Published:Updated:

நீங்களும் செய்யலாம் ஏற்றுமதி பிசினஸ்! - 34 - ஏற்றுமதி தொழிலில் உள்ள ரிஸ்க்குகள்!

நீங்களும் செய்யலாம் ஏற்றுமதி பிசினஸ்! - 34 - ஏற்றுமதி தொழிலில் உள்ள ரிஸ்க்குகள்!
பிரீமியம் ஸ்டோரி
நீங்களும் செய்யலாம் ஏற்றுமதி பிசினஸ்! - 34 - ஏற்றுமதி தொழிலில் உள்ள ரிஸ்க்குகள்!

உங்களை அம்பானி ஆக்கும் வைபரேஷன் தொடர்கே.எஸ்.கமாலுதீன், மேலாண்மை இயக்குநர், ப்ளூபாரத் எக்ஸிம் பிரைவேட் லிமிடெட்

நீங்களும் செய்யலாம் ஏற்றுமதி பிசினஸ்! - 34 - ஏற்றுமதி தொழிலில் உள்ள ரிஸ்க்குகள்!

உங்களை அம்பானி ஆக்கும் வைபரேஷன் தொடர்கே.எஸ்.கமாலுதீன், மேலாண்மை இயக்குநர், ப்ளூபாரத் எக்ஸிம் பிரைவேட் லிமிடெட்

Published:Updated:
நீங்களும் செய்யலாம் ஏற்றுமதி பிசினஸ்! - 34 - ஏற்றுமதி தொழிலில் உள்ள ரிஸ்க்குகள்!
பிரீமியம் ஸ்டோரி
நீங்களும் செய்யலாம் ஏற்றுமதி பிசினஸ்! - 34 - ஏற்றுமதி தொழிலில் உள்ள ரிஸ்க்குகள்!

டந்த மூன்று இதழ்களில் ஏற்றுமதி செய்யும்முன்பு, நமக்கு என்னென்ன சான்றிதழ்கள் தேவை, ஏற்றுமதி செய்யப்படும் நாட்டில் உள்ள நடைமுறைகள், கட்டுப்பாடுகள் போன்றவற்றை இறக்குமதியாளரிடம் கேட்டு உறுதிப்படுத்திக்கொள்ள வேண்டியதன் அவசியத்தைப் பார்த்தோம். இந்த வாரம், நாம் ஏற்றுமதி செய்யப் போகும் நாட்டிலிருந்து உறுதிப்படுத்திக்கொள்ள வேண்டிய சில விவரங்களையும், ஏற்றுமதித் தொழிலில் உள்ள ரிஸ்க்குகள் பற்றியும் பார்க்கலாம்.   

நீங்களும் செய்யலாம் ஏற்றுமதி பிசினஸ்! - 34 - ஏற்றுமதி தொழிலில் உள்ள ரிஸ்க்குகள்!

நீங்கள் ஏற்றுமதி செய்யப்போவது எந்த நாடு என்பதை முதலில்  தேர்வு செய்தபின், அந்த நாட்டின் சில முக்கிய விவரங்களைத் தெரிந்துகொள்ள வேண்டும். அந்த நாட்டின் கரன்சி என்ன, அதன் முத்திரை (சிம்பல்) என்ன, அந்த கரன்சிக்கு நிகரான நம் கரன்சியின் மதிப்பு என்ன என்பவற்றைத் தெரிந்துகொள்ள வேண்டும்.

மேலும், ஏற்றுமதி செய்வதற்கான நாடுகளைத் தேர்வு செய்யும்போது, பொருள்களை  ஏற்றி, இறக்குவதற்கு (Transit) இல்லாத நாடுகளாகத் தேர்வு செய்வது நல்லது. அதாவது நேரடி விமானம், கப்பல் போக்குவரத்து வசதி கொண்ட நாடுகளாக இருப்பது நல்லது. இந்தியாவிலிருந்து 256 நாடுகளுக்குப் பொருள்கள் ஏற்றுமதி ஆகின்றன.

உங்களுக்கு ஏற்றுமதி ஆர்டர் தரும் ஒரு நிறுவனம் பிரைவேட் லிமிடெட் கம்பெனியாக இருந்தால், நீங்கள் அந்த நிறுவனத்தை நம்பி பிசினஸ் செய்யலாம். ஆனால், பிரைவேட் லிமிடெட் கம்பெனி என்பதற்கான விளக்கம் ஒவ்வொரு நாட்டிலும் வித்தியாசப்படுகிறது. எனவே, எந்த நாட்டில், எந்த மாதிரி வார்த்தை பயன்படுத்தப்படுகிறது என்பதைத் தெரிந்துகொண்டால் குழப்பம் இருக்காது.

ஏற்றுமதி தொழிலில் உள்ள ரிஸ்க் என்ன?

ஏற்றுமதித் தொழிலில் உள்ள ரிஸ்க் என்னவெனில்,  நாம் அனுப்பும் பொருளுக்கு ஒழுங்காகப் பணம் கிடைக்கிறதா, இல்லையா என்பதுதான். ஏற்றுமதியில் உள்ள ரிஸ்க்குகளை இரண்டு வகையாகப் பிரிக்கலாம். 1. நாடுகள் அடிப்படையிலான ரிஸ்க். 2. இறக்குமதியாளர் அடிப்படையிலான ரிஸ்க்.

நாடுகள் அடிப்படையிலான ரிஸ்க் என்று பார்த்தால், நாம் பொருள்களை அனுப்பக் கூடிய நாடானது வர்த்தக ரீதியிலும், அரசியல் மற்றும்  பொருளாதார ரீதியிலும் நம்முடைய ஏற்றுமதித் தொழிலுக்குச் சாதகமாக இருக்கிறதா, இல்லையா என்பதைப் பொறுத்ததாகும்.

இறக்குமதியாளர் அடிப்படையிலான ரிஸ்க் என்று பார்க்கும்போது, ஆர்டர் தருகிறவர்  நம்பகமானவரா, நாம் அனுப்பும் பொருளுக்கான  பணத்தை ஒழுங்காகக் கொடுப்பாரா, இல்லையா என்பதைப் பொறுத்ததாகும்.

ஒட்டுமொத்த விகடனுக்கும் ஒரே ஷார்ட்கட்!

நீங்களும் செய்யலாம் ஏற்றுமதி பிசினஸ்! - 34 - ஏற்றுமதி தொழிலில் உள்ள ரிஸ்க்குகள்!



இ.சி.ஜி.சி - ஏற்றுமதியாளர்களின் பாதுகாவலன்

இந்த ரிஸ்க்குகளிலிருந்து நம்மைப் பாதுகாக்கவே இ.சி.ஜி.சி (Export Credit Guarantee Corporation of India Limited) என்ற அமைப்பு செயல்படுகிறது. இதில் நாம் எதிர்கொள்ளப் போகும் ரிஸ்க்குக்கேற்ப இன்ஷூரன்ஸ் எடுத்துக்கொண்டால், நாம் சந்திக்கும் நஷ்டத்தைப் பெருமளவு குறைத்துக் கொள்ள முடியும்.  

இ.சி.ஜி.சி அமைப்பு, ஏற்றுமதி நாடுகளின் ரிஸ்க் தன்மையைப் பொறுத்து அவற்றுக்கு கிரேடு சிஸ்டத்தை நிர்ணயித்துள்ளது. எந்தெந்த நாடுகள் A1 கிரேடில் வருகிறதோ, அந்தந்த நாடுகளுக்குப் பொருள்களைத் தாராளமாக ஏற்றுமதி செய்யலாம். D கிரேடில் வரும் நாடுகள் அதிக ரிஸ்க் உள்ளவை. எந்த நாடு எந்த கிரேடில் உள்ளது என்பதை இ.சி.ஜி.சி இணையதளத்தில் பார்த்துத் தெரிந்துகொள்ளலாம். அதற்கான  இணையதள முகவரி: www.ecgcindia.in.

முதலில் ஆர்டர் கிடைத்து பெர்ஃபார்மா (Proforma) தயாரானதும், இ.சி.ஜி.சி அமைப்பிடம் சென்று அந்த இறக்குமதியாளரின் நம்பகத் தன்மையைக் கேட்டுத் தெரிந்துகொள்ள வேண்டும். இறக்குமதியாளர் தரப்பில் சிக்கல் இருக்கிறது எனத் தெரிய வந்தால், இ.சி.ஜி.சி அமைப்பிடம் உங்களுடைய ஏற்றுமதி ஆர்டரின் மதிப்புக்கு இன்ஷூரன்ஸ் எடுத்துக்கொள்ள வேண்டும். அதற்கு, குறிப்பிட்ட தொகையை பிரீமியமாகச் செலுத்த வேண்டும் அல்லது மொத்தமாக ஒரு தொகையை பிரீமியமாகச் செலுத்திவிட்டு, கொஞ்சம் கொஞ்சமாகவும் ஏற்றுமதி செய்யலாம்.

உதாரணமாக, ரூ.10 லட்சம்  ஆர்டருக்கு பிரீமியம் செலுத்தியும் இன்ஷூரன்ஸ் வாங்கலாம் அல்லது ஒரு கோடிக்கு மொத்தமாக இன்ஷூரன்ஸ் எடுத்து பத்து முறை ரூ.10 லட்சம் மதிப்புள்ள பொருள்களை ஏற்றுமதி செய்யலாம். ஆனால், அந்த இன்ஷூரன்ஸானது அதில் குறிப்பிட்டுள்ள இறக்குமதியாளருக்கு மட்டுமே பொருந்தும். வேறு இறக்குமதியாளருக்கு அனுப்பும் பொருளுக்கு இன்ஷூரன்ஸ் வேண்டுமென்றால், தனியாக வேறொரு இன்ஷூரன்ஸ் எடுத்தாக  வேண்டும்.

ரிஸ்க்கைக் குறைக்கும் உஷார் டிப்ஸ்

ஏற்றுமதி ஆர்டர்கள் தொடர்பான எந்தவொரு ஆவணத்தையும் வங்கியில்தான் கொடுக்க வேண்டும். அதாவது, நீங்கள் IE கோடு எடுத்த வங்கி, குறிப்பாக உங்களுடைய ஆர்டர் ஷிப்பிங் பில்லில் குறிப்பிடப்பட்டுள்ள வங்கியில்தான் ஆவணங்களைச் சமர்ப்பிக்க வேண்டும். அதனை ஸ்கேன் செய்தோ, பிரின்ட் எடுத்து கூரியர் தபால் மூலமாகவோ இறக்குமதியாளருக்கு ஒருபோதும் அனுப்பக் கூடாது. முக்கியமாக, பில் ஆஃப் லோடிங்கை அனுப்பவே கூடாது. இந்த  ஆவணத்தை சரண்டர் செய்யும்படி  இறக்குமதி யாளர்கள் கேட்பார்கள். இறக்குமதியாளர் கேட்கிறாரே என்று நினைத்து நீங்கள் சரண்டர் செய்தால், எந்த ஆவணமும் இல்லாமல் நீங்கள் அனுப்பிய பொருள்களைத் துறைமுகத்திலிருந்து இறக்குமதியாளர் எடுத்துக் கொண்டுவிட முடியும். பிறகு, அவரிடமிருந்து பணம் வாங்க நீங்கள்தான் அவர் பின்னால் அலைய வேண்டியிருக்கும். தவிர, ஆவணங்களை நீங்களே  இறக்குமதியாளருக்கு அனுப்பினால் இன்ஷூரன்ஸ் கிடைக்காது. 

(வெற்றி பெறுவோம்)