Published:Updated:

‘மாத்தி யோசி’ ஃபார்முலா... தோல்வியில் தொடங்கும் வெற்றி!

‘மாத்தி யோசி’ ஃபார்முலா... தோல்வியில் தொடங்கும்  வெற்றி!
பிரீமியம் ஸ்டோரி
‘மாத்தி யோசி’ ஃபார்முலா... தோல்வியில் தொடங்கும் வெற்றி!

நாணயம் லைப்ரரி!

‘மாத்தி யோசி’ ஃபார்முலா... தோல்வியில் தொடங்கும் வெற்றி!

நாணயம் லைப்ரரி!

Published:Updated:
‘மாத்தி யோசி’ ஃபார்முலா... தோல்வியில் தொடங்கும்  வெற்றி!
பிரீமியம் ஸ்டோரி
‘மாத்தி யோசி’ ஃபார்முலா... தோல்வியில் தொடங்கும் வெற்றி!
‘மாத்தி யோசி’ ஃபார்முலா... தோல்வியில் தொடங்கும்  வெற்றி!

புத்தகத்தின் பெயர்:  த ஸ்லைட் எட்ஜ் (The Slight Edge)

‘மாத்தி யோசி’ ஃபார்முலா... தோல்வியில் தொடங்கும்  வெற்றி!

ஆசிரியர்: ஜெஃப் ஓல்சன்

பதிப்பகம்: Greenleaf Book Group LLC

நல்ல பழக்கங்களை உருவாக்கிக் கொண்டவர்கள் எப்போதும் வெற்றி பெறுகிறார்கள் என பலரும் சொல்லக் கேட்டிருக்கிறோம். ஜெஃப் ஓல்சன் என்பவர் எழுதிய ‘த ஸ்லைட் எட்ஜ்’ என்கிற இந்தப் புத்தகம், சிறு சிறு நல்ல பழக்கங்கள் எப்படி நமக்குப் பெரிய அளவிலான வெற்றியையும், மகிழ்ச்சியையும் தருகிறது என்பதைச் சொல்கிறது. உங்கள் மனதில் வெற்றி விதைகளைத் தூவக்கூடியது இந்தப் புத்தகம்.

‘நீங்கள் எந்தவிதமான வாழ்க்கையை வாழப்போகிறீர்கள் என்பதை விதி எப்படி நிர்ணயம் செய்கிறது தெரியுமா? நீங்கள் என்ன விதமான வாழ்க்கையை வாழ நினைக்கிறீர்களோ, அதை வைத்துத்தான்’ என்கிற வாக்கியத்துடன் ஆரம்பிக்கிறது இந்தப் புத்தகம்.

சிறு வயதில் தன்னை வீணாய்ப் போன பையன் என்றுதான் பலரும் நினைத்ததாகச் சொல்கிறார் இந்தப் புத்தகத்தின் ஆசிரியர். அவர்கள் நினைத்ததற்கு மாறாக, பெரிய வெற்றியை எப்படி அடைந்தார், அதற்கு முக்கியக் காரணமாக இருந்தது எது என்பதைச் சொல்வதுதான் இந்தப் புத்தகம்.

 புதிய கான்செப்ட்

‘‘மற்றவர்கள் சொன்னார்கள் என்பதற்காக நான் என்னை மாற்றிக் கொண்டுவிடவில்லை. ஆனால், நான் என்ன செய்கிறேன் என்பதை மட்டும் கவனித்தேன். எத்தனை போதனைகள் நமக்குச் செய்யப்பட்டாலும், நாம் நாமாகவே இருப்போம். ஒருபோதும் மாற மாட்டோம். இன்றைக்கு என்னதான் பெரிய ஆளாக இருந்தாலுமே, என்னுடைய இயல்பான சுபாவங்கள் எதையுமே பெரிய அளவில் என்னால் மாற்றிக்கொள்ள முடியவில்லை. ஆனாலும், பல வெற்றிகளையும் மகிழ்ச்சியையும் என்னால் அடைய முடிந்தது என்றால், அதற்குக் காரணம் நான் ‘ஸ்லைட் எட்ஜ்’ என்னும் கான்செப்ட் குறித்து அறிந்து கொண்டதுதான்’’ என்கிறார் ஆசிரியர். இது என்ன புது கான்செப்ட்?

 நம்பிக்கையற்ற நிலை

 ‘‘என் தந்தை சிறுவயதில் இறந்துபோனார். எனக்கு ஓர் அண்ணனும் ஒரு தங்கையும் இருந்தனர். மிகவும் கஷ்டப்பட்டு எங்களுடைய தாய் எங்களை வளர்த்தார். சிறு வயதில் என்னுடைய தந்தை இறப்பதற்கு முன்பே என் பள்ளி ஆசிரியர்கள் என் தாயிடம், ‘உங்கள் பையனுக்கு ஐக்யூ லெவல் மிகக் குறைவாக உள்ளது’ எனச் சொன்னார்கள். நான் ஏன் எதையும் உருப்படியாகச் செய்வதில்லை என்று நான் சொல்வதற்கு எனக்கு ஒரு சரியான காரணம் கிடைத்துவிட்டது. என் 18 வயதில் என்னைத் தெரிந்த எல்லோருமே இவனுக்கு எதிர்காலம் எதுவுமில்லை என்று  தெள்ளத்தெளிவாகச் சொல்ல ஆரம்பித்தனர்.

 புதிய மாற்றம்

கல்லூரிப் படிப்பைப் பாதியில் விட்டுவிட்டு, கோல்ப் கோர்ஸில் புல் வெட்டப்போன நான், கோல்ப் விளையாட வரும் பணக்காரர்களைப் பார்க்கும்போது, ‘நான் ஏன் புல் வெட்டுகிறேன். இவர்கள் எப்படி பெரிய ஆளானார்கள்’ எனச் சிந்திக்க ஆரம்பித்தேன். அவர்கள் என்னைவிடப் பத்து மடங்கோ இருபது மடங்கோ புத்திசாலியா அல்லது அவர்கள் என்னைவிட பத்து மடங்கோ இருபது மடங்கோ அதிகமாக வேலை பார்க்கிறார்களா? அப்படித் தெரியவில்லையே. அப்படியென்றால் உலகம் நியாயமற்ற இடமாக அல்லவா இருக்கிறது என நினைத்தேன்.

அதுதான் என்னுடைய வாழ்நாளின் வெறுப்பு நிறைந்த தினமாக இருந்தது. பளிச்சென்று சில விஷயங்கள் புரிய ஆரம்பித்தன. என்னுடைய நிலைமை மாற வேண்டுமென்றால், நான் செய்யும் செயல்களும் மாற வேண்டும் என்பது தெளிவாகத் தெரிந்தது.

அந்த நிமிடமே நான் வேலையை உதறித் தள்ளினேன். என்னுடைய பொருள்களை என் பழைய காரில் போட்டு அடைத்துக்கொண்டு கிளம்பினேன். புளோரிடாவில் இருந்து கிளம்பி மெக்சிகோவுக்குச் சென்றேன். கடக்க வேண்டிய தூரம் குறைவாக இருந்தாலும், மிகவும் நீண்ட பயணமாக இருந்தது. ஏனென்றால் என்னுடைய மனதிலிருந்து ஆத்மாவை நோக்கிய பயணமாக அது இருந்தது.

சராசரி படிப்பு, சராசரியாக விளையாடும் திறன் (Athletics), சராசரி சமூகத் திறன்கள் (Social skills) கொண்ட நான் மாற வேண்டும் என்றால் எல்லாவற்றிலுமே கடினமாக உழைக்க வேண்டும் என்று எனக்குத் தெளிவாகப் புரிந்தது. முதலில் படிப்பில் ஆரம்பித்து உழைப்பைக் கொட்டினேன். ஏ கிரேடுகள் தானாக வந்தன. பிசினஸ் ஸ்கூலில் சீட் கிடைத்தது. வகுப்பில் முதல் மாணவனாகத் தேறினேன்.

 தொழில் வெற்றி

தொழில் துவங்குவதே சிறந்ததாக இருக்கும் என்று நான் உணர்ந்தேன். ஒரு சோலார் எனர்ஜி கம்பெனியைத் தொடங்கினேன். மெக்சிகோவைத் தலைமையிடமாகக் கொண்டிருந்தது என்னுடைய நிறுவனம். ஆரம்பித்த இரண்டு வருடங்களில் உலகத்தின் மிகப் பெரிய நிறுவனமாக மாறியது. அப்புறம் என்ன மகிழ்ச்சிதான்’’ என்று சொல்லும் ஆசிரியரின் வாழ்க்கையில் அடுத்து நேர்ந்தது எதிர்பாராத திருப்பம்.

 திடீர் திருப்பம்


‘‘எல்லாமே மாறும் என்கிற பாடத்தை எனக்கு உணர்த்தியது அடுத்து நடந்த நிகழ்வுகள்தான்.  நன்றாகப் போய்க்கொண்டிருந்த என் பிசினஸ், திடீரென வரி விதிப்பு முறை மாறியதால், திணற ஆரம்பித்தது. என்னுடைய தொழில் குட்டிக்கரணம் அடித்து, ஆரம்பித்த இடத்துக்கே வந்தது. கடன் கழுத்தை நெரித்தது.

மீண்டும் தொடங்கிய இடத்துக்கே வந்து விட்டோமே என்று நினைத்தேன். மில்லியனராக வாழ்ந்த என் காரைக்கூட கடன்காரர்கள் எடுத்துச் சென்றுவிட்டனர். கார் கையைவிட்டுப் போன இரவு எனக்கு நரக வேதனை. முதலில் பள்ளி, கல்லூரியில் தோல்வி. இப்போது தொழிலில் தோல்வி. கல்லூரித் தோல்வியை வெற்றியாக மாற்றி உச்சிக்குச் சென்று, மீண்டும் தொழில் தோல்வி என்ற நிலைக்கு வந்து சேர்ந்திருக்கிறேன்.

 தோல்வியிலிருந்து  தொடக்கம்


தீர்க்கமாக யோசித்தேன். பள்ளி, கல்லூரியில் நான் சராசரிதான். அதனால்தான் நான் தோல்வியைச் சந்தித்தேன். அதை ஒப்புக் கொண்டிருந்தால், நான் காணாமலேயே போயிருக்கக்கூடும். ஆனால், அதை ஒப்புக்கொள்ளாமல் கஷ்டப்பட்டு உழைத்ததால் மேலே வந்தேன். இப்போது தொழில் தோல்வியைச் சந்தித்துள்ளேன். இப்போது என் தொழில் தோல்வியை ஒப்புக்கொண்டு, நான் எப்படியாவது பிழைத்துக் கிடந்தால் போதும் என்று நினைத்துச் செயல்பட்டால், காணாமல் போய்விடுவேன் என்பது மட்டும் புரிந்தது. வாழ்விலோ, பிசினஸிலோ தோற்கிற பலரும் எப்படியாவது பிழைத்துக் கிடந்தால் போதும் என்னும் நினைப்பிலேயே செயல்படுகிறார்கள். அதுவே அவர்களைக் காணாமல் அடித்துவிடுகிறது.

தோல்வியிருந்து பிழைத்துக் கிடத்தல் என்ற நிலையை அடைய, நாம் செய்யும் காரியங்கள் பலவற்றையுமே தொடர்ந்து அதிசிரத்தையுடன் செய்தால், அது மீண்டும் நம்மை வெற்றிக்குக் கொண்டுபோகும் என்பதே நான் கண்ட உண்மை.

முதலில் நீங்கள் மாற்றிக்கொள்ள வேண்டியது, உங்கள் அன்றாடச் செயல்பாடுகள் குறித்த தத்துவ ஞானத்தையே. நீங்கள் என்ன மாதிரியான வாழ்க்கைத் தத்துவத்தைக் கொண்டுள்ளீர்கள் என்பதைத் தீர்மானமாக முடிவு செய்யாதவரை, உங்கள் அணுகுமுறை மாறாது. அணுகுமுறையே நீங்கள் என்ன செயல்களைச் செய்கிறீர்கள் என்பதைத் தீர்மானிக்கிறது; செயல்களே பலன்களைக் கொண்டு வருகிறது; பலன்களே உங்கள் வாழ்க்கையைத் தீர்மானிக்கிறது என்பதால், வாழ்க்கைத் தத்துவத்தை நீங்கள் பிரதானமாக முடிவு செய்ய வேண்டும்” என்கிறார் ஆசிரியர்.

இதை எப்படி முடிவு செய்வது என்பதுதானே உங்கள் கேள்வி. அதற்கும் பதில் சொல்கிறார் ஆசிரியர். முதலில், என்னென்ன பாதிப்புகள் வரும். எவற்றிலெல்லாம் கண்காணிப்புடன் இருக்க வேண்டும் என்பதைப் பற்றி விளக்குகிறார் ஆசிரியர்.

“உங்கள் வாழ்க்கையை நிர்ணயிக்கும் சக்தி உங்களிடமே தேவையான அளவு இருக்கிறது. தினசரி வாழ்க்கையில் எப்படி ஒழுங்குமுறைகளைக் கடைப் பிடிப்பது என்று திட்டமிடுங்கள். எப்படி உங்கள் சக்தியைக் கொண்டு, உங்கள் வாழ்க்கையை வெற்றி பெறச்செய்வது என்பதைப் புரிந்துகொள்வீர்கள். அதன் பின்னால் முதல் ரூபாயைச் சம்பாதிப்பீர்கள். பின்னர் அந்தச் சம்பாத்தியத்தை நிச்சயமாகத் தொடர்ந்து இரட்டிப்பாக்கவும் செய்வீர்கள்” என்று முடிக்கிறார் ஆசிரியர்.

வாழ்வில் வெற்றி பெற நினைக்கும் அனைவரும் ஒருமுறை படிக்கவேண்டிய புத்தகம் இது!

-நாணயம் டீம்

(குறிப்பு: இந்தப் புத்தகம் ஆன்லைன் ஷாப்பிங் வெப்சைட்களில் விற்பனைக்குக் கிடைக்கும்.)