Published:Updated:

மாத்தி யோசி மை டியர் ப்ரோ - 5 - சின்ன நிறுவனம்... பெரிய அனுபவம்!

மாத்தி யோசி மை டியர் ப்ரோ - 5 - சின்ன நிறுவனம்... பெரிய அனுபவம்!
பிரீமியம் ஸ்டோரி
மாத்தி யோசி மை டியர் ப்ரோ - 5 - சின்ன நிறுவனம்... பெரிய அனுபவம்!

நேச்சுரல்ஸ் சி.கே.குமரவேல்

மாத்தி யோசி மை டியர் ப்ரோ - 5 - சின்ன நிறுவனம்... பெரிய அனுபவம்!

நேச்சுரல்ஸ் சி.கே.குமரவேல்

Published:Updated:
மாத்தி யோசி மை டியர் ப்ரோ - 5 - சின்ன நிறுவனம்... பெரிய அனுபவம்!
பிரீமியம் ஸ்டோரி
மாத்தி யோசி மை டியர் ப்ரோ - 5 - சின்ன நிறுவனம்... பெரிய அனுபவம்!

ங்கள் பிள்ளைகள் பத்தாம் வகுப்பு செல்லும்போதே, ‘நீ பொதுத்தேர்வுல நல்ல மார்க் எடுத்தாதான் ப்ளஸ் ஒன்ல நல்ல க்ரூப் கிடைக்கும். ப்ளஸ் டூவுல நல்ல மார்க் எடுத்தாத்தான் நல்ல காலேஜ்ல அட்மிஷன் கிடைக்கும். இதெல்லாம் சரியா நடந்தாத்தான் உனக்கு பெரிய கம்பெனியில வேலை கிடைக்கும்’னு ஆரம்பத்தில் இருந்தே பெரிதாகத்தான் பிளான் போட்டு அறிவுரை சொல்வார்கள் பெற்றோர்கள். என்னைப் பொறுத்தவரைப் படித்து முடித்தவுடனே பெரிய கம்பெனிகளில் வேலைக்குச் செல்வது நல்லதல்ல.

ஆனால், பலர் தனக்கு எந்த கம்பெனி நிறைய பணம் கொடுக்கிறதோ அங்கே வேலைக்குச் சேர ஆசைப்படுகிறார்கள். ஆனால், வாழ்க்கையில் முன்னுக்கு வர வேண்டும் என்று நினைப்பவர்கள் சின்ன கம்பெனிகளில் வேலைக்குச் சேர வேண்டும்.

மாத்தி யோசி மை டியர் ப்ரோ - 5 - சின்ன நிறுவனம்... பெரிய அனுபவம்!

ஏனெனில், பெரிய கம்பெனி களில் சிஸ்டம் முறைப்படுத்தப் பட்டிருக்கும். அதில் உங்களால் எதுவும் செய்யமுடியாது. தவறு செய்ய வாய்ப்பே கிடைக்காது. தவறு செய்யாவிட்டால் உங்களால் எதையுமே கற்றுக்கொள்ள முடியாது. நம் கல்விமுறை நம்மைத் தப்பு செய்யவே கற்றுக்கொடுக்க வில்லை. அதனால் எல்லாரும் பெரிய கம்பெனி களை நோக்கித்தான் ஓடுகிறார்கள். அந்த மாதிரி பெரிய பெரிய ஐ.டி கம்பெனிகளில் நீங்கள் பத்து வருடங்கள் வேலை பார்த்தாலும் ஒன்றும் கற்றுக் கொள்ள முடியாது. ஆனால், பத்து வருடங்களுக்குள் உங்களிடம் ஏசி கார் வந்துவிடும், பல இஎம்ஐ வந்துவிடும். அதே சமயம் திடீரென்று உங்களை வேலையைவிட்டு அனுப்பினால் எதுவும் செய்ய முடியாது. 

அதனால், சிறிய கம்பெனிகளில் வேலைக்குச் சேருங்கள். உங்களுக்கான நல்ல பாஸை நீங்கள் தேர்ந்தெடுங்கள். நிறையத் தவறு செய்யுங்கள். அங்கு பின்பற்றப்படும் சிஸ்டத்தை மாற்றுங்கள். தவறு செய்ய செய்யத்தான் அதிகம் கற்றுக்கொள்ள முடியும். அதுதான் உங்களின் கரியரைத் தொடங்குவதற்குச் சரியாக இருக்கும். அதேபோல் கற்றுக்கொள்ள வேண்டும் என்கிற ஆர்வமும் உங்களிடம் அதிகம் இருக்க வேண்டும். ஆரம்பத்தில் நீங்கள் கற்றுக்கொள்வதுதான் உங்களுக்கு எப்போதும் கைகொடுக்கும்.

ஒட்டுமொத்த விகடனுக்கும் ஒரே ஷார்ட்கட்!

மாத்தி யோசி மை டியர் ப்ரோ - 5 - சின்ன நிறுவனம்... பெரிய அனுபவம்!


முதல் பத்து வருடங்கள் பணத்துக்குப் பின்னால் செல்லாமல் இருந்தால், அடுத்து பணம் உங்கள் பின்னால் வரும். அதுமட்டுமில்லாமல், எந்த ஒரு காரியத்தையும் மூளையில் இருந்து செய்யாமல், இதயத்தில் இருந்து செய்யவேண்டும். அது என்றைக்குமே தவறாகப் போகாது. அதற்கு உதாரணமாக நான் படித்த ஒரு விஷயத்தைச் சொல்கிறேன். இன்ஜினீயரிங் படித்த ஒரு பையன் மிலிட்டரியில் சேருகிறான். அவன் மிலிட்டரியில் இருப்பவர்களைப்போல் ஃபிட்டாக இல்லை. அதனால் அவனுக்குள் நாம் இந்த வேலைக்குத் தகுதியான நபர்தானா என ஒரு குழப்பம் இருந்து கொண்டே இருக்கிறது. முதல் நாள்  பயிற்சியில் அவனை 10 கிலோ மீட்டர் ஓடச் சொல்லியிருக்கிறார்கள். அவ்வளவுதானா என்று அவனும் ஓட ஆரம்பித்தி ருக்கிறான். மூன்று கிலோ மீட்டரைத் தாண்டும்போதே 10 கிலோமீட்டர் தூரத்துக்கு ஓட முடியாது என்று அவனுக்குத் தெரிந்துவிட்டது. நான்காவது கிலோமீட்டரில், இனி தன்னால் ஓர் அடிகூட எடுத்து வைக்கமுடியாது என அவன் எண்ணவும், அவனது கால்கள் நின்றுவிட்டன.

அப்போது, ‘மூளை சொல்வதைக் கேட்டு செயல்படாதே, இதயம் சொல்வதைக் கேட்டு செயல்படு’ என்று அவனது பயிற்சியாளர்  கூறுவது அவனுக்குக் கேட்கிறது. அதனைக் கேட்ட  பின்பு 10 கிலோமீட்டரை அவன் பூர்த்தி செய்துள்ளான். இதேபோலதான் தொழில் முனைவோர்களும் செயல்படவேண்டும். மூளை சொல்லும் விஷயங்களைக் கேட்டுச் செயல்படுவதை விட இதயம் சொல்வதைக் கேட்டுச் செயல்பட்டால் நமது இலக்கை எளிதில் அடையலாம்; வாடிக்கையாளர்களையும் திருப்திப்படுத்தலாம். அதேபோல், காலத்தின் வேகத்துக்கு ஏற்ப நம்மை மாற்றிக்கொண்டே இருக்க வேண்டும். ஏனென்றால், ஓர் ஆள் செய்யும் வேலையை இன்று ஒரு போன் செய்துவிடுகிறது. 

மொபைல் தயாரிப்பில் லீடராக இருக்கும் நோக்கியா கம்பெனி எம்.டி ஒரு நிகழ்ச்சியில் பேசும்போது, ‘நாங்கள் எந்தத் தவறும் செய்ய வில்லை. ஒரே ஒரு ‘சரி’ மட்டும் செய்யவில்லை. அதனால் இன்று மார்க்கெட்டில் இல்லாமல் இருக்கிறோம்’ என்று கூறினார். இதான் பிசினஸ். நம் தாத்தா காலத்திலெல்லாம் வாழ்க்கை ரொம்ப மெதுவாகச் செல்லும். தாத்தா அரசு வேலை பார்த்தால் அப்பாவும் அரசு வேலை பார்ப்பார். ஆனால், இப்போ இரண்டு வருஷத்துக்கு மேல ஒரே கம்பெனியில் வேலை பார்த்தால், ‘என்ன தம்பி எதுவும் பிரச்னையா..?’னு கேட்கிறார்கள். அப்படி வேகமாக இயங்குகிறது இந்த உலகம். அதற்கு ஏற்றவாறு நாமும் நமது தொழிலிலும் மாறாமல் இருந்தால் ரொம்பவும் கஷ்டம்.

தொகுப்பு: மா.பாண்டியராஜன்

(மாத்தி யோசிப்போம்)