Published:Updated:

ஏற்றுமதி சூட்சுமங்கள்... எங்கே வாங்குவது, எங்கே விற்பது? - நீங்களும் செய்யலாம் ஏற்றுமதி பிசினஸ்! - 25

ஏற்றுமதி சூட்சுமங்கள்... எங்கே வாங்குவது, எங்கே விற்பது? - நீங்களும் செய்யலாம் ஏற்றுமதி பிசினஸ்! - 25
பிரீமியம் ஸ்டோரி
ஏற்றுமதி சூட்சுமங்கள்... எங்கே வாங்குவது, எங்கே விற்பது? - நீங்களும் செய்யலாம் ஏற்றுமதி பிசினஸ்! - 25

உங்களை அம்பானி ஆக்கும் வைபரேஷன் தொடர்கே.எஸ்.கமாலுதீன், மேலாண்மை இயக்குநர், ப்ளூபாரத் எக்ஸிம் பிரைவேட் லிமிடெட்

ஏற்றுமதி சூட்சுமங்கள்... எங்கே வாங்குவது, எங்கே விற்பது? - நீங்களும் செய்யலாம் ஏற்றுமதி பிசினஸ்! - 25

உங்களை அம்பானி ஆக்கும் வைபரேஷன் தொடர்கே.எஸ்.கமாலுதீன், மேலாண்மை இயக்குநர், ப்ளூபாரத் எக்ஸிம் பிரைவேட் லிமிடெட்

Published:Updated:
ஏற்றுமதி சூட்சுமங்கள்... எங்கே வாங்குவது, எங்கே விற்பது? - நீங்களும் செய்யலாம் ஏற்றுமதி பிசினஸ்! - 25
பிரீமியம் ஸ்டோரி
ஏற்றுமதி சூட்சுமங்கள்... எங்கே வாங்குவது, எங்கே விற்பது? - நீங்களும் செய்யலாம் ஏற்றுமதி பிசினஸ்! - 25

ற்றுமதி செய்ய விரும்பும் நீங்கள் எந்தெந்தப் பொருள்களையெல்லாம் ஏற்றுமதி செய்யலாம், அவற்றில் என்னென்ன விஷயங்களைக் கவனிக்க வேண்டும் என்பதைச் சுருக்கமாகக் கடந்த இதழில் பார்த்தோம். இந்த இதழில் எந்தப் பொருளை எங்கே வாங்குவது, எங்கே விற்பது என்பது போன்ற விஷயங்களைப் பார்க்கவிருக்கிறோம். ஏனெனில், ஏற்றுமதிச் சந்தையில் பொருளின் தரமும் அதன் விலையும்தான் நம்முடைய பிசினஸைத் தீர்மானிப்பவை.

ஏற்கெனவே சொன்னதுபோல, உணவுப் பொருள்கள், வீட்டு உபயோகப் பொருள்கள், தோல் பொருள்கள், அலுவலக உபயோகப் பொருள்கள், தொழிற்சாலை பொருள்கள் எனப் பலவகையான பொருள்களை ஏற்றுமதி செய்யலாம். அவற்றில் சில பொருள்களைப் பற்றி இந்த வாரம் பிரத்யேகமாகப் பார்ப்போம்.

மிளகாய்: ஆந்திராவின் குண்டூர் ஊசி மிளகாய் மற்றும் ராமநாதபுரம் ரவுண்டு மிளகாய் தரமானதாகவும் ஏற்றுமதிக்கு உகந்ததாகவும் இருக்கின்றன. அமெரிக்கா, மெக்ஸிகோ போன்ற நாடுகளுக்கு அதிகம் அனுப்பப்படுகின்றன.

ஏற்றுமதி சூட்சுமங்கள்... எங்கே வாங்குவது, எங்கே விற்பது? - நீங்களும் செய்யலாம் ஏற்றுமதி பிசினஸ்! - 25

புளி: இந்தியாவிலிருந்து ஐக்கிய அரபு நாடுகள், சவுதி அரேபியா, பாகிஸ்தான், இலங்கை, பங்களாதேஷ், சிங்கப்பூர், ஜெர்மனி, இங்கிலாந்து, எகிப்து, தென் ஆப்பிரிக்கா, சீனா, இந்தோனேஷியா ஆகிய நாடுகளுக்குப் புளி ஏற்றுமதி செய்யப்படுகிறது. தரமான புளி, கர்நாடகாவில் உள்ள தும்கூரிலும் மற்றும் தமிழகத்தில் கிருஷ்ணகிரி மாவட்டத்திலும் விளை விக்கப்படுகிறது.

உப்பு: சீனா, ஜப்பான், பங்களாதேஷ், இந்தோனேசியா, தென் கொரியா, மலேசியா, அரபு நாடுகள்,  பிலிப்பைன்ஸ், வியட்நாம், கத்தார் ஆகிய நாடுகள் உப்பை அதிகம் இறக்குமதி செய்கின்றன. ஐரோப்பா மற்றும் தென் கிழக்கு ஆசிய நாடுகளில் பலத்த பனிப்பொழிவு காலங்களில் பனியை அகற்ற உப்பு தேவைப்படுகிறது. தமிழகத்தில் உப்பு என்றால் தூத்துக்குடிதான்.

காபுளி சென்னா:
இந்தியாவிலிருந்து காபுளி சென்னா இறக்குமதி செய்யும் நாடுகளில் முதலிடத்தில் சவுதி அரேபியா உள்ளது. அடுத்ததாக, ஐக்கிய அரபு நாடுகள் மற்றும் மலேசியா இடம்பெற்றுள்ளன. இதை ஆந்திரா மற்றும் கர்நாடகாவில் இருந்து கொள்முதல் செய்யலாம்.

ஒட்டுமொத்த விகடனுக்கும் ஒரே ஷார்ட்கட்!

ஏற்றுமதி சூட்சுமங்கள்... எங்கே வாங்குவது, எங்கே விற்பது? - நீங்களும் செய்யலாம் ஏற்றுமதி பிசினஸ்! - 25


முந்திரி:
அமெரிக்கா, இங்கிலாந்து, ஜப்பான், நெதர்லாந்து, ஆஸ்திரேலியா, கனடா, ஜெர்மனி, ஹாங்காங், சிங்கப்பூர், நியூஸிலாந்து மற்றும் மத்தியக் கிழக்கு நாடுகள் போன்றவை முந்திரியை  அதிகமாக இறக்குமதி செய்கின்றன. முந்திரி கொள்முதலை கேரளா, பண்ருட்டியில் செய்யலாம்.

வெல்லம்:
நேபாளம், நைஜீரியா, ஐக்கிய அரபு நாடுகள், கென்யா, அமெரிக்கா, மலேசியா, அங்கோலா, இங்கிலாந்து மற்றும் சூடான் ஆகிய நாடுகளுக்கு அதிகமாக வெல்லம் ஏற்றுமதி செய்யப்பட்டு வருகிறது. ஆப்பிரிக்க நாடுகளில் இந்திய வெல்லத்துக்கு அதிக மவுசு காணப்படுகிறது. கர்நாடகாவிலும், தமிழ்நாட்டில் கரூர் மற்றும் சேலத்திலும் வெல்லம் அதிக அளவில் தயாரிக்கப் படுகிறது.

பூக்கள்:
அமெரிக்காவுக் குத்தான் இந்தியாவிலிருந்து அதிக அளவில் பூக்கள் ஏற்றுமதியாகின்றன. மல்லிகை, ரோஜா, சாமந்தி என பல வகையான பூக்கள் ஏற்றுமதியாகின்றன. மேலும், நெதர்லாந்து, ஜெர்மனி, இங்கிலாந்து, ஐக்கிய அரபு நாடுகள், ஜப்பான் மற்றும் கனடா ஆகிய நாடுகள் அதிக அளவில் பூக்களை இந்தியாவிலிருந்து இறக்குமதி செய்கின்றன. நேரடியாக விவசாயிகளிடம், தோட்டங்களில் கொள்முதல் செய்வது நல்லது.

கட்டுமானப் பொருள்கள்: இந்தியாவிலிருந்து ஆப்பிரிக்கா, ஜிசிசி நாடுகள் மற்றும் வளர்ந்து வரும் இதர நாடுகளுக்குக் கட்டுமானப் பொருள்கள் அதிகமாக ஏற்றுமதியாகி வருகின்றன. ஏற்றுமதிக்கான கட்டுமானப் பொருள்களை உற்பத்தியாளர்களிடமிருந்து மட்டுமே வாங்குங்கள்.
விலங்குகள் மற்றும் பறவைகளுக்கான தீவனங்கள்: இலங்கை, பங்களாதேஷ், ஜப்பான், பிலிப்பைன்ஸ், கொரியா, ஐரோப்பா, நைஜீரியா, வியட்நாம், சவுதி அரேபியா, ஈரான் மற்றும் மெக்சிகோ ஆகிய நாடுகள் அதிகமாக இறக்குமதி செய்து வருகின்றன.

தேன்:
இந்தியாவின் மொத்தத் தேன் ஏற்றுமதியில், அமெரிக்காவுக்கு 25% தேன் ஏற்றுமதியாகிறது. இதற்கடுத்து, ஜெர்மனி, இங்கிலாந்து, நியூசிலாந்து, பெல்ஜியம், சவுதி அரேபியா மற்றும் நெதர்லாந்து ஆகியவை இந்தியாவிலிருந்து தேனை இறக்குமதி செய்து வருகின்றன. இந்தியாவைப் பொறுத்தவரை, உத்தரப்பிரதேசம், பீஹார், ராஜஸ்தான், பஞ்சாப் மற்றும் ஆந்திரப்பிரதேசம் ஆகிய மாநிலங்களில் தேன் அதிகமாக உற்பத்தி செய்யப் படுகிறது.

டீ:
ரஷ்யா, அமெரிக்கா, இங்கிலாந்து, ஐக்கிய அரபு நாடுகள், ஈரான், கஜகஸ்தான், பாகிஸ்தான், ஜெர்மனி, ஆஸ்திரேலியா, ஜப்பான், நெதர்லாந்து, அயர்லாந்து, போலந்து மற்றும் இலங்கை போன்ற பல நாடுகளுக்கு இந்தியாவிலிருந்து டீ ஏற்றுமதியாகி வருகிறது. தமிழ்நாட்டைப் பொறுத்த வரை, கன்னியாகுமரி, திருநெல்வேலி (மாஞ் சோலை), தேனி (கொழுக்குமலை), கோயம்புத்தூர், நீலகிரி ஆகிய மாவட்டங்களிலும், கேரளாவில் கண்ணனூர், பாலக்காடு, கோழிக்கோடு, மலப்புரம், திருச்சூர், திருவனந்தபுரம், கோட்டயம், எர்ணாகுளம், இடுக்கி, வயநாடு ஆகிய மாவட்டங்களிலும், கர்நாடகாவில் சிக்மங்களூரு, கூர்க், ஹாஸன் ஆகிய இடங்களிலும் அதிக அளவில் டீ உற்பத்தியாகி வருகின்றன. அஸ்ஸாம்தான் இந்தியாவிலேயே அதிகமாக டீ உற்பத்தி செய்யும் மாநிலமாக இருந்து வருகிறது.

காய்கறிகள்: இந்தியாவைப் பொறுத்தவரை, மேற்கு வங்காளம், உத்தரப்பிரதேசம், பீஹார், ஆந்திரப்பிரதேசம், மத்தியப்பிரதேசம், குஜராத், ஒடிஸா, தமிழ்நாடு, மஹாராஷ்டிரா, கர்நாடகா, ஹரியானா, சத்தீஸ்கர் மற்றும் ஜார்கண்ட் ஆகிய மாநிலங்களில் காய்கறிகள் அதிகமாக விளைவிக்கப் படுகின்றன. தமிழகத்தில் ஒட்டன்சத்திரத்தில் காய்கறிகளைக் கொள்முதல் செய்யலாம். இந்தியாவிலிருந்து காய்கறிகள் ஐக்கிய அரபு நாடுகள், பங்களாதேஷ், மலேசியா, இங்கிலாந்து, நெதர்லாந்து, பாகிஸ்தான், சவுதி அரேபியா, இலங்கை  மற்றும் நேபாளம் ஆகிய நாடுகளுக்கு அதிகமாக ஏற்றுமதி செய்யப்பட்டு வருகின்றன.

அரிசி:
அரிசியைக் கொள்முதல் செய்வதற்குக் கர்நாடகா மற்றும் ஆந்திராதான் பெஸ்ட். ஒவ்வொரு நாடும் ஒவ்வொரு வகையான அரிசியை ஏற்றுமதி செய்கிறது. சிங்கப்பூர், பங்களாதேஷ், ஐவரி கோஸ்ட் (மேற்கு ஆப்பிரிக்க நாடு), நைஜீரியா, ரஷ்யா, சவுதி அரேபியா, சோமாலியா, ஈரான், ஐக்கிய அரபு நாடுகள் மற்றும் தென் ஆப்பிரிக்கா ஆகிய நாடுகளில் இந்தியாவின் பாஸ்மதி அல்லாத அரிசிக்கு ஏற்றுமதி வாய்ப்புகள் அதிகரித்துக் காணப்படுகின்றன. அனைத்து வளைகுடா நாடுகளிலும் பாஸ்மதி அரிசிதான் இறக்குமதி செய்யப்படுகிறது.

முட்டை:
தமிழ்நாட்டில் முட்டை உற்பத்தியில் சிறந்து விளங்கும் மாவட்டம் நாமக்கல். முட்டை உற்பத்தியில் மட்டுமல்ல, ஏற்றுமதியிலும் சிறந்து விளங்குகிறது. உலக அளவில் ஜெர்மனிதான் மிகப் பெரிய முட்டை இறக்குமதி நாடாகும். மேலும், அரபு நாடுகள், குவைத், மஸ்கட், ஈரான், ஈராக் மற்றும் பல ஆப்பிரிக்க நாடுகளுக்கும் ஏற்றுமதி செய்யப்படுகின்றன.

தோல் பொருள்கள்:
கொல்கத்தா, சென்னை, மும்பை, கான்பூர், பெங்களூரு மற்றும் புதுச்சேரி ஆகிய இடங்களில் அதிகமாக லெதர் பொருள்கள் மற்றும் பாகங்கள் தயாரிக்கும் தொழிற்சாலைகள் அமைந்துள்ளன. அமெரிக்கா, ஐரோப்பா, ஸ்பெயின், பிரான்ஸ், இத்தாலி, ஜப்பான், ஆஸ்திரேலியா மற்றும் ஜெர்மனி ஆகிய நாடுகளுக்கு அதிக அளவில் ஏற்றுமதி செய்யப் படுகின்றன.

இந்தியாவிலிருந்து ஏராளமான பொருள்கள் ஏற்றுமதி ஆகின்றன. அவற்றில் சிலவற்றையே இங்கே பார்த்திருக்கிறோம். மேலும், இந்தப் பொருள்களை எப்படித் தரம் பார்த்து வாங்குவது, எப்படி பேக்கிங் செய்வது, ஏற்றுமதி செய்யும்போது என்னென்ன விஷயங்களைக் கவனிக்க வேண்டும் என்பது போன்ற விஷயங்களை “ஏற்றம் தரும் ஏற்றுமதி” என்கிற புத்தகத்தில் (வெளியீடு: விகடன் பிரசுரம்) விரிவாகப் படித்துத் தெரிந்துகொள்ளலாம்.  ஏற்றுமதியாளர்கள் அதை வாங்கிப் படித்துப் பயனடையலாம். 

நீங்கள் ஏற்றுமதி செய்யப்போகும் முக்கியமான பொருள்களை சாம்பிள் கொடுப்பது பற்றி அடுத்த இதழில் விரிவாகப் பார்க்கலாம்.

(ஜெயிப்போம்)

ஜிஎஸ்டியால் ஏற்றுமதி வளருமா?

ஜிஎஸ்டி வரி விவரங்கள் வெளியானது முதல் பல்வேறு தரப்பினரிடமும் வரவேற்பும் எதிர்ப்பும் நிலவி வருகின்றன. வணிக மற்றும் தொழில்துறை அமைச்சர் நிர்மலா சீதாராமன், “ஜிஎஸ்டி வரி விதிப்பினால்  இந்திய ஏற்றுமதி வளர்ச்சி அடையும்” என்று தெரிவித்திருக்கிறார். ஏற்றுமதியாளர்களுக்கான வரிச் சலுகைகள் மற்றும் வரியைத் திரும்பப் பெறுதல் ஆகிய அம்சங்கள் விரைவாகச் செயல் படுத்தும் வகையில் ஜிஎஸ்டி வரி முறை உருவாக்கப் பட்டிருக்கிறது. மேலும், ஜிஎஸ்டி மூலம் இந்தியா முழுக்கச் சரக்கு வர்த்தகம் தடையில்லாமல் நடை பெறும். இந்தக் காரணங்களால் இந்திய ஏற்றுமதி வளர்ச்சி அடையும் என்று அரசுத் தரப்பில் நம்பிக்கைத் தெரிவிக்கப்பட்டுள்ளது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism