழித்துக் கிடைக்கும் எண்ணை சதவிகிதமாகப் பாவித்து, அவரின் மொத்த முதலீட்டில் அந்தச் சதவிகிதத் தொகையைப் பங்குச் சந்தையில் முதலீடு செய்தால் ரிஸ்க் குறைய வாய்ப்புண்டு.

மணி மேனேஜ்மென்ட்! - 22 - அதிக லாபம் தரும் அஸெட் அலோகேஷன்!

உதாரணமாக, ஒருவரின் வயது 25 எனில், அவர் பங்குச் சந்தையில் அவரின் மொத்த முதலீட்டில் 75 சதவிகிதத்தை மேற்கொள்ளலாம். மீதியை தங்கம், ஃபிக்ஸட் டெபாசிட், கடன் சார்ந்த மியூச்சுவல் ஃபண்ட், ரியல் எஸ்டேட் எனப் பிரித்து முதலீடு செய்யலாம். (எந்த வயது பிரிவினர், எந்தச் சொத்துப் பிரிவில், எவ்வளவு முதலீடு செய்ய வேண்டும் என்பதை அட்டவணையில் பாருங்கள்). இந்தச் சூத்திரம் 100% அப்படியே இருக்க வேண்டும் என்கிற அவசியமில்லை. 5 முதல் 10% வரை அதிகமாகவோ அல்லது குறைவாகவோ  இருக்கலாம்.

அடுத்து, பெண் பிள்ளைகள் வைத்திருப்பவர்கள் தங்கத்துக்கான முதலீட்டை தேவையின் அடிப்படையில் அதிகரித்துக்கொள்வதில் தவறில்லை.  அட்டவணையில் கொடுக்கப்பட்டுள்ள முதலீட்டு ஃபார்முலாவை ஒருவர் 3 அல்லது 5 ஆண்டுகளுக்கு ஒருமுறை ஆய்வுசெய்து,  அதற்கேற்ப முதலீட்டை மாற்றி அமைத்துக் கொள்வது நல்லது. இங்கே பங்குச் சந்தை முதலீடு என்பதில் பங்குச் சந்தை சார்ந்த மியூச்சுவல் ஃபண்டுகளும் அடங்கும். இவை இரண்டில் கலந்தும் முதலீடு செய்யலாம்.

இதேபோல், கடன் சார்ந்த முதலீடு என்கிற எஃப்டி, கடன் சார்ந்த மியூச்சுவல் ஃபண்ட் திட்டங்களிலும் கலந்து முதலீடு செய்யலாம்.

மணி மேனேஜ்மென்ட்! - 22 - அதிக லாபம் தரும் அஸெட் அலோகேஷன்!

நம் சமூகத்தில் வீடு என்பது அந்தஸ்த்தாகப் பார்க்கப்படுகிறது. சொந்த வீடு இருப்பவர்கள், மேற்கொண்டு ரியல் எஸ்டேட்டில் முதலீடு செய்வது அவசியமா என்பதை ஆராய்ந்து, முதலீட்டு மீதான வருமானம் எப்படிக் கிடைக்கிறது என்பதைப் பார்த்து அதன்பிறகு முதலீட்டு முடிவை எடுப்பது அவசியம். காரணம், சென்னையில் 50 லட்சம் ரூபாய்க்கு வீடு வாங்கி, அந்த வீட்டை வாடகைக்கு விட்டால் அதிகபட்சம் ரூ.20,000 கிடைப்பதே குதிரைக் கொம்பாக இருக்கிறது. அந்த வகையில், வீட்டுக் கடன் மூலம்  வீடு வாங்கி, வாடகைக்கு விடுவது தற்போதைய நிலையில் லாபகரமாக இல்லை. வீட்டின் விலையுடன் ஒப்பிடும்போது வாடகை வருமானம் வெறும் 2 சதவிகிதத்துக்கும் குறைவுதான்.  

வயதுக்கேற்ற முதலீடு என்கிறபோதும் சில விதிவிலக்குகள் இருக்கின்றன. பங்குச் சந்தை பற்றி நன்கு அறிந்தவர், வயதானவராக இருந்தாலும் நிறுவனப் பங்குகள் மற்றும் பங்குச் சந்தை சார்ந்த மியூச்சுவல் ஃபண்டுகளில் முதலீட்டை அதிகரித்துக் கொள்ளலாம். அந்த அனுபவம் இல்லை என்பவர்கள், தேவையில்லாமல் ரிஸ்க் எடுக்காமல், பேலன்ஸ்டு மற்றும் கடன் சார்ந்த ஃபண்டுகளில் முதலீடு செய்வது நல்லது.

முதலீட்டாளர்களின் ரிஸ்க் எடுக்கும் திறனைப் பொறுத்து, அவர்களை முதலீட்டு மீதான பாதுகாப்பு, வருமானம், வருமானம் மற்றும் வளர்ச்சி, வளர்ச்சி, அதிக வளர்ச்சியை விரும்புகிறவர்கள் என ஐந்து வகைகளாகப் பிரிக்கலாம். அதற்கேற்ப ஒருவர் தனது முதலீட்டைப் பிரித்து முதலீடு செய்வது நஷ்டத்தைக் குறைக்க உதவுவதுடன், நல்ல லாபம் பெறவும் வாய்ப்புண்டு.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism