Published:Updated:

லாரியில் வந்தபோது சேதம்... இதற்கு உள்ளீட்டு வரி எடுக்க முடியமா?

லாரியில் வந்தபோது சேதம்... இதற்கு உள்ளீட்டு வரி எடுக்க முடியமா?
பிரீமியம் ஸ்டோரி
லாரியில் வந்தபோது சேதம்... இதற்கு உள்ளீட்டு வரி எடுக்க முடியமா?

ஜி.எஸ்.டி கேள்வி பதில்கள்ஜி.கார்த்திகேயன் ஆடிட்டர், கோவை

லாரியில் வந்தபோது சேதம்... இதற்கு உள்ளீட்டு வரி எடுக்க முடியமா?

ஜி.எஸ்.டி கேள்வி பதில்கள்ஜி.கார்த்திகேயன் ஆடிட்டர், கோவை

Published:Updated:
லாரியில் வந்தபோது சேதம்... இதற்கு உள்ளீட்டு வரி எடுக்க முடியமா?
பிரீமியம் ஸ்டோரி
லாரியில் வந்தபோது சேதம்... இதற்கு உள்ளீட்டு வரி எடுக்க முடியமா?

நாங்கள் கெமிக்கல் வியாபாரத்தில் ஈடுபட்டுள்ளோம். பொருள்களை லாரியில் ஏற்றிக்கொண்டுவந்தபோது கால் பங்கு  சேதமடைந்து உபயோகிக்க முடியாமல் போய்விட்டது. இந்தப் பொருள்களுக்கான உள்ளீட்டு வரியை எடுக்க முடியுமா?

தர்மராஜ், ஈரோடு.  

லாரியில் வந்தபோது சேதம்... இதற்கு உள்ளீட்டு வரி எடுக்க முடியமா?

“உங்களுடைய சேதமடைந்த பொருள்களுக்கோ, திருடப் பட்ட பொருள்களுக்கோ அல்லது தொலைந்துபோன பொருள்களுக்கோ உள்ளீட்டு வரியை நீங்கள் திரும்பப் பெற முடியாது. மேலும், நீங்கள் வெகுமதியாகவோ அல்லது மாதிரியாகவோ (சாம்பிள்)  தரப்படும்  பொருள்களுக்கு உள்ளீட்டு வரியைத் திரும்பப் பெறமுடியாது.”

யு.டி.ஜி.எஸ்.டி எந்த மாநிலத்தில் விதிக்கப்படுகிறது? இது குறித்த விவரங்கள் விளக்கமாகத் தேவை.

குணசேகர், திருவண்ணாமலை


“யு.டி.ஜி.எஸ்.டி என்பது யூனியன் பிரதேசங்களில் விதிக்கப்படும் வரியாகும்.  உதாரணமாக, தமிழகத்தில்  டி.என்.எஸ்.ஜி.எஸ்.டி என்கிற பெயரில் வரி விதிக்கப்படுவதுபோல, அந்தமான் நிகோபார் தீவுகள், லட்சத்தீவுகள், சண்டிகர், டாமன் அண்ட் டையூ, தாத்ரா மற்றும் நகர் ஹவேலி ஆகிய யூனியன் பிரதேசங்களில் மாநில அரசு விதிக்கக்கூடிய வரியானது யு.டி.ஜி. எஸ்.டி என்கிற பெயரில் விதிக்கப்படும். பொதுவாக, இந்த யூனியன் பிரதேசங்களில் சட்டசபை இருக்காது.”

நாங்கள் டேட்டா சென்டர் நிறுவனம் நடத்திவருகிறோம். ஜி.எஸ்.டி-க்குமுன், சேவை வரி செலுத்திவந்தோம். 2017 ஜூலை 1-ம் தேதி முதல் ஜி.எஸ்.டி.யின் கீழ் பதிவு செய்துவிட்டோம். எங்களின் வருட விற்றுமுதல் சுமார் ரூ.15 லட்சம். இது, ஜி.எஸ்.டி வரம்பான ரூ.20 லட்சத்துக்கும் குறைவுதான். இந்த நிலையில், நாங்கள் ஜி.எஸ்.டி வசூல் செய்ய வேண்டுமா, இதை எப்படி ரத்து செய்வது?

ஒட்டுமொத்த விகடனுக்கும் ஒரே ஷார்ட்கட்!

லாரியில் வந்தபோது சேதம்... இதற்கு உள்ளீட்டு வரி எடுக்க முடியமா?



சுரேஷ், மதுரை


“நீங்கள் சேவை வரியிலிருந்து ஜி.எஸ்.டி-க்கு மாறி, அதன் கீழ் பதிவு செய்து, நீங்கள் ஜி.எஸ்.டி வரியை வசூல் செய்ய வேண்டிய கட்டாயத்துக்கு உள்ளாகியிருக்கிறீர்கள். உங்கள் வருமானம் ரூபாய் 20 லட்சத்துக்குள் இருக்கும் பட்சத்தில், நீங்கள் ஜி.எஸ்.டி வரிப் பதிவை ரத்து செய்ய விரும்பினால், அதைத் தனியாக விண்ணப்பித்து இணையத் தொடர்பின் மூலம் ரத்து செய்யுமாறு கோரவேண்டும்.”

ஜி.எஸ்.டி சட்டப்படி, கட்டாயத் தணிக்கை அவசியமா ?

ராஜேந்திர பிராசாத், விருதுநகர்


“ஜி.எஸ்.டி சட்டப்படி, உங்களின் ஆண்டு மொத்த விற்பனை ரூ.1 கோடியைத் தாண்டினால், ஆடிட்டரின்  கட்டாயத் தணிக்கை அவசியம். உங்களது மொத்த விற்பனை ரூ.1 கோடிக்குக்கீழ் இருக்கும்பட்சத்தில் கட்டாயத் தணிக்கை தேவையில்லை.”

ஜி.எஸ்.டி-க்கு முந்தைய முறையில் நாங்கள் சேவை வரிக்கு உட்பட்டிருந்தோம். 30.6.2017-க்குமுன் சேவை அளித்ததற்காக சிலவற்றுக்கு ரிவர்ஸ் சார்ஜ் முறையில் சேவை வரி செலுத்தவேண்டியிருந்தது. அந்தத் தொகையை 3.7.2017 அன்று நாங்கள் செலுத்தினோம். எங்களுக்கு வரி கிரெடிட் கிடைக்குமா?

ஆர்.கதிரேசன், திருச்சி


“நீங்கள் 30.6.2017-க்குண்டான ரிவர்ஸ் சார்ஜ் வரியை 3.7.2017-ம் தேதி செலுத்தியுள்ளதாகக் கூறியிருக்கிறீர்கள். இதை டிரான்-1 படிவத்தில் எப்படி கிரெடிட்டாக எடுத்துக்கொண்டு, ஜி. எஸ்.டி முறையில் கிரெடிட் எடுப்பது எப்படி என்பது உங்கள் கேள்வி.

இது தொடர்பாக சமீபத்தில் ஒரு சுற்றறிக்கை வந்துள்ளது. இந்த அறிக்கையின்படி, நீங்கள் இந்தத் தொகையை கிரெடிட் எடுத்துக் கொள்ளலாம். மேலும், இதை முந்தைய ST3 படிவத்தில் குறிப்பிடாமலிருந்தால்,  அதை மாற்றம் செய்து தாக்கல் செய்தற் கான காலஅவகாசம் நீடிக்கப்பட்டு உள்ளது.

மேலும், இதை டிரான்-1 படிவத்திலும் மாற்றம் செய்து, உங்களுடைய சேவை வரி செலுத்திய கிரெடிட்டை, அடுத்த மாதங்களுக்கு எடுத்துச்செல்ல வாய்ப்பளிக்கும் வகையில் இந்தச் சுற்றறிக்கை அமைந்துள்ளது.”

 ஜி.எஸ்.டி நடைமுறையில் இறக்குமதிக்கு என்ன வரிகள் செலுத்தப்பட வேண்டும் என விரிவாகக் கூறுங்கள்.

கே.வெங்கடசுப்ரமணியன், திருவாரூர்


“சுங்கவரி மற்றும் அதற்குரிய தீர்வை (Cess) செலுத்தப்பட வேண்டும். இத்துடன், ஐ.ஜி.எஸ்.டி, எஸ்.ஜி.எஸ்.டி மற்றும் இழப்பீட்டுத் தீர்வை (Compensation Cess) ஆகியவையும்  செலுத்தப்பட வேண்டும்.

இதில் முக்கியமாகக் கவனிக்கப்பட வேண்டியது, முதலில் இறக்கமதி செய்யப்பட்ட பொருளோடு சுங்க வரியையும் அதற்குரிய தீர்வையையும் செலுத்தி, பிறகு அதன்மீதுதான்  ஐ.ஜி.எஸ்.டி, எஸ்.ஜி.எஸ்.டி, ஜி.எஸ்.டி இழப்பீடு தீர்வை செலுத்தப்பட வேண்டும்.”

ஜி.எஸ்.டி-யில் உருவாக்கப்பட்ட சலானுக்குக் கால அவகாசம் உள்ளதா?

ராமச்சந்திரன், திருச்செந்தூர்


“ஜி.எஸ்.டி தொகையைச் செலுத்துவதற்கான சலான், பதிவிறக்கம் செய்யப்பட்ட நாளிலிருந்து 15 நாள்களுக்குள் செல்லத்தக்கது. அதற்குப்பிறகு அது இணையதளத்திலிருந்தே நீக்கப்பட்டுவிடும். ஆனால், வேறொரு புதிய சலானை உருவாக்க உங்களுக்கு வாய்ப்புள்ளது.”

ஜி.எஸ்.டி வரி விகிதங்கள் 5,12,18,28 என்கிற விதத்திலுள்ள நிலையில், தீர்வை (Cess) என்கிற வரியையும் சில பொருள்களுக்கு விதிக்கப்படுவதாக கூறுகிறார்கள். இந்தத் தீர்வை  வரியை வசூலிக்கும் அதிகாரம் மாநில அரசுக்கு அல்லது மத்திய அரசுக்கு உள்ளதா?  இதுகுறித்து சற்று விளக்கமாகக் கூறுங்கள்.

ராமச்சந்திரன், மன்னார்குடி


“மத்திய அரசு, மாநில அரசு ஆகிய இரண்டும் சேர்ந்து ஜி.எஸ்.டி வரி விதிக்க வழிவகை செய்யப்பட்டுள்ளது. இதுதவிர, மத்திய அரசு ஒரு குறிப்பிட்ட நோக்கத்துக்காக வரியை வசூல் செய்வது தீர்வையாகும். இது ஒரு குறிப்பிட்ட நோக்கத்துக்காக வசூல் செய்யப்படும்.  குறிப்பிட்ட அந்த நோக்கம் நிறைவேறும் வரை  இந்தத் தீர்வை வரி நடைமுறையில் இருக்கும்.

இந்தத் தீர்வை வரியை மத்திய அரசு, மாநில அரசுகளுடன் பகிர்ந்துகொள்ள தேவையில்லை. இவ்வாறு வசூல் செய்யப்பட்ட பணம், அந்தக் குறிப்பிட்ட நோக்கத்துக்காக மட்டுமே செலவு செய்யப்பட வேண்டும். தற்போது ஜி.எஸ்.டி அறிமுகத்தின் மூலம் மாநில அரசுகளுக்கு ஏற்படும் வரி இழப்பை ஈடுகட்டக் கூடுதலாக 1 சதவிகிதம் வரி வசூல் செய்யப்படுகிறது.

இப்போது மாநில அரசுகளின் வருவாய் இழப்பு காரணமாக, ஐந்து ஆண்டுகளுக்கு மத்திய அரசு இழப்பீட்டுத் தொகையைத் தரும். அதற்காக வசூல் செய்யும் வரிதான் இந்தத் தீர்வை  வரியாகும். ஜி.எஸ்.டி.யில் மாநிலங்களுக்கு இழப்பீடு சட்டம் 2017-ல் இதுகுறித்து விரிவாக எடுத்துச் சொல்லப்பட்டிருக்கிறது.’’  

லாரியில் வந்தபோது சேதம்... இதற்கு உள்ளீட்டு வரி எடுக்க முடியமா?
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism