Published:Updated:

ஜிஎஸ்டி... எஸ்.எம்.இ துறைக்கு பாதிப்பா?

 ஜிஎஸ்டி... எஸ்.எம்.இ துறைக்கு பாதிப்பா?
பிரீமியம் ஸ்டோரி
ஜிஎஸ்டி... எஸ்.எம்.இ துறைக்கு பாதிப்பா?

ஜெ.சரவணன்

ஜிஎஸ்டி... எஸ்.எம்.இ துறைக்கு பாதிப்பா?

ஜெ.சரவணன்

Published:Updated:
 ஜிஎஸ்டி... எஸ்.எம்.இ துறைக்கு பாதிப்பா?
பிரீமியம் ஸ்டோரி
ஜிஎஸ்டி... எஸ்.எம்.இ துறைக்கு பாதிப்பா?

ஜி.எஸ்.டி வரி, நீங்கள் இந்தக் கட்டுரையைப் படிக்கும்போது அமல்படுத்தப்பட்டிருக்கும். ஜி.எஸ்.டி பற்றி முழுமையாகப் புரிந்துகொள்வதற்குள் வந்துவிட்டதே என்று பெரும்பாலானோர் விழிபிதுங்கிக் கிடக்கிறார்கள். முக்கியமாக எஸ்.எம்.இ-கள் என்று அழைக்கப்படும் சிறு, குறு தொழில்முனைவோர்கள். இதுவரையிலும் பெரிய அளவில் எந்தவொரு அரசு நடைமுறைகளுக்குள்ளும் வராமல், சுயமாகத் தங்கள் தொழில்களைச் செய்துவந்த இவர்கள் திடீரென்று ஒரு மிகப்பெரிய மாற்றத்துக்குத் தயாராக வேண்டிய நிலைக்குத் தள்ளப்பட்டிருக்கிறார்கள்.

இதுவரையிலும்  கிடைத்த இடத்தில், கிடைத்த அளவில் தொழில் செய்து பிழைத்துக் கொண்டிருந்தவர்களை ஜி.எஸ்.டி நடைமுறைக்குள் கொண்டு வந்ததன் மூலம், இந்த சிறு, குறு தொழில்முனைவோர் பிரிவுக்குள் இருக்கும் பெரும்பாலானோர் பாதிப்புக்கு உள்ளாக்கியிருக்கிறார்கள் என்றுதான் பலரும் கூறிவருகின்றனர். கடைசிவரை ஒருவரிடம் வேலையே செய்துகொண்டிருக்காமல் சொந்தமாகத் தொழில் செய்து, டாட்டாக்களாகவும் அம்பானிகளாகவும் உயர வேண்டும் என்ற நம்பிக்கையில்தான் பெரும்பாலான எஸ்.எம்.இ-களின் தொழில் வாழ்க்கை ஆரம்பமாகிறது. ஆனால், அவர்கள் தாங்கள் நினைத்த இலக்கை அடைவதற்குள் எத்தனையோ பிரச்னைகளைச் சந்திக்க வேண்டியிருக்கிறது என்பதுதான் உண்மை நிலவரம். இப்போது அவர்களுக்கு அரசிடமிருந்தே ஒரு சிக்கல் வந்திருக்கிறது என்றே நினைக்கிறார்கள்.

 ஜிஎஸ்டி... எஸ்.எம்.இ துறைக்கு பாதிப்பா?

ஜி.எஸ்.டி நடைமுறை மகத்தான சீர்திருத்தம் என்று பொருளாதார வல்லுநர்கள் சொல்கிறார்கள். ஆனால், இதனை அமல்படுத்தினால் எஸ்.எம்.இ-கள் பாதிக்கப் படுவார்கள் என்று கூறுவதற்கு என்ன காரணம் என்று கோவை மாவட்ட சிறு, குறு தொழில் முனைவோர் சங்கத் தலைவர் ஜேம்ஸிடம் கேட்டோம்.

“சீனப் பொருள்களின் ஆதிக்கம், வங்கிகளில் கடன் மறுக்கப்படுதல் என ஏற்கெனவே பல்வேறு சிக்கல்களைச் சிறு, குறு தொழில்முனைவோர்களாகிய நாங்கள் சந்தித்து வருகிறோம். மறுபக்கம் மழை, வெள்ளம் என்று அவ்வப்போது எங்களுடைய தொழிலை  இயற்கை முடக்கிவிடுகிறது. இந்தச் சவால்களையெல்லாம் தாண்டித்தான் நாங்கள் எழுந்து நிற்க முயற்சி செய்கிறோம். 

ஒட்டுமொத்த விகடனுக்கும் ஒரே ஷார்ட்கட்!

 ஜிஎஸ்டி... எஸ்.எம்.இ துறைக்கு பாதிப்பா?


ஜி.எஸ்.டி அமல்படுத்தப் படுவதால் நன்மைகள் இருந்தாலும்,  பாதிப்புகள் இல்லாமல் இல்லை. முதலில் இந்த ஜி.எஸ்.டி நடைமுறையில் சொல்லப்பட்டிருப்பதன்படி பெரும்பாலானோர் நடந்துகொள்ளவில்லை என்பதுதான் பிரச்னை. ரூ.20 லட்சத்துக்கு மேல் தொழில் செய்பவர்கள்தான் ஜி.எஸ்.டி வரைமுறைக்குள் பதிவு செய்ய வேண்டும் என்று சொல்லப்பட்டிருக்கும்பட்சத்தில், அதற்குக் கீழே தொழில் செய்பவர்களிடமும் ஜி.எஸ்.டி எண் கொடுங்கள், அப்போதுதான் ஆர்டர் கொடுக்க முடியும் என்கிறார்கள் எங்களுடைய வாடிக்கையாளர்கள்.

சிறு, குறு தொழில் நிறுவனங்கள் பெரும்பாலும் எங்களைவிட சற்று பெரிய நிறுவனங்களை நம்பியே  இருக்கிறோம். அவர்கள் இந்த ஜி.எஸ்.டி வரி நடைமுறையில் இன்புட் டாக்ஸ் கிரெடிட்டைத் தவிர்ப்பதற்காக, எங்களிடம் ஜி.எஸ்.டி எண் கொண்ட இன்வாய்ஸையே கேட்கிறார்கள்.
ஜி.எஸ்.டி பதிவு செய்ய அவசியமில்லாத நாங்கள் எப்படி ஜி.எஸ்.டி எண் கொடுக்க முடியும்? இதனால் அவர்கள் ஜி.எஸ்.டி எண் இருக்கும் நிறுவனங்களுக்கு ஆர்டர் கொடுக்க முடிவெடுக்கும்போது, எங்களுக்கு ஆர்டர் கிடைப்பதில் சிக்கல் ஏற்படுகிறது” என்றார் ஜிஎஸ்டி வரி விதிப்பில் எஸ்.எம்.இ-களுக்கு மேலும் என்ன பிரச்னை என்று தமிழ்நாடு சிறு மற்றும் குறுந்தொழில்கள் சங்கத் (டான்சியா) தலைவர் சி.பாபுவிடம் கேட்டோம். “அனைத்தையும் ஆன்லைன் மூலமாகவே செய்ய முடியும் எனும்போது அதுபற்றிய அனுபவ அறிவு இல்லாதவர்கள் என்ன செய்ய முடியும். இதற்காகவே ஒரு தொகையைச் செலவு செய்ய வேண்டிவரும் போலிருக்கிறது. மேலும் ரூ.20 லட்சத்துக்குக் கீழ் தொழில் செய்பவர்கள் சந்திக்கும் பிரச்னைகள், ரூ.20 லட்சத்துக்கு மேல் தொழில் செய்யும் சிறு, குறு தொழில்முனைவோர்கள் சந்திக்கும் சிக்கல்கள் போன்றவற்றையெல்லாம் புரிந்துகொண்டு அவற்றை முறையாகச் செயல்படுத்த சில காலம் ஆகும். அதுவரையிலும் எங்களுக்குப் பாதிப்புகள்தான்” என்றார்.

 ஜிஎஸ்டி... எஸ்.எம்.இ துறைக்கு பாதிப்பா?

மேலும், கோவை சிறு மற்றும் குறுந்தொழில்கள் சங்கத்தின் செயலாளர் இளங்கோவிடம் இது குறித்து பேசுகையில், “இந்த ஜி.எஸ்.டி வரி நடைமுறையில் ஆரம்பத்தில் இருக்கும் பதிவு நடைமுறைகள் மற்றும் விதிமுறைகளை எல்லாம் கூட சில மாதங்களில் புரிந்துகொள்ளலாம் என்று வைத்துக்கொள்ளுங்கள். ஆனால், இதில் இருக்கும் முக்கியமான பிரச்னை சிறு,குறு தொழில் முனைவோர்களின் பொருள்களுக்காகவே இருக்கும்  சந்தை, இதனால் குறைய வாய்ப்பிருக்கிறது.

ஜி.எஸ்.டி அமல்படுத்தப் பட்டால் பெரும்பாலும் பிரபல பிராண்டட் மற்றும் எஸ்.எம்.இ தயாரிப்பு பொருள்களுக்குக் கிட்டதட்ட விலை என்பது ஒரேமாதிரியாகவே இருக்கும். ஏனெனில், இதுவரை பில் இல்லாமல், இன்வாய்ஸ் இல்லாமல் ரொக்கமாகவே பெரும்பாலான சிறு, குறு தொழில்கள் நடந்து வந்திருக்கின்றன. அதற்கு இனி வாய்ப்பில்லை. அனைத்தும் இனி கணக்கில் வந்தாகவேண்டும். அப்படியிருக்க விலை வித்தியாசம் என்பது இல்லாத நிலையில் பிராண்டட் பொருள்களை வாங்கவே விரும்புவார்கள். இதனால் போட்டி அதிகரிக்கும், பெரிய நிறுவனங்களோடு போட்டி போட்டு சிறு, குறு நிறுவனங்கள் எப்படிச் சமாளிக்க முடியும் என்பது கேள்விக்குறியாகிறது” என்றார். 

கொஞ்சம் மெனக்கெட்டு இந்த ஜி.எஸ்.டி வரி நடைமுறைகளைப் பற்றி விவரமாக அறிந்துகொண்டு செயல்படுத்தினால் எல்லோருக்கும் பல விதங்களில் நன்மை இருக்கிறது. இதுவரையிலும் எஸ்.எம்.இ-கள் தங்களின் தொழில்களுக்காகச் செலுத்தி வந்த எந்தவொரு வரியையும் தங்களுடைய வரிச் செலுத்தும் தொகையில் கழித்துக்கொள்ளும் அம்சம் இல்லை. ஜி.எஸ்.டி-யில் அந்த அம்சம் இருக்கிறது என்பதே நல்ல விஷயம்தானே!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism